Post: #1
Title: مناضلي الاسافير جاهزين؟
Author: الصادق اسماعيل
Date: 12-19-2016, 06:14 PM
Parent: #0
05:14 PM December, 19 2016 سودانيز اون لاين
الصادق اسماعيل-كاليفورنيا، أمريكا
مكتبتى
رابط مختصر عصيان 19 ديسمبر انتهى
واحدة من الحاجات العملتها الحكومة عشان تخلي
العصيان يفشل
هددت بفصل كل من يشارك في العصيان
من موظفي الحكومة
اها يا جماعة عليكم الله شوفوا في معارفكم وناس حلتكم وجيرانكم وصحبانكم
اي زول رفدوهو من الشغل ومحتاج دعم الناس تدعم طوالي
ويا ريت نبدأ نلم قروش بنفس الحماس بتاع الدعوة للعصيان
وبوستات الدعم تكون بنفس الحماسة دي
اي زول اتضرر في قطاع خاص او عام لازم ندعمه.
نحن كمناضلين بتاعين اسافير برة السودان
ما اتضررنا من العصيان لانه ما شتركنا
فيه فعلياً بحكم اننا برة السودان
الناس الجوة في ناس اتضررت المرة الفاتت وهسع
متوقع انه ناس تكون اتضررت
يبلا للدعم المالي
|
Post: #2
Title: Re: مناضلي الاسافير جاهزين؟
Author: Deng
Date: 12-19-2016, 07:36 PM
Parent: #1
أنا ما عارف أنت ليه مصر أن تمشي في الدرب ده وتمارس الدور الغريب ده؟؟
أي زول أعتصم أو خرج ضد الطغيان وضد النظام فهو قد خرج بقناعاته أولا وأخيرا.
|
Post: #3
Title: Re: مناضلي الاسافير جاهزين؟
Author: أيمن محمود
Date: 12-19-2016, 08:18 PM
Parent: #2
دينق اداك الخلاصة
مافي زول مأجور في نضالو
|
Post: #4
Title: Re: مناضلي الاسافير جاهزين؟
Author: الصادق اسماعيل
Date: 12-19-2016, 10:45 PM
Parent: #3
ادينق
كيف حالك
أنا العب الدور الذي تمليه على وجهة نظري
وإذا كنت ترى أن دعوتى للدعم المالي هي دور العبه لجهة ما.
فهذه وجهة نظرك أنت وليس لي سوى نفيها
ومشكور على المرور
|
Post: #5
Title: Re: مناضلي الاسافير جاهزين؟
Author: الصادق اسماعيل
Date: 12-19-2016, 10:48 PM
Parent: #4
أيمن
كيفك
لا أعرف كيف تربط بين دعم شخص تضرر وتمّ فصله من النظام
الكيزاني، وأنه مأجور.
النضال يتطلب الدعم المالي وهو مهم للصمود ولمواصلة النضال ضد سلطة الكيزان.
ولكن برضه أنا عايز أسألك:
لو دعمنا الناس الفي الداخل والممكن النظام
يفصلهم دا حيكون عمل كعب يعني ولّا شنو؟
ومشكور على المرور
|
Post: #6
Title: Re: مناضلي الاسافير جاهزين؟
Author: سيف اليزل سعد عمر
Date: 12-19-2016, 11:19 PM
Parent: #5
سلام يا الصادق..
حقو نرجع ندفع بأثر رجعي...
ندفع للشهيد القرشي ولطه يوسف عبيد...
ندفع للتاية وندفع لعبد الحميد...وندفع لكل شهداء سبتمبر
وندفع للناس التمت إقالتهم للصالح العام...
إيه رأيك يا الصادق نكون بنك. بنك عديل كده..
نجمع فيه قروش ناس الخارج والأرباح يتم دفعها لمتضرري العصيان المدنى ولجرحي سبتمبر...
يا الصادق يا صديق الإيمان بقضية ما عنده مقابل أو سعر مدفوع..
|
Post: #7
Title: Re: مناضلي الاسافير جاهزين؟
Author: الصادق اسماعيل
Date: 12-19-2016, 11:35 PM
Parent: #6
سيف اليزلكيفك يا حبيب طبعاً الدعم مهم حتى لأسر الشهداءوما ضروري يكون بأثر رجعي، لكن ممكن جداً يكون في صندوق للحاجات ديوواحدة من الحاجات الصعبة جداً هي إذلال الناس بالحاجة، ودي واحدة من أسلحةالنظام المستعملة بقوة.بدت بالتشريد والتضييق في المعيشة.وأدت يا هو للهجرة العظيمة دي وافراغ البلد من كل الوطنيين.فكرة بنك كبيرة، لكن فكرة صندوق للدعم وتخفيف الضرر بتخلينا أكتر تفاعل وبتساعدكتير علي مواجهة مصاعب الحياة.طبعاً ما في زول بيناضل عشان منتظر إنه الناس تدفع ليهو تمن نضاله؟لكن دا دورنا نحنا كمناضلين اسفيريين إنه نعمل حملات دعم مادي بالإضافة للدعمالمعنوي البنقوم بيهو عشان نساعد وندعم نضال الشعب السوداني.وتسلم على المرور يا حبيب
|
Post: #8
Title: Re: مناضلي الاسافير جاهزين؟
Author: الصادق اسماعيل
Date: 12-19-2016, 11:45 PM
Parent: #7
سلام يا الصادق..
حقو نرجع ندفع بأثر رجعي...
ندفع للشهيد القرشي ولطه يوسف عبيد...
ندفع للتاية وندفع لعبد الحميد...وندفع لكل شهداء سبتمبر
وندفع للناس التمت إقالتهم للصالح العام...
------------------------------------------------------
بالنسبة للناس التمت إقالتهم للصالح العام خصوصاً في
بدايات نظام الإنقاذ، كانت بيتم جمع قروش لبعضهم لتدبير أمورهم،
وقد شهدت على ذلك بنفسي في السودان وأعتقد أنها كانت مفيدة.
طبعاً بعضهم كان يرفض حتى قبول تلك الأموال. لكن الواجب هو وجود دعم مادي
ليحل المشاكل الناجمة عن الحراك السياسي، وأحياناً للمصاريف القانونية وغيرها.
دائماً في حراكنا ننسى موضوع الدعم المادي وهو مهم وعامل حاسم في موضوع
اسقاط النظام.
|
Post: #9
Title: Re: مناضلي الاسافير جاهزين؟
Author: وهبه الشبلي احمد
Date: 12-20-2016, 00:06 AM
Parent: #8
Quote: بالنسبة للناس التمت إقالتهم للصالح العام خصوصاً في
بدايات نظام الإنقاذ، |
ولماذا تمت اقالتهم للصالح العام ؟؟؟؟؟؟؟
ومنو الاقالهم للصالح العام ؟؟؟؟؟
في عهد الانخاز ...الوطن ليس للجميع
|
Post: #10
Title: Re: مناضلي الاسافير جاهزين؟
Author: Munir
Date: 12-20-2016, 00:09 AM
Parent: #8
الصادق سلام .. مع كامل إحترامى لكنى أعتقد أن هذه دعوة لا معنى لها .. أولاً لأن المناضل أساساً لا يتوقع مقابل لمواقفه التى يتخذها عن قناعة .. أصلاً الموقف موقف تضحية سواءً بالوظيفة أوالمال أوالروح ... ولو فتحت باب الدعم المادى أدعم العمل االمسلح برضو فالناس هناك برضو بتجازف بحياتها.. الشئ التانى إنو الدعوة دى زاتهاا غير واقعية وغير عملية .. إذ كيف ستجمع المال وكيف ترسله ولمن ترسله وكم سترسل لأى فرد وكم المدة الزمنية التى سيستمر فيها هذا الدعم .؟؟ يعنى هل يعقل أنك تظن أن أحدهم سيفصل من عمله عشان ينتظرتحويلات الدولارات والريالات من الخارج تصل أو ما تصل؟؟؟ .. لو ضمنت لى إنك تقدر تعمل آلية مستديمة لإعالة المفصولين من العمل أؤكد ليك زول حيمشىى شغل حكومة مافى وكلهم حيجوا يسجلوا عندك ..
أنسى الموضوع ده ياخ فإنه لا يصلح للتسجيل ..
|
Post: #11
Title: Re: مناضلي الاسافير جاهزين؟
Author: muntasir
Date: 12-20-2016, 00:15 AM
Parent: #10
الصادق داير ينتصر لنفسه لكن بحرفنة وكم كان تعويض التحالف لشباب فقدوا الغالي والنفيس لحلم أصبح كابوس
|
Post: #12
Title: Re: مناضلي الاسافير جاهزين؟
Author: الصادق اسماعيل
Date: 12-20-2016, 05:30 PM
Parent: #11
يا وهبة الشبلي
كيفك
سياسة التمكين ونهب ثروات البلد لصالح
تنظيم الجبهة هي الت أسست لما يعرف بالصالح العام
وهو ظاهر الآن في وجود هذا الكم الهائل من الفساد المالي والإداري.
|
Post: #13
Title: Re: مناضلي الاسافير جاهزين؟
Author: الصادق اسماعيل
Date: 12-20-2016, 05:36 PM
Parent: #12
الصادق سلام .. مع كامل إحترامى لكنى أعتقد أن هذه دعوة لا معنى لها .. أولاً لأن المناضل أساساً لا يتوقع مقابل لمواقفه التى يتخذها عن قناعة .. أصلاً الموقف موقف تضحية سواءً بالوظيفة أوالمال أوالروح ... ولو فتحت باب الدعم المادى أدعم العمل االمسلح برضو فالناس هناك برضو بتجازف بحياتها.. الشئ التانى إنو الدعوة دى زاتهاا غير واقعية وغير عملية .. إذ كيف ستجمع المال وكيف ترسله ولمن ترسله وكم سترسل لأى فرد وكم المدة الزمنية التى سيستمر فيها هذا الدعم .؟؟ يعنى هل يعقل أنك تظن أن أحدهم سيفصل من عمله عشان ينتظرتحويلات الدولارات والريالات من الخارج تصل أو ما تصل؟؟؟ .. لو ضمنت لى إنك تقدر تعمل آلية مستديمة لإعالة المفصولين من العمل أؤكد ليك زول حيمشىى شغل حكومة مافى وكلهم حيجوا يسجلوا عندك ..
أنسى الموضوع ده ياخ فإنه لا يصلح للتسجيل ..
----------------------------------------------
يا منير
موضوع الدعم المالي للناس الاتضرروا دا موضوع مطروح للنقاش داخل لجان العصيان المدني
يا خي ما في زول من الناس الاشتركوا في العصيان بيطالب بتعويض، ولا هو عمل كدا من أجل مقابل مادي
لكن دا دورنا نحن إنه ندعم ونوفّر المساعدة للبيحتاج، ودا نقاش واقتراحات داخل لجان العصيان
على الأقل في اللجنتين الأنا مشترك فيهم.
والآلية حتتم عبر اللجان دي ذاتها، والدعم حيكون للمحتاج لحدي ما يلقى ليهو شغل
أو لدفع مصاريف قضايا قانونية لمخالفة الاحالة للصالح العام لدستور السودان وهكذا.
|
Post: #14
Title: Re: مناضلي الاسافير جاهزين؟
Author: الصادق اسماعيل
Date: 12-20-2016, 05:40 PM
Parent: #13
الصادق داير ينتصر لنفسه لكن بحرفنة وكم كان تعويض التحالف لشباب فقدوا الغالي والنفيس لحلم أصبح كابوس
----------------------------------------------------------
منتصر
كيفك
ما في انتصار للنفس ولا يحزنون، وعندما كنا في التحالف كان مناضلي الخارج يدفعون لنا
مصاريف أكلنا وشربنا ولبسنا وعلاجنا.
ولمن نكن نشعر أنهم يدفعون لنا ثمن (نضالنا)، ولم نذهب ونحمل السلاح لأنهم
كانوا يدفعون لنا ذلك. وكنا في التحالف ندفع لأعضاء من التنظيم في الداخل
فصلوا وسجنوا بسبب انتماءهم للتحالف ليواجهوا مصاريف اسرهم وعلاجهم
وتعليمهم. شايف كيف؟
|
Post: #15
Title: Re: مناضلي الاسافير جاهزين؟
Author: جلالدونا
Date: 12-20-2016, 10:26 PM
ـحالف عبد العزيز خالذ وللا واحد تانى
الزارعنا غير القباليه اليجى يقلعنا
|
Post: #16
Title: Re: مناضلي الاسافير جاهزين؟
Author: الصادق اسماعيل
Date: 12-20-2016, 10:38 PM
Parent: #15
جلالدونا
تحياتي
نعم اقصد قوات التحالف بقيادة عبد العزيز خالد
طبعاً دا جانب لا بد من ذكره
وصاحب التجربة أخطاء اتحمل مسؤوليتها التضامنية
باعتبار اني كنت جزء منها.
وكما ذكرت قبل ذلك اني على استعداد لتحمل اي مسؤولية
حتى لو جنائية ومستعد لتقديم شهاداتي في اي محكمة
لا شخص او جهة يمكن ان تكون تضررت من التنظيم
|
Post: #17
Title: Re: مناضلي الاسافير جاهزين؟
Author: Elbagir Osman
Date: 12-20-2016, 11:14 PM
Parent: #16
التضامن مع المتضررين مبدأ سليم
فهم بشر مثلنا لهم أسر والتزامات
من ناحية ثانية .. رعاية المتضررين وأسرهم تشجع الآخرين على المشاركة بقدر من الإطمئنان
سبتق أن طرحت عضو المنبر صندوقا لدعم المفصولين والمعتقلين
أيدت ذلك الإقتراح .. وتبناه بكري
وتنفيذا لوعدي طرحته على تحالف المعارضة بكندا وسوف أعود بمساهمات ملموسة
الباقر موسى
|
|