الراجل دا وزير معانا...وزير العمل ..مهازل

01:36 PM February, 07 2017

سودانيز اون لاين
عباس الدسيس-Saudia
مكتبتى
رابط مختصر

وزير العمل والاصلاح الاداري (دكتور) احمد بابكر نهار متحدثاً عن (البطاله)..!

الزول دا اخير منو اللمبي
لازم عمك بشة اتحفنا بالعينات دي

ياعبس بقت الوزارات كلها لمبي وشايتين ضفاري كمان
اصلوا كورة واطة ماعندهم
بالله عليك في عطالة اكثر من الكيزان ديل
ضاربين الطراوة السنة كلها
مايتعبوا الا لامن يرفعوا عصاياتهم في الهواء مكبرين ومهللين
الله يكتلهم ياخ

قال من اسباب البطالة
مخرجات التعليم العام والتعليم العالي
والتطور الحاصل في النمو السكاني اكثر من موارد القوي العاملة
بالله الفهم اقول لينا
زول غير مرتب ما عارف اقول شنو
عايز اعرف زي ديل بلقوهم وين قال دكتور

فعلا فضيحة .......

اللمبي لقي ليهو منافس ...

بوليصة التأمين ضد أضرار الاستماع للتصريحات الحكومية ولقاءات المسئولين

صراحة

الراجل قرفني جدا يا عباس

اللمبي فوقو النبي

هذا الرجل يتفوق عليه مليون سنة ضوئية

بالله الراجل دا جاي على اي اساس
وقايل حيسألوهو من عمتو ولا جلابيتو
دا راجل( فنان) بس

يا جماعة صلو على النبي
إنتو كنتو متوقعين شنو يعني من الجماعة ديل ، ياهم زي ما بيقولو ( سيم سيم )
من سنين شفتو ليكم وزير و لا مسئول طلع في فضائية و بيض وش الناس
كان بي صدق القول
أو ترتيب الأفكار و الردود الواضحة المقنعة

يا دسيس .. سلامات كتار ياخ

أنا طبعا شايت عكس .. وعجبتني فكرة الأسباب التي أدت (باللهجة السودانية العامية)
وعشان ما أطول عليك (حكاية الأسباب التي أدت) دي
ذكرتني نكتة معلمة العربي في اجتماع المعلمات لمناقشة (الأسباب التي أدت) برضو

اتخيل لي فاهمني مش ؟ تعبتني ياخ
وبرضو نسأل معاك: (دا وزير معانا)

مودتي

الراجل ده على أساس بقى وزير .. !!! ..
والله هذه قمة المهازل ..
وشيء يدعو للأسى والحسرة ..
ثم أصلاً ماهي الخطط والأفكار المنتظره ..
من من هكذا طرحه وطريقة تفكيره ..
لايجاد مخرجات وحلول تؤدي للقضاء على البطالة ..
أو تحسين بيئة العمل والنهوض بمعاش العمال ..
وايجاد فرص عمل جديدة لهم ..
مايحدث استخفاف بالشعب السوداني ..
لنا الله ..
لكن نقول الحق ما عليه هو ..
الحق على هذا النظام الفاشل ..
الذي جعل من الوزارات ومايختص بمعاش الناس ..
كوتات يتم تقسيمها وتوزيعها بمنتهى الاستخفاف والسخف ..

معقولة يا جماعة كنتو متوقعين وزراء بمستوى اعلى من كدا

هههههههههههه

والله انتو متفائلين 😂😂

هو الرئيس زاااتو شن طعمو الاهبل الهبنقة

لازم يجيب وزراء على مستواه كلهم فواقد تربوية

وهبنقات وحرامية برضو


تحياتي يا دسيس

وزير العمل والاصلاح الاداري أحمد بابكر نهار: ايجار مبنى الوزارة يبلغ (500)مليون جنيه في الشهر.. ما شلليات وكسير التلج



فاجأ وزير العمل والاصلاح الاداري أحمد بابكر نهار العاملين بالوزارة بأن تقلده لحقيبة الوزارة ليس رغبته الاولى، كاشفا أن ايجار مبنى الوزارة يبلغ (500)مليون جنيه في الشهر . وقال نهار في احتفال نظمته النقابة الفرعية للعاملين بالوزارة بمشاركة منظمات المجتمع المدنى ( أن وزارة العمل ليست رغبتي الأولى لكن السياسة هي التي قذفت بي اليها )، الا انه رجع وقال انه وزارته تعتبر من اهم الوزارات واذا لم ينصلح حالها ستكون المعوق لجميع الوزارات بالبلاد، وتعهد بحل كافة مشاكل الوزارة، والأخرى المتعلقة بالقوانين وبيئة العمل، محذرا مما أسماه بـ(الشلليات وكسير التلج) وقال (ماعايزين نكسر تلج ولا يكسروا لينا ) واضاف بالوزارة لا يوجد تفضيل بين شخص وآخر الا بالعمل، ولا نحمل رأيا مسبقا على شخص . وأشار نهار لاتفاقه مع وزير الدولة بالوزارة بالابتعاد عن المشاكل التى كانت بين النقابة والوزارة لانهم ليسوا ضلعا فيها، ووجه حديثه للنقابة قائلاً :(رجائى أن نتعاون للمصلحة العامة ولا تضعوا في بالكم انكم ستقودون الوزارة او العكس ) . من جانبه قال رئيس الادارة والخدمات بالنقابة العامة خيري النور (سنكون خير سند لسياسات الوزارة ) مؤكدا أن استقرار الوزارة يمثل استقرار الخدمة المدنية بالبلاد
صحيفة السوداني

Quote: ياعبس بقت الوزارات كلها لمبي وشايتين ضفاري كمان اصلوا كورة واطة ماعندهم بالله عليك في عطالة اكثر من الكيزان ديل ضاربين الطراوة السنة كلها مايتعبوا الا لامن يرفعوا عصاياتهم في الهواء مكبرين ومهللين الله يكتلهم ياخ

حيدر سلام يا حبيبنا
حيدر سلام الجماعه ديل طبعا فئات
بتاعين العصي ديل سماسرة السياسة والتماسيح
اما البرفعو اصبعهم ياخ الحركه بتاعت الاصبع مطلعه روحي
اها ديل فئة اللمبيه والنفاق
اخبارك يا الحبيب

السلام عليكم يا عبس أقول ليك .... مع المحاصصة اللي حتحصل في الحكومة الجاية في الغالب ( نتوكح ) بالوزير نهار مرة أخري.لأنه تقريبا الرجل الأول في أحد أحزاب الأمة التي تناسلت عن حزب الأمة الكبير .يا عبس لو قعدت ترصد في الحاجات دي حتسمع العجب .الله كريم .
.......................................


تم تعديل كلمة المحاصصة

Quote: فعلا فضيحة ....... اللمبي لقي ليهو منافس ...

وهبة سلام
شويت رصد ومتابعه افوتو بهناك
تحياتي وتقديري

Quote: بوليصة التأمين ضد أضرار الاستماع للتصريحات الحكومية ولقاءات المسئولين

ود الشايقي يا حبيبنا اخبارك
ادشدشنا واتكسرنا من حوادث الناس ديل
بعد كدا نمشي بطريق القطر ونفارق المرور السريع
اخبارك

Quote: صراحة الراجل قرفني جدا يا عباس اللمبي فوقو النبي هذا الرجل يتفوق عليه مليون سنة ضوئية

سلام عبداللطيف
مواهب مدفونه
تحياتي وتقديري

المساحة التي افردتها القناة لمعالي الوزير
كان يعطوها لي ناس حفائظ بامبرز
منها يزيد دخل القناة من عائد الاعلانات
ويرتفع سقف التسويق لحفائظ بامبرز
البشوف الجلابية والعمة يقول بعد نهاية اللقاء عاطل واحد تلقاهو حائم مافي
قال اصلاح اداري قال

يا ركس .. سلام

انتا مالك بتمشي تهبش وتسمع الحاجات الترفع الضغط ؟؟؟

عااالم بطاالـــــــــــــــة

Quote: بالله الراجل دا جاي على اي اساس وقايل حيسألوهو من عمتو ولا جلابيتو دا راجل( فنان) بس

سلام صديق اخبارك
لاحظ الخط لم بفصل المخرج عرف الزول كلامو مهبب فصل الخط
لو جابو ترباس كان افضل منو
انشاءالله غنية اللبن ابو لي بي
تحياتي

أخي عباس وضيوفك الكرام.. تحياتي،

دي (دي مخرجات) الاستوزار في سنوات القحط...

المدهش إنو كلو شوية بيطل على حاجة قدامو!؟


يا ربي الكلام البيقول فيهو دة مكتووووب!؟


حالتو دي المستضيفة فقدت الاتصال بالضيف الهمام....

Quote: يا جماعة صلو على النبي إنتو كنتو متوقعين شنو يعني من الجماعة ديل ، ياهم زي ما بيقولو ( سيم سيم ) من سنين شفتو ليكم وزير و لا مسئول طلع في فضائية و بيض وش الناس كان بي صدق القول أو ترتيب الأفكار و الردود الواضحة المقنعة

كمال سلام
والله ما شوفنا والحكاية من رئيسها مقدوده
السؤال الناس ديل ما بخجلو لي روحهم
تحياتي

Quote: يا دسيس .. سلامات كتار ياخ أنا طبعا شايت عكس .. وعجبتني فكرة الأسباب التي أدت (باللهجة السودانية العامية) وعشان ما أطول عليك (حكاية الأسباب التي أدت) دي ذكرتني نكتة معلمة العربي في اجتماع المعلمات لمناقشة (الأسباب التي أدت) برضو اتخيل لي فاهمني مش ؟ تعبتني ياخ وبرضو نسأل معاك: (دا وزير معانا) مودتي

ودابوعاقلة اخبارك يا وجيه
صدق وتأمن لا ينطبق عليه سوي حكاية التلميذ والمعلمة
مقدمة الاخبار عايزة تبكي منو عديل
تحياتي وتقديري

الدكتور احمد نهار ليس خطيبا مفوها ولا يجيد الكلام تحت الاضواء
ولكنه انسان مثقف جدا وادارى ممتاز وذو شخصية قوية ولو لا قوة شخصيته لما احتفظ به
السفاح حتى الان . حسب ما اسمع عنه انه وزير ناجح وانسان عملى جدا .
كما انه لا يجيد الحديث ايضا لا يجيد او يحب تكسير الثلج .
دكتور نهار شخص ثرى منحدر من اسرة ثرية لا يعرف
شئ اسمه الفساد او اختلاص اموال . بصراحة هو انظف وزير فى عصابة السفاح.
انا لو كنت فى محله لا الوث سمعتى ولا ارتبط مع مافيا الانقاذ القذرة

Quote: عبدالعزيز الفاضلابى

شكرا للدعم الفني والفيديو حبيبنا عبدالعزيز

Quote: الراجل ده على أساس بقى وزير .. !!! .. والله هذه قمة المهازل .. وشيء يدعو للأسى والحسرة .. ثم أصلاً ماهي الخطط والأفكار المنتظره .. من من هكذا طرحه وطريقة تفكيره .. لايجاد مخرجات وحلول تؤدي للقضاء على البطالة .. أو تحسين بيئة العمل والنهوض بمعاش العمال .. وايجاد فرص عمل جديدة لهم .. مايحدث استخفاف بالشعب السوداني .. لنا الله .. لكن نقول الحق ما عليه هو .. الحق على هذا النظام الفاشل .. الذي جعل من الوزارات ومايختص بمعاش الناس .. كوتات يتم تقسيمها وتوزيعها بمنتهى الاستخفاف والسخف ..

سلام حبيبنا جمال
المسألة ترضيات
وشغل قبائل وكتل حزبية
بدون توافق المعايير العلمية مع السياسية
الوزير قبل كل شيء شغلو خطابه والهيبه الوزاريه
تحياتي وتقديري

Quote: معقولة يا جماعة كنتو متوقعين وزراء بمستوى اعلى من كدا هههههههههههه والله انتو متفائلين 😂😂 هو الرئيس زاااتو شن طعمو الاهبل الهبنقة لازم يجيب وزراء على مستواه كلهم فواقد تربوية وهبنقات وحرامية برضو تحياتي يا دسيس المصدر

هيثم سلام يا حبيبنا
الناس علي دين ملوكها
من كبيرها خربانه
ما دام الكبير بعوس البقية لايهما تخمج الطين
اخبارك يا الحبيب

Quote: وزير العمل والاصلاح الاداري أحمد بابكر نهار: ايجار مبنى الوزارة يبلغ (500)مليون جنيه في الشهر.. ما شلليات وكسير التلج فاجأ وزير العمل والاصلاح الاداري أحمد بابكر نهار العاملين بالوزارة بأن تقلده لحقيبة الوزارة ليس رغبته الاولى، كاشفا أن ايجار مبنى الوزارة يبلغ (500)مليون جنيه في الشهر . وقال نهار في احتفال نظمته النقابة الفرعية للعاملين بالوزارة بمشاركة منظمات المجتمع المدنى ( أن وزارة العمل ليست رغبتي الأولى لكن السياسة هي التي قذفت بي اليها )، الا انه رجع وقال انه وزارته تعتبر من اهم الوزارات واذا لم ينصلح حالها ستكون المعوق لجميع الوزارات بالبلاد، وتعهد بحل كافة مشاكل الوزارة، والأخرى المتعلقة بالقوانين وبيئة العمل، محذرا مما أسماه بـ(الشلليات وكسير التلج) وقال (ماعايزين نكسر تلج ولا يكسروا لينا ) واضاف بالوزارة لا يوجد تفضيل بين شخص وآخر الا بالعمل، ولا نحمل رأيا مسبقا على شخص . وأشار نهار لاتفاقه مع وزير الدولة بالوزارة بالابتعاد عن المشاكل التى كانت بين النقابة والوزارة لانهم ليسوا ضلعا فيها، ووجه حديثه للنقابة قائلاً :(رجائى أن نتعاون للمصلحة العامة ولا تضعوا في بالكم انكم ستقودون الوزارة او العكس ) . من جانبه قال رئيس الادارة والخدمات بالنقابة العامة خيري النور (سنكون خير سند لسياسات الوزارة ) مؤكدا أن استقرار الوزارة يمثل استقرار الخدمة المدنية بالبلاد صحيفة السوداني المصدر

سلام يا ريس
شكرا علي الطلة
ما عايزين نقول كلام جرايد كما قال اللواء حميدتي
ولو هو فعلا زول كويس البباري الجداد بودوهو الكوشه
بعدين كلامو بتاع ما زول سياسية نفهم منو زي الدقشو قطر
الطرق التانية واسعه وكيبرة الموديهو بالسكة حديد شنو
عموما الزول دا عشان تاني ما اهبل نفسو اعمل ليهو ناطق اعلامي للوزارة دا لو بعرف علم وفعلا دكتور
تحياتي وتقديري

الغريبة أنا سمعت لهذا الوزير حديثاً أفضل كثيراً من هذا في لقاء سابق وهو ينتمي للمجموعات التي توافقت مع الإنقاذ وليس الكيزان وعلى ما أظن أن أخوه نهار هو بوردابي معنا هنا وربما قانوني
ويا دكتور بارودي دكتور نهار ما كان محتاج يلوث تاريخه بمشاركة سلطة فاسدة أضرت بأهله أكثر من غيرهم

شيخ الدسيس شايف البوست اتعَلَّق على استار المنبر
بختك بقيت من اصحاب المعلَّقات ,, اوع يقوموا يقرروه
على الطلبة.

معقولة يكون ده وزير تبع الحكومة..
..وهو بيقول ان سبب البطالة عدم الاستقرار الاقتصادي والسياسي و...و.....
يعني فضح الحكومة فضيحة...
ومش احتمال هو بيكون شغال من جوه عشان يسقط الحكومة ما دام انتو
بتقولوا انه من حزب اخر ....ولا انا ما فهمت الحوار كويس..
.بقول كده قبل يجوا اصحابنا ويتهموني بالجهل وان الوزير ما قال كلام زي ده....
.خليني كمان ارجع اسمع كلامه تاني....وارجع اضيف اذا في اضافة..
..ويا عزيزي عباس الدسيس الوزير ده ما معاهم مؤكد..
ودمت بالف خير

Quote: قبل يجوا اصحابنا ويتهموني بالجهل وان الوزير ما قال كلام زي ده....

يابنتى حاشاك الجهل ,, ارمى ورا ضهرك.
واعلمى أن الأوانى الفارغة تُحدث ضجيجاً اعلى.
وتمثَلى الامام الشافعى وهو يقول:
إذا نطق السفيه فلا تجبه فخير من إجابته السكوت
فإن كــــــلمته فـرّجت عنـه وإن خليته كـمدا يمـوت
إنتى طالبة نجيبة وأديبة وعقلك سابق سنِّك
وانا شخصياً فخور بيك ونجاحك بالنسبة لى
زى نجاح بناتى افرح بيهو ومايهمِّك البحصل
فى المنبر ده ,, المنبر ده نور ونار. الحمقى
يحترقون فى ناره والأذكياء مثلك يسيرون فى نوره.
والناس البتهاجمك دى ما فى سبب يخليك تلاقيهم
الا فى المنبر ده , وبعضهم يتمنى ان يمر مجرد مرور
من امام الجامعة التى تدرسين فيها.
بالمناسبة انا كتبت ليك فى البوست اللى قفلتيه وحسناً فعلتى
لأن مخاطبة الحمقى والجهلة تُعيى سليم الفطرة .

Quote: وتعهد بحل كافة مشاكل الوزارة، والأخرى المتعلقة بالقوانين وبيئة العمل، محذرا مما أسماه بـ(الشلليات وكسير التلج) وقال (ماعايزين نكسر تلج ولا يكسروا لينا ) واضاف بالوزارة لا يوجد تفضيل بين شخص وآخر الا بالعمل، ولا نحمل رأيا مسبقا على شخص . وأشار نهار لاتفاقه مع وزير الدولة بالوزارة بالابتعاد عن المشاكل التى كانت بين النقابة والوزارة لانهم ليسوا ضلعا فيها، ووجه حديثه للنقابة قائلاً :(رجائى أن نتعاون للمصلحة العامة ولا تضعوا في بالكم انكم ستقودون الوزارة او العكس ) . من جانبه قال رئيس الادارة والخدمات بالنقابة العامة خيري النور (سنكون خير سند لسياسات الوزارة ) مؤكدا أن استقرار الوزارة يمثل استقرار الخدمة المدنية بالبلاد صحيفة السوداني المصدر : بكرى ابوبكر

دا عضو معانا؟

Quote: السلام عليكم يا عبس أقول ليك .... مع المحاصصة اللي حتحصل في الحكومة الجاية في الغالب ( نتوكح ) بالوزير نهار مرة أخري.لأنه تقريبا الرجل الأول في أحد أحزاب الأمة التي تناسلت عن حزب الأمة الكبير .يا عبس لو قعدت ترصد في الحاجات دي حتسمع العجب .الله كريم . .......................................

عباس اخبارك يا وجيه
اللمبي ونهار لو مافي التشطيل الجاي سوف تفقد الحكومة بعض المشجعين
ديل لعيبه اساسيين
تحياتي وتقديري

Quote: البشوف الجلابية والعمة يقول بعد نهاية اللقاء عاطل واحد تلقاهو حائم مافي قال اصلاح اداري قال

ابوحراز سلام يا حبيبنا
لو صلح نفسو اكون ما قصر
عشان كدا الشباب كلهم مشو لباب الهجرة والاغتراب
قنعو من خيرا فيها

Quote: يا ركس .. سلام انتا مالك بتمشي تهبش وتسمع الحاجات الترفع الضغط ؟؟؟ عااالم بطاالـــــــــــــــة

مجيدو يا وجيه اخبارك
تقول شنو قلنا نركب القطر ونتاوق بالشباك
خالص التقدير

يا بارودي الله يهديك ياخ :

((ولكنه انسان مثقف جدا))

مثقف وين ياخ وما بعرف الأسباب دي بالسين ولا بالزاى
وزير .. ودكتور .. (ومثقف)
على الهواء .. وفي محطة أجنبية
معقولة بس

كسرة:
القناة ما بتكون هجمتو في التلفون ساي كدا .. أكيد أتصلوا عليه قبلها بوقت كاف
وما بعيد أدوهو نسخة من ورقة (الامتحان دا) أقصد الحوار دا

معليش يا عبس .. احتلينا البوست

Quote: أخي عباس وضيوفك الكرام.. تحياتي، دي (دي مخرجات) الاستوزار في سنوات القحط... المدهش إنو كلو شوية بيطل على حاجة قدامو!؟ يا ربي الكلام البيقول فيهو دة مكتووووب!؟ حالتو دي المستضيفة فقدت الاتصال بالضيف الهمام....

نصرالدين سلام يا حبيبنا
ناس القنوات بشففوك الاسئلة قبل الدخول مباشر
الراجل حصلت ليهو جوطه وعدم تركيز
وتلقي كره حاجة اسمها قنوات لي يوم الدين
تاني كان قالو ليهو تعال في راديو ما بجي

Quote: الدكتور احمد نهار ليس خطيبا مفوها ولا يجيد الكلام تحت الاضواء ولكنه انسان مثقف جدا وادارى ممتاز وذو شخصية قوية ولو لا قوة شخصيته لما احتفظ به السفاح حتى الان . حسب ما اسمع عنه انه وزير ناجح وانسان عملى جدا . كما انه لا يجيد الحديث ايضا لا يجيد او يحب تكسير الثلج . دكتور نهار شخص ثرى منحدر من اسرة ثرية لا يعرف شئ اسمه الفساد او اختلاص اموال . بصراحة هو انظف وزير فى عصابة السفاح. انا لو كنت فى محله لا الوث سمعتى ولا ارتبط مع مافيا الانقاذ القذرة

بارودي سلام
اولا لا يجيد الكلام السياسة غير الكلام فيها شنو
وحكاية الشخصية القوية من وين قدام الكميرا قعد اترقط وما قادر اجمع
الجابرو شنو علي البهدله وقت زول نظيف وثري
تحياتي وتقديري

Quote: الغريبة أنا سمعت لهذا الوزير حديثاً أفضل كثيراً من هذا في لقاء سابق وهو ينتمي للمجموعات التي توافقت مع الإنقاذ وليس الكيزان وعلى ما أظن أن أخوه نهار هو بوردابي معنا هنا وربما قانوني ويا دكتور بارودي دكتور نهار ما كان محتاج يلوث تاريخه بمشاركة سلطة فاسدة أضرت بأهله أكثر من غيرهم

عبدالصمد سلام يا حبيبنا
كلامك مظبوط وعشان هو حاسي بقول في كلام ما صحيح متلخبت
والمشاركة ودتو التوج

Quote: شيخ الدسيس شايف البوست اتعَلَّق على استار المنبر بختك بقيت من اصحاب المعلَّقات ,, اوع يقوموا يقرروه على الطلبة.

عبدالعزيز سلام
الريس ما بقصر معانا قبل كدا كثير طلعنا استار المنبر
تحياتي وتقديري