الطوطَحَانِيَة. !!

10:18 PM January, 21 2017

سودانيز اون لاين
فاروق أبوحوه-UNITED ARAB EMIRATES
مكتبتى
رابط مختصر

.و رجَعتَ ..
في ذات الصباح
الوُجهه ..
مُفتَرق (الرياح)
الدنيا ..
(صَنفَرَة) الكِضِب
عُهر المسافات (الرَمَض)
علي نحوِ قارعة (الحريق)
أقبِل علي هذا المضض
النيل و شاكِلَة السيول
مافي النِشِف أو إمتَعَض
في الصمت .. في السر العلن
دايماً ،،
(يكَلكِلُو) ،،
في بعض.
،،،، .. ،،،،
كانت ،،
سِيَاطَك يا هجير
تنقح ،،
جِليد الأمنية !!
و الأمنية ..
تلك الحبيبة ،،
المُضنِّية .
بِتعُوس كِسَاراً كافيه
كل (المَرَايِيق) ..
في كل بقاع الأغنية
نَقَرت مزازيك الجِيَاع
أن هيَّا هيَّا إلي ،،
(البِتَاع) ؛؛
(الفَتّه) فلسفة ؛؛
الصِراع !!
يا قادرة تدينا المتاع
كلما انهزم ؛؛
فينا اليراع . .

بين الشروق ،،
و الأمنيات ..
عُشرَه و مِلِح ..
صُحبة كَنَب ..
لا مواءمه ..
لا مصالح ..
و لا كمان ،،
مَسحَة شَنَب!!
ناصعين في أطوار الوضوح
أوضَح من النجمه (أم ضَنَب)
في الدنيا ،،
ساساق التعب ..
رفع السَقِف ؛؛
قبل العتب.
الحسره و الأسف الكعب
متبرجة ،،
كل النُعوت. .
و اللِذّة عالية الكعب ..!
السُلطَه ،،
و الحُكم الرشيد
الثروة ،،
و القصر المَشِيد
( بير) التسامي ؟
مُعطّلة ..!!
و هذا كُنه المُعضِلة
ياللأسف ..
الفقر يهتف أن تشيد
هِدم السماحات الشهيد
القذفُ ؟
للطلعِ (النضيد) !!
والخِزيُ ؟
(تَربَسَة) النشيد !!
الحزنُ ؟
شَرعَنَة الأسِّية !!
و العقيدة الغابوية . .!!
الموتُ ؟
مِقصلة الحلم
الموت ؟
كَمكَمَة القضية !!
الفوضوية . .
العنفُ ..
بَلبَلَة الهوية
البابوية ؟
الساسوية..الما سَوِّية
و ..
وطنك هناك ..
نادَي الهلاك ..
سوقني معاك ..
أمرُقنِي من هذا الوجع
هذا الزمان ..
الطوطَحَانِيَة.
._________
فـاروق أب حُـوَّه

جميل انت في الغياب والحضور

جميلة الطوطحانية ياخ..

ازييك يا زول يا جميل..وحشتنا.

الجميل محمد خليل

إزيك يا فنان ..

تسلم يا غالي و ممتن علي الحروف الزواهر



كل الود