دايرين الملحمة Live بعد بكرة في المنبر ده، ممكن يابكري وياالموصلي؟

06:38 PM December, 17 2016

سودانيز اون لاين
Bashasha-California, Los Angeles
مكتبتى
رابط مختصر

*

يا سيد الصالون بكري ابوبكر ويا الفنان الموصلي، وبقية الرفاق من الفنانين اعضاء المنبر:

عايزنكم تعملو المستحيل وتختارو من كل قارة مجموعة عازفين، يادو في وكت واحد الملحمة، بي توقيت السودان اثناء الاعتصام، عن طريق تطبيقات التلفونات.

الغرض الاساسي تظاهرة وارسال من موقع مركزي للمعتصمين في الداخل وهذا مهم للغاية لو ممكن فنيا.

نعم الاداء بكون عبر القارات، مش علي انفراد وانما بي صورة جماعية، وكل هذا يدار من موقع واحد، لو ممكن فنيا، بي صورة حية مباشرة، من باب الرسالة الرمزية لوحدتنا، مهما كنا مبعثرين حول العالم، حيث الليل في مكان نهار في مكان اخر!

اها ناس الcoding اي بتاعين البرمجة، بسرعة يظبطو app او تطبيق ينقل العمل ده حي كده بواسطة التلفونات في الداخل!

طبعا ده مشروع في غاية الصعوبة لوما مستحيل، ولكن ده في حد زاتو مطلوب لي زاتو، لذات سبب استحالتو، لانو الاعتصام ده كان من المستحيلات،


اقلاه بالنسبة لنظام القتلة، ولكنو اضحي واقع مش ممكن فقط! اذن استلهاما لهذه الروح، خلونا نحاول، ولو محاولة، من باب الاعداد للخطوات القادمة باتجاه اسقاط هذا النظام.

هذا الموقع هو الانسب لتولي عمل كهذا، تتفرع منو اعمال ومشاريع اخري.

نعم داير الموقع ده يسووي:

هـــــــــــــــــنا امـــــــــــــــــــــــدرمان!

بعد قليل..... بيان مهم.......

مساء النصر يا بشبش ..


بلاي لو سمحتو نفس الطلب .


مع وافر الشوق سا بشبش .

مرحبابك، يا بت عمسيب.. هلت الانوار ...


نعم عايزين نسمع راي الفنيين مننا، هل ممكن واحد في استراليا، يادي نفس المقطع مع اخر في كالفورنيا، ولا ماممكن؟

طبعا انا خريج اداب او بتاع تاريخ، ولا املك غير الخيال العريض!

ولا املك غير الخيال العريض!
اعظم خيال وفي اروع من كدا ؟

نفس الطلب يا شباب .

بشاشا شلوم

طبعاً ممكن جداً
في تطبيقات جاهزة بتقوم بالشغل ده منها قوقل بلس ويوتيوب وغيرها
أنا بتاع بيولوجي ساي عشان كدا حا إنتظر ناس الكمبيوتر

سلام يا ايمن او يا مراحب،

غرضي يتعمل تطبيق يكون مصمم خصيصا لبث البرنامج ده في الداخل عبر التلفونات.

لو نجحنا في الشغلة دي، بالله القشير الا يمرقوهو كرعيهو.

نعم ده بكون مدخل لي بث مباشر توش كده من خلف حجاب النظام، او بي كده يقعد في السهلة من ناحية اعلام.

اكبر مشكلة الان مواجهة الثورة في الداخل هو المنبر الاعلامي المحدد المعروف.

اذن غرضنا الاساسي من الخطوة دي هو الحراك الجماعي باتجاه احداث اختراق لحائط النظام السميك في المحصلة النهائية.

خلونا نبد من الليلة يالله يا فناانا الكبير الموصلى

الجميل بشاشاهذا النوع من التكنلوجيا يحتاج حبيبنا بكري ونحن جاهزين تسلم

مقترح جميل ..
يلا يا سيد الحوش ختوها ليك في عبك ..
ياريت مع الملحمة نشيد الحردلو طبل العز ضرب.

سلام يا بكري ابو بكر.
هازول وينك؟
نعم لينا سنين من نضمنا مع بعض او تلفونك طاشي مني او تلفوني العندك ماياهو فتعال مارق بي جاي.