Post: #2
Title: Re: انباء عن انقلاب عسكري
Author: Hamid Elsawi
Date: 01-12-2017, 10:47 PM
اتوقع انقلاب قصر في اي لحظة يا محمد الأمين
في محاولة للسلطة لإعادة اخراج نفسها
بشكل جديد بعد ا تضحي ببعض منتسبيها
ممن فقدوا قبولهم وسط الجماهير ... و امتصاص
غضب الجماهير المتصاعد
|
Post: #3
Title: Re: انباء عن انقلاب عسكري
Author: Salah Zubeir
Date: 01-12-2017, 11:42 PM
Parent: #2
هههههههه .... انقلاب وين في اوغادوغو ....
سايق من المقرن بي الجمهوريه لغاية سانت جميس و شارع البلديه
لغاية شارع القيادة لين عبيد ختم نهاية" بالطائف ... الساده المناضلين كلو واحد يشوف ليهو خياره حامضه يمدغه لي الصباح ... تصبحون علي خير
المداخلة دي للمغتربين والمهاجرين الغلابه الجهجهتوهم بي متل هيك اخبار؟
|
Post: #4
Title: Re: انباء عن انقلاب عسكري
Author: Omer Abdalla Omer
Date: 01-13-2017, 08:32 AM
Parent: #3
المداخلة دي للمغتربين والمهاجرين الغلابه الجهجهتوهم بي متل هيك اخبار؟
-----____________________________________________
الجهجهتوهم دي حلوة يا أبا صلاح بركة الماقلت كتلتوهم رصاص!
قلت لي هيك أخبار!
|
Post: #5
Title: Re: انباء عن انقلاب عسكري
Author: Salah Zubeir
Date: 01-13-2017, 04:50 PM
Parent: #4
واللهي يا دكتور عمر أخبار زي دي صعبه شديد لوقتا ليك مثال بسيط البوست دا انا شفتو حوالي 12 منتصف الليل في المقرن مساهر مع بنات بتي وبنشاهد في كورة ريال مدريد .. اها البوست كان مفتوح ليهو عشرين دقيقه المشاهدات وصلت 870 ... دورت عربيتي وسلكتا الطريق الفوق دا البيجيبك امام القيادة العامه وقيادة القوات البريه وقصدتا اتسكع ..... زول هببو لي مافي ... اها جيت رميت مداخلتي لقيت المشاهدات 1500+ .. في أقل من ساعه وصلت 3000+ طبعا" معظمها للمناضلين الدايرين ليهم نومه في قصر عابدين الفيهو اطلاله عجيبه علي آل BN .. اخوانا المغتربين أخبار زي دي بتغض مضاجعم وتخليهم الليل كلو شاي وسجاير وتلفونات لي بحري والخرطوم وامدرمان ... شفتا كيف ... مو هيك تورد الإبل يا دوك ... 6000 + في 16 ساعه.
..
|
|