مليون سلام يا شعبنا ...

00:21 AM November, 28 2016

سودانيز اون لاين
مرتضي عبد الجليل-Milky way -Orion arm
مكتبتى
رابط مختصر

مليون سلام يا شعبنا

ومليون حباب
الإغتراب يا ابونا..
ما طول الغياب
الاغتراب
فال البخونك ويزدريك
ونحن بين سُونكيهو..
والزنزانه
والسجن السميك
منك قُراب
أحرار...
وحريتنا فى ايمانا بيك
ثوار بنفتح لى الشمس
فى ليلنا باب..
لى يوم جديد
ابداً جذورك فينا تمتدّ..
وتجيك
وبنفتديك وحا نفتديك
ما بنرمى اسمك في التراب
وعيونا تتوجه إليك
انت المعلم والكتاب
حا نغني ليك ونغني ليك
واليزدريك..
يا ويلو من غضبك عليهو..
ومن مشيك
يا ويلو من أجَلُو الوشيك
يوم ينكسر قيد الحديد
السونكى..
والزنزانه
والسجن السميك
وخطى الشهيد
من حولو تهدر والنشيد
وانت الشمس من بين ايديك
تطلع عليك
من كل باب
مليون سلام يا شعبنا
ومليون حباب


--------------------------------------------------------
التحية للشعب السودانى البطل صاحب الخبرة الطويلة فى تركييع الدكتاتوريات..
مليون سلام ..مليون سلام ..