Post: #1
Title: ح تسال ابليس اذا لاقاك ؟
Author: نعمات عماد
Date: 01-25-2017, 01:05 PM
Parent: #0
12:05 PM January, 25 2017 سودانيز اون لاين نعمات عماد-khartoum مكتبتى رابط مختصر بسم الله الرحمن الرحيم اللهم صلى وسلم على نبينا محمد وعلى آله وصحبه أجمعين
ح اساله انت لسه عاطل؟ ما ناوي ترجع وظيفتك منهم ؟
|
Post: #2
Title: Re: ح تسال ابليس اذا لاقاك ؟
Author: عبدالحفيظ ابوسن
Date: 01-25-2017, 01:14 PM
Parent: #1
اتي زولة جنة لكن ابليس دة تلاقيهو وين
|
Post: #3
Title: Re: ح تسال ابليس اذا لاقاك ؟
Author: نعمات عماد
Date: 01-25-2017, 01:27 PM
Parent: #1
كان ما اخاف الكذب ، قاعد جنب الحيط .... الفقري اتعقد ياخ.
مرحبابك ابوسن كيفك و الاسرة ان شاء الله بخير
|
Post: #4
Title: Re: ح تسال ابليس اذا لاقاك ؟
Author: سامر دوشه
Date: 01-25-2017, 01:48 PM
Parent: #1
Quote: ما ناوي ترجع وظيفتك منهم ؟ |
سلامات
طيب لو رد ليكي و قال : مسخوها لي زاتو ..
اها موقفهم حيكون أصعب من موقف الكلاكلة يوم الخميس زاتو .
تحياتي.
|
Post: #5
Title: Re: ح تسال ابليس اذا لاقاك ؟
Author: عبد الباقي الجيلي
Date: 01-25-2017, 02:18 PM
ح يقول ليك :
اعط الخبز لخبازه .....
ولو ياكل نصو ....
|
Post: #6
Title: Re: ح تسال ابليس اذا لاقاك ؟
Author: نعمات عماد
Date: 01-25-2017, 03:55 PM
Parent: #1
مرحب بيك البرلوم المتألق سامر دوشه موضوعك عن الجبال جميل و الصور رائعة. قلت اصعب من موقف الكلاكلة ساعة الذروة.... تذكر عادل امام لمن كان بيقول: طب لو مراتك شافتك وانت بتتهزا كدا موقفك ح يكون ايه في الامم المتحدة؟ و الله الموضوع مر عادي في الامم المتحدة... زي الما حصل حاجة!! و ابليس متمحن.....
|
Post: #7
Title: Re: ح تسال ابليس اذا لاقاك ؟
Author: نعمات عماد
Date: 01-25-2017, 08:10 PM
Parent: #1
مراحب اخ عبد الباقي الجيلي
على رأيك ابليس خلاهم يخبزو و وقف يتفرج و يتعلم
يقول المثل الروماني :
لا يخرج من بيضة الشيطان الا شيطانا صغيرا.
بينما الجماعة ديل يبيضون و يلدون بلاوي تدهش
ابليس الملعون حتى يكاد ان يتبسمل و يتحوقل .
اعوذ بالله منهم و من ابليس و جماعته.
|
Post: #8
Title: Re: ح تسال ابليس اذا لاقاك ؟
Author: معاوية عبيد الصائم
Date: 01-25-2017, 10:22 PM
Parent: #7
والله ي مواطنة اخاف يجى يوم نعمل تابين ل مسيلمة سيد الاسم من فعائل هولاء الاغراب ونكرم ابليس فى نفس يوم التابين
تحياتى
|
Post: #9
Title: Re: ح تسال ابليس اذا لاقاك ؟
Author: Arif Nashed
Date: 01-26-2017, 08:50 AM
Parent: #8
حيروا ابليس زاتو .. ابليس برسل عيالو اتعلموا منهم ..
|
Post: #10
Title: Re: ح تسال ابليس اذا لاقاك ؟
Author: محمد البشرى الخضر
Date: 01-26-2017, 09:01 AM
Parent: #9
تحياتي دكتورة نعمات حايمة الأيام دي نكتة في الواتساب عن زيارة مسؤول لكوستي قام الجماعة جابو تور ضبحوه قدّام المسؤول, أول ما المسؤول مشى و الناس شايلين اكياسهم راجين اللحمة و الكرامة الجماعة رفعوا التور المضبوح في البوكسي الجابو زاتو اتاري طلعوا مأجرينه من جزّار اساسا كان ح يضبحو للبيع النكتة ان الفاتورة ظهرت في الحسابات بمبلغ اربع مليون قيمة التور و واجرة الضباح و البوكسي في حين فعليا مأجرين التور بي 250 الف و البوكسي بـ خمسين صاحب النكتة اضاف العبارة التالية التي تناسب موضوع البوست (ابليس كان بتفرّج في الحاصل بلع السفة من الدهشة)
|
Post: #11
Title: Re: ح تسال ابليس اذا لاقاك ؟
Author: نعمات عماد
Date: 01-26-2017, 11:42 AM
Parent: #1
يا مواطن سلام . خوفك في محلو....
الاسموا ابليس دا. لو متابع البوست ح يقعد
يزن لمن يلقا جماعة يكرموا هو و المسيلمة و
بعدها عادي في الويكبيديا يسموهم انبياء من غير كذبة.
|
Post: #12
Title: Re: ح تسال ابليس اذا لاقاك ؟
Author: حماد الطاهر عبدالله
Date: 01-26-2017, 12:52 PM
Parent: #11
كلام لم يرد بكتاب تبليس إبليس. ومثل جديد لنج: إبليس ولا المتأبلس.
|
Post: #13
Title: Re: ح تسال ابليس اذا لاقاك ؟
Author: نعمات عماد
Date: 01-28-2017, 11:57 AM
Parent: #1
سلام اخوتي عارف ناشد و محمد البشر وحماد الطاهر
اسفة للتاخير بسبب معاناتي مع النت.... وكمان اتهم
ابليس بان له يد في الموضوع ( وجه ضاحك) .
يا عارف ناشد
الجماعة علموا الناس العاديين الاحتيال.. فما بالك
بعيال ابليس.
يقول الفاتح جبرا انه باستضافة قناة النيل الازرق لابن
يروجان لمنظم غاز مصنوع في الهند على انه من اختراعهما.
و فوق ذلك يبيعانه بأضعاف سعره الاصلي.
|
Post: #14
Title: Re: ح تسال ابليس اذا لاقاك ؟
Author: نعمات عماد
Date: 01-28-2017, 12:12 PM
Parent: #1
ما هين يا ابليس الملعون!
تصحيح للمداخلة السابقة :
تفاجأ الاستاذ الفاتح جبرا باستضافة قناة النيل الازرق
لشابين يروجان لمنظم غاز مصنوع في الهند على انه من
اختراعهما . استاذ جبرا جلب نفس المنظم من احدى سفراته.
|
Post: #15
Title: Re: ح تسال ابليس اذا لاقاك ؟
Author: Shaker Hamid
Date: 01-28-2017, 12:53 PM
Parent: #14
ابليس اغترب مشى حتة تانية هجر البلد دى يقعد يعمل شنو هنا
|
Post: #16
Title: Re: ح تسال ابليس اذا لاقاك ؟
Author: نعمات عماد
Date: 01-28-2017, 01:53 PM
Parent: #1
سلام يامحمد الخضر
معليش تلفوني ناقص حرف و ما عايزة اضرسك.
قلت لي ابليس بلع السفة ! ! والله ضحكت ضحك....
حكاية المحتالين الضبحو الثور بالغش تشبه حكاية
الدولار البيزيد و ينقص بالاشاعات و البوستات
الكاذبة و عييييك .... و عاااااك..... و انبهلت...
و بعد شوية يلمو عدة الشغل و يغيبو من المسرح
غايتو يوم من الايام النمر ح يهجم عليهم زي ما هجم على
محمود في القصة ديك .
قال ليك ابليس قال لديكتاتور :
انا ممكن اعمل الناس حرامية و قتلة وووو
الديكتاتور حكي لابليس عن البيعملو في شعبو
رد ابليس: اعوذ بالله منك!
|
Post: #17
Title: Re: ح تسال ابليس اذا لاقاك ؟
Author: نعمات عماد
Date: 01-30-2017, 10:03 AM
Parent: #1
( ابليس و لا المتابلسين) !
صدق حماد الطاهر عبدالله.
ما علاقة الاستاذة العام عبد الحفيظ بالشابين المحتالين ؟
و لماذا تلقى الاستاذ الفاتح جبرا تهديدات و شتائم ؟
|
Post: #19
Title: Re: ح تسال ابليس اذا لاقاك ؟
Author: Khalid Elsayed
Date: 01-30-2017, 10:59 AM
Parent: #17
ابليس قدم استقالتو زمان ابليس لقي نفسو مظلوم
|
Post: #18
Title: Re: ح تسال ابليس اذا لاقاك ؟
Author: نعمات عماد
Date: 01-30-2017, 10:57 AM
Parent: #1
الاستاذة انعام عبد الحفيظ وزيرة الثقافة و الاعلام بالجزيرة اقامت مزاد
لبيع اول جهاز منظم للغاز احضره لها الشابان المحتالان و ادعيا انهما قد
اخترعاه. و رسا المزاد على الاستاذة انعام ، بمبلغ يزيد قليلا عن
200 الف دولار ( 4 مليون جنيه) .
علما بان الجهاز من اختراع و تسويق شركة nandini marketing الهندية.
|
Post: #20
Title: Re: ح تسال ابليس اذا لاقاك ؟
Author: نعمات عماد
Date: 02-04-2017, 11:25 AM
Parent: #1
Quote: ابليس اغترب مشى حتة تانية هجر البلد دى يقعد يعمل شنو هنا
|
سلام و تحية أستاذ حامد شاكر
عقبال ما يغتربوا المتأبلسين و يلحقوا أبليس .
شكرا لمرورك الكريم .
|
|