كيف يكون طعم صبيحة يوم 19 ديسمبر 2019 .. يوم العصيان المدنى ... !!

09:04 AM December, 18 2016

سودانيز اون لاين
الطيب رحمه قريمان-كندا
مكتبتى
رابط مختصر

حينما يستيقظ السودانيون الكرماء فجر يوم الغد الاثنين الموافق 19 من ديسمبر 2016 .. و يستعدون للذهاب الى اعمالهم المختلفة ..

الموظف و رجل الاعمال و صاحب الدكان و النقاش و السائق و المزارع و ست الشاى .. و الطلاب فى المراحل التعليمية ..

فان الحمقى من المعارضين كما وصفناهم فى بوست سابق ..

اريد اؤكد مرة الحمقى من المعارضين و ليس كل المعارضين و لم اقول الشعب السودانى .. اريد تأكيد ذلك حتى لا يتغول علينا المغرضون و يضعوا فى افوهنا لم نقل ..

حينا سوف يكون خشمهم هؤلاء الحمقى .. كما يقول اهل السودان ملح .. ملح ..

و نشكر لسيدى الامام الصادق المهدى .. ان قال ان العصيان قد فشل قبل ان يبدأ ..

( صور لقتلة و مجرمين و فاسدين سودانيين "توجد صور )


قريمان .. بكرة بالذات .. خليك مركز في بوستيك دة .. فضلا لا امرا

Quote: كيف يكون طعم صبيحة يوم 19 ديسمبر 2019 .. يوم العصيان المدنى ... !!

2019 !!!

يا لطيييييف

يا جماعة دة مش يا هو نفس الزول بتاع (البوست ..صور لقتلة وفاسدين) طيب يا اخى نحن واقفين ضد الناس الذكرتهم ديل
واحد من اتنين يا انت كذاب وافتريت عليهم وطبعا من حقهم يسجنوك ..لكن ديل نفسهم استقبلوك واكرموك وغيروا ليك لسانك
ويا اما انت صادق ونحن عدانا العيب.. مجموعة من القتلة والفاسدين نخليهم يفسدوا لسع؟؟ بالله رأيك شنو؟
عالم قرف ما بتختشوا .. قدامك بكرة وبعدو ايام كتيرة حتشوف العجب

يا لطيف ساي ؟
2019 !!! يا لطيييييف
قريمان الماواعي بنفسه !
يا لطيييييييييييييييييييييييييييف .

طبعآ هو شرد !لانه ما عنده وش بجي يقول
كلامه الخارم بارم وبجري ههههههههه !

قريمان تعال راجع صلح التاريخ هههههههههههه .
باين عليك طعم العصيان ضقته قبل ناسو !
كيف يكون طعم صبيحة يوم 19 ديسمبر 2019 ..
الجنون فنون !

قريمان أختشي.

فان الحمقى من المعارضين كما وصفناهم فى بوست سابق ..
قريمان، انا زول بدعو للعصيان المدني في السودان كحق دستوري للسودانيين، فهل تراني احمقاً بناءا على كلامك هذا؟
ارجو الاجابة

و أقول ان غدا لناظره لقريب ..

سوف تذهب كل الفئات التى ذكرت الى موقاع اعمالها .. لان تريد ان توفر اللقمة الى اسرها ..

الحكومة اطالبها ان تعمل على جاهدها على تخفيض اسعار الادوية الضرورية و دعمها و دعم السلع الاستهلاكية الاساسية ..

انا عارض الحكمة هنا و فى منابر اخرى كثيرة و انتم تشهدون بذلك و هذه محمده .. و ذهبت الى الداخل و قلت لها كل الذى كتبته هنا و اكثر ..

هنا انا اتوقع ما يحدث فى يوم غد .. ما عيب فى ذلك .. بكرة ما فى عصيان فى السودان ..

لان الناس عايزة توفر لقمة العيش و عايزة توفر قرش قرشين لاولادها .. بتاع التاكسى .. و صاحب البقالة .. و الدكتور فى العيادة .. و اولاد الدردقات .. و الصيادلة ..

و صاحب البص .. اصحاب و كالات السفر .. و تجار العملة .. و اصحاب المطاعم .. و أصاحب الحافلة .. و موظفين البنوك و اصحاب المكتبات .. ديل كلهم سوف يذهبون الى اعمالهم ..

و رسالة لمنظى العصيان من الشباب الذى لا انتماء سايسى لهم ..

انتبهوا آلا يستغل المعارضون الحمقى عصيانكم لمصالحهم الحزبية الضيقة ..

الوطن اكبر من الاحزاب و اكبر من المعارضين و اكبر من الحكومة .. فلا نريد للسودان مزيدا من الحروب و الاقتتال و التشريد .. الا ترون ما يحدث فى الجنوب الان ..

و يحدث فى الصومال و فى سوريا و ما فى ليبيا .. فانا نريد استقرار .. و نجلس الى مقاعدا للحوار لا انمسك مدافع للتدمير ..

هالك من دمر وطنه .. لاا تدمروا السودان بايدكم .. ما لكم كيف تحكمون .. !!

http://sudaneseonline.com/board/490/msg/%D8%B5%D9%88%D8%B1-%D9%84%D9%82%D8%AA%D9%84%D8%A9-%D9%88-%D9%85%D8%AC%D8%B1%D9%85%D9%8A%D9%86-%D9%88....-!!-1449722209.html

http://sudaneseonline.com/board/490/msg/%D8%B5%D9%88%D8%B1-%D9%84%D9%82%D8%AA%D9%84%D8%A9-%D9%88-%D9%85%D8%AC%D8%B1%D9%85%D9%8A%D9%86-%D9%88....-!!-1449722209.html

ان كان للمعارضة عمل تقوم به .. لرضيت بالحوار .. حلا ..

فاما ان تكون كالنعامة .. و قلنا النعامة حمقاء .. لانها تحضن بيض غيرها .. و تترك بيضها ..

يا ناس يا هوو ... قريمان ....!!! مالو؟ ما يجمعش ..شوفو المداخلة قبل الاخيرة
اها دى هرشة العصيان البتخليك تكتب غلط وبرضو تفهم غلط..التقيل جاى

احمق انت

قلنا النعامة حمقاء .. لانها تحضن بيض غيرها
--------------------------

اليومين ديل قالو ظهر مخدر جديد في غرب كندا اسمو (كار فانتينول) و قالو انو اقوي من الفينتينول التلقيدي بحوالي 30 مرة و هو ذات المخدر الذي يستخدم لتخدير الافيال

المهم ركوب الفيل ليس كدفن النعامة رأسها في الرمال

الاخ الطيب مثلما انت اخترت الحوار مع الحكومة
غيرك اختار اساليب اخري ،،،،،،،،

تحياتي واحترامي

ول أبا قريمان
تحياتي
أن ترفض الإعتصام لا يبرر لك وصف الآخير بالحمقى.
فلكل خياره.
وأنا شخصيا لا أدعم العصيان، شكلا ومضمونا وزمانا ومكانا لإعتقادي بأنه ليس مقصودا لذاته وإنما مقدمة لفوضى قادمة.

حينا سوف يكون خشمهم هؤلاء الحمقى .. كما يقول اهل السودان ملح .. ملح ..

و نشكر لسيدى الامام الصادق المهدى .. ان قال ان العصيان قد فشل قبل ان يبدأ ..
....

أنت بتعمل كل دا ليه لا قريمان ؟
لمصلحة من ؟

اخونا قريمان سلامات
كما تعرف فان المبادئ لا تتجزأ
وهؤلاء القتلة المفسدون الذين كنت تعارضهم بالامس لم يتبدلوا
فما يضيرك لو ازيحوا عن السلطة بعصيان أو بمظاهرات او انقلاب؟
كنت أتعشم في وفد المنافي أن يوفر جهده للحوار ومخرجاته،
تحوطا لفشل العصيان ، وأن يقفوا من العصيان موقف الحياد
يرجون في سرهم نجاحه ويتمنون أن ينفذ نتائج حوارهم من هو اشرف من الانقاذ
أما موقفك العدائي لنفس ممارسات اخوان الامس فلا أراه إلا سقطة كبرى
تستدعي تحسس مواقع قدميك

اخى عمر التاج .. تحياتى و تقديرى و شكرى ..

انا لا ازال ادعو الى الحوار لا الحوار هو الطريق الامثل للوصول الى حل المشكلات ..

لا اعادى احد بقدر ما ادعوا الى :

الحوار حلا |.

عدم استغلال جهد الشباب الذين يدعون الى العصيان المدنى ..

مطالبة السلطات بالاستجاب الى مطالب الشعب .. دعم و تخفيض السلع الضرورية ..

ان كان للمعارضة عمل من اجل السودان فليكن .. عملا وطنيا مجردا عن المصلحة و الهوى ..

اعترض بشدة على الحرب .. و لا اؤيد اى عمل يكون مقدمة لدمار شامل فى السودان ..

الطيب رحمه قريمان


كتب الاخ عمر التاج الاتى :

خونا قريمان سلامات
كما تعرف فان المبادئ لا تتجزأ
وهؤلاء القتلة المفسدون الذين كنت تعارضهم بالامس لم يتبدلوا
فما يضيرك لو ازيحوا عن السلطة بعصيان أو بمظاهرات او انقلاب؟
كنت أتعشم في وفد المنافي أن يوفر جهده للحوار ومخرجاته،
تحوطا لفشل العصيان ، وأن يقفوا من العصيان موقف الحياد
يرجون في سرهم نجاحه ويتمنون أن ينفذ نتائج حوارهم من هو اشرف من الانقاذ
أما موقفك العدائي لنفس ممارسات اخوان الامس فلا أراه إلا سقطة كبرى
تستدعي تحسس مواقع قدميك

I hope the payment is good and worth all the trouble

الدكتور سيف النصر محى الدين ..

الدفع بتاع شنو يا دكتور .. !! ؟

هذا تفكير ضحل لا يرقى ان يكون بين عامة الناس .. و الامر الثانى لك ان تعرف من تخاطب من الناس .. حتى تاتى بما تقول ..


ادناه ما كتبه سيف النصر ..

I hope the payment is good and worth all the trouble

و ترجمة ذلك ..

اتمنى ان يكون ما دفع جيد و يستحق العنت ..

و اقول له .. و لامثاله ..

كل اناء بالذى فيه ينضح ..

غايتو يا قريمان حالتك تحنن
اشبه بمن يحاول بيع بيض فاسد وهو يجري خلف قطر دور حديدو وبكورك للركاب يجو ينزلو

انت رجل تجاوزتك الاحداث تماما

العصيان يعنى ما يعنى .. الاعتصام فى البيوت .. و هذا بحال من الاحوال لا يقلب النظام و لا يسقطه ..

و يريد بعض المعارضون استغلال هذه السانحة لتدمير السودان و تحويله الى ارض معارك ..

لم و لن نسمح لكم بتدمير السودان .. يا هؤلاء .. لنا ان نتععظ بما يجرى فى الدول الاخرى من حروب و جرائم لا قبل للانسانية بها من قبل ..

السعيد من يرى فى الغير و الشقى من يرى فى نفسه .. فما حدث فى سوريا و العراق و غيرهما لا نريد له ان يحدق فى السودان .. و لم و لن نسمح بحدوثه ..

جرائم قتل و ابادة منظمة و تطهير بسبب الدين و بسبب الطائفة و القبيلة ايضا .. فلا نريد و لا نسمح بحدوث ذلك فى السودان ...

الطيب رحمه قريمان ..

قريمان ما رديت علي ياخ!


بمناسبة البوست ... طعم اليوم جميل جدا جدا

يقول اهل السودان
ان طعم اليوم كله وطنية
وكله امل وعمل وتفاؤل

A man who stands for nothing will fall for anything

قريمان انت فاقد للمصداقية وما حد بيصدقك
زول بتبيع مبادئك بثمن بخس دراهم معدودة

مطالبة السلطات بالاستجاب الى مطالب الشعب .. دعم و تخفيض السلع الضرورية .. ______________________________

_______________________________________________
الاخ قريمان كلامك دا زين تب ا
الا الحكومه كان بتقدر تدعم ما كان فعلت الناس ديبل اقتصاديا دقوا الدلجه
لحكومه يا قريمان خرقاء والما بعرف ما بقولو ا لي اغرف مثل من ود بانقا
الناس ديل كل سياسانهم خرقاء من الالف لى ال ي.
حروب وظلم وسرقه ونهب مصلح وتدمير للبلاد .
والكذب والضحك علي الناس صار ملازما لهم وسيظل
هذه الحكومه لا يمكن اصلاحها ولا يمكن ان تكون طرفا في اي اصلاح .
27 سنه كفايه عليهم وحرام عليهم .