هويدا الماحى تكتب: اعتذار واجب تلك التى قد كنتها ليست انا لكم العتبى

03:54 PM November, 19 2016

سودانيز اون لاين
زهير عثمان حمد-السودان الخرطوم
مكتبتى
رابط مختصر

صحيفة عشق البلد
http://www.up-00.com/"http://www.up-00.com/"
هويدا الماحى تكتب: اعتذار واجب تلك التى قد كنتها ليست انا لكم العتبى
7777777
اعتذار واجب
" سبحانك اللهم وبحمدك ، أشهد أن لا إله إلا أنت أستغفرك وأتوب إليك "
يا اعز الناس حياكم الله جميعا
تلك التى قد كنتها ليست انا و جل من لا يخطئ
0 كل ابن آدم خطاء وخير الخطائين التوابون
0 لكل عالم هفوة ولكل جواد كبوة وقد كبأ جوادى
0 لكم العتبي حتي ترضوا ولكم العتبي اذا رضيتم ولكم العتبي فوق الرضى
0 لن اكابر ولن ادفن راسى فى الرمال بل أتحمل مسؤولية ما حدث ..فقد أسات الأدب في لحظة غضب وسطرت ما لايشبه مدادى واحرفى
ألا قاتل الله الغضب
0 احتفظوا بأحبابكم وحافظوا عليهم بالاعتذار عن أخطائكم
0 مااجمل ان يكون لديك اخ وصديق صدوق يشدد من ازرك ان ضعفت يشجعك اذا جبنت ويناصحك اذا زللت
0 وإن كان الاعتذار شجاعةً فإن الصِّدق فيه صِفة لازمة لا يتحقَّق إلا بها كما أنَّ قبول الاعتذار شيمة من شيم الكرماء
0 اقر واعترف اننى قد جنحت مجانح الزلل فى الرد على مقال سهير ولن ابرئ ساحتى من الخطأ وغلطة الشاطر بمليار ..فقد اعمانى الغضب وثارة ثائرتى
0 اشهد الله ان الكثيرين ظلوا يطلبون منى الرد على كتابات سهير وتربصها بالرجل السودانى وكنت اجيبهم رفضا ولكن مقالها الاخير كان فوق احتمالى
لكم العتبى ولها
0 ولكن لن اكف عن الرد علي كتاباتها التى تسعى فيها جاهدة للحط من قدر الرجل السودانى
0 بحثت وسألت الزملاء من القبيله الاعلاميه على اجد مبررا للفوبيا التى تعانيها حيال الرجل السودانى والتى تدفعها للتقليل من قدره وقد وصفت الرجل السودانى بالوسخان واللبنانى بال(حلو )..
0 كما نالت من اهل الجزيرة وصفتهم بالخبث و ان احدهم ( اذا غفلت شوية ) يخلع العراقي البلدي ويضع ملابسه المتسخة مع غسيلك)..!!!! عجبى
0 ما دفع اهل الجزيرة للسخط منها وقامت الزميله الصحفيه مزدلفه(جريده الجريده) بمقاضاتها ولكن سوح القضاء حكمت لصالح سهير بفعل فاعل بالدارجى قالوا: مسنوده من شخصية كبيييييرة ..!!
0 حاولت معرفة سر العداء السافر للرجل السودانى وحتما وراء العقده رجل وهذا بين جلى من اسقاطاتها تلكم عسى ولعل ان يكون طليقها الاول ابو ابنتيها السبب فامتدحه زملاءه ضباط الشرطه واجمعوا انه ملاك يمشى على قدمين كان ولم يزل شهما نبيلا وسماحته مضرب مثل بين اقرانه واهله وجيرانه يعنى الراجل نموذجا يحتذى ومضرب مثل اخو البنات وعشا البايتات
0 اما طليقها التانى القاضى فقد طلقها بسبب مقال شارع النيل يعنى ما كان سبب الفوبيا طيب من اين لها بمعاداة الرجل السودانى اهى عقدة منذ الطفولة ؟؟؟؟
ام ان جبروت وسطوة كفيلها قد زادتها غرور وصلفا وعنجهيه ؟؟؟؟؟؟؟؟؟
وللحديث بقيه

ده كلام ده
في ذمتكم ده إعتذار !
شاغلة نفسها بالبحث و التقصي و تقول إعتذار
تحياتي زهير

أخي كمال
تحياتي
قالت دا الاعتذار حقها وكمان لازم من نشروا لانها سوف يرفع عليها دعوي قضائية بسبب نشري لمقالها الساقط الاول
في المنبر
عشان ما تطولنا سهام اللئام نشرتو
لك كل الود

أنا في مداخلتي في الموضوع الأول حذرت من أن هذا المقال يسمح برفع دعوى جنائية ضد هويدا
ثم كتبت لجريدة عشق البلد طالبة منهم مناصحة زميلتهم وطلبت منها هي الأعتذار
أعتقد أن في إعتذارها خطوة شجاعة لنقد الذات ودي ثقافة مفروض علينا مبدئياً تشجيعها
أعتقد يا أخي كمال أن هويدا وضحت بصراحة إنها أخطأت فيما كتبت
وأن شرحها لدوافعها في الكتابة وهي غضبها من كتابات نجلاء وتهجمها المستمر على الرجل السوداني
ورغم أنها اتوسعت في تنبؤاتها عما يكنه ضمير نجلاء وهذا فيه شطط وتجني
إلا أننا يجب أن نشيد وندعم إتجاه ثقافة الإعتذار

بالله ده اعتذار ده ..
أخير ليها كان ما اعتذرت ..

اللذيذة قالت شنو

Quote: تلك التى قد كنتها ليست انا

يمين دي إنتي ذاتك ..

ما خطته يداك ياهويدا أحط مما كتبت سهير ..
معقول في بنات بيكتبن كده ..
دي تربية وين دي !! ..

وللحديث بقيه ..


ـــــــــــــــــــــــــــــــــــــــــــــ



أخير تنطمي ..

والله يا كمال انا باعتبر اعتذار هويدا اعتذار مقبول جدا جدا
وهي اوردت السبب في غضبها والسبب في انها خرجت عن طوعها
وكتبت ذلك المقال السئ...
وبصراحة قبلنا عذرها ..واظنها كان عندها حق في زعلها الشديد...
ونرجو من الصحفية سهير ان تتغلب على عقدها الكتيرة تجاه الرجل
السوداني وتخفف من لهجتها شوية...وما تقلب الدنيا عليها...واحسن
ليها وافضل تتجه لحل مشاكل السودان وشعب السودان المغلوب على
امره...ومش ناقصين...
والله يديك الصحة والعافية

أميرة
تحياتي
والله أنت فيك شيء لله
هو زول عايز يعتذر علاقتو شنو بالسيرة بتاعت الزواج والطلاق للمعتذر لها
المهم قلنا مقبولة
لك كل الود سيدتي

افسدتي اعتذارك بشر سيرتها وخصوصيتها بالحديث عن طليقيها و اطفالها على الملأ
هل تفتكري دا أمر يهم القارئ العادي - العادي اعني بها غير المتتبع للعورات و المحب للشمارات وسير الناس زيك وكتيرين على شاكلتك يا هويدا

يا مستنير اهي اعترفت بأنها كاتبه ذلك الغثاء بكل ما فيه من قذارة وكسر عين جعلك تعتبر ان كاتبه رجل, قلت ليك ثقافة كسر العين وقهر الآخر بالجنس ليست ثقافة كورية ولا حكر على الرجل
تحب الغلاط انت بس

اتفق مع كلام كمال عمر..
هذا الإعتذار انطوى على كلام ممكن يدين هويدا الماحي جنائيا..
ومن غير حكاية الضهر والسند ، لو كنت قاضي في السودان وجاني بلاغ على اساس كلام هويدا المنشور هنا ح احكم عليها بالسجن وسندي القانون الجنائي السائد في البلد..

كبر

يا ود البشري التحية لله وللبوست سيد أرجو أن تضع ذلك في الاعتبار
وتصحيحك سليم
العن أبو نكران الذات في لحظة طلاس ملص !#

معذرة يا زهير
السلام عليكم و رحمة الله

أخي ود البشري
تحياتي
عادي والله تأكيدا لصافي الود وحسن النوايا لا أكتر
وتظل معارف الاسافير مظان خير وأواصر قربي حينما نود
شكرا للمرور والمشاركة أخي

تصدق يا زهير فعلا انا فيني شئ لله..فانا صوفية مثلي الشيخ المسلمي .
..بس تعلقي الشديد وحبي الشديد للسودان بخليني ما استحمل حقارة الرجل السوداني
...حقارة المروءة والشهامة وحب الخير ونكران الذات .
.. وتقبل تحياتي النواضر ..
عليك الله زول بيفتش لزول ما بيعرفه بيطلب مساعدة
في بلد غربة ويقدم ليه المساعدة...وزول بطيبة خاطر يدي
بيته لزول تاني يسكن فيه وما يطلب منه غير الدعوة الصالحة
زول زي ده هل بتلقاهو في اي مجتمع تاني
كان في لبنان..او في اي بلد في الدنيا..
يا اخوانا انتو درر نفيسة ...انتو اخوان البنات
انتو البتنقذو الملهوف وتكسو العريان وتشبعو
الجعان..وحتى الطير لمن يدخل سماء السودان
تلقاهو شبع..
والله يديك الصحة والعافية

اعتذار عن اه؟؟ فى تقديرى هذا اسفاف وابتذال يجعل من اسمك سبة للابد ومثال لجراءة امرأة فى فحش القول وساقطه دون حياء وتحرج ما عهدناه فى الوسط النسوى
ما كتبته سهير عبد الرحيم مقارنة بهذ ا الحضيض المزلق لهو اطهر واعف من هذا التفسخ والانحطاط وان رجل ماجن وفاسق لا يجرؤ على ذلك.

هههههههههه والله انتو طيبين خلاص
وينو الاعتذار ؟!
قالت ليها انتي زعلانة عشان قلنا فيك كلام ما حاصل ؟ ولااااااا تزعلي امسحيهو لينا في وشنا
لكن تعالي ندق ليك الصفائح ونطلع الفضائح يا المطلقة مرتين يا السابوك الرجال الكويسين عشان انتي ما بتنفعي زوجة

ما شاء الله عليك يا أحمد عمر .. بتعرف تمسك الطار كويّس :)

ابو الزوز ازيك
ياخى عنوان البوست ده ذكرنى دعاية بتاعة شكولاته كده بتقول
" انت مش انت و انت جعان"
و بعدين يا شباب نحن ما ح نطلع من الملطم بتاع صحفيات الانقاذ ده؟
يوم شاش يوم سهير يوم هويده !!! الموضوع ده كتر شديد و بعدين الناس ديل عدا عن انهم
بشغلوا الناس عن قضايا مهمة فهم بيشاركوا فى افساد الزوق و المناخ العام .. غايتو!!

أخي العزيز زهير

سلامي وتحياتي ،،،

والله اعتذار هويدا ده أخير منو لو كان سكتت ،
وانتظرت المحكمة والمحاكمة !! لأنها جات تكحلها
عمتا مرة واحدة ؟! لأنو داخل الاعتذار ذاتو هناك
نوع من التشهير وإشانة سمعة ونشر معلومات شخصية جدا ،
مؤكد لا تهم القارئ لما تكتبه الصحفية الاستاذة سهير عبدالرحيم .

مودتي ،،،

( ليمو )

بسم الله
مالها اتكررت كدي !

مكرر

المحيرني حتى التعديل بتتدبل موش المداخلة براها :)