أعملوا ساتر تنجوا .. رأس حربة جلاد كسبه النظام

صراحة
النظام ( المؤتمر الوطني) كسب رأس حربة جلاد بكل معني الكلمة ..
تراجي مصطفي المنتشرة بكثافة في السايبر لا قبل لكم بها ..
شرسة بلا هوادة..
لا تعفي معارض ولا رمادي ..
جميعهم بلا استثناء في مرمي نيرانها..
تسجل من مختلف الأوضاع والزوايا والأساليب ..
ما عندها كبير .. إلا رؤيتها ووجهة النظر المقتنعة بيها ..
من باب التواضع النبيل الاعتراف بأنها تستحق لقب المرأة الحديدية بجدارة ..
بعد فترة وجيزة من انضمامها نجحت في قيادة اعلام المؤتمر الوطني
ليتربع على صدارة السوشال ميديا والأسافير بلا منازع ..
دا طبعا بغض النظر عن أي شىء آخر متعلق بيها وبنواياها واهدافها ومراميها ..
أعملوا ساتر تنجوا .. خخخخخخ..
...................
ملحوظة :
بقدوم تراجي أصبح المطبلاتية وحارقي البخور والأرزقية المهرجين
المزعجين بلا خبرة أو فكرة على حافة هواية السقوط في أعفن مزبلة .. خخخخخخخ
أوع تجي تهدد يا رمة منك له

هلا يا طلحة وكيف عامل

تراجي شايلة جالون بنزين وولاعة
كل مرة بتكب حبة بنزين في نفسها وتولع الولاعة
لحدي ما يجي يوم تحرق نهائي.

لما سوزان كاشف في قناة بي بي سي قالت هذه إمرأة تتلون مثل الحرباء الكوز السفير قعد يضحك عليها

جماعة من اهلنا لو داير تمشي تمرق ليهم النصيحة الناس بيوصوك عكازك لازمن يكون معاك .. هههههههه ...
قلت لي جهزت العكاز من ضو ..

تراجي شنو في الصقط ده كمان يا طلحة يأخ ..
ده يوم داير ليهو قراصة كاااربة بي تركين ..
وقد كان .....

حمدوف يا بديع الزولة دي من خلال متابعتي ليها
أخيرا بارعة جدا في التنشين الدقيق والضرب تحت
وفوق الحزام دون أن يطرف لها جفن رهبة أو وجل ..
شايف كتيرين من المنافحين ليها بدوا يتضايروا بعد
أن تكاثفت نيرانها على نحو مخيف في الفترة الأخيرة..
تراجي لا ترحم ههههههههههه.

هلا يا جيمي بن القوز والحقيقة حبي للأكشن قادني للتنقيب
تحت المجهر في جخانين الأسافير علني أحظي بدشمان في خضم
صراع الديكة بين النظام والمعارضة الدائر هذه الإيام فوجدت
تراجي تتصدر المشهد بجدارة فيديو، استيت بوست الخ الخ
وصراحة عجبتني مثابرتها وحهادها لتثبيت رأيها وما تؤمن به.
من جهة أخري انو أخوك قال ويقول
رأيو ولا يبالي .. والبشتم الله يسامحو شريطة ان
يركز سهامو لشخصي بعيدا عن هبالات اسمك وقريتك
وأهلك وما عارف شنو .. غير كدا أي مخلوق عايز يقول
أية حاجة في أيتها حاجة مراحب بيهو والله .. أنا كدا كدا ميت .. خخخخخخ

هههههه
الاكشن لذيذ لكن بطلة الاكشن تراجي شترة وممكن عادي في نهاية الفلم تدي روحها طلقة ...
لكن عجبتني حتة بقدوم طراجي اصبح المطبلين بلا خبرة على حافة السقوط في اعفن مزبلة هههههههههههه .
هم حا يسقطوا وطراجي في ضنبهم .
الكل ساقط وحدوووووووه

{ لما سوزان كاشف في قناة بي بي سي قالت هذه إمرأة تتلون مثل الحرباء الكوز السفير قعد يضحك عليها } اهـ

تحياتى طلحة وحمد

الشباب فى الفيس بوك والواتساب ما خلو ليها جنبة ترتاح عليها ( غايتو انا لو منّها ما بظهرتانى كلو كلو )