** زملائ الاطباء بي غرب المانيا طلب مساعدة رجاء خاص **

01:19 PM December, 18 2016 سودانيز اون لاين
وضاحة-اقيم فى قلوب االانقياء الطاهرين من ابناء وطنى السودان المحبين لعمل الخير
مكتبتى
رابط مختصر
الاخوة الاعزاء زملائ الاطباء احبائي في دار الغربة الموجودين في غرب المانيا طالبة فزعتكم في حالة انسانية
من اجل انقاذ الطفل الطيب محمد الشيخ والمصاب بفشل في التنفس ولا يستطيع النوم الا عبر جهاز التنفس وهو موجود بالعناية المكثفة بالسلاح الطبي منذ ثلاث سنوات
وذلك حسب الرسالة التي وصلتني عن حالته وتطلب المساعدةوعرفت انو علاجو ممكن في المانيا وتحديداً في هذا المركزhttp://www.ruhrlandklinik.de/http://www.ruhrlandklinik.de/http://www.ruhrlandklinik.de/http://www.ruhrlandklinik.de/
ارجو منكم شاكرة منكم ان توصلوني بالمركز وتكونوا حلقة اتصال بيني وبينهم حتى نتمكن من علاج هذا الطفل وانا حقيقة لدي رغبة اكيدة لمساعدة هذا الطفل
فارجو ان تمدوني بمعلومات عن هذا المركز وكيفية الوصول اليه والتواصل معه لعرض حالة الطفل وامكانية العلاج فيه
تحياتى
الرسالة :انا نفيسه سستر شغاله في العنايه المكثفة طوارئ
وإصابات السلاح الطبي مزعلاني حاله غريبه لي ولد صغير عمرو ١٤سنه اسمو الطيب محمد الشيخ عندو فشل في التنفس ما بقدر ينوم الا اذا اتوصل في جهاز التنفس يعني معتمد
عليهو في الليل بس اما باقي الأوقات بيكون عادي حايم زيو زينا في العنايه المستشفي كلها بتعرفو وزول محبوب شديدالطيب ده تخيلو راقد في العنايه كم ؟
اكتر من تلاته سنين 😳مرات بيكون عادي ومرات كتيره بيزهج شديد لدرجة بيشيل حاجاتو كلها في كيس ويقول انا خلاص ماشي بيتنا كفايه ومرات مسكين بيقول انا ليه قاعد ده كلو الناس بيجو بعدي في العنايه ويطلعوا انا ليه ما اطلع متين حتطلعوني 😭😭😭 ونحنا اتعودنا شديدكم مره نزلو في الجريدة ومره يقولو مسفرنو ألمانيا يتعالج هناك مع علم الجهات الكبيره ولكن من غير اي جدوي!!
حيعيش كده لغاية متين ونهايتو حتكون شنو الله اعلم ؟!!الحاجه المحزنه قبل أسبوع تعب شديد وبقي ما واعي
وقبل يومين قلبو وقف تلاته دقايق والحمدلله رجع طوالي واسي حالتو صعبه لكن ماشي في تحسن

ي شافى

اللهم امين

مستشفى رور لاند كلينيك مركز الرئة غرب ألمانيا
ومستوصف الرئة في ايسن

العزيزة الغالية د. وضاحة..
دائما سباقة للخير وعمل الخير...
ونتمنى من السودانين في المانيا يعملوا الواجب لانقاذ
هذا الطفل..
ويا ريت كمان يا وضاحة تورينا اسم المرض ده بالانجليزي
يعني المصطلح الطبي للمرض..عشان نسال الدكاترة السودانيين
الشغالين في المستشفيات الامريكية والدكاترة الامريكان عن
امكانية علاج المرض في امريكا...
لكني ايضا قرات في احدى الصحف الامريكية العام الماضي ان
احسن مستشفى لعلاج الاطفال هو مستشفى في مدينة تورنتو
الكندية وان هذا المستشفى يعمل فيه امهر الاخصائيين في جميع
تخصصات امراض الاطفال في العالم وان المستشفى له شهرة عالمية
وممكن السودانيين في كندا برضه يستفسروا عن هذه المسالة..
ونرجو ان نسمع خيرا من المانيا....
والله يديك الصحة والعافية يا ملكة...

يا وضاحه بالنسبه لالمانيا ما تحتاجي وسيط ممكن عن طريق الايميل او التلفون تتصلي عليهم. اول شئ لازوم تتحصلي علي Diagnosis بتاع الحاله. المستشفي ح توريك التكاليف بالتقريب.

I live close to Essen, and know some people there
So, could you please send me an email
[email protected]
with some details, and let's give a try

Dr. Ibrahim Abdelhalim also could help a lot

Thanks,

سلامات يا وضاحة والتحية لدوما وجلالدونا

ما قالته دوما مهم . أما قسم أمراض الرئة بالمركز فإن رابطه هو
http://www.ruhrlandklinik.de/kliniken-zentren/pneumologische-universitaetsklinik/team/http://www.ruhrlandklinik.de/kliniken-zentren/pneumologische-universitaetsklinik/team/

مدير القسم هو البروفيسور
Prof. Dr. Helmut Teschler

وهنا طرق الاتصال بالسكرتارية من تلفون وفاكس وإيميل
مفتاح ألمانيا للهاتف هو
0049
Pneumologische Universitätsklinik

Chefarzt
Prof. Dr. med. Helmut Teschler
Sekretariat
Natascha Otlewitz
Telefon
0201 433-4001
Fax
0201 433-4009
E-Mail
mailto:[email protected]@ruhrlandklinik.uk-essen.de

بإمكانك كتابة إيميل باللغة الانجليزية بطلب علاج المريض في المركز مع إرسال صورة من الباسبورت يشتل على الإسم والعمر إلخ، كما أنهم يحتاجون إلى تقارير مصورة تشتمل على التشخيص وتقرير مفصل يشرح المرض وتاريخه وتكون مرفقة مع التقرير صور من تقارير الفحوصات وتقارير صور الأشعة والرنين المغنطيسي أو الأشعة المقطعية والخطوات التي اتخذت والعلاجات التي أعطيت. كل هذه التقارير يمكن إرفاقها مع الإيميل. على ضوء هذه الأشياء سوف يقررون إمكانية علاج المريض عندهم أم لا، فإذا قرروا إمكانية العلاج فسوف يعطون فاتورة مبدئية للتكاليف، وهذه تحتاج عادة من أسبوعين إلى ثلاثة أسابيع.. على أساس هذه الموافقة يمكن البدء في ترتيبات الفيزا من السفارة الألمانية في الخرطوم . وعند إتمام هذه الإجراءات في السفارة يتم تحويل المبلغ المقدر للعلاج لحساب المركز في البنك الذي يحدده المركز.
ياسر

الامنيات بى عاجل الشفاء لى ابننا الطيب
اخونا الدكتور ياسر الشريف و مقيم فى ألمانيا
دى حوبتك و عارفك ماب تقصّر
__
الحبيبة وضاحة
الله لا قطع عشم زول فيك

وضاحة يا رائعة يا انسانة
شكراً نبيلاً ليك وانتي تشعرينا ان الدنيا لسه بخير
واسأل الله ان ينعم على هذا الطفل بتمام الشفاء
وفي ميزان حسناتك يا رب

وضاحة يا رائعة يا انسانة شكراً نبيلاً ليك وانتي تشعرينا ان الدنيا لسه بخير
واسأل الله ان ينعم على هذا الطفل بتمام الشفاء وفي ميزان حسناتك يا رب

نسأل الله أن ييسر مساعي علاج هذا الصبي ويشفيه ويعافيه..

فوووق ..


اللهم يا شافي ..
مابتقصري ياوضاحة في ميزان حسناتك ..
وزي ما قالوا أهلنا ..
الدنيا دايره والآخرة دايره ..

العزيزة الغالية وضاحة صاحبة الايادي البيضاء..
التحيات النواضر...
قرينا كلام ياسر الشريف عن امكانية مخاطبة دكتور هيلموت
والبدء في اجراءات امكانية علاج المرض في المانيا والتكاليف..
ونرجو ان تبداي في مخاطبته بعد الحصول على المعلومات الطبية
التي تحدث عنها ياسر الشريف..
اما بالنسبة لتكاليف العلاج...فما تشيلي هم...نحن على استعداد لنبذل
مافي وسعنا ونتبرع بما نستطيعه...ومن ثم التفكير في فتح حساب
مصرفي في المانيا وجمع المبلغ اللازم للعلاج...ولا شك ان اصحاب المروءة
والشهامة في السعودية ودول الخليج والدول الاوروبية الاخرى وامريكا
وكندا سوف لن يقصروا ابدا....فهم سباقون للخير...
والله يديك الصحة والعافية

يارب عاجل الشفاء التام له

شي يقطع القلب ...

Quote: اما بالنسبة لتكاليف العلاج...فما تشيلي هم...نحن على استعداد لنبذل مافي وسعنا ونتبرع بما نستطيعه

نعم على كامل الإستعداد.......

: اما بالنسبة لتكاليف العلاج...فما تشيلي هم...نحن على استعداد لنبذل
مافي وسعنا ونتبرع بما نستطيعه
----------------------------------------------------------------------




نعم على كامل الإستعداد.......
---------------------------------------------------------------------

الكنداكة وضاحة دائما مبادرة لتقديم العون للمحتاجين ...كتر خيرك