Post: #1
Title: دينق .... زى ما قلت ليك ...
Author: مامون المعتصم أحمد
Date: 12-15-2016, 03:28 PM
02:28 PM December, 15 2016 سودانيز اون لاين
مامون المعتصم أحمد-دبـــــى - الإمــارات
مكتبتى
رابط مختصر
ا
لتايه دينق
كنت عاوز أواصل معاك النقاش قبيل بس ما لقيت البوست
سحبتوهو باين .... على كل حال خيرها في غيرها ...
|
Post: #2
Title: Re: دينق .... زى ما قلت ليك ...
Author: مامون المعتصم أحمد
Date: 12-15-2016, 04:14 PM
Parent: #1
قلت ليك الإنقاذ دى أحسن حاجة عملتها إنها فصلت الجنوب
عشان ترتاحو مننا و نرتاح منكم ... مش صاح الكلام دا ؟؟
|
Post: #3
Title: Re: دينق .... زى ما قلت ليك ...
Author: مامون المعتصم أحمد
Date: 12-15-2016, 06:42 PM
Parent: #2
الحاجة التانية : كسرت قاعدة الناس المشهورين و الراتبين في البلد لإحتلال
الوظائف العليا و جعلتها لأولاد البلد البســطاء مفتوحة ... الوالى و المعتمد
و الوزير و الوزير الولائى ... كلها أصبحت متاحة للجميع ....
الحاجة التالتة : لا مركزية الحكم و تعميمها على كل البلد ... زمان الناس
لو عاوزين بطاقة شخصية إلا يمشوا ليها الخرطوم ....
الحاجة الرابعة : مدنت كل عواصم الأقاليم و بعضها وصل العالمية
مطارات ... مستشفيات ... جامعات .... مساجد .... مؤسسات حكومية ..
و لا ينكر ذلك إلا جاحد ....
|
Post: #4
Title: Re: دينق .... زى ما قلت ليك ...
Author: Deng
Date: 12-16-2016, 12:58 PM
Parent: #3
جاي تشكر حكومة الكيزان الفاشية المجرمة!
أنت يا كوز جادي؟؟
|
Post: #5
Title: Re: دينق .... زى ما قلت ليك ...
Author: علي دفع الله
Date: 12-16-2016, 01:23 PM
Parent: #4
الاخ مامون المعتصم
على طووول بتنفي انك كوز
انت قايل الكوز الا يتحلل او يقتل او يكذب او ينافق او ينفي الكوزنة
لا لا يا اخوي انت كوز في اللاوعي او بوعي كوز ليه شلاضيم رضيت او ابيت بخاطرك غصبا عنك كوووووز كان تدي السماء طلقة ..
هسي عليك النبي في زول ما كوز بشكر راكوبة النظام البتهتف من غير خريف كلها مقددة اقتصاديا سياسيا اجتماعيا حتى اخلاقيا ...
خليها المشاريع الهلامية بتاعة المطارات و توزير الغبش انت قايل الغبش اتوزوا لو ما المولاة .
دا كلو خليناه اتحداك تدق سدرك وتتكلم عن مشروعهم الحضاري وتزكية المجتمع وشريعتهم ...
تحدي عدييييبييل والفورة مليون(مليار بالقديم)
|
Post: #7
Title: Re: دينق .... زى ما قلت ليك ...
Author: مامون المعتصم أحمد
Date: 12-16-2016, 05:20 PM
Parent: #5
Author: علي دفع الله
الاخ مامون المعتصم
على طووول بتنفي انك كوز
انت قايل الكوز الا يتحلل او يقتل او يكذب او ينافق او ينفي الكوزنة
على دفع الله ....
شايفك ذكرت كل صفات الشيوعيين هنا و نسبتها للكوزنة
هل أفهم إنو الكوز هو الشيوعى ؟؟؟؟ لأنى سبق أن سألت هنا
تعريف الكوز لأنى ببساطة شديدة ما كوز و لا أدعى ذلك ...
و إن كنت تقصد أن الكوز هو أي شخص مسلم ، فأنا أقول
لك قد أخطأت التعبير لأنك بهذا الفهم تدخل كل مسلمى العالم في
الكوزنة ... و دا ما صحيح ... فأنا مسلم زى أي مسلم و سودانى
وطنى زى أي سودانى ما شيوعى أو عنصرى .....
لا لا يا اخوي انت كوز في اللاوعي او بوعي كوز ليه شلاضيم رضيت او ابيت بخاطرك غصبا عنك كوووووز كان تدي السماء طلقة ..
أول مرة أشوف بنى آدم يعلم ما في نفوس الغير و يفرض عليهم قبول رأيه المريض
غصباً عنهم ببلاهة شديدة تظهر دكتاتورية سخيفة ..... فـرمل هنا يا هذا فرأيك
السقيم هذا لا يهمنى .. لأنى أعرف نفسى أكثر من أي شخص آخر ...
هسي عليك النبي في زول ما كوز بشكر راكوبة النظام البتهتف
من غير خريف كلها مقددة اقتصاديا سياسيا اجتماعيا حتى اخلاقيا ...
صلى الله على النبى أفضل صلاة و أحسن تسليم و أكمل بركة ... نعم
شخصى الضعيف ما كوز و أرى هذه الحكومة و الحق يقال هي
الأحسن من بعد حكومة سوار الدهب و قبل حكومة النميرى
و عبود ... و هذا رأيى و لم أطلب موافقتك عليه و لا يهمنى
إن أغضبك و غيرك حتى تطرشقوا ...
خليها المشاريع الهلامية بتاعة المطارات و توزير الغبش انت قايل الغبش اتوزوا لو ما المولاة .
و الله هنا كنت عاوز أستعمل كلمة جارحة لفهمك المتأخر بس إتجاوزت عنها ...
شفت ليك حزب بيستوزر غير الموالين ليهو ؟؟ ؟؟ و الله زعلنى مستوى
تفكيرك هنا ......
دا كلو خليناه اتحداك تدق سدرك وتتكلم عن مشروعهم الحضاري وتزكية المجتمع وشريعتهم ...
المشروع الحضارى العاوزو إنت شنو ؟؟؟ قصدك بيهو شنو ؟؟؟ تقصد حلقات القرآن
المالية البلد و للاَّ مجالس الصلاة على الرسول صلى الله عليه و سلم اللى شغلت الحريم
عن النميمة و القطيعة ؟؟ أم جمعيات التكافل المنتشرة في كل أحياء و قرى البلد ؟؟؟
أم الجامعات اللى وصل عدد طلابها مئات الآلاف بدلاً عن آلاف ؟؟؟
تقصد حاجات تانية غير دى ؟؟؟
تحدي عدييييبييل والفورة مليون(مليار بالقديم)
معليش زى السخافات دى ما قاعد أتعاطاها .... كان ممكن تقول إنك جاهز للنقاش
لأطول فترة ممكنة .... لــزوم التحدى شــنو و إنت تتبع فكر بائد إندثر عند صناعه
و أتباعه و أصبح في خبر كان منذ أوائل التسعينيات من القرن الماضى ...
|
Post: #6
Title: Re: دينق .... زى ما قلت ليك ...
Author: مامون المعتصم أحمد
Date: 12-16-2016, 04:41 PM
Parent: #4
Author: Deng
جاي تشكر حكومة الكيزان الفاشية المجرمة!
أولاً أكبر حكومة فاشية و مجرمة و حاقدة هي حكومة بلدك
العايش فيهو و شايل جنسيتو و إشتغلت في جيشو و قتلت
أطفال المسلمين في العراق و أفغانستان و أنت تدعى الحضارة ..
أيوة نعم ..... أشـــكر الإنقاذ بالشواهد على الأرض و الواقع ...
لو عيونك مفـتحات و و اعى ... بعيداً عن البلمونى بتشوف ..
أنت يا كوز جادي؟؟
قلت ليك يا قاتل أطفال المسلمين أنا ما كوز ...أنا وطنى سودانى
و عندى راى و شايف ... الحاصل و لا أهتم لأكاذيب الشيوعيين
و ملاحيس الملاجىء و المرتزقة المبطحين في مهابط اللجوء ..
يا جــردل ...
|
Post: #8
Title: Re: دينق .... زى ما قلت ليك ...
Author: Deng
Date: 12-17-2016, 07:55 AM
Parent: #6
أنت مش كوز فقط
أنت كوز مقدود عديل كده.
أوعك تحاول تصعلك معاي لأنك ح تندم.
أنا عارف اليومين ديل أعصابك بايظة وما قادر تركز.
قلت لي عمرك ستين سنة ولسه بتؤيد في حكومة المجرمين الفاشية. ستين سنة ولسه عايش في الظلام؟
ياخ أنت زول مظلوم في حياتك خالص. يعني ما قادر تشوف جرائم الإنقاذ التي حدثت في السودان منذ 1998 حتى الأن؟
كده حدثني عن أخلاق الناس الذين طبقوا فيهم "الشريعة" ديل من التسعينيات حصل فيهم شنوا؟
كده يا كوز يا مقدود حدثني عن الحالة الأقتصادية في البلد قبل وبعد مجئ حكومتك المجرمة الفاسدة، هل تتزكر تصريح البشير عن الدولار ؟
كده حدثنى الحرب الأهلية في السودان اللي كانت واحدة والأن صارت أكتر من واحدة وأنقسم السودان الى دولتين وقد ينقسم مرة أخرى الى ثلاثة أو أربعة دول.
كده حدثني يا كوز عن عدد السودانين الذين ماتو بالجوع والمرض وبالحروب الأهلية، عددهم كم يا كوز.
كده حدثني يا كوز عن أسم السودان الذي صار ملطخ بالإرهاب ورئيسه الذي صار مطلوب وملاحق دوليا بواسطة المحكمة الجنائية الدولية.
دي أمثلة بسيطة لك يا كوز لعلك تعود الى عقلك ورشدك.
ستين سنة وأنت لا تدري كل هذه الفظائع، وتجي وبدون خجل تدافع على نظام الإنقاذ.
ستين الف داهية لك ولنظامك الفاشي يا كوز
|
|