أي زول ما جدو العباس؛ لا نتشرف بضيافته هنا. ما عندنا وكت للشرح. ناس السلبطة بتاعين غلام الله بن عائد وما بفرزوا المذكر من المؤنث ديل؛ عليكم الله، ما تتعبونا ساكت عندك شهادة نسب بسبعة أختام زي بتاعت عرفات ديك؛ مرحب بيك ما عندك؛ دي حرية تعبير وما دايرين زعل.
بلقيس:
Post: #2 Title: Re: بلقيس بنت سالم الحكمانية؛ بوست وناسة للأع Author: محمد المسلمي Date: 01-18-2017, 07:23 PM Parent: #1
المستنير. سلام
شائف كلمة هالك أكلت معاك جمبة 😂😂😂😂
---- غلبني افوتها أمس لكن عصرت علي نفسي 🙈🙈
Post: #3 Title: Re: بلقيس بنت سالم الحكمانية؛ بوست وناسة للأع Author: sadig mirghani Date: 01-18-2017, 07:29 PM Parent: #1
بوست حزين للدين نحن رطانة نقع وين يعني جدنا تهراقا ما بشفع
Post: #4 Title: Re: بلقيس بنت سالم الحكمانية؛ بوست وناسة للأع Author: حيدر حسن ميرغني Date: 01-18-2017, 07:43 PM Parent: #3
انا سليل رماة الحدق العربية مرت بينا في الاول بعدين جاتكم :)) - ابو امنة حامد قال هو ووردي اشتغلوا معلمين لغة عربية في شنندي .. تخيييل
Post: #5 Title: Re: بلقيس بنت سالم الحكمانية؛ بوست وناسة للأع Author: أبوبكر عباس Date: 01-19-2017, 03:34 PM Parent: #4
هالك يا مسلمي، أكلت معاي جنبتين ما واحدة؟ الأولى: شعرت انو الزول الاسمو برنس عطبرة دا يحاول قهري، عطبرة كمان فيها برنس؟ كلها تلاتة عجلات وقضيب قطر. التانية: أنا أصلا متحسس من انو حياتي مرت وتمر دون أن أترك بصمة أو بسمة حقيقية أو اضافة للبشرية. زي ما قال محسن خالد: بس قاعدين تاكلوا وتترسوا المستراحات يا أخي، وحات شنو كدا ما عارف، كل ما أقعد في مقعد البتاع داك، قاعد أتذكر كلام محسن دا، واشيل نفس تقيل وأقول: اححححح
Post: #6 Title: Re: بلقيس بنت سالم الحكمانية؛ بوست وناسة للأع Author: أبوبكر عباس Date: 01-19-2017, 03:51 PM Parent: #5
نعما شرح عام للقصيدة لغير أحفاد العباس، بعد داك نرجع نستمتع بالصور البلاغية في القصيدة مع احفاد عم النبي.
Post: #7 Title: Re: بلقيس بنت سالم الحكمانية؛ بوست وناسة للأع Author: محمد الامين محمد Date: 01-19-2017, 04:01 PM Parent: #6
انا خايف سيد البوست نعمل ليهوDNA يطلع ماينس 90
Post: #8 Title: Re: بلقيس بنت سالم الحكمانية؛ بوست وناسة للأع Author: adil amin Date: 01-19-2017, 04:05 PM Parent: #6
العرب احفاد اسماعيل عليه السلام فرع من كوش ...وكوش هو حام بن نوح جد السودانيين الاصليين ماركة وحيد القرن..لان هاجر ام اسماعيل كوشية حامية يعني جد الرسول (ص) هجين وليس سامي نقي ذى ناس شعب الله المختار "اليهود" ونحن والعرب " القدم بي القدم والامات خدم"
Post: #9 Title: Re: بلقيس بنت سالم الحكمانية؛ بوست وناسة للأع Author: أبوبكر عباس Date: 01-19-2017, 04:15 PM Parent: #8
مرجعية العروبة في هذا البوست هي شهادات النسب الموجودة عند أحفاد العباس بصوالينهم زي الشهادة الجابها لينا عضو المنبر الشريف عرفات. الموضوع لو تحول لكوش وتهراقا ومروي؛ فمرجعيتنا هو المك الموشي عبد الله شم والشاهد اهرامات البجراوية جنب شندي، وحميدتي قال: مرجعيته حفيد العباس عمر البشير لا غير
فشنو؟ خلونا نتونس دون لخبطة سلوك
Post: #10 Title: Re: بلقيس بنت سالم الحكمانية؛ بوست وناسة للأع Author: Hafiz Bashir Date: 01-19-2017, 05:17 PM Parent: #9
هالك يا مسلمي، أكلت معاي جنبتين ما واحدة؟
هسه علامة الإستفهام في الجملة الفوق دي لزومها شنو؟
ماني متسلبط في بوستيك دا و العباس ما جدي لكن في الحسبة عماً لي جدي.
و مثلي لا يسأل من شهادات
Post: #11 Title: Re: بلقيس بنت سالم الحكمانية؛ بوست وناسة للأع Author: أبوبكر عباس Date: 01-19-2017, 05:54 PM Parent: #10
علامة الاستفهام يسبقها سؤال مفترض لزوم تشويق الونسة مني بقول: قول لي كيف يا مسلمي، اكلت معاي جنبتين؟
Post: #12 Title: Re: بلقيس بنت سالم الحكمانية؛ بوست وناسة للأع Author: Hafiz Bashir Date: 01-19-2017, 06:12 PM Parent: #11
معقولة بس يا مستنير تمسك في علامة الإستفهام و تخلي أجدادي العمهم العباس؟
و كمان أزيدك من ناحية الحبوبات حبوبتي أبوها يزدجرد بن شهريار بن برويز بن أنوشروان.
Post: #13 Title: Re: بلقيس بنت سالم الحكمانية؛ بوست وناسة للأع Author: أبوبكر عباس Date: 01-19-2017, 07:15 PM Parent: #12
بالله، شوف محمد الأمين محمد التعبان دا! مرجعية الDNA نحنا ديل يعني لو آل سعود ما طلعوا ليهم نفس الخرطة الجينية لعمر البشير والشريف عرفات معناهو الناس ديل دخلاء على الجزيرة العربية أمشي اتثقف وأقرأ لابن القيّم تاريخ هجرات العرب لشمال السودان تعبان انتا يا ود اللمين
Post: #14 Title: Re: بلقيس بنت سالم الحكمانية؛ بوست وناسة للأع Author: adil amin Date: 01-20-2017, 04:40 AM Parent: #13
عرب الخليج" السود" ديل ...هم ايضا كوشيين (اتفاقية البقط) ما رجعو من الاعارة للسودان القديم بعد ثورة الزنج في البصرة والقرمطي في الاحساء..يعني سودانيين زمااااااااان من البصرة مرورا بي الخليج حتى الدولة الصليحية في اليمن .. السودان= بلاد كوش كوش بن حام بن نوح ده زول عديل خلي اللف الدوارن وكوش هو جد كل السودانيين الصميمين ماركة وحيد القرن يظهر عليكم لافين صينية في قصة الهوية لحدي الان.. العجم والعرب الاصليين بميزو السودانيين بي(( سلوكهم ))بس وفي يو تيوب بالطن عن من هم السودانيين "الاصل" اكتب في يوتويب ماذا قالو عن السودان وعن السودانيين عبر العالم من تلقى الزول حلاف مهين وهماز مشاء بنميم ومناع للخير معتد اثيم وعتل بعد ذلك زنيم... ده ما سوداني صميم ولو عرض صقرية
Post: #15 Title: Re: بلقيس بنت سالم الحكمانية؛ بوست وناسة للأع Author: muntasir Date: 01-20-2017, 06:53 AM Parent: #14
صح لسانها مشيت أجيب الشهادة أم ختم بس قالوا الشبكة طاشة تحياتي أخي المستنير لك ولزميلك الأستاذ مسيلمة وصر صرار صرة فخيط
Post: #16 Title: Re: بلقيس بنت سالم الحكمانية؛ بوست وناسة للأع Author: أبوبكر عباس Date: 08-22-2017, 09:21 AM Parent: #15
جمعتني ليلة شعرية مع الحكمانية، دي كانت من أجمل اللحظات، مباراة الناس المثقفين المروقين فيهو متعة عجيبة، الناس الفقر بملوك فقر
Post: #17 Title: Re: بلقيس بنت سالم الحكمانية؛ بوست وناسة للأع Author: محمد على طه الملك Date: 08-22-2017, 05:21 PM Parent: #16
اعطني إبلي فللبيت رب يحميه .. عاد نبقى على جنس دا؟ خلينا مع بت سالم احسن.
Post: #18 Title: Re: بلقيس بنت سالم الحكمانية؛ بوست وناسة للأع Author: عبدالعظيم عثمان Date: 08-22-2017, 05:27 PM Parent: #17
يا بكور شوف ورقة النسب الفوق دي نكتها حاتم من موريتانيا لصيق ساي
Post: #19 Title: Re: بلقيس بنت سالم الحكمانية؛ بوست وناسة للأع Author: عبدالحفيظ ابوسن Date: 08-22-2017, 06:04 PM Parent: #18
اها يا بكري نجيبها ليك كبيرة .. في قبيلة سودانية بقولو اصلهم من ايطاليا رأيك شنو إذا أكلت معاك جمبة معناتو جمبتك التانية اصلية !! قالوا الجمل بقودو من رسنو ما من ضنبو
Post: #20 Title: Re: بلقيس بنت سالم الحكمانية؛ بوست وناسة للأع Author: محمد على طه الملك Date: 08-22-2017, 06:11 PM Parent: #19
انت صدقت يا عبد العظيم ؟ هو أصلا لو نازل بالعباس مالو ومال بلقيس .. ما يفتح بآمنة بت وهب ولّ خديجة .. كنت عايز أضيف لكن خفتهم يشبكوني شيعي ومش عارف أيه.. شكرا على الفيديو الجميل.
Post: #21 Title: Re: بلقيس بنت سالم الحكمانية؛ بوست وناسة للأع Author: MOHAMMED ELSHEIKH Date: 08-22-2017, 06:12 PM Parent: #19
لاحولتااااان نسيت شدرة النسب المختومة في درج المكتب التعيس.
المشكلة نزلت معاش ( والله صحي) ومابقدر ارجع المكتب. تلاتة شهود عدول ينفعو يا مستشار؟
Post: #22 Title: Re: بلقيس بنت سالم الحكمانية؛ بوست وناسة للأع Author: أبوبكر عباس Date: 08-22-2017, 07:34 PM Parent: #21
في البريك وكت الأكل، والأكل حاجة عجيبة، الحملان الما قرمت القش شفتوها، لون اللحم فوق للرز تبري مخلوط بخمري، المكسرات والزبيب، الزيتون والليمون ولون البصلة برضو خمري، بعد شبعت بعيوني وقبل الالقاء الشعري الثاني، قلت كدي النشوف عطالة الاسافير كاتبين شنو، لقيت خيارين مقال لحبيبي ع ع إ والتاني للشفيع خضر الشفيع ما قاعد أحبو، ما عارف بسبب جضومو، ولّ ساي المهم بعد دا اخترت مقال الشفيع بعد خلصت مقالو قلت معقول الكديس دا عارف مقولة أنشتاين دي ليهو تلاتين ولّ أربعين سنة؟! أنا لو كان وقعت في طريقي من زمان كنت قلت للناس: لقد وجدت الله كان كفتني شر الكتابة في هذا المكان الآن أقول: لقد وجدت الله لعنة الله عليك يا أنشتاين يا رعديد، يا كافر
Post: #23 Title: Re: بلقيس بنت سالم الحكمانية؛ بوست وناسة للأع Author: علي دفع الله Date: 08-22-2017, 08:18 PM Parent: #22
ههههههههههههههههه
Post: #24 Title: Re: بلقيس بنت سالم الحكمانية؛ بوست وناسة للأع Author: MOHAMMED ELSHEIKH Date: 08-24-2017, 01:57 PM Parent: #23
ود دفع الله في ضمتك ضحكت في شنو؟
Post: #25 Title: Re: بلقيس بنت سالم الحكمانية؛ بوست وناسة للأع Author: Kabar Date: 08-24-2017, 06:09 PM Parent: #24
قال الأعشى الأكبر:
وقد غدوت الى الحانوت يتبعني شاو مشل شلول شلشل شول
ونسة عن فن الميدان:
كنت قاعد افتش للخيط ده وراح مني في ذات صرة مصرورة صرا صريرا في ذات صر صراي..!
ول ابا ابكر ، مع ان عنوانو بيخلي بعض الناس تتحسس شوية ، قام ذكر كلمة مفتاحية (وناسة) أي ونسة..أي سمر..يعني صاحبنا عندو شوية فكرة عن الموضوع لكن عامل شغلانة الفكي الحسود الذي يفك بعض الأشياء ويعمل نايم بالبعض الآخر.. ولأول مرة يا ابوبكر اسمع العمانيين..وكل ما اغمض عيني واسمع تعليقات الأخ المذيع ورد البنية بلقيس..كأني في كيلك ام زقاف..بعيد هناك في الفرقان..!
النوع ده من الشعر هو فن الميدان العماني ، وسموه الميدان لأنو بيتقال في ميدان فسيح بعيد شوية من الحلة أو الحي.. يعني مكان السمر وتشترك فيهو النساء والرجال..وفي الثقافات السودانية توجد فكرة المدى..أي المكان الذي يتجمع فيهو الشبان (نساءا ورجالا) بعيدا ويقولون الشعر المنظوم..وكذا مجلس البرامكة (مجلس شرب الشاي)..وايضا يقولون فيه الشعر..!
العمانيون يعرّفون هذا النوع من الشعر ..فن الميدان..ويقولون عنه التلاعب بالفاظ وكلمات اللغة العربية..!
نفس النمط ، نمط التلاعب بالألفاظ ، موجود برضك في الثقافات السودانية..مثلا المسيرية عندهم مقولة:
كن بتط اط ، وكن ما بتط قول ابط..!!.. وهي كلها كلمات ذات معاني..ندي الناس فرصة..تجتهد في اكتشاف المعاني..!
مثلها مأثورة: طبقنا طبق طبقكم يقدر طبقكم يطبق طبقنا ، زي ما طبقنا طبق طبقكم؟
اما اوضح نموذج لفن الميدان ، رمية مشهورة في السودان ، اداها بابكر ود السافل ، ثم قلده المقلدون فيها..ولأن نسخة ود السافل الأصلية ليست معي..فاني اقتبس اخر نموذج باداء الفنان طه سليمان..والرمية طويلة ولكن نختار منها ما يطابق فكرة فن الميدان العماني.. بتاع ناس بلقيس الحكمانية.. فتقول الرمية السودانية: شبكتينا ، يا آمنة ، وشبكتي ، الناس معانا ، بي شباك ، شبك ، شبكة ، شبايكو، معانا ، لبست توب شبك ، في شبايكا ، مشابكانا ، والداير الشبك ، يشبك ، شبكتو ، معانا..!!
الملاحظ يا ابوبكر ، العمانيين ما قاعدين يستخدموا حرف الشين في فن الميدان ، ومعظم النماذج التي اطلعت عليها ، لاحظت غياب الشين فيها..!!
يعني رمية شبكتينا يا امنة ، اقرب الى نموذج الأعشى..يعني الأعشى استخدم (الشين) ست مرات ، ورميتنا السودانية فيها استخدام الشين اطناشر مرة..!!!
شراح الأعشى قالوا كلماته تلاعب بالألفاظ ، زي الوصف الوصفو بيهو فن الميدان العماني..ولكني اذهب لخلاف ذلك ، فالسياق الإجتماعي والثقافي والتاريخي الذي تولدت فيه مثل تلك المفردات مؤكد عندها معانيها ، كما هو الأمر في القصيدة التي القتها بلقيس الحكمانية ، والنماذج السودانية..يعني مافي حاجة مجانية..!
هل خرجت عن النص؟
وكل سنة والجميع بخير..!
كبر
Post: #26 Title: Re: بلقيس بنت سالم الحكمانية؛ بوست وناسة للأع Author: محمد على طه الملك Date: 08-24-2017, 09:28 PM Parent: #25
خرجت شنو يا كبر ؟ انت حليت الامتحان كلو .. دايما بقول بكور دا جدودو الصلاح مبينين فيهو .
