السيييييييييييييك

04:54 PM January, 14 2017

سودانيز اون لاين
وليد محمد المبارك-امدرمان
مكتبتى
رابط مختصر

السييييك ي يابا التاخدا فى قبولك بركة شيخى جعفر
ازييييك ي مواطن

معاوية
انزيك ياخ

لعلك بخيير
وضغطك تمام

Quote: السييييك ي يابا التاخدا فى قبولك بركة شيخى جعفر ازييييك ي مواطن

ME TOO ME TOO ME TOO

والله حاني عليكم

والله حاني عليكم
.........................
بطل دغمسة ي شفت

عارف يا معاوية
الحكومة من غيرت الزميل (ايران بالسودية)
وتسمياتها كلها عشرات

وليد محمد المبارك يكتب عن العصيان المدنيوليد محمد المبارك يكتب عن العصيان المدني

العبيط جاء

مرحب بوليد المبارك,

فهو من غمار الناس الذين
يرون ما يوفره ضوء الشمس

نفتقد من خلال إفتقادك, طبيعية
التعبير وأريحية الحكي, فكن
كما أنت ... نصبا للعيان وجارا
للبيان

مين ياخد سييييييك؟ ما يسمي 13
لو مجبور أو إلعبا لو عندو القبول
... ما فوكا حاجة

نشتهيك يا وليد, فقط لا تهتم كثيرا
باليسار الجزافي, ولا أدري لماذا
ذكرني هذا التداعي بعبارة (الثور
في مستودع الخزف)

إتفضل يابا ... (فأمكنتك) ما تزال
شاغرة ... شوفت كيف

حبيبنا حيدر
اخبارك واحوالك

شكرا على الكلام المنمق الجميل .. وهو اكثر من الذي استحقه

يا صديقي بعض الكروت حرقت تماما ودورها انتهى في المرحلة الجاية ما ليخا لاذمة

التجاهل كما قال سيد التجاهل

مودتي

سلامات يا شفت و مشتاقين
هي ليست سيك كاملة لو راجعت الأيادي, لكن الحاجة الكل مرة امريكا تثبتها أن المتغطّي بيها عريان وأن مصالحها اهم واعلى من اي شيئ آخر بما فيها شعارات حقوق الإنسان و بسط الديمقراطية ومحاربة الدكتاتورية للآخرين
وأهم درس مستفاد أكان للمعارضة الناشطة أو للشعب أن ما حك جلدك مثل ظفرك و أن التغيير مسؤوليتنا تماما من الألف إلى الياء و لن يؤدي أحد عنك واجبك

سلامات يا شفت و مشتاقين
هي ليست سيك كاملة لو راجعت الأيادي, لكن الحاجة الكل مرة امريكا تثبتها أن المتغطّي بيها عريان وأن مصالحها اهم واعلى من اي شيئ آخر بما فيها شعارات حقوق الإنسان و بسط الديمقراطية ومحاربة الدكتاتورية للآخرين
وأهم درس مستفاد أكان للمعارضة الناشطة أو للشعب أن ما حك جلدك مثل ظفرك و أن التغيير مسؤوليتنا تماما من الألف إلى الياء و لن يؤدي أحد عنك واجبك

تشكر يا ود البشرى

ود البشرى ازيك ياخ

شوق مستف كراتين


يا زول الكلام الكتير ده كله خليه المرشوش ده خليه
ما حرك هذا الملف مع اشياء اخرى هو
ملف العائدين من قوناتنامو

إزيك يا وليد ...

لعل هذا مع موافقة السعودية لقبول عدد من المعتقلين من اليمن بالسعودية في إطار مراحل إغلاق قوانتانامو ..
السودان سيكون جزءا من الخطة الكلية ...

يبدو أن رفع الحظر ضمن صفقة مرتبة على مهل ...


تحياتي

هلا بالشفت

ليك وحشه يا حبه.

شيخو يا حبيبنا


كيفنك يا صاحب

قلنا نجي نمغرز ناس معاوية ديل شوية
بي قون المغربية بتاع اوباما ده

بل السودان هو اساس الخطة

تسلم عمر

وليد سلام
أولاً يا وليد حقوا تعرف إنه الحكومة بتلعب على الحبلين والبلعب على الحبلين وقّيع وسريعاً ما يقع.
كل أو معظم المفرج عنهم من غوانتانمو للسودان لا زالوا على ولائهم للقاعدة أو أخواتها.
الأمن السوداني لم يعتقلهم كما فعلت أجهزة عربية أخرى لذكاء الأمن السوداني الذي كان يرتب لإستخدامهم ككرت مصلحة مع الأمريكان
حاول الأمن السودان الظهور لهم بمظهر الصديق وصدقوا اللعبة الماكرة بل حتى سعى بعضهم لردم الشقة بينه والجهاديين السودانيين
مضى الأمن السوداني أكثر من ذلك بمحاولته لصرف راتب شهري ليهم كرشوة ساهمت في دعم الثقة بين الطرفين
كان بيتخيل إنه برشيهم عشان يقعدوا تحت نظروا ويبتز بيهم الأمريكان
لكنهم بشكل أو آخر أبقوا على إتصالاتهم بتنظيماتهم والأيام القادمة حتسفر عن الكتير.
بقاءهم في السودان أسبابه عديدة أهمها مع حرية الحركة في داخل البلد هنالك صعوبات جمة في أي حركة ليهم عبر الطيران
وكونهم مرصودين فإن أي إتصالات خارجية قد تؤدي لمتابعتهم وللإضرار بهذه التنظيمات،
كما أن الراتب الشهري كان ييسر لهم البقاء والحركة على أدنى مستوى
فظلوا يتواصلون ببطء وسرية مع الجهاديين الناشطين في الداخل وتبادل الخبرات والآراء و تزكية الراغبين في التواصل مع الخارج.
ولو كنت تعتقد بأن الأمريكان تغيب عليهم هذه المعلومات أو أنهم مخدوعين كما يتضح لك من مثل هذه الوثائق غير المصنفة فانت خاطيء
تعلم الأجهزة الأمنية الغربية الذكية تمام العلم ما يجري وحتى أنها تعلم ما لا يعلمه الأمن السوداني
الذي يمدها بكل وثائق إستجواباته لهم
إن مثل هذه الوثائق المعروضة الغرض منها خلاف ما يبدو للعامة هي لعبات المخابرات الذكية
وأنا لا أستبعد أن تكون وكيليكس هي في حد ذاتها أداة إستخبارية إمريكية مسخرة أساساً للضغط على جهات معينة
رغم أن ما يبدو للناس أنها كشفت حتى أسرار الرسائل الأمريكية مع السفارات الأخرى.
المخابرات الإمريكية لا تثق أبداً في الأمن السوداني لكنها تستمتع باللعب معه وبه
وتجره يوماً بعد يوم لنزع كل أوراق التوت الإسلامية بإعتبار أن السياسة مصالح وليس مباديء
ومصلحته التي تيقن منها بعد أكثر من عقد من العناد هي في الإنبطاح الكامل للمخابرات الإمريكية على وجه الخصوص
كما تفعل الأجهزة الأمنية في معظم دول العالم الثالث
إن ما تفرح وتصفق له يا وليد هو كارثة حقيقية
وستأتي بوبال كبير على النظام في الخرطوم لسبب واحد
وهو أن هذا النظام قاعدته إسلامية وما إستمر حتى الآن إلا بسبب إيمان كثير من المجموعات والأفراد الملتزمين بالإسلام السني إلتزاماً حركياً
بأنه صادق في شعاراته وأنهم رغم المآخذ المختلفة عليه إلا أنه على أقل تقدير يقف ترياقاً ضد الكفرة والمنافقين وتجب موالاته
لكن هكذا تتكشف الأيام عن أنه يتخلى تماماً عن مبادئه وشعاراته ويمارس الخداع باسم الإسلام.
هكذا يا وليد تتزايد كل يوم كتلة المجموعات من السودانيين الحانقة على النظام والتي تتخلى عنه
وهذه خسارة لن تعوضها حتى لو قدمت الحكومة معونة إمريكية شبيهة بمعونة عبود للبشير
الصراع بين الإسلام الجهادي هو حلقة أخرى من الصراعات يضيفها النظام لصفوف عداواته وربك يستر

التحرك في المف يقول بعكس ما تقول يا عبد الصمد


تحياتي يا ودود

وليد
مرحب وعودا حميداً
اي زول اتسيك من رفع العقوبات يتحسس سودانيتو ويخت ورقو يشوف ليهو طربيزة تانيه
العقوبات المتضرر منها 35 مليون مواطن هم الشعب السوداني
وليس المتضرر منها ال 10 الف المنتمين للمؤتمر الوطني
السياسة الدولية تحكمها المصالح
واكيد امريكا تبحث عن مصالحه
واي مفاوضات لازم تخسر فيها اي تقدم تنازلات وتربح فيها
والمنطق بقول كفة الاقوى والعندو اوراق اتو اكتر هو صاحب المكسب الاكبر
واكيد امريكا هي صاحبة الموقف الاقوى
وامريكا لم تعاقب الا من اجل مصالحها ولم ترفع الا من اجل مصالحتها
والحكمة المستفادة للمعارضة
الما بياكل بي ايدو ما بشبع
ويا ريت تكون وعت الدرس
والدروس السابقه
وليس بدرس الرهان على الحركة الشعبية وقرنق ببعيد

مرحب علي

ان كان مقصود بالمعارضة الاحزاب والتجمعات

تستوعب شنو ؟

هي فاهمة حاجة

في التقسيمة العلينا دي الآتو الامريكي ضعيف ..
فقالوا أحسن يستفيدوا من الجوانب القوية ..
ويبوشوا بالجماعة ..

زماان قلنا المتغطي بالأمريكان عريان ميطي ..

منور يا شقت ..
ونبصم بالعشرة على رفع الحظر ..

تسلم حبيبنا