Post: #2 Title: Re: غريبة انه البشير ما أتكلم في ود مدني Author: فرح الطاهر ابو روضة Date: 12-15-2016, 04:08 PM Parent: #1
زيارة صورة بدون صوت ولا صحى زعلان كل شي عن الزيارة وصل ومدني قالت كلمتها ولاول مرة تتحدث مدينة عن إرادة شعب ويصمت بشة العنده فكرة عن كلمة بشة في مدني يدينا خبر ولا يكون في قرار انه يكون خطابو حمدو في بطنو
Post: #3 Title: Re: غريبة انه البشير ما أتكلم في ود مدني Author: Arif Nashed Date: 12-15-2016, 04:21 PM Parent: #2
مدني لقنته درسا .. عمك اكله في اللباد زي حمار العمدة .. بكره يصبحه في الساحة الخدرا ..
Post: #4 Title: Re: غريبة انه البشير ما أتكلم في ود مدني Author: فيصل محمد خليل Date: 12-15-2016, 04:31 PM Parent: #3
قال في خطابه لاهل مدني حضرنا و لم نجدكم
Post: #5 Title: Re: غريبة انه البشير ما أتكلم في ود مدني Author: فرح الطاهر ابو روضة Date: 12-15-2016, 05:01 PM Parent: #3
يعني هسي يا عارف وفيصل لو متع التلاميذ ديل بي يلا يا أولاد المدارس هيا اكتبوا في الكراريس الواجب وحلو مش احسن ليه من صمة الخشم
كسرة امانة الشعب الاثيوبي والاريتري ما ليه حبوبة مع مدني المفصوحة دي هههههه
Post: #6 Title: Re: غريبة انه البشير ما أتكلم في ود مدني Author: فرح الطاهر ابو روضة Date: 12-15-2016, 05:08 PM Parent: #5
أمنية بكرة يطلع مقال في إحدى الصحف
افتتاح البشير للظلط في الأيام الغلط
Post: #7 Title: Re: غريبة انه البشير ما أتكلم في ود مدني Author: عادل عبدالعزيز عبد الرحيم Date: 12-15-2016, 05:29 PM Parent: #6
حسه مقروش
Post: #8 Title: Re: غريبة انه البشير ما أتكلم في ود مدني Author: ناصر حسين محمد Date: 12-15-2016, 05:33 PM Parent: #7
اها عاد كل مرة نقعد نتهابل كده
يازول اتكلم وسط حشد خرافي كمان
Post: #9 Title: Re: غريبة انه البشير ما أتكلم في ود مدني Author: فرح الطاهر ابو روضة Date: 12-15-2016, 05:37 PM Parent: #8
الحشد ده من حيطة حسين ملاسي ولا شنو يا ناصر هههههه
Post: #10 Title: Re: غريبة انه البشير ما أتكلم في ود مدني Author: فرح الطاهر ابو روضة Date: 12-15-2016, 05:40 PM Parent: #7
الملح الملح يا عادل وبالعدم العطرون
Post: #11 Title: Re: غريبة انه البشير ما أتكلم في ود مدني Author: ناصر حسين محمد Date: 12-15-2016, 05:46 PM Parent: #10
للاسف بث مباشر
بعدين برنامج البشير خالي من اللقاءات والخطابات طيلة الفترة الصباحية
يعني اصلا مبرمج انو مافي خطاب الصباح
الخطاب الساعة 8 مساء
والان بث مباشر
Post: #12 Title: Re: غريبة انه البشير ما أتكلم في ود مدني Author: فرح الطاهر ابو روضة Date: 12-15-2016, 06:05 PM Parent: #11
احنا ما بنتكلم عن الحفل والألعاب النارية العاملها حكومة الولاية وحاشدة ليها الخرطوم والقرى المحاورة بنتكلم عن الاستقبال السجمان يا ناصر حفل المساء ضروري ينجح وقع ليك
Post: #14 Title: Re: غريبة انه البشير ما أتكلم في ود مدني Author: فرح الطاهر ابو روضة Date: 12-15-2016, 06:14 PM Parent: #12
مبرمج ليلي
البرمجة الليلة دي خاصة بمهرجان التسوق يا ناصر وكمان السباحة والرئيس معزوم فقط وزي ما قلت ليك فيه معازيم من خارج الجزيرة وفيه حشود وفيه تحدي للوالي نفسه شفت الآن بدأت الألعاب النارية هههههههههههههههه الاستقبال الحقيقي لجمهور مدني البشير ياهوو الشفناهو الصباح ده يا ناصر لا أكثر
Post: #16 Title: Re: غريبة انه البشير ما أتكلم في ود مدني Author: Haytham Ghaly Date: 12-15-2016, 06:32 PM Parent: #14
ناصر
مالك.. لعلك بخير ياخ
Post: #17 Title: Re: غريبة انه البشير ما أتكلم في ود مدني Author: فرح الطاهر ابو روضة Date: 12-16-2016, 00:09 AM Parent: #16
صمت دهرا ومع الالعباب النارية نطق كفرا
Post: #18 Title: Re: غريبة انه البشير ما أتكلم في ود مدني Author: Abdo Mustafa Date: 12-16-2016, 01:27 AM Parent: #17
الطلاب: يا عمك فكنا ..نمش نبوووول البشير: أي ايلا دا احسن زول
Post: #19 Title: Re: غريبة انه البشير ما أتكلم في ود مدني Author: مني عمسيب Date: 12-16-2016, 09:45 AM Parent: #18
صباح النصر .
ههههههههههههههههه يا فيصل ! قال في خطابه لاهل مدني حضرنا و لم نجدكم
ما تنسوا قالوا رقص .
Post: #20 Title: Re: غريبة انه البشير ما أتكلم في ود مدني Author: أحمد محمد عمر Date: 12-16-2016, 11:12 AM Parent: #19
الاستاد مليان
Post: #21 Title: Re: غريبة انه البشير ما أتكلم في ود مدني Author: علي دفع الله Date: 12-16-2016, 11:20 AM Parent: #20
كلامك كلو صاح انو البشير معظم الشعب بكرهو وانو كل لقاءاته دايما ما بتكون عفوية بتم فيها حشد بالعصا لموظفي الدولة والجزرة لسماسرة الحشد .... بس اسمعني والله وتالله وعلي الطلاق بالتلاتة كنت جمب موقف التاكس الاصفر قدام السوق الشعبي مدني في ميدان فيه منصة جااااهزة ومحروسة وكل وسايل الاعلام موجودة شوف عيني دي ووقفت جمبهم وشفت مجموعة طلبة مرصوصين في الهجير ...وشلاقة مني مفروض اسافر قعدت لي حوالي الساعة تلاتة وكل الاشياء جاهزة بس ما لقوا ناس ..دي الحقيقة ... ما تسمع برنامج معد وكلام فارغ فعلا لغوا المخاطبة الجماهيرية .. انا شاهد عيان وحياة الخوة ... اها رايك شنو .. نقول لي مدني عفارم عفارم ولا نسكت ... اقول قولي بس خلاص
Post: #22 Title: Re: غريبة انه البشير ما أتكلم في ود مدني Author: مني عمسيب Date: 12-16-2016, 11:38 AM Parent: #21
ملاحظة ! ليه ما بدوه كباية موية اثناء كلامه ! الزول دا لما ريقه بنشف من الانفعال! والكلام الكتير يا كافي البلاء البهللوا وبكبروا بالكضب ديل مافي واحد بناوله كباية موية ؟
#منقول: عااااااجل ... إعفاء وزير الشباب والرياضة ولاية كسلا 😱 كسرة .. الوالى قال ليه اديناك قروش للأرتريين تجيبهم بأعلامهم!!! القرار طلع صباح اليوم باعفاء وزير الشباب الوزير رشايدي والرشايدة وعدوه باستقبال الرئيس في المطار بالجمال والشباب لكن خذلوه
Post: #23 Title: Re: غريبة انه البشير ما أتكلم في ود مدني Author: أحمد محمد عمر Date: 12-16-2016, 01:54 PM Parent: #22
أنا مصدقك يا علي دفع الله بس اتخيل لي الموضوع فيه مشكلة تنسيق أكتر من عصيان مبكر لأنه الاستاد أهو دة قدامنا ملان وفيه مخاطبة جماهيرية
كلنا عاوزين نقول عفارم علي مدني .. لكن ما دايرين نكضب عيونّا
Post: #24 Title: Re: غريبة انه البشير ما أتكلم في ود مدني Author: فرح الطاهر ابو روضة Date: 12-16-2016, 06:42 PM Parent: #23
بعيد عن فبركات قبيلة بني كوز والمتاثرين بهذه الفبركات فيوظفونها لتنفيذ أجندة خاصة واضح انه زيارة مدني كانت إسواء من كسلا وضح ذلك من خلال عدد المنشآت التي افتتحها الرئيس والساحات خالية إلا من بعض المارة على الشوارع مهرجان التسوق حاول من خلاله الوالي إنقاذ الموقف فحشد الطلاب وكتائب الدفاع الشعبي وموظفي شركة زين وضيوف من كل حدب وصوب ورغم الألعاب النارية والأغاني وكل ما أعده الوالي إلا أنه كان مهرجان بائس أظهر قلة حيلة هذا النظام المترنح علما بأن البشير زيارات أخرى المناقل وبعض المدن المجاورة فيما يبدو بأن الرئيس فضل أن تكون زيارات كتامية كما إفتتاحه لمنشآت ود مدني كسرة حليل زمن الرد في السد يا بشة
Post: #25 Title: Re: غريبة انه البشير ما أتكلم في ود مدني Author: فرح الطاهر ابو روضة Date: 12-16-2016, 07:26 PM Parent: #24
سلامات جميعا
استاد ود مدني ... بيضة الديك !
الذين اعتقدوا ان الحكومة ستسقط اليوم مخطئون ..وامّا الذين إعتقدوا ان الحكومة لن تسقط اليوم او الاسبوع القادم او نهاية العام بسبب حشد استاد مدني ... غرقانييين في الوهم ... كفّين ما بمرقوهم !
قبل يومين ..قالت عدد من الفرق العاملة بين الناس والشوارع والبيوت ... اسياد الراي والفهم ..قالوا انه يمكن مقاطعة الاستقبال ..وانّ النتائج الاولية لحملتهم التي انتظمت دعوةً للعصيان مُبشّرة ..وانه يمكن مقاطعة الاستقبال كتمرين غير مرهق ... ولم يكن علينا الاّ السمع والطاعة ..وبدء الدعوة الي مقاطعة استقبال البشير ..او المشاركة في ايٍّ من مظاهر الافتتاح ... فماذا حدث ...؟!
نفّذ اهالي مدني مقاطعة الاستقبال ... ومظاهر الافتتاحات للمستشفي الذي لا توكد ادوية واطباءه في طريقهم للعصيان ..وللشوارع التي لن يضيرها إنشائها علي عجل ..فلا سيارات ثقيلة ولا خفيفة ..كثيفة المرور عليها ..والدولار والبنزين اسكيلهم عااااالي !
نفذّوا مقاطعة الاستقبال ..و آسألوا اهل بركات ومارنجان ..من منهم خرج الي وجه البشير يصطبح بيهو .. واهل مدني لا ينافقون !
قاطعه ود مدني الاصيلة ..وست بيتو الموجوعة .. وقاطعه المريض ..والمغبون ببيع المشروع والمُتحسر علي التقانت المسكونة بالبروز والعُشر ...
وقاطعه ايضا ... ناس الحزب الحاكم الحردانين ..والزعلانين من ايلا ..اوقعهم ايلا في الفخ ... و اظهرهم بمظهر الساعين لخلع البشير ..وكسب هو جولة المساء ..والبشير قبل ان يتكئ علي عصاه ..كانت ابتسامة ايلا تُخبره ..ما قلت ليك ..ناسك ديل طوابير ..!
وتلك معركة ..لا يمكن للاعب ان يُهملها ..ولا يمكن ايضا للاعب جاد ومسئول ..ان يبني عليها فعله المبتدأ ...لم نكسب شيئا بمقاطعتهم ... ولن نخسر شيئا اذا تدافعوا للاستاد ...!!!
مدني ابدا لم تتراجع ..بل نفّذت وعد بناتها و اولادها ..و إنحازت الي المستقبل ...وقاطعت الاستقبال والافتتاحات البور ... والصور قاااااعدة ... صورة بصورة ... والبادي ..اصلو ..اظلم ...!!!
وامّا الاستاد ... فالذين ظنّوا ان جماهيره ايّا كان عددها .. جمع مؤيد يُضاف الي البشير ... فعليهم ان يقنعونا ان هذه الجماهير راااااااضية عن غلاء الدواء وانبوبة الغاز و حق المواصلات ... عليهم ان يقنعونا ..ان تلك الجماهير راااااضية عن الشلهته بحثا عن سد رمق او ستر جوع او شفاء حمي ... !!!
عليهم ان يقنعونا ..ان شعبية البشير ارتفعت بعد الزيادات الاخيرة ...كي نقتنع معهم ..ان الجماهير حضرت للاستاد كي تؤيد البشير ...!!!
كواريك وبهجة الانقاذيين ذات الهياج المجنون ...انما تُخبركم عن مدي الخوف الذي تسرب اليهم ..جميييييعا ..والدعوة الي العصيان تتمدد في كل حوار بين اثنين ..وفي كل جدار استطال ليحجب الشعب عن بعضه ..وفي كل باب اغلقه اهله عليهم عزّة كدا ...
انفعالات الانقاذيين ..والفي وسط مايلين عليهم ..ممن امتشقوا رداء المحللين ...انما تُخبركم بوضوح شديد ..كيف هو حال تماسكهم ... وصوت اقدام الشعب يدُبُ في آذانهم ... انتو فرحانين كدا مالكم ؟ اول مرة تشوفوا بشييركم في استاد ؟ ولا كنتو شاكين و متوترين ؟!
ان كان خطاب اابشير في كسلا قد كشف حالته النفسية ... فان استاد مدني ... كشف حالة الانقاذيين النفسية ... كشف حال .. وشوفة مآااااال !!!
و امّا صحفيي التطبيل .. فلعنة العيش المات ..والبيت الانقفل ... والترعة الناشفة ... بعد بيع مشروع الجزيرة ..ستطالهم قريبا ... انها لعنة الارض الخصبة حين تموت وهي حية ..و ما ادرااااكم ولعنة الام الغاضبة !!!
وحتي لا يقال ان فلان لم يصارح قومه ... فإنني اقول لكم :
* هذه المعركة تحتاج النفس الطويل ... فلا ترهقوا الجماهير بالانطلاق السريع من بدايتها .
* الانقاذيون الآن مجموعة غاضبة وخائفة و متوترة و كل يوم بزنقوا نفسهم بنفسهم ... التعامل مع هكذا مجموع ... يتطلب عدم التهوين .
* الشئ الاهم الذي ييرز حين تري المحشودين في الاستاد ... هو هذا التساؤل ... ( ديل حنوصلهم متين ) .
