الواحد بقى عايش بالبنية والشلوت.. ياخ حاجة غريبة

11:35 AM December, 06 2016

سودانيز اون لاين
Adam Youssif-Jeddah, Saudi Arabia
مكتبتى
رابط مختصر

.. يعني اقرب مثال امس وانا راجع على البيت كانت قاعدة قدامي بنت حلوة شدييييد
قلت ليها ؛ يابت ممكن تمرري القروش دي للكمساري قالت لي اوكي ..... ادتو القروش وقالت ليهو نفرين
ههههه يا بنت الحلال نفرين كيف قالت لي انا وانت .. طيب الجاب انا لي انتي شنو
ولا عشان القروش حقتي ؟ قالت لي : دي بدل اجر المناولة انتو قايلني سكتا .... قمت دقيت جرس
وقلت للكمساري يازول نفر واحد بس انتو قايلنها كذبت هي كمان قالت للكمساري ؛ اييي نفر واحد
وقالت موجهه كلامها لي : عنك زاتو الواحد عايز يدفع ليك وكمان بتقل في ادبك قلت ليها ؛ يابنت القروش حقتي
قالت : كمان جابت ليها كذب دي قروشي انا..ومن هناك نط الكمساري قال لي ؛ يازول بطل كذب دي قروش البنت دي
وبشتننوني على الاخر وما لقيت حل غير اني اسكت
المهم مشت الحافلة والبنت وصلت محطتها وجاتني بالشباك جدعت لي باقي القروش وقالت لي غصب عنك دفعت
من امس ولحدي الان بقيت اقعد جنب الكمساري ولما اديهو قروش بصورو منقول

معقول ؟؟؟؟؟؟؟؟؟