عاجل جدا ممكن يكون قبل يوم 19- حكومة عسكرية بالكامل تحكمنا

09:20 PM December, 09 2016 سودانيز اون لاين
زهير عثمان حمد-السودان الخرطوم
مكتبتى
رابط مختصر قال مصدر مقرب من البشير ونائبه بكري حسن صالح أنهما قد يوقعون أتفاق مع قيادات الجيش الحالية للمشاركة في الحكومة القادمة بنسبة كبيرة وسوف تكون مشاركة الجيش في أكثر من عشرة حقائب بالاضافة الي الدفاع والداخلية ولكن قادة الجيش يرون لابد أن تكون عسكرية بالكامل وذلك لكم الفساد الذي أحدثه توزير المدنيين من الحزب الحاكم وأحزاب الوحدة الوطنية والحركات المتصالحةمع الحكومة ولازال التفاوض جاري بين قيادات الجيش والنائب الاول لحل نقاط الاختلاف ومنها وضعية البشير بعد الاتفاق وكيفية تأمين خروج أمان له وما هي الدولة التي سوف تستقبله بالاضافة للحرج الدولي الذي سوف يترتب عليه أنه أنقلاب عسكري علي الشرعية القائمة وهذا يتطلبجهد دبلوماسي كبيروغطاء من دول عربية لها علاقات قوية مع عواصم القرار في الغرب وكذلك كيف يكون التعامل الاتحاد الافريقي والتجربة المصرية ماثلة أمامهم وكذلك كيفية تصفية تركة المؤتمر الوطني وفساده مع العلم لابد من محاسبة الجميع و العسكريين يرون أن بقاء البشير في السودان فيه أحترام للقرار الوطني ومحاكمته بالسودان هي جزء من هيبة الدولة ولا يرون سبب في التداخل الاجنبي في الجرائم السودانية وما أقترف البشير في حق شعبه أن كانت هنالك جرائم علي حد قول المصدر الذي سرب المفاوضات ويقال أن عودة البشير من أثيوبيا مرهونه بهذا الاتفاق لكي تحل كل القضايا العالقة بين كل الفئات المتصارعة علي السلطة وأخطار كل المشاركين في الحوار بضرورة التغيير السلمي للسلطة للمؤسسة العسكرية لحين أجرأ انتخابات عامة وسوف نري خلال الاسبوع القادم تغييرات كبيرة في عدة مواقع دستورية تاكيدا لحسن النوايا من جانب الحكومة للعسكريين
وغدا أقرب لنا من ما يقولون !

ده شيء متوقع ..
النظام يغير جلده ويلتف على العصيان ..
وكان ده حصل تبقى عوجة كبيرة ..
وتسويق للفشل من جديد ..
الله يكضب الشينة غايتو ..

بعدين جيش شنو كمان ..
هو ذاااتو الجيش وينو ..
ده تنظيم الاخوان ذاتو في صورة عسكر ..
الجيش من زمااان الجماعة ديل انتهوا منو ..
فيبقى كأننا يا بدر لا رحنا ولا جينا ..
غايتو حركة الجيش دي لو اتعملت فينا ..
نكون أكلنا نيم ..

جمال
تحياتي
دا كلام مقلق جدا لكين المساعي الان مبذولة للحديث أيضا مع قيادات الجيش عبر وسطاء
لخطورة ظهور الشباب في الصورة ولكن الاستجابة صفر لا أحد يعلم هل الوسطاء غير
جادين أم الطرف الاخر حسم أمره ؟
لك كل الود

يعني انقلاب قصر
مش كده؟

ختفوها

يعني يا أبو الزهرة ..
مكتوب علينا نتلدع من جحر الجيش ده مرتين ..
والله الشعب السوداني ده مسكين ..
يشهد الله لعبة الجيش الأولى ديكـ لي هسه حارقانا ..
يقوموا يطبقوها لينا من تاني ..
الله يهون ..




غايتو دي كان بقت علينا حنبطّل نشجع سياسة ..
زي ما بطّلنا تشجيع الهلال ..

يا جمال دي ما سياسية دا الوطن يا قريبي
ألله يستر الكل هنا في رعب شديد لأنو عمل كبير ومنظم جدا
بالجد ح ينجح

دا ما إرادة النظام فقط بل ايضا مصر والسعودية والخليج كلهم بدعمو انقلاب القصر وكأن مشكلة البلد كانت في البشير ..
مشكلة البلد في نظام الحكم بعدين عساكر شنو ؟ وهي الانقاذ ذاتا شنو ما أهو البشير وعبد الرحيم وبكري قاعدين فوقا 27 سنة ..
حتى لو حصل كلام ذي دا يستمرو الشباب قي عصيانهم وينفذوه حتى لو في حالة طواري ..
لازم الشعب يتخلص من حكاية عساكر لفترة انتقالية لانها مجربة وما بتورث غير ضعضعة المرحلة الديمقراطية التي تخلفها ..
لا بد من أن يترك للشعب الفرصة لتكملة انتفاضته واختيار البديل الانتقالي الذي سوف يعمل وفق إراده شعبية خالصة..
يجب أن يعي الشعب وخاصة الشباب المحركين للعصيان أن مثل هذه التغيرات ليست هي مرادهم ولا هدفهم ولا تعنى سوي ترميم النظام القائم .

أستاذي لك كل الاجلال والتحية
كلامك كلام ممتاز ودا الان اللي ح يكون ولكن أنت عارف بقية الشعب ح يقول الراجل مشي
خلاص أنتو عايزين شنو تاني المشكلة ح تبقي أعادة تعئبة في قصة أنو البديل العسكري ما حل
وهي أنتاج الازمة بصورة أخري
لكين الجدد ح يسوقوا لأنفسم كمان والسلطة منال صعب التنازل عنو
المهم نعمل بجد من أجل طرح واعي لا يدخل الجميع في دوامة الفوضي والخوف من الصراع السياسي
المسلح ودي واحدة من مشاغل الراي العام الان بصورة واضحة جدا والمؤتمر الوطني طبعا هو
اللي خلي قصة أنو لو أنهار نظامو بعدهم ح تعم الفوضي
المهم نعمل من أجل الافضل والممكن للتحول الديمقراطي ولحقن الدماء
لك وافر التقدير

كلام خطير جدا واحتمال حدوثه وارد ويعد المخرج الوحيد للنظام بطريقة أمنة من هذا المأزق ..
انها عملية اعادة انتاج للكيزان مرة اخري ..
فاذا حدث هذا الامر فيجب ان يستمر العصيان ..

ما كمان الناس ادتهم فرصة ليييي يوم 19 ...

اهوا يلخوا ليهم حاجة زي دي و يطلعوا دباباتهم كم يوم يغشونا ...

و كأننا يا بدر لا رحنا و لا جينا ...

آه يا بلد ...

لقد دفع الشعب السوداني مهرا غاليا كنتيجة لانصياعة لارادة العسكر بعد انتفاضة ابريل ..
من يظنون أن المشكلة مردها شخص الرئيس فحسب وليس النظام بكل اتباعة ..
لم يفهم بعد أن أزمة الوطن أكبر و أعمق من ذلك ..
وأن خيار الحل بيد جماهير الشعب وفواه المدنية ..
لقد آن الأوان لكي تعود القوات المسلحة لسكناتها كقوة وطنية مهنية حارسة لإرادة الشعب لا مسيطرة عليها ..
19يسمبر بداية العصيان المستمر حتى أول يناير حيث الهبة الشعبية الكلية ..
لإعادة استرداد استقلال السودان من قبضة العسكر وحلفائهم.

السلام عليكم الأخ أبو الزهور وضيوفك الكرام
كنت أود أن أقول للأخ جمال ما قاله الأستاذ الملك
جزاه الله خير
أتمنى ألا تقف حركة 19 ديسمبر إلا إذا سلّم القصر الحكومة للشعب بالكامل
عدا ذلك لا أري أي مبرر لتوقف الحملة
شكراً أبو الزهور لإشراكنا الفكرة الممتازة
______
الحليلة

اعملو حسابكم ده ممكن يكون مقصود للبلبلة وردود افعال غير منظمة تفشل العصيان!

يا أخي الكريم
ديل الان في أستعداد كامل ومباحثات
المهم برضو نتقصي الحقائق
وعلي الدرب سا ئرين

إذا لم يتم تسريح البرلمانيين في المركز والولايات
وحل تلك البرلمانات
والتقليل من الحقائب الوزارية وتخفيض الولايات والمحافظات
فكأنك يا زيد ما غزيت

زي الأخبار دي بتجهحه الناس، هل انت متأكد من مصداقية الخبر دا يا زهير؟

أخي محمد الحاج
تحياتي
ما في زول عندو مصلحة يضيع مجهود شباب وصلوا للمرحلة دي وأصبح من المستحيل تكسير القوي الداعية للعصيان
وكمان دوما المصادر بتكون ذات مصداقية كبيرة عندنا ولو نحن كمان أهملنا أي معلومات جات دي جريمة في حق الحراك
المهم لابد من خطة والاصرار عليها هي عدم فك العصيان الا بالتسليم الكامل للسلطة للشعب ودا أظن يعني حتي لو في مشكلة
أنقلاب القصر الخط الحراك لم يتغير وعليه نعمل علي شقين الان تأكيد العصيان في تاريخو والتاني لا فك للعصيان الا بتسليم
السلطة للشعب
*نسالك الدعاء لهم بالنصر
وأشكرك علي المرور والمشاركة

الواضح ان الاشاعات دي بيروجوها ناس النظام
فقط لخلق البلبلة وافشال عصيان 19 ديسمبر

من فبركات جهاز الامن وعلى شباب العصيان عدم الانتباه لما يراد لهم من كـيـــد
حصر المشكلة فى شخص البشير فقط معيب ومخل ونظرة سطحية ..
المشكلة السودانية مشكلة حزب اسمه حزب المؤتمر الوطنى و ربيباتها ..

الكلمة اليوم للشارع وليس للقصر او الجيش .. لن يسمعهم احد سوى الانتهازيين

والله يا جماعة الجيش دا ينطبق عليهو ما ينطبق على هذا الجيل الذي يقود الحراك الان!

كيف؟

الجيل الذي يقود الحراك الان هو جيل راهنت الإنقاذ على تدجينه ومسخه والاتكاء عليه في مشروعها الوهمي.. فاذا به يكون هو الحبل الذي يلتف على رقبتها..

نفس الشي بالنسبة للجيش -..باستثناء القيادات فان كافة تشكيلات الجيش خارج عملية التدجين وليسو جيش للاسلامويين كما يتوهمو....

بالنسبة للانقلاب الذي ذكرت ...لا أتصور ذلك ابدا...
لماذا .؟ لان هؤلاء المخابيل ما زالو في ضلالهم القديم ويعتقدو ان فكرة العصيان والعمل المدني لن تسقطهم..وهذا حال كل الطغاة....(( زي ديك المسلمية اكشنو في بصلتو وهو يعوعي !!)