حــتــمــشـــــو وين

06:25 AM November, 28 2016 سودانيز اون لاين
د.محمد حسن-
مكتبتى
رابط مختصر
حتمشو وين؟
من حق الله وغضب الشارع وزعلو الشين
الراجيكم اصلو كتير سرقتو قروشو
وخليتوهو يعيش بالدين
قلت و شريعة
وقلتو عدالة وكضابين باسم الدين
وين حتروحو
ونحن وراكم لو في السند او ماليز يا او في الصين
وين حتروحو وحق اطفال الناس
والاعلام الصار وسواسو
حق ستات الشاي يا ماجورين
وين حتروحو تقعدو جوة
تضوقو سجون المعسورين
ناساً تكدح طول الموسم
وتلقى ضرايب وتلقى رسوم
وتلقى السجن وذلة خاطر زول مسكين
وين حتروحووانتو عصرتو عيالنا
لا حقنة تخفف ليها ملاريا
لا افطار الصبح الريقة
ولا تعليم ووجع وانين
وين حتروحو
ضاقت بيكم وكانت اوسع من الواسعة
الا جشعكم ضيق وضيق
وخلى الواسعة تضيق
زي قد ابرة ما بشيل اتنين
تقعدوجوة
ولو طشيتو \
بالانتربول بنطين عيشكم
وتجو صاغرين

شكرا دكتور محمد

من حق الله وحق الناس مافي مفر .. حقيقة

لك التحية

أحمد الشايقي

اعتصام لاسترداد الحق

سطعت شمس
نص الليالي الحالكة بالظلم المبين