Post: #1
Title: امسكوا دولارتكم عليكم هذه الايام
Author: abubakr salih
Date: 01-13-2017, 09:56 PM
08:56 PM January, 13 2017 سودانيز اون لاين
abubakr salih-
مكتبتى
رابط مختصر
دي ايام الماكلة الكبيرة للكيزان. سوق العملات الصعبة فى الخرطوم يسطيرون عليه الكيزان و جهاز الامن. يتلاعبون بالاسعار كيفما يشاؤوا عن طريق الاشاعات و استغلال الظروف الغير مستقرة لينهبون عرق المغتربين. امسكوا دولاراتكم عليكم هذه الايام الى ان ينشف السوق و تضح حقيقة الاسعار. لو بعت دولاراتك فى الايام دي بس تكون قنعان منهن ساكت.
|
Post: #2
Title: Re: امسكوا دولارتكم عليكم هذه الايام
Author: Basamat Alsheikh
Date: 01-13-2017, 10:42 PM
Parent: #1
يعني كلام ود الباوقة صحي ولا شنو الحكاية...
والله يديك الصحة والعافية
|
Post: #3
Title: Re: امسكوا دولارتكم عليكم هذه الايام
Author: abubakr salih
Date: 01-14-2017, 10:44 AM
Parent: #2
Quote: يعني كلام ود الباوقة صحي ولا شنو الحكاية...
والله يديك الصحة والعافية |
سلام يا بسمات،
ود الباوقة ما عندو كلام. انا بس قصدت انبه الناس لانو الكيزان بستخدموا الاشاعات من فترة للتلاعب باسعار الدولار. ديل اغرب حكومة. لانو الحكومات فى كل العالم بتحارب الاشاعات و المعلومات المضللة فى مجال الاقتصاد لانها ممكن تسبب انهيار اقتصادي عديل. لكن الكيزان ما حكومة ديل اقرب للمافيا. كانوا ايام نشطوا فى استخدام الصحف فى نشر الاشاعات عن قروض و ودائع مالية من الخليج كلها طلعت اكاذيب. الغرض كان ارباك الناس عشان يبيعوا دولارهم بالسعر الذى يحدده سماسرة جهاز الامن. هسة موضوع رفع العقوبات دا برضو بخلق حالة من الــuncertainty فى اذهان الناس و فى الغالب يستغلها الكيزان لشراء دولارات بسعر ميت و غير حقيقي مقارنة بالقوة الشرائية الحقيقة للجنيه.
|
|