مزيدا من التنس يا امام.

07:14 PM November, 30 2016

سودانيز اون لاين
سيف النصر محي الدين-
مكتبتى
رابط مختصر

نتفق او نتختلف مع السيد الصادق المهدي و تتباين اراؤنا في تقديراته السياسية
و مواقفه الا أنه في المجمل يظل الرجل رمزا من رموز الحراك الديمقراطي في البلاد
و قائدا لقسم كبير من الجماهير التي تقاوم نظام الانقاذ جنبا الى كنب مع بقية الفصائل الوطنية.
الصادق رجل تقدم به العمر و ليحافظ على حيويته و قدرته على المتابعة و التركيز فلابد له من
المداومة على التريض بما يناسب وضعه الصحي و مقدراته الجسمانية.
برافو يا سيد الصادق و رجاء لا تتوقف عن لعب التنس ما دمت قادرا على ذلك لتحافظ على
صحتك و لتقدم نموذجا يحتذى لمن هم في مثل عمرك و حتى لمن هم اصغر منك من الذين يعانون
من الام المفاصل و تصلب الشرايين و ضعف عضلة القلب و الضغط و السكر و الترهل نتيجة
لاهمالهم لهذا الجانب الهام الذي يضمن لهم حياة نشيطة و حيوية إن هم داوموا عليه كما تفعل.

على من يدعي أن صورة الصادق المهدي و هو يلعب التنس قد التقطت في نفس توقيت تقديم المذكرة للقصر الجمهوري
عليه أن يأتينا بتوقيت التقاط الصورة و عليه أن يثبت لنا علم الامام القاطع بمواعيد ذلك التسليم بل و مشاركة حزبه في
كتابتها و التوقيع عليها.
كما عليه أن يثبت أن الجميع هذه الايام لا يمارسون اي شئ سوى مصاقرة الميديا و التلفونات و متابعة ما يحدث في السودان
ثانية بثانية.

هو كان ما سيدي ود سيدي لعب تنس البلعب منو؟؟؟
العب يا سيدي الامام..
وخلي ليهم الكمبلت.
مدد.. مدد..

مش كده بالله يا قسم الله
يعني يلعبوه ناس الفنقلو و اللواء طه مين كده ما عارف داك و بقية العقد البغيض
من شذاذ الافاق و راكبي الموجة و مستجدين النعمة و المخلوعين و المخلوعات؟

سلام ياسيف،

ياعزيزي الاسمو مصطفي محمود ده كارثة بمعني المفردة، مفروض ناسو يربطو بالحبل في اقرب عنقريب، وامثالو من الديماغوغ المتطرفين هم السبب الاساسي في كفر الشارع برموز المعارضة الحالية للاسف.

زول ينتمي لي تنظيم وينطلق من منبر معلوم لاينبغي له ان يكون ماشي ام فكو بالطريقة دي بتاعة ناس امين حسن عمر او نافع!

معقولة بديل نافع يكون واحد اهوج زي ده، واقع ضرب من طرف ودون ادني اعتبار للاخرين اللي معاهو في ذات الخندق؟

اقولها ضراحة لي ناس التنظيم الذي ينتمي له هذا العمبلوق:

لو كان هناك فعلا تنظيم، بي معني مؤسسة ذات شخصية اعتبارية يا جوغة مصطفي محمود، مفروض زولكم ده يلتزم بي حد ادني من النظام الفيهو اعتبار ليكم او لي رفاقكم في المنظومات الاخري.

واضح انكم لي روحكم ماشين ام فكو، والا لما فكيتو فينا حمبرة زي ده! ياخي لو عاوز تبرطع زي ما عايز كما نفعل نحن، استقيل او خليك مجرد ناخب او ناشط، حر مستقل، تقعد او تقوم علي كيفك لانو ده من حقك كناخب، وليس كعضو ممثل لي منظومة سياسية!

هذا مزاح!

لعب الامام للتنس دا شغل جداد إلكتروني ..

زيـو وزي قصة انه علاء الدفينة غواصة

تحياتي يا دوك

سلامات يا بشاشا و منور البورد
كنت اتمنى أن دكتور مصطفى محمود يمارس الارسال و الاستقبال و لما يعبر عن رأيه
يكون عنده الاستعداد للاستماع للاراء المختلفة و سعة افق للدخول في نقاش حولها
اما انو يلم في مداخلات الناس مسح من طرف بدون اي اعتبار لاي حاجة فهذه حكاية عجيبة و الله.

الصادق المهدي يمارس الرياضة بشكل عام منذ شبابه الباكر
كل السياسيين المخضرمين علي مستوى العالم يمارسون الرياضة امتثالا لمقولة العقل السليم في الجسم السليم
ربنا يمتعه بالصحة والعافية.. لاقتل لاسرق لاغشانا
شكرا سيفنا

مرحب بالحيدرين..ناس عطبرة و ناس دارمالي.
فعلا قضية لا يكسب من اثارتها احد سوى النظام.

اما انو يلم في مداخلات الناس مسح من طرف بدون اي اعتبار لاي حاجة فهذه حكاية عجيبة و الله.

سلام ياسيف،

اها زي ده يامنو علي موقع عام كيف؟ البمسح المداخلات ده، لو بقت عندو سلطة في جهاز الدولة فممكن بي بساطة يمسح اي مخلوق يختلف معاهو من الوجود، والخطورة في الزي ديل يصلو السلطة كبديل لاوباش وقتلة النظام الحالي!

كده بقت علينا حكاية الصام او فطر بي بصلة!

لايمكن امسح مداخلة ايا كان ومهما كانت، طول مارافع شعارات حرية التعبير، الديمقراطية وماشابه من ترهات علي لسان امثال مصطفي!

ده كلو او حالتي مجرد فرد، مستقل ولا اتبوا اي موقع رسمي!

بقصد لو كنتا عندي موقع رسمي في تنظيم سياسي اسعي به لكرسي السلطة كما يفعل هذا الساذج، لتغير كل شئ في سلوكي هنا، ايمانا منا بقدسية المسؤولية ولو رمزية ومهما كانت صغيرة!

تعجبتا من كلامو عن اشاوس المؤتمر السوداني، شغل غيرة واحساس بمركب النقص السياسي حركو فيهو مواقف اشاوس المؤتمر!