ود الشغيل...يعني يعرفوك كيف من عطبرة..حديثك في ام كبس الشجاعة درر نفيسة..

06:46 PM November, 27 2016

سودانيز اون لاين
Basamat Alsheikh- نيويورك
مكتبتى
رابط مختصر

قرات ما سطرته ردا على وائل الزبير ...
وكنت اريد ان اعلق ..ولكنك عطلت خاصية الرد فلا يمكن ان ترد...
..يعني يعرفوك من عطبرة كيف....
ودمت بالف الف خير وصحة وعافية

..تخريمة للاستاذ وائل الزبير::

تحياتك لود الشغيل وعطبرة مقبولة...وخاصة تحياتك لزهرة المدائن عطبرة..
..وعجبني فيك قولك الحق بانك تدين التصرف الهمجي لناس الامن في حق امراة..
ودمت بالف خير وصحة وعافية

سلامات بسمات
الشغيل عطبراوي مطبوع تعجبني فيه تلقائيته ووضوحه مهما اختلفت معه.. ولا غرابة ان يتخلق بأخلاق اهل عطبرة الذين لايرضون الظلم والضيم .
-
شايفك مامصدق نفسك ياوائل تلقى اشادة من مخلوق في المنبر ده .. البراءة دي بتكتلك :))

اتمني من حارقي بخور الانقاد ان يستحوا ولو قليلامن صوت ام كبس وهي تجار بالشكوى اين الرجال

كتبت بسمات :

Quote: قرات ما سطرته ردا على وائل الزبير ... وكنت اريد ان اعلق ..ولكنك عطلت خاصية الرد فلا يمكن ان ترد... ..يعني يعرفوك من عطبرة كيف.... ودمت بالف الف خير وصحة وعافية ..تخريمة للاستاذ وائل الزبير:: تحياتك لود الشغيل وعطبرة مقبولة...وخاصة تحياتك لزهرة المدائن عطبرة.. ..وعجبني فيك قولك الحق بانك تدين التصرف الهمجي لناس الامن في حق امراة.. ودمت بالف خير وصحة وعافية

أختي أحسب ان ماسال به المداد هو موقف كل اخوان المنبر فلا يقتصر الأمر على أهل مدينة دون أخرى .. فلا أظن ان احدا يرضى اهانة امرأة بهذا الشكل واختطافها من بين اطفالها بسبب تصريحها البريء الذي لا غضاضة فيه بعد أن بلغ بها الضيق مبلغه .
ما الذي جنته هذه الحرة الأبية حتى يجعلوها امام ابنائها وجيرانها في صورة امرأة مجرمة ..
لله درها وليت كل نساء بلادي أم كبس .
عموما اشكرك أختي بسمات .
والتحية لحيدروف العطبراوي الشفيف ودوما وكل ضيوف البوست .

مرحب بيك يادومة بعد إنقطاع
والخزي والعار لحارقي بخور الانقاذ
جد سعدت بجيتك وكمان في بوست اختنا بسمات
ان شاء الله يطيب ليك المقام وتطولي القعدة

الأنسانة
دعيني أُناديكِ بالأنسانة .. فأنت جئتِ بإنسانيتك وتداخلتِ بإنسانيتك أيتها الإنسانة
>>>>>>>>>>>>>>>>>>>>>>>>>>>>>>>>>>>>>>>>>>>>>>
و انت وكت بتقتل في الناس في كجبار انسانيتك اكانت وين
قوم بلا انسانية بلا بتاع معاك




صاحبة البوست سلام و تحية

وأنا أشكوه لك بأن يحسن الظن بي

غيـر إنك لزج ويحس السامع من معاناتك من التجشوء المزمن وقد يكون بفعل النفاخ الطفيلي لكن ..
مشاركا تك هنا بينت انه حالتك صعبة جداً جداً جداً يا لولي


التحايا والود للاخ الشغيل ولك الاخت اميرة وللحبيب البيضحك فوق دا :)

يا وائل الزبير يأخ تتذكر مُش أنا وإنت مشاكلين ؟،
يا وائل يأخ وحات الله أنا مصالحك وأعفالي،
ؤ كمان أقولك، تاني أصلي ما بشاكلك.


عندك وآحد وردة فوّق،
ومودتي...

تاني أصلي ما بشاكلك.
معذور والله
-
انا ذاتي بضيفوا لقائمة أصدقائي في أي نضمي إسفيري

يا وائل ود المدير صالحك عشان قصيدتك الزي وشك دي عرفك ما مؤاخذ قلت اللدتك ورقراق عيونك وشعت فيني يشع فيك مفاعل ديمونة قول آمين

بعدين بعدم قبول حبها إليك أحمد ربك إنها صمتت وما رصعتك كف يا وائل نصيحة لو عندك قصائد زي دي جواك إتدشاها أول بي أول لأنه كان كتمتها بتخوزقك أكتر من ما انت مخوزق

أنا لم اشاهد بتمعن وتفصيل مشاهد اعتقالها ولكني أخذت الخبر المتداول ممن نقلوا خبرها..
في ذلك البوست أشدت بشجاعتها وجلدها وزغاريدها أيضاً لكني انتقصت فعل رجل كان
في نفس الموقف (قام جاري) وزاد الطين بلة حينما صور تلك الجرية .. أخي الهادي الشغيل
وانت تقارن المشهدين أيليق بالرجل أن يفعل هذا ؟؟ .
تحياتي أختي بسمات و تحياتي للفاضل قائل الحق الشغيل
المقتبس اعلاه لوائل في بوست الشغيل و لأنه مثل جماعته يدمنون الكذب فأول كلامه يناقض آخره يقول ما شاهد بتمعن في الحاصل و تفاصيل قبض المرأة لكنه شاف الراجل الجاري و الذي اعتقد أن كل انسان سوي لم يراه بل رأى المأساة المتجسدة في اعتقال الشريفة العفيفة من بيتها.
تحياتي يا ود الزين كفيت و وفيت و آمين لدعائك الجميل أخي منتصر و أتمنى أن يستجيب الله دعائك في كل فرد من هؤلاء الحثالة.
و يا ود المدير بتبالغ غايتو ناس عطبرة ديل ما مضيعهم في الدنيا دي الا طيبتهم و سماحتهم الفايتة الحد. و مافي حاجة مغصتني في البوست زى كتابة العولاق ده قصيدة في بتنا المحترمة بسمات.

يالوليد ود المدير بيسخر من سذاجة جزار كجبار ليس إلا
-

غايتو

التحية ليك يا بسامات ..
والتحية لاخونا الهادي الشغيل الرجل الجميل
والتحية لكل اهل عطبرة الجميلين ...

عاالم بطااالـــــــــــــــــــــــــة .....

بعكس قبول حبي ليك أديتيني الأمل
وبذكِّرِكْ يوم التقى قليبي بيك لمن رِجفت من العشق
لحظة هُيام خلّتْ دواخلي بِيكْ متمسكة
وبَذَكِّركْ بي تعابير بسمتك اللدَتِكْ تاج ريدي ليك يا آنسة
وبَذَكِّركْ بي لحظة شجونك وهدير فنونك وحُبِكْ للقصيدة لمن تكون مؤسسة
وبَذَكِّركْ بي رقراق عيونك وصفاوتو دِيك زي ما تكون لؤلؤة
إنتِ القمر لمن يضوي يظهر جمالك يا متوهجة
وبَذَكِّركْ بي حبي ليك الاظهرتو ليك لامن وقفتِ متأملة
وبَذَكِّركْ يوم بهرني احساسك وقت قلتي حنتقابل
وشدتني انفاسك يا سمحة وحنتواصل
وبتمنى وهج ريدك يشع فيني يواسيني يطمني
وتجري خطا الايامتحقق لينا آمالنا .. وبَذَكِّركْ .. وبَذَكِّركْ
ــــــــــــــــــــــــــــــــــــــــــــــــــــــــ

ندي القلعة ماشافت العصيدة دي ول شنو ههههههه

لا لن نحيد عن الكفاح
هل يسمعون ؟ صخب الرعود ؟
صخب الملايين الجياع يشق أسماع الوجود ؟
لا يسمعون !!!
في اللاشعور حياتهم فكأنهم صم الصخور

لا لن نحيد عن الكفاح

التحية لكل الشرفاء ..

التحية لحبيبنا ود الشغيل
التحية لك بسمات وللجميع

وغدا ًنعود
حتماً نعود
للقرية الغناء للكوخ الموشح بالورود
ونسير فوق جماجم الأسياد مرفوعي البنود
تزغرد الجارات
والأطفال ترقص و الصغار
والنخل و الصفصاف
والسيال زاهية الثمار
وسنابل القمح المنور في الحقول و في الديار
لا لن نحيد عن الكفاح
وتعود أنغام الصباح

Quote: ندي القلعة ماشافت العصيدة دي ول شنو ههههههه

عالم محبطة لا تقدر الابداع ولا المبدعين

وائل
محاولة رخيصة جديدة ومبتذلة لكسر زميلات المنبر وابعادهن
وليست غريبه على وائل فهي متكرره وثمة مميزة له
و تعبر عن عقلية الكيزان القميئة
وبنتنا بسمات اقوى بي كثير يا شاعرنا النحرير
التحية لي بسمات والهادي وكل العطبراويين وضيوف البوست

اختشي يا وائل
لسه مصر على قذارتك دي
بتنا اكبر من يقال فيها شعر من امثالك
ماغريبة عليكم قلة الادب دي
وزيركم تغزل في وزيرة خارجية موريتانيا قبل كده
غور من هنا بلا يخمك
امنجي مأفون

http://sudaneseonline.com/board/490/msg/%D8%A7%D9%88%D9%84%D9%89-%D8%A7%D9%84%D9%85%D8%AD%D8%A7%D9%88%D9%84%D8%A7%D8%AA-%D8%B4%D8%B9%D8%B1%D...B%29-1480534496.html



سأقول شعراً ركيكاً ... :)

والدعوة عامة للإستشعار

Quote: ندي القلعة ماشافت العصيدة دي ول شنو ههههههه
غايتوا يوم بتكتلوني بالضحك مبالعه يا عبد اللطيف حسن علي

انا زمان لمان كنا سايقين اللواري وكانت عندى " سفنجة"

اها انا داخل على كبوشية هالني منظر قمت قلت بيت الشعر دا

:


عيناك سحرتني
ولو ما ضغط على الفرمللي
كنت وقعت في ترعة الميي (الموية)

رايكم شنو يا ود الزين

عيناك سحرتني
ولو ما ضغط على الفرمللي
كنت وقعت في ترعة الميي (الموية)


صح لسانك يا ود الشيـخ

هسه بقت ضغطت الفرمللي .. قبال 27 سنة زي شاعرنا الجهبوذ ذاكـ كان يقول ليك
لو ما شديت الرسنللي
والضناب مشدود بالبللي
كان جمبلغ في الخورللي ؛)

"الضناب"

هههههههههههههههههههههههه
والله يا حيدر بتنكتو ليكم حاجات الحمير ذاتو بتكون نستها ...
بس وائل بستاهل ضناب عشميق

يا جماعة الخير
اظنكم ظلمتو وائل ود حمزة الزبير ظلم الحسن والحسين..
انا كنت مفتكرة ان وائل ده من المتطرفين ، بل من الداعشيين
الما ممكن تناقشهم في اية حاجة لانه حيكون متعصب لرأيه وما بقبل
الرأي الآخر...
لكن يا جماعة الخير انتو براكم شفتو وقريتو انه بيقبل الراي الآخر ، وأدان
بنفسه ما حصل للمناضلة أم كبس..
بل وقريتو هو بيقول شعر، يعني شاعر... والشاعر عمره ما بيكون متطرف
ولا إرهابي لأن الشاعر مليان أحاسيس ومشاعر....
ومعاوية ود المدير عرف هذا جيدا وقال بنفسه انه سوف لن يخاصم ود حمزة الزبير ابدا..

والله يديه الصحة والعافية
والله يديكم الصحة والعافية

الأخت أميرة هسع بتوع ليك قصيدة بجيب ليك شلل إرتعاشي

يبدو انك انسان جاهل بمعنى الكلمة
هذا ليس مقام عشق وهيام
ماتفعله هنا يعد مضايقة مقصودة
هل ترضى ان يلاحق اي شخص احدى اهل بيتك بهذه الصورة الفجة
لما لاتستحي علي عبطك وقلة ادبك ياوائل
أهكذا ربتكم الانقاذ
سنطالب الاخ بكري برميك خارج المنبر اذا تماديت في تيهك
قرف يقرفك

يفوقون سوء الظن العريض