Post: #1 Title: تفتيش ارقام التلفونات و زيارات المواقع الالكترونية للزوار ... مشروع قرار من البيت الابيض Author: يحي قباني Date: 01-29-2017, 04:49 PM Parent: #0
Post: #2 Title: Re: تفتيش ارقام التلفونات و زيارات المواقع ال Author: يحي قباني Date: 01-29-2017, 04:53 PM Parent: #1
و الله كتابتنا هنا مع ناس الشغيل و البرنس و كل الاخوة الافاضل ... حتجيب لينا الهوا ...
Post: #3 Title: Re: تفتيش ارقام التلفونات و زيارات المواقع ال Author: يحي قباني Date: 01-29-2017, 05:00 PM Parent: #2
د. سهى أبو شامة ... السودانية و الطبيبة في كليفلاند كلينيك
Post: #4 Title: Re: تفتيش ارقام التلفونات و زيارات المواقع ال Author: اميرة السيد Date: 01-29-2017, 05:40 PM Parent: #3
السلام عليكم يحى قباني هذه هي حريات ترامب وعدالة ترامب وديمقراطية ترامب... ..ومرحبا بكم في بلد الحريات والعدالة والديمقراطية.... قالوا ليه شاور مستشارينك القانونيين والسياسيين قبل ما توقع اي قرار وقبل ما تصرح للصحف والتلفزيون ..قال ليهم انا ما بشاور اي زول....انا سيد نفسي...وقراراتي لحماية المواطن الامريكي.. وطبعا هو قاصد المواطن الامريكي المولود في امريكا مش اللاجئ الحصل على الجنسية بالتجنس....على الرغم من ان والده الماني ووالدته اسكتلندية وزوجته من سلوفينيا وحصلت على القرين كارد عام ٢٠٠٥م على ما اظن... والله يديك الصحة والعافية
Post: #5 Title: Re: تفتيش ارقام التلفونات و زيارات المواقع ال Author: Dr. Ahmed Amin Date: 01-29-2017, 06:00 PM Parent: #4
سلام وتحية الأستاذ يحي قباني والاستاذة أميرة ..
الذي ورد في القرار التنفيذي بان التقييد للدول المعنية مدته 90 يوماً ..
السؤال: ماذا سيحدث بعد فترة ال 90 يوماً ؟
Post: #6 Title: Re: تفتيش ارقام التلفونات و زيارات المواقع ال Author: يحي قباني Date: 01-29-2017, 06:03 PM Parent: #4
كُنتِ أجملْ ... لما كنتي
يا بتنا ...
و كنت انا الأخ الفاضل يحي قباني ...
ثقافة الاختلاف صعبة ... أدت الى انك طوالي قمتي بتجريدي من لقب كان عزيز جداً على قلبي لانه كنت فرحان بيك و بي صديقاتك ...
لكن هي المحكات ... لا ترحم ...
عموما ...
و عليكم السلامة اميرة السيد ...
Post: #7 Title: Re: تفتيش ارقام التلفونات و زيارات المواقع ال Author: اميرة السيد Date: 01-29-2017, 07:53 PM Parent: #6
عزيزنا الفاضل يحى ودقباني يا اخونا يحى والله نحن كلنا في قروبنا وزميلات الجامعة والعمل بنسميك يحى قباني الزول الدوغري..... وانت عصرت علينا شديد لمن هاجمنا ع.م.ص. والذي تعرفه ماذا فعل ....وبصراحة استغربنا شديد من هجومك على شخصي لانتي عبرت عن تنفسي بحب رسول الله...ونحن متاكدين من انك ايضا تتنفس بحب رسول الله كالسودانيين جميعا... ولكن صدقني لمن كتبت هذا التعليق اليوم لم يطرا ببالي ان اتذكر انك شددت علينا في ذلك البوست...ولكنك الان ذكرتنا.... ولسع انا بفرح بمخاطبتك الروعة لي ...يا بتنا....فهي كلمة مريحة لنا جميعا في هذه الغربة القساية...وجاء هذا الترامب ليزيد الشقاء ويزيد المعاناة ....واذا زرتنا سنرحب بك في بلد الحرية والديمقراطية والعدالة....البلد الاشاعة. ..امريكا....وقريبا قريبا ، وبعد اشهر قلائل سنفارق بلد الحرية والديمقراطية والعدالة الى الابد ، لنعود وللاسف لبلد الحرامية واللصوص والنهب...ومن مين؟؟ من مسؤوليها النافذين الذين يسرقون قوت الشعب لبناء القصور ...ولكن افضل من المذلة والهوان.... ونحن نردد... لا تسقني ماء الحياة بذلة بل فاسقني بالعز ماس الحنظل... والله يديك الصحة والعافية