محاولة الداعشيتان تاور هنضبة عرمان وعووضة خطر علي الوحده الوطنيه والأمن .. بقلم : عبير المجمر ( سويكت) أظن أن الجميع قد سمع بتصريحات النائبة البرلمانية والقيادية في حزب المؤتمر الوطني عفاف تاور التي أعربت علنيا عن رغبتها الشديدة في الشروع في قتل كل من عرمان وعقار والحلو علي الطريقه الداعشيه باستخدام حزام ناسف وهذا مايسمى في القانون مع سبق الإصرار والترصد بما أنها أعلنت عن رغبتها هذه رسمياً وعلانيا ولفظيا وليس خطيا وكانت في كامل قواها العقلية والجسدية ولم تبد بهذه التصريحات تحت تهديد أي شخص بل هي رغبه شخصية تراودها منذ سنين، فطالما كانت الشخصيات المستهدفة وبالأخص السيد عرمان هدف الشقيقتان تاور ومن هنا نتوجه بسؤال لعفاف تاور(ألم تجدي حتى اليوم حزامك الناسف ؟ أم أن سعره غالي فلم تمكنك أموالك الطائلة الملهوفه من حكومة الإنقاذ من شرائه؟) حبوبتنا بتقول :"السواي مو حداث" والكل يعلم أن الاختين تاور (لا بفلقوا ولا بيجيبو الحجار)عفاف تعرف أن الشباب السوداني يعاني مايعاني من فقر وجوع وعطاله ومرض وعزوبية بينما تتمتع هي بأموال القصر الجمهوري فأرادت بطريقة خبيثة إستغلال ضعف الحالة المعنوية لهؤلاء الشباب وتحريضهم على إغتيال عرمان ورفاقه متكرمة عليهم بفكرة الحزام الناسف الجهنمية الانتحارية على الطريقه الإرهابية الداعشيه فعفاف بخبثها ومكرها تعلم أنها أن لم تجد ضالتها في شباب الخرطوم لتنفيذ هذه العمليه الإرهابية فقد تجده في شباب مناطق الهامش وهكذا تكون عفاف تاور صاحبه فكرة إستعمال وإستخدام الشباب المحبط معنويا في التخلص من الخصوم المعارضين واستبدال أجهزة الأمن بالدواعش فهذه سابقة لم يسبقها عليها أحد فصارت ماركة إرهابية مسجلة بإسمها وأنني كمواطنه سودانيه حريصة على مصلحة الوطن وسلامة وأمان شعبه وإحلالا للحق ومساندة لمحاربة الإرهاب دولياً أطالب برفع الحصانة عن البرلمانية عفاف ومحاكمتها إضافة إلى ذلك فهي قد أثبتت عفاف تاور أنها ليست علي قدر من المسؤليه والكفاءة لتتولي منصب نائبه برلمانية وقياديه وقد كانت قاضيه سابقا ونحن نخاف على أبنائنا وشبابنا من عواقب هذه التصريحات الداعشيه الارهابيه الإجرامية وتلويث وتسميم أفكارهم ويجب عليها التقدم باعتذارعلني في هذا الوقت الذي يخطو فيه السودان خطوات إيجابيه نحو التصدي للإرهاب إذا علينا أن نبدأ أولاً بداعشي السودان الداخليين . وهاهي الأيام تثبت لنا خطر أل تاور على الوحدة الوطنية وأمن وسلامة أفراد المجتمع حيث باتت أساليب الإرهاب الداعشيه والتهديد والوعيد والاستفزاز والشتائم هى أسلحتهم المشروعة لتخويف الخصوم وإرعابهم للتخلى والتنازل عن مواقفهم الوطنية الصلبة وصولاً إلى التهديد بالقتل لكل من خالفهم مستعملين شعار العصا لمن عصى، حيث قررت الشقيقتان تاور اقتسام المهمة الداعشيه بهنضبه كل من يخالفهم الرأي فتتولي عفاف المهمة داخلياً ونور خارجياً بلسانها الزفر فى الإغتيال الصحفى والأدبى والسياسى بالتهديد والوعيد ونرى ذلك في محاولات نور هنضبة عرمان عند كتابته لمقال (لقاء صدفي مع يوسف كوه مكي) حيث قامت بشتمه ونبذه وحاولت التشكيك في نزاهته ونزاهة دكتور جون قرنق تغمده الله بواسعة رحمته الذى إتهمته بالديكتاتوريه ثم قامت بتكرير عملية الهنضبه مع الأستاذ صلاح عووضه عند كتابته لمقال(خلاص قربت) محاولة التشكيك في نزاهته ونعته بالموالي للنظام ووصلت نور تاور إلى حد بعيد في سفالتها ناعتة أبناء الشعب السوداني بالكلاب تخيلوا واحدة تصف شعبها بأنهم كلاب ومن ثم سولت لها نفسها هنضبتي أنا شخصياً عند كتابتي لمقالي تحت عنوان(فيلم هندي إسمه مسرحية طعن طالبين من رابطة دارفور) ولا تزال تطاردنى بتهديداتها وشتائمها وإرهابها لكل الشباب الصاعد أمثالى المتمسكون بأفكارهم الجديدة وحرصهم على الحرية والديمقراطية. والكل يعلم أن الشقيقتان تاور تحاولا لعب أقذر دور سياسي بحيث تقوم عفاف بمساندة النظام داخليا تتمرمق فى نعيمه مستلذة برغد العيش ولهف أمواله دونما تساهم فى إقامة مشاريع تنموية وطرح حلول إقتصادية وإجتماعية لأبناء جبال النوبة الذين يعيشون فى القطاطى المبنية من القش وهى فى الدور والقصور بينما تقوم نور بمحاولة لعب دور المعارضة الشريفه خارجياً لكسب قاعده المهمشين وهكذا ينهب آل تاور أموال الشعب السوداني داخلياً وخارجياً لسحب بساط القيادة من ياسر عرمان مستعملة أقذر الأساليب ظنا منهن انهن آل المهدي على ما اعتقد على الأقل المهدي وابنه لعبوا لعبتهم من غير أن يمارسوا علينا أساليب الهنضبه والإرهاب والكباب أم أنتن عندما نسمع بأفعالكن نقول :من أين أتى هؤلاء؟ بالله عليك نور تاور كما تقول حبوبتنا : (خشمك صوريهو وكيليه تراب) عند مهاجمتك لي ولعرمان حاولتى الظهور بدور المناضلة الشريفة وإظهار الآخرين بمظهر الخونة العملاء ولكن للأسف عريتي نفسك بنفسك فأنت بعيده كل البعد عن الشرف والنزاهة ومحاولة تجريدك للرأي الأخر وعدم تقبلك لخصومك السياسيين أمثال عرمان الذين يفوقونك قدرة وكفاءة وشعبية وخبرة فى العلاقات الدولية أظهر ضيق صدرك وعدم فهمك لمعنى الديمقراطية الصحيح لأن حريه الرأي والتعبير هي جزء لا يتجزأ من الديمقراطية وأحقية عرمان في مزاولة العمل السياسي مدافعا عن قضايا اي جزء من أجزاء السودان حق وطنى مكتسب باعتباره إبن السودان ورفضك غير المبرر لتوليه قضية أبناء جبال النوبة فقط لأنه في نظرك من الجلابه كما تعودتى الشتم في تعليقاتك التى تؤكد عنصريتك وخطرك على الوحده الوطنيه رجاءا أرتقي بأسلوبك بالله وان كان لك إعتراض على قدراته السياسية والإدارية فتكلمي أو (نقطينا بسكاتك) أما عووضه فلم يأتي بافك واحلالا للديمقراطية علينا سماع الرأي الآخر إتفقنا ام إختلفنا معه وإختلاف الرأى لايفسد للود قضيه ومقاله واقعيا مقتبس من آراء الشعب وليس من نسج الخيال وقد أكدت علي مصداقية نقله لأفكار الرأي الآخر في مقالي(ضياع الثقه بين سودانيي الداخل والخارج) وعووضه كصحفي محترف إنطلاقا من أداب المهنة يجب عليه أن يكون محايدا نسبة لأن الصحفي هو لسان حال المجتمع عليه نقل وجهة نظر الرأي والرأي الآخر وليس ان يكتفي بكتابة مايروق لسمو الاميره نور تاور ويخدم مصالحها الشخصية أما أنا فلن أحاول أن اشرح لك وجهة نظري أو أعلل موقفي لأن لي مطلق الحريه في أن أفعل ما يحلو لي وأعبر عن رأي كما شئت وأركب أعلى مافي خيلي وان لم يعجب سمو الاميره نور تاور فلتذهب وترفع دعوى لمحكمة العدل الدولية بتهمة أنى لم أكتب مايروق لها أو لأن لي آراء مخالفه لأرائها وهذا مخالف لقوانين الديمقراطية التاوريه وان لم تستجب محكمة العدل الدولية لشكواك فلا تخجلي ولا تترددي في أن تطلبى من صاحبه البلاط الملكي عفاف تاور أن تقوم بتحريض شباب المناطق المهمشة باغتيالي بعملية ارهابيه إجرامية من تكتيكاتها مادام أرواح ومصير أبناء الشعب السوداني بأيديكم وترفض حكومة الانقاذ معاقبتكم على افعالكم الإرهابيه الشنيعة فما أنتن إلا عار على جبال النوبة التى أنجبت السلطان عجبنا والمجاهد التاريخي على الميراوى والبروفيسور القانونى الشهير هنود أبيا كدوف وعباس برشم والبروف الأمين حمودة عميد كلية الهندسة سابقا والأب السياسى الشهير الراحل المقيم عباس فيلب غبوش والضابط حماد الأحيمر والرائد شامبى والدكتور كبشور كوكو وزير التربية والتعليم الأسبق وأستاذ الأجيال ميكادى كوكو والمناضل الراحل المقيم يوسف كوة والمناضل الشهير اللواء تلفون كوكو أبو جلحة .
القيادية بالبرلمان والمؤتمر الوطني البرلمانية عفاف تاور اتهمت الثلاثي (عقار، عرمان والحلو)، بتنفيذ أجندة الحزب الشيوعي وقالت) أن تصريحها الذي في الحد الأدنى يعتبر تحريضاً على القتل اغتيالاً وهو ليس إلا محض إسقاط حالة ذهنية رافقت البرلمانية عفاف تاور منذ تصديها الخشن لاتفاقية (سيداو) ورفضها هي وزميلاتها في المؤتمر الوطني امتيازات ايجابية لصالح بني جنسها من النساء ذلك إن تاور تعلم أن النساء الإنتحاريات ظاهرة موجودة منذ القاعدة والجماعات المتشددة الأخرى وأضافت لها داعش تحسينات فسمعنا عن الإنتحاريات الأوروبيات حينما قتلت أحدى الإنتحاريات في بروكسل بعد التفجيرات الإرهابية في فرنسا تصريحات تاور تفصح عن يأس وعدم تفاؤل بانتهاء (التمرد) عسكرياً وهو شعور في مكانه لأن مثل هذه الحروب تاريخياً لم تحسمها القوة العسكرية فالحروب تتوقف على طاولات التفاوض وإن طال أمدها أما الخطير في الأمر فهو أن هذا التصريح سيكون له أثار مدمرة على عملية الحوار التي تدعو لها تاور وستكون له آثار سالبة داخلياً وخارجياً كيف سيأتي هذا الثلاثي للحوار في الداخل وثمة غضب بهذا الحجم وتفكير في تفجيرهم إنتحارياً. فات على البرلمانية أن مثل هذه التصريحات ستكون أكبر مهدد للبلاد باعتبارها أول دعوة علنية لتصفية الخصوم وباستخدام التفجيرات الانتحارية هذا ربما يجعل الطرف الآخر يفكر في ذات الوسائل وبذلك تكون البرلمانية قد دشنت ولو نظريا لمرحلة الفوضى والتدمير وسيذكر لها التاريخ ذلك فات على البرلمانية تاور أن هناك جهات لها مصلحة في استمرار الحرب ربما بهذا سنحت لها الفرصة لتنفيذ هذه الجريمة وعندها لن يكون صعباً نسبتها للحكومة وحزبها وأجهزتها، يحمد للحركات المسلحة أنها إلتزمت بالقانون الدولي الإنساني وهي تحارب الحكومة ولم تتورط حتى الآن في عمليات إرهابية أو اغتيالات سياسية واحتكمت للعقل ولم ترد على عملية تصفية الدكتور خليل إبراهيم . (منقول)
هسه با عارف إنت امبارح القريبة دي مش كنت متضايق من البشاري .. وبتدعي إنه أهان كل الجنوبيين عشان عنده مشكلة مع دينق .. هسه الجد شنو جاي خامي المقال ده وبتحتفي بيهو .. وبتقول كمان انه تم ردم نور تاور .. نور تاور تتردم ليه ؟؟ .. وذنبها شنو ؟ .. هل عشان عفاف تاور اختها .؟. بالله ده كلام ده ..!! .. هل انت موافق على نظرية التكويم دي .. طيب كان مفروض أمبارح تقبلها من البشاري .. ده انفصام مواقفي منكـ .. وحشف وسوء كيل ..
الاخ جمال ... تحياتي المقال ليس له علاقة بالعنصرية ... السيدة عفاف تاور في وقت مضي صرحت بانها علي استعداد لان تحمل حزام ناسف وتفجر نفسها مع ثلاثي الحركة الشعبية (عرمان وعقار والحلو) . ذكرت صاحبة المقال سب وشتم الاستاذة نور تاور لياسر عرمان وربطت بين موقفي الاختان في كراهية الحركة الشعبية وقادتها وهذا ليس تكويم ..
أنا مقاربتي لا دخل فيها للشق العنصري الظاهر وعلى الاطلاق .. انا مقاربتي محصورة في إنك تأخذ ناس بي جريرة فعل آخرين .. حتى لو كانوا أقاربهم من الدرجة الاولى .. أو حتى ينتموا لشريحة اثنية أو أسرية واحدة .. وإنت رفضت المنطق ده من بشاري .. فكيف تقبله الآن وتقره في أخذ نور تاور بجريرة أفعال أختها أو ابن عمها .. او أي أحد من أفراد أسرتها أو قبيلتها .. لأنه ديل في النهاية لايعبروا عنها ولا عن مواقفها وأفعالها .. وأعتقد بانه مساءلتها او حتى محاولة النيل منها من هذه الزاوية .. فيه شطط وحيف وضيم شديد يقع عليها .. فقبولك أنت بالمنطق ده فيه حشف وسوء كيل من جانبكـ .. فما رفضته أمس يا عارف لا يمكن ان تاتي وتقره اليوم !! .. ( من الزاوية دي تحديداً ) .. من جانب آخر نور تاور هاجمت عرمان وقالت رأيها فيه .. زيها وزي أي زول بيقول رأيه كنوع من حرية التعبير . فلا يستقيم أن يتم تحميل وجهة نظرها المحضة في ياسر عرمان او غيره .. ويتم مساواتها بمقولة لم تقلها هي من على شاكلة .. (حمل حزام ناسف وتفجير ياسر عرمان والحلو وعقار) .. و( دعشنة) الموقفين سوا وهما غير متساويين البتة ..
أنا بشوف كل شاة معلقة من عصباتا .. ونور تاور تنحصر مسؤليتها على أقوالها وأفعالها هي وبس .. الناس التانيين من أفراد أسرتها ما عندها بي مواقفهم شغله .. فلا يصح ابتزازها بالمسألة دي .. اليس هذا ما فعلته الكاتبة في المقال .. وإنت أقريت كلامها ده .. ولاّ رأيكـ انت شنو ؟ ..
أخطرجرائم الآنقاذ على الاطلاق هى تدمير الشباب..لتضمن بذلك بقاء عدوانها حتى بعد زوالها...ويقع الدمار الاكبر على الموالين لها..وذلك بأن جعلت منهم طبقة عنيقة, بذيئة ومدمرة.. بعد أن ربتها الانقاذ على أنهم صفوة المجتمع وأن خلاص المجتمع بايديهم..ولكن بالقتل والعنف والبطش والفساد..لتشمل هذه الفلسفة الشباب الانقاذى فى كل مرافق الحياة السودانية وخصوصا الآجهزة الآمنية.. عبير سويكت أحدى هذه الافات.. وهى مندفعة بكل الغرور والخيلاء والعنف والجهل المركب بالسودان وأهله. ففى يومين فقط وفى اراء حرة ومقالات نشرت كمية من الجهل لوثت بها الفضاء الرحب وهى تغالط وتشتم فى حالة تدعو الى الاشفاق والرثاء..هذه الشابة الفاتية التى ترى بأم عينيها ما يجرى للشباب وخاصة الطلاب أستهزأت بهم وكتبت فى ذلك مقالا صريحا وواضحا..ولكنها فى مقال اخر تتهم الغير بأنهم لا تهمهم معاناة الشباب.. وعبير سويكت لا تعرف عن السودان حتى جغرافيته ناهيك عن ناسه وقياداته والنبلاء والخونة فى تاريخ السودان.فجمعت فى جهل واضح ومخل الاب فيليب عباس غبوش وكبشور الموالى للنظام جملة وتفصيلا..وجمعت ياسر عرمان وصلاح عووضة من قمة النزاهة والالتزام الصحفى لصلاح عووضة الى ياسر عرمان أحد كوارث السودان الذى عاث ويعيث فسادا فى قضية جبال النوبة رغم كل التعرية التى تمت فى شأنه فى الصحف والفضائيات السودانية..و أتت بالفكى على الميراوى الذى لا تعرف اصلا ماهو دوره فى تاريخ السودان ثم الحقته بيوسف كوة أحد رموز تاريخ السودان المضئ الذى لم يدخل فى عداد التاريخ بعد ثم وفوق كل ذلك أستخدمت أسلوب البشير فى سب النوبة باللجوء الى الكراكير التى تحميهم من الطائرات الحربية التى تقصف المنطقة لسبعة وعشرين عاما الان..لتطلب منى فى جهل فاضح بأن ابحث لى عن كركور وأختبئ فيه.. ولولا العناية الالهية ووجود تلك الكراكير لما بقى فرد فى تلك الولاية على قيد الحياة..حتى الجغرافيا استخدمتها عبير كما استخدمها رئيسها عمر البشير فى سب النوبة..فالكتابة عند عبير سويكت هى سمك..لبن...تمر هندى..لا تستطيع أن تخرج بجملة واحدة مفيدة بعد قراءة مقال كامل تصب فيه جام غضبها وانفعالاتها وجهلها المريع.. المسألة واضحة وضوح الشمس فى رابعة النهار..وهى نوعية واسلوب كتابة الجداد الالكترونى.فهم يخلطون الامور فى خبث بّين حتى يمكن أن يمرروا أجندتهم..فلذلك جمعت عبير أقصى المعارضة وهى نور تاور الى اقصى الحكومة وهى عفاف تاور..غصبا عن أنف الجميع لآنها ارادت ذلك.. ولاننا شقيقتان أذا فنحن نعمل بتنسيق مع بعضنا البعض.. هذه الشابة التائهة, التى عبثت بها الانقاذ حتى حولتها الى كائن يصعب وصفه تعتقد أن كل ما يكتب يجد حظه من الفهم والاطراء وهى لا تعرف ان شعب السودان هو من أذكى الشعوب وأكثرها وعيا وله اسلوبه التاريخى فى تحمل أذى الحكومات ثم الانقضاض عليها بين عشية وضحاها..وأن الحكومات مهما بلغت من البطش والتلاعب بمصائرهم, فهذا الشعب وحده هو الذى يعرف متى يسقط الحكومة ومتى يأتى بغيرها..وأن كل ما تفعله الانقاذ على يد أجهزتها الامنية مثل عبير سويكت لن تثنى هذا الشعب عن غضبه.. عبير سويكت من مخلفات الانقاذ..لئيمة, عنيفة, بلطجية , جاهلة, تكتب بمكر يفضحها فى كل سطر ..وتنتعش أكثر كلما أثنت عليها حكومة الانقاذ وهى تدرى تماما أنها مختارة لهذا الدور لمؤهلات مطلوبة لدى المؤتمر الوطنى. فالانقاذ تعر ف ضحاياها وتعرف كيف تعبث بهم وتعرف ايضا أن لديها قصورا فى الخارج وأرصدة فى البنوك وأن أول خروج الى الشارع سوف لن تجد عبير التى اكتفت بتلقى الفتات من الانقاذ, سوف لن تجد أى منهم بعد هروبهم الكبير مثلما حدث فى ثورة سبتمبر المجيدة لتواجه هى غضب الشعب الذى يعبثون به الان.. فيلم الاكشن الذى وصفت به عبير ابنائنا الطلاب هو الفيلم الذى تعيشه عبير الان دون وعى أو بوعى منها... أما الهراء الذى سكبته فى وصفنا فهو مثير للاشفاق ليس الا وأقل بكثير من المنفعة التى جنتها من وراء ذلك..كنتى طلبتى أكثر يا عبير...
بالله، عفاف تاور أخت نور تاور؟! من زمان عندي احساس انو نور دي كوزة صدق حدسك يا مستنير ...
كون عفاف تاور حكومة لا يعنى أن بقية اللى خلفوها كيزان.. فأنا اقف فى اقصى المعارضة منذ 30 يونيو 1989 حتى تاريخه.. ثانيا.. كنت تسأل ولتعرف السبب الذى فجر هذه القصة التافهة من صحفية تافهة مثل عبير سويكت.. فقد كتبت مقالا أهانت فيه طلاب دارفوريين.. واتهمت عملهم بفيلم الاكشن.. فرددت عليها.. استمر الآمر فى التصعيد لانها كانت تكتب ما يمليه عليها الجداد الالكترونى.. و فى غباء شديد منها أدخلت عفاف تاور ظنا منها بأن هذا اسلوب من الضغط قد ينفع معى.. هذا كل ما فى الآمر..
أحاسيسك دى يا المستنير لمها عليك و ابعد عنى ما بعدت عنك.. لانى حتى هذه اللحظة احترمتك كتير وفوت ليك أكتر..
ردت عليها يا عارف ..بعدين ده مقال كلو اسفاف وهتافية ومهاترات فاضية ..بعدين نور تاور ذنبها شنو ؟؟ ..لو اختها عفاف تاور .. ذنبها شنو أتؤاخذ بجريرة أفكار وأفعال إنسان تاني ..يعني هسه أكان أخوي كوز او شيوعي ..معناتها أنا برضو تابع ليهو .. ويتم أخذي بجريرة أفكار ليست أفكاري .. وأفعال لم أقترفها أنا .. ده شنو المنطق العجيب ده ..والله دي حاجة تمحّن .. كامل تضامني مع نور تاور في محنتها هذه ..والله ليها حق بلدنا دي ما تتقدم شير .. إذا دي عقلية الناس وتفكيرها ..... ....
قدر ما الرجالة فى السودان بقت خشم بيوت.. ألا وأنو النوعيه بتاعتك دى بتخلينا نطمئن.. وتخلينا نستحمل عشان لسه فى أخوان فاطنة.. عارف لابد لى.. ويطلع لى فى كل ركن.. موضوعه شنو ؟ أهو دا الانا ما عرفته.. لانه عضو فى المنبر دا.. وشايف وبيقرا وعارف موقفى تماما من الانقاذ.. ولكن يجرى فى أول لفة.. يجيب ليك كلام عشان يدين بيه نور.. المقالين موجودين فى أعلى صفحة اراء حرة ومقالات.. لكين يجرى يجيب المقال بتاع الزفته عبير.. ويكتب عنوان زاتو فيه ادانة لشخصى..(تردم الاختين).. وبعد كدا يتم الباقى مبررات.. أت يا عارف.. أكتب لى اسمك الحقيقى وخت صورتك عشان بعد كدا عندى كلام معاك.. أما الاسماء المستعارة دى بقت تانى ما ليها وزن عندنا..
أما المستنير.. فدا زول أبوجهل ساكت.. وماخد فى نفسه مقلب.... ومصدق صحى صحى انه مستنير.. وهو ما عارف انه الناس ضاحكة على الاسم دا.. لذلك هو غير مؤاخذ..
تصدقى الانقاذ ماهى المشكلة.. لانها واضحة وموقف الناس منها واضح.. ولكن يجوك مدعين المعارضة.. وغصب عايزينك تكونى كوزة.. عشان بيتكم فوقه كوزة.. كل دا كوم.. والكتابة من ورا ستار دى كوم تانى.. يعنى الواحد يكتب ما بدا له.. وبعد كدا يمشى كأنه مافى حاجة حصلت.. وما يتحمل مسئولية كلامه.. رجالة الساعة كم دى ؟ بكرى ابوبكر لو اشترط لينا الصور والاسم يكون أحسن..
تشكرى يا اخلاص... شفتى ما أنتى براكى البيغلطوا فيكى؟ السودانيين جّنوا وقالوا هو..
تسلمي بت ابا نور بس الخطأ مرات يدل علي ان التنظيمات مصابة بشئ من الضعف الاسافير تخيف . الانقاذ اضاعت الوطن والتنظيمات اضاعت البوصلة حتي اختلط الحابل بالنابل
دمتي
Post: #14 Title: Re: الصحفية عبير المجمر (سويكت) تردم بنات تاور Author: اميرة السيد Date: 11-20-2016, 00:12 AM Parent: #12
جمال ود القوز قلت واوفيت وكفيت... ولا تزر وازرة وزر اخرى.... واذا كانت عفاف تاور بتايد النظام ..او ان شاء الله بقت رئيسة الجمهورية...نور تاور ذنبها شنو... في الدول الديمقراطية عادي جدا تلقى واحد وزير في حكومة واخوه في المعارضة... ..والتحيات النواضر للاستاذة نور تاور والله يديها الصحة والعافية والله يديك الصحة والعافية
Post: #16 Title: Re: الصحفية عبير المجمر (سويكت) تردم بنات تاور Author: أبوبكر عباس Date: 11-20-2016, 01:21 AM Parent: #14
صحيح كل شاة معلقة من عصبتها وأنا آسف للخلط الشديد الذي ابديته في مداخلتي السابقة، انه الشيطان أنساني المنطق! لكن المستغرب ليهو لغة الحنان في نقد الكيزان الأخوان؟! يعني في حالات تانية، لا أظنك تتبيني هل الكوز فعلا قال؟ ولّ عمل المنسوب ليهو؟ ولّ اصلا ليهو حقوق؟ نحن الليلة متعابطين فوقك عشان نشوفك كيف بتفرزي الحاجات؟ أمشي يا الأختك كوزة غايتو بعد الحكومة تسقط؛ المحاسبة الثورية بعدين صعبة خلاص!
Post: #18 Title: Re: الصحفية عبير المجمر (سويكت) تردم بنات تاور Author: أبوبكر عباس Date: 11-20-2016, 02:05 AM Parent: #17
تقدري تكتبي يا اخلاص: نور تاور كنداكة تناطح الطغاة أمثال عفاف تاور ؟؟
تذكري يا اخلاص ايام شككم في اني ممكن اكون تعرضت لنعمات؟ اليوم داك نور دي فعلا جات جاملتك، وبدون تقرأ، وطلعت من بقجة شتايم الكيزان ولصقتن فوقي؟! الليلة آهو قدامكن كوز مختوم بالختم البرلماني الرئاسي ادوهو نصيبو من الشتم والخيانة وخلونا من قصة عفاف تاور تحدد خياراتها!! تشتموا لي عفاف تاور؛ بمشي منكن، ما تشتموها؛ ما بنفك منكن أسعى لمساواة الكيزان في الشتم والسب خيرتكن فاختارن
ابوبكر المعرفة الشخصية مهمة لو بتعرفني ح تعرف انك صعبتها علي شديد اي شئ بالقانون ،أخطأت ما أظن حتي الكنداكة نور ح يكون عندها اعتراض رغم شدة القربي بعدين حسب ماأذكر الاستاذة نور ما شتمتك ولا شئ استفسرت وانا اعتذرت لها علي تضييع وقتها ،
وضح ان وصف طاغية قد تعتبر شتيمة شخصية في عرف المعنيين لذا اعتذر عنها وليس لنا الا القانون
الكنداكة نور تاور لك من الاحترام أجله ف مسيرة مثل هذه هي مفخرة لكل سودانية لقد أعطيت يا استاذة نور وما استبقيتي شئيآ
وكلي ثقة بأن عائلة انجبت مثل هؤلاء الافذاذ غض النظر عن توجهاتهم السياسة واختلاف مشاربهم ل هي جديرة بالتوقير ويسرني ويفرحني ان قد علمت مأثر ممتدة ، بمثل هؤلاء تفاخر الجبال ويفاخر السودان
سلام لى جميع المتداخلين ..... السؤال المطلوب من هى عبير المجمر ؟ اين هى من بقية اليسارين الصحفين فى كمبالا وكينيا المبعوثين للتدريب الصحفى ........كم عدد الاشخاص الذين يملكون الفلل بالرغم من انهم شيوعين اشتراكين مفلسين ......من اين لهم هذه الاموال....... الان معظمهم راسمالين ........... ولماذا الدفاع المستميت لى ياسر عرمان البقرة الحلوب الاشتراكيين البرجوازيين الهاربين من الحزب الشيوعى السودانى.......هذا هو موسم هجرة المتفلتين من الحزب الشيوعى الى راسمالية ياسر عرمان .......لذا لا نستغرب أن يكتب اى شخص منهما للتقرب من ياسر عرمان صاحب العطايا من اموال اطفال وجياع ابناء النوبة المحاربين بى بسالة.......ثم نحن نستنكر أن تضم اسم المتسلق الانتهازي الى قائمة شرفاء ابناء النوبة والمناضلين الذين لم يملكون فلل او شركات طائرات مثل سجم الرماد. نحن ابناء جبال النوبة لنا قضية واضحة وضوح الشمس مثل بقية اهل السودان...... نعم نختلف فى طرق الحل........ لكن الهدف المطلوب الاستقرار والسلام للجميع
ابوبكر عباس انحنا ابناء جبال النوبة ......حسابنا أول مع المناضلين الاكلو قروشنا باسم النضال ......اموال الاطفال والعجزة بعدين نمشى نحاسب المؤتمر الوطنى .......امشى يوغندا وكينيا شوف الجماعة بيعملوا فى شنوا.
Post: #23 Title: Re: الصحفية عبير المجمر (سويكت) تردم بنات تاور Author: أبوبكر عباس Date: 11-20-2016, 04:21 AM Parent: #22
أموال الأطفال والعجزة؟ معقول يا أيمن، أموال الناس ديل مع الحركة الشعبية وياسر عرمان؟؟ الله، ما تخافو؟
التحية للعملاقة نور انسانة واعية تماما لمواقفها و تعرف كيف تدير معاركها رصيدها فى ذلك ايمانها العميق بعدالة قضيتها و بصيرتها النافذة فى تقدير الامور ____ عارف و السقوط المريع و تناقض المواقف ده حال المعارضة يا نور و الحركات المسلحة لمّا قلنا هم و النظام سواء و شركاء فى الجريمة ما كان من فراغ
الاخ ابوبكر عباس من رائ ليس كمن سمع..... عشان كدة قلت ليك امشى كينيا ويوغندا ..... شوف بى عينك ....... دعم المنظمات والمنح ...... الشيوعيين الكادحين كلهم متردمين بى هناك مرطبيب فى الفلل ما تقول الغبش الكانوا فى السودان.......واولاد جبال النوبة فى الحرب وهم بى هناك شغالين سمسرة وتجارة فى قضية جبال النوبة........ شوف يا ابوبكر عباس احترم اى شخص متمسك بى مبادئهو لكن المتفلتين امثال ياسر وغيرهم الشيوعيين المقطعين اصبحوا اثرياء من حرب جبال النوبة. اما نحن ٩٩ جبل صيغه الجماعة لا تاتى فى شكل مفردة كذلك وجب الجمع .
عارف..حبابك.. والتحية لول ابا ايمن نواي.. يا ايمن: دندنق ياقــُص.. عافية بلا ياااااااااااخ.. شكرا يا ايمن ، وانت جبتها من الآخر: من هي عبير المجمر؟.. وكنت اوقن تماما بان بت ابا نور تاور ح ترد وتكيل المكيال مكاييل ذاتو.. بس عيبي على نور انها لسه شغالة بالمثالية (بتاعة بنات الناس) وفات عليها انو امسودان بلغت شأوا من السفاهة يحير الما بتحير ذاتو..!! وهنا سأقول بعض الأشياء ، واعرف ان اول من يغضب هو نور تاور (المثالية التي تقاتل اهل امسودان بالعقل والمنطق) ، ويا ايمن ، ول ابكر الطويل (ابوبكر عباس) اصلا الحاجات رايحة ليهو وبيحاول يتحقق منها بطريقتو الخاصة.. وح نتفاهم معاهو على هذا الأساس.. اول بالتبادي يا ول ابا ابكر الطويل.. المارش ده عارفو جاي من وين واصولو شنو بالضبط؟..
انا اقول ليك.. دي زفة العرضة بتاعة جدنا المك في سابق الآوان والزمان..وهو مك كادقلي.. يعني جد نور تاور القدامك دي يا ابكر الطويل..!! نعم يا ابكر الطويل ، نور تاور شقيقة مولانا عفاف تاور.. واكتر من كده شقيقة ظابط سوداني كل من عاصروه اجمعوا على انو واحد من اذكى والطف ضباط الشرطة في امسودان..عارف الضابط ده اسمو منو؟.. اسمو الفريق جلال تاور ، الكان رئيس لجنة حقوق الإنسان في البرلمان السوداني (ايام حكومة الوحدة الوطنية بتاعة اتفاق نيفاشا)، ومناصب تانية كتيرة خلاص..هل ده يكفي؟.. نور تاور شقيقة استاذ الفيزياء في امسودان ، دكتور صديق تاور (قاعد يكتب مقالات كتيرة في الصحف السودانية).. هل تصدق يا ابكر الطويل ان دكتور صديق تاور شغال مع ناس البعث العربي الإشتراكي في امسودان؟!!! اما حكاية نور تاور كنداكة ..عييييييييييييييييييك..دي قصة طويلة خلاص.. في التسعينات يا ابكر الطويل ، لمن حناكيش المعارضة السودانية كانت بتكورك عن عصرة بيوت الأشباح في الخرطوم ، نور تاور القدامكم دي كانت بتنقب وبتحقق عن بيوت اشباح تانية ، والشعب السوداني ما عارف عنها التكتح ، وهي بيوت الأشباح بتاعة الحركة الشعبية ، أي والله يا ابكر بيوت اشباح وفي عصر جون قرنق ، نور كانت بتنقب وتبحث وتكتب للعالم.. بس مشكلتنا اننا شعب نساي ساكت وما عندو ذاكرة..وبتسافر لغاية نيروبي ، وشغالة في منظمة نوب التي شاركت في تأسيسها..!! ضابط الحركة الشعبية عوض الكريم ، واحد من ست انفار اسسوا الحركة الشعبية ، أو ما يسمى بالجيش الشعبي قطاع جبال النوبة ، واتصفى بدم بارد من قبل الحركة الشعبية ..الضابط ده قريب نور تاور وهي اول من حكي عنه وعن ما اصاب بعض من ضباط الحركة الشعبية الذين تمت تصفيتهم بدم بارد ، كلام نور تاور هو ما دفع استاذنا المرحوم يوسف كوه ان يعترف بماحدث ولكن بصورة مورابة.. فيا ترى هل تعرف عبير أو أي كان اسمها مثل هذا التأريخ..!! في انتخابات امسودان ، سنة 2010 ، نور تاور كانت رئيسة الحزب الليبرالي ، وفرضوا عليها (حسب علمي) انها تخوض الإنتخابات كمستقلة.. ومشت نور وخاضت الإنتخابات في مسقط رأسها في مدينة كادقلي.. عارفين الكان نازل قصادها (كخصم لدود) منو؟..كانت هي مولانا بت ابا عفاف تاور..ياخي خليك من امسودان ، في كل تاريخ الإنتخابات في البشرية حصل زولة بتخوض انتخابات ضد شقيقتها؟..العارف يقول لينا..!! ايام تلك الإنتخابات ياصديقي ، كانت مولانا عفاف تاور بتحوم احياء كادقلي في عربية مكندشة ، وكانت نور تاور بتحوم احياء كادقلي ماشية على اقدامها ، ورفضت كذا مرة عرض انها تستقل عربية عفاف المكندشة أو غيرها من عربات مكندشة.. في شنو يا تري؟..عشان تثبت انو الشعب السوداني مهما ضاقت بيهو السبل ، ممكن ينجب ناس انقياء امثال نور تاور..!! صحيح خسرت نور تاور تلك الإنتخابات ، ولكن التاريخ الحق يشهد بامرين: الأولاني : انو نور تاور نالت اصوات كتيرة ، تفوق اصوات بعض النساء والرجال ممن يتحكر في البرلمان السوداني الآن ، والتاني: انو نور تاور ، وليس عفاف تاور ، تعرضت لمضايقات وصلت حد التهديد بالتصفية الجسدية ، ايام كان قطاع الشمال عامل فيها حكومة وحدة وطنية مع المؤتمر الوطني..!! طبعا ناس كتيرة ما بتعرف عن الأستاذة زينب بلندية .. ولا شقيقها ابراهيم بلندية (كان رئيس برلمان جنوب كردفان)..زينب ، وصلت امريكا ، وعاملة فيها حركة شعبية ، وكانت الد اعدائها نفرين: شقيقها ابراهيم بلندية وقريبتها نور تاور..شفتوا الشقاء ده كيف؟.. نور تاور بتخوض حروب علي جبهات عديدة.. من نطاق اسرتها لغاية المشهد العام في جنوب كردفان وامسودان بجملتها..!! عارف يا ابكر الطويل ، عندنا في مدينة الدلنج ، مدرسة الأميرية بنات (طبعا هسع صارت حاجة تانية خالص ) مسورة باشجار الياسمين (والله صحي يا ابكر)..ولمن تجي بداية الخريف (يعني شهر ستة/ يونيو/حزيران) بتقوم اشجار الياسمين دي بتفرهد وتنشر عبق جميل خلاص ، وتظهر زهراتها البيضاء الناصعة المخلوطة بالصفار..ونور تاور كانت طالبة في المدرسة دي.. ولغاية الليلة بغالط نفسي في اصرار ، انو اسأل : يا ترى يا تو شديرة ياسمين زرعتها نور تاور في مدرسة الإميرية بنات (كان اسمها الوسطى بنات ايام نور تاور..)..؟؟ التحية لأستاذتنا نور تاور ، وليتها تعفي لينا الوضوح والمشاترة هنا.. و يا ايمن: يسارالحناكيش بتاع ناس (يا زميل) ، (يا رفيق) ، يا (كمريد) ، ده يسار رمينا طوبتو ، وسوف نكون ونعرف كيف أن نكون أو كيف ان نحاسب..!! ويا ابكر الطويل: (انحنا) بتاعة ايمن علي نواي انا فيها ومعاي بريمة محمد ادم ونور تاور ودكتور صديق تاور ، واتنين مليون من جنوب كردفان..والله صحي..!! شتيمة البنات يا ابكر الطويل في اعراف جنوب كردفان مكلفة شديد يا عمك..!! خليك من نور تاور ، هسع تعال دق سدرك ونشتم عفاف تاور ، ولمن يقعدوا اهلنا هناك في الخلاء ، تحت الشدر الكبار ، ح يفرضوا علينا دفع غرامة ، قول مية بقرة.. انت شيل الخمسين (ومعاك اصحابك ان شاء الله تعدموا تعريفة عشاء العيال..!!) وانا وصديقنا واستاذنا الأنثروبولجيست السوداني دكتور حامد البشير بنشيل الخمسين التانية..!! عرفت ليه نور تاور ما بتقدر تشتم عفاف؟.. الموضوع اعراف وقيم يا ابكر الطويل ، كن طرنا أو ركينا ، برضك قاعدة هناك وبتفرض علينا حاجاتها..!! شفت محنة نور تاور قدر شنو؟..ياخي ماركس في ذات نفسو: لو شاف الحاصل..يقول لينا الروووووووووووووووووووووووب..!! امسودان صعبة يا ابكر الطويل ، بالجد صعبة ياعمك..!!
لا انا ولا نور تاور ولا بريمة.. ما بنقدر نشتم عفاف تاور..!!
Quote: لا انا ولا نور تاور ولا بريمة.. ما بنقدر نشتم عفاف تاور..!!
حبيبنا يا كبر ... كلامك سمح بالحيل إلاّ يفتقد للدقة!! إن كان ما فهمته سليما فانت عايز تقول انه الأعراف و التربية تمنعكم أنت و نور و بريمة من شتيمة النساء هل ما فهمته سليم ! أم أن هناك معنى آخر سواء في بطن الكاتب أم لا لكنه ما وقع لي
هذه نور تاور التي نعرف... من هي عبير المجمر ور تاور كافي أبوراس
المولد: مدينة كادقلي – جبال النوبة – السودان. التعليم: كادقلى الابتدائية بنات الدلنج الوسطى بنات الأبيض/الخرطوم الثانوية جامعة الخرطوم /كلية الآداب: أدب انجليزي وأنثروبولجى.
العمل: السودان بعد التخرج ( 1973) تدريس اللغة الانجليزية في مدارس البنات في مختلف مناطق السودان. تدريس اللغة الانجليزية للموظفين مساءا تدريس اللغة العربية للناطقين بغيرها / موظفي شركة شيفرون بالخرطوم صحفية في جريدة الصحافة قسم التحقيقات.
الكويت (1982-1991) بعد تحرشات نظام مايو بالصحفيين قام الأستاذ فضل الله محمد بتسهيل سفر بعض الصحفيين/ت للعمل في الخليج منهم الأستاذة نور تاور بعد أزمتها مع السلطة حول مقالات كتبتها عن سكر كنانة وعسلاية. العمل في بنك الكويت المركزي قسم العملات الأجنبية ومساعد باحث علمي في جامعة الكويت.
القاهرة (1991-1999) م.باحث علمي في الجامعة الأمريكية في القاهرة مترجمة في شركة نايل استر للإنشاءات الهندسية مترجمة لوزارة العدل الأمريكية في القاهرة في برنامج لتحديث القضاء المصري
كندا (2000-2006) أخصائى تقنيات الامن العام (console operator) لمكتب وزير أمن المجتمع (public safety)
لندن - حاليا (2007) المدير العام لأكاديمية جنوب ويستمنستر
النشاط الأدبي: • صحفية في صحيفة الصحافة قسم التحقيقات. • الكتابة في جريدتي السياسة والوطن الكويتيتين ضد نظام مايو وممارسات الأحزاب السودانية في جبال النوبة • مترجمة مذكرات للمقاومة الكويتية في فترة الاحتلال العراقي • الكتابة في صحيفة الخرطوم المعارضة بالقاهرة عن قضايا جبال النوبة وقضايا المواطن السوداني والمعارضة السودانية • ترجمة القانون التجاري المصري لسنة 1999 • مؤلفة لرواية عن مدينة كادقلي – تحت الطبع - وعدد من الكتب المخطوطة والمنشورة على نطاق ضيق عن القضايا الوطنية والاجتماعية. • محررة في نشرات محكمة ومساهمة في مؤتمرات عالمية بأوراق عن قضايا جبال النوبة والنساء في جبال النوبة والقضايا السودانية. • مساهمة في صياغة أدبيات المعارضة السودانية والمنظمات المدنية في التنظيمات التي انتمت إليها وساهمت في قيادتها. • كاتبة نشطة بشبكة الانترنت العالمية ولها موقع تحت الإعداد (www.nourtawir.com ) .
النشاط المدني والسياسي: • ناشطة سابقا بالحزب القومي السوداني • رئيسة منظمة أبناء جبال النوبة في الخارج( نوب) في التسعينات بالقاهرة. (تصدت المنظمة لبرنامج التطهير العرقى في جبال النوبة) • من مؤسسي التجمع النسوي السوداني في القاهرة/سكرتيرة العلاقات الخارجية • من مؤسسي التجمع الوطني الديمقراطي/فرعية اتاوا ( ممثلة للحزب القومي السوداني) والسكرتير العام لدورتين لذلك التجمع. • من مؤسسي المبادرة الكندية السودانية في أوتاوا (هى منظمة غير حكومية تعنى بالشأن السوداني). • سكرتير الإعلام لرابطة أبناء جبال النوبة في كندا/أونتاريو • أمين عام منبر جبال النوبة الديمقراطي ( تنظيم ديمقراطي مفتوح لأبناء جبال النوبة لتوحيد مواقفهم والحوار والعمل من أجل قضايا جبال النوبة) • رئيسة اللجنة التنفيذية للحزب الليبرالي السوداني.
هذه نور تاور التي نعرف... من هي عبير المجمر ور تاور كافي أبوراس
المولد: مدينة كادقلي – جبال النوبة – السودان. التعليم: كادقلى الابتدائية بنات الدلنج الوسطى بنات الأبيض/الخرطوم الثانوية جامعة الخرطوم /كلية الآداب: أدب انجليزي وأنثروبولجى.
العمل: السودان بعد التخرج ( 1973) تدريس اللغة الانجليزية في مدارس البنات في مختلف مناطق السودان. تدريس اللغة الانجليزية للموظفين مساءا تدريس اللغة العربية للناطقين بغيرها / موظفي شركة شيفرون بالخرطوم صحفية في جريدة الصحافة قسم التحقيقات.
الكويت (1982-1991) بعد تحرشات نظام مايو بالصحفيين قام الأستاذ فضل الله محمد بتسهيل سفر بعض الصحفيين/ت للعمل في الخليج منهم الأستاذة نور تاور بعد أزمتها مع السلطة حول مقالات كتبتها عن سكر كنانة وعسلاية. العمل في بنك الكويت المركزي قسم العملات الأجنبية ومساعد باحث علمي في جامعة الكويت.
القاهرة (1991-1999) م.باحث علمي في الجامعة الأمريكية في القاهرة مترجمة في شركة نايل استر للإنشاءات الهندسية مترجمة لوزارة العدل الأمريكية في القاهرة في برنامج لتحديث القضاء المصري
كندا (2000-2006) أخصائى تقنيات الامن العام (console operator) لمكتب وزير أمن المجتمع (public safety)
لندن - حاليا (2007) المدير العام لأكاديمية جنوب ويستمنستر
النشاط الأدبي: • صحفية في صحيفة الصحافة قسم التحقيقات. • الكتابة في جريدتي السياسة والوطن الكويتيتين ضد نظام مايو وممارسات الأحزاب السودانية في جبال النوبة • مترجمة مذكرات للمقاومة الكويتية في فترة الاحتلال العراقي • الكتابة في صحيفة الخرطوم المعارضة بالقاهرة عن قضايا جبال النوبة وقضايا المواطن السوداني والمعارضة السودانية • ترجمة القانون التجاري المصري لسنة 1999 • مؤلفة لرواية عن مدينة كادقلي – تحت الطبع - وعدد من الكتب المخطوطة والمنشورة على نطاق ضيق عن القضايا الوطنية والاجتماعية. • محررة في نشرات محكمة ومساهمة في مؤتمرات عالمية بأوراق عن قضايا جبال النوبة والنساء في جبال النوبة والقضايا السودانية. • مساهمة في صياغة أدبيات المعارضة السودانية والمنظمات المدنية في التنظيمات التي انتمت إليها وساهمت في قيادتها. • كاتبة نشطة بشبكة الانترنت العالمية ولها موقع تحت الإعداد (www.nourtawir.com ) .
النشاط المدني والسياسي: • ناشطة سابقا بالحزب القومي السوداني • رئيسة منظمة أبناء جبال النوبة في الخارج( نوب) في التسعينات بالقاهرة. (تصدت المنظمة لبرنامج التطهير العرقى في جبال النوبة) • من مؤسسي التجمع النسوي السوداني في القاهرة/سكرتيرة العلاقات الخارجية • من مؤسسي التجمع الوطني الديمقراطي/فرعية اتاوا ( ممثلة للحزب القومي السوداني) والسكرتير العام لدورتين لذلك التجمع. • من مؤسسي المبادرة الكندية السودانية في أوتاوا (هى منظمة غير حكومية تعنى بالشأن السوداني). • سكرتير الإعلام لرابطة أبناء جبال النوبة في كندا/أونتاريو • أمين عام منبر جبال النوبة الديمقراطي ( تنظيم ديمقراطي مفتوح لأبناء جبال النوبة لتوحيد مواقفهم والحوار والعمل من أجل قضايا جبال النوبة) • رئيسة اللجنة التنفيذية للحزب الليبرالي السوداني.
وال ابا كبر الموسوعة ولض امى كفيت ..... بس كان ناقص شعرية ...... معروف اهمية الشعرية فى المناسبات فى الغرب ...... قالوا عم العروسة جاى من الفريق لقى الجماعة جابو الشيلة ..... قال ليهم شعرية فيه ..... قالوا فيه......قال ليهم منتظرين شنو ما تعقدوا......بى كلامك دا انت جبت الشعرية الى هنا انتهى الكلام خلاص. كثير من اهل امو سودان مغيبين عن قصد او من غير قصد ......لذلك الكثيرين يندهشوا عند سماع هذه المعلومات التى سردتها او سردها ال ابا بريمه وغيرهم.
ود البشرى انت مفراكتك دى شايلها وحايم بيها ......داير تدخلها فى اى حلة........ طيب خلينا نشرح ليك ...... لمن الواحد يصل مرحلة الحرمة بى نقول ليهو في لس......يعنى ممكن يصل معاك لى اى مرحلة ......عندنا شتم المراءة والقتل فى مرتبة تقريبا واحدة......ما تستغرب برضو.
و انت لازلت شايل انفك وعايز تحشرها في اي مكان ما بخصك ! استفساري موجه لكبر و هو عنده كيبورد يقدر يرد به إن رغب لا داع للخفة و التبرع بالجهل البتسوي فوقو دا
ود البشرى زبونى القديم والله ليك وحشة من زمن ما خشيت المنبر .....عامل كيف بالله بعد زيارة السودان .....ان شاء الله اللياقة عالية ..... وفى احسن الأحوال ...... كدى خلينا من ثقافة اهل الغرب شعر ما عندك ليهو رقبة...... نجى لى ثقافة الخرطوم المفراكة رمز لى معنيين سفلى وعلوى والاثنين ما نافعات ..... العلوى عند النساء والمقصود سواطة الحلة والتورية القطيعة .....و عند الرجال معنى اخر ...... اذا عرفته نرفع عنك كلفة الجهل وتكون مع طبقة المستنيرين . اما
الشكر للاخ عارف العارف عزو مستريح الشكر لك لاتاحة الفرصة لى سماع الطرف الاخر قبل أن تحكم ...... وهذا يدل على رجاحة عقلك .......والمحامى الضليع الموسوعة صاحب المقام الرفيع وال ابا كبر .....والاخ حيدر الذى سرد السيرة الذاتية للملكة نور والى جميع المتداخلين.
ود البشرى معليش وال كبر مشغول شوية ...... قلنا نصبرك شوية بدل الانتظار لمن يرجع ليك بى رواقة ما تزعل خليك رياضى.
Post: #35 Title: Re: الصحفية عبير المجمر (سويكت) تردم بنات تاور Author: Mohamed Adam Date: 11-20-2016, 10:11 AM Parent: #31
التحيّه والقومه، لأختنا بت مكوك النوبه الأستاذه نور تاور.
الحبيب ود البشرى..حبابك يا صديقي افتكر عبارتي واضحة.. وقلت ليك ما بنقدر نشتم عفاف تاور.. وكان ممكن تسألني ليه عفاف تاور بالتحديد.. وح اقول ليك عفاف في اعرافنا يا محمد (مك) يعني راس قبيلة..حتى لو اختلفنا معاها.. برضك ما بنقبل فيها.. وعندك عمنا الحبيب استاذنا حبيب سرنوب الضو قاعد معاكم في الخليج وممكن تسألو.. جبال النوبة عرفت المرأة المك قبل رئيسة وزراء سيرلانكا (في الستينات) وقبال انديرا غاندي وقبال قولدا مائير وقبال مارغريت تاتشر..يعني من زمن مللكة سبأ..!! هل تصدق يا محمد.. مولانا عفاف تاور كانت مؤدبة للغاية لمن شطحت وقالت (اربط حزام ناسف وافجر ناس منو كده ما عارف)..لأنو لو وجهت الأمر للشباب..عينا ما تشوف الإ النور..!! الناس هناك يا حبيب.. عندها منظومة قيم ، لا تقول لي امم متحدة ولا مجلس امن ولا ثقافة حقوق انسان..!!! نحن كده يا اهلنا.. اها ح تسوا شنو معانا: تشيلونا معاكم ولا تخلونا ورا؟.. امسودان صعبة يا ود البشرى..والله صحي..! هسع دي ياود البشرى.. لو عفاف تاور قرنت صايبي (دي نظام هيل الرماد فوق الراس)..علي بالحلال بريمة وانا والغيرنا ، نخلي الورانا والقدامنا ونمشي نفزعها..شفت اللذاذة دي كيف يا ود البشرى؟!!!!!!!! المشكلة مش في عفاف تاور ، المشكلة في نور تاور البتصادم من سنة حفروا البحر ويجوا يردموها لا ايدها لا كراعها..!! ممكن اقول ليك: يمكننا المزايدة في أي سوداني او سودانية.. الإ نور تاور..!! كبر
التحية للمتداخلين الافاضل والتحية للأستاذة نور الأستاذة نور لم أوجه لك وصف سوي الأستاذة خاطبتك بكل تهذيب واحترام "عارف الما عارف" لم يكن لها أي دعي فالإساءة لا تشتري.. من ناحية أخري بعض المتداخلين سردوا تاريخ مسيرتك المهنية والنضالية ويشكرون علي ذلك.. اذا استفذك عنوان البوست فهو مقصود لاجبارك علي الدخول.. البوست أتاح لك الفرصة لتردي علي هذه الكاتبة وتعريتها في هذا المنبر. وليس الغرض النيل منك ارجوا أن تكون هذه النقطة واضحة...
ود القوز تحياتي أين وصفت نور تاور بالكوزة او انتمائها للنظام.؟... العامل المشترك بين الشقيقتان والتي ذكرته الكاتبة هو عدائهما الحركة الشعبية وقادتها وليس بالضرورة ان يعني بأن نور تاور موالية الكيزان...
سلامات عارف الحركة الشعبية كلنا عندنا فيها رأي وصم من يكرهونها بالكوزنة حاجة مقززة وغير ديمقراطية اطلاقا الكاتبة عبير يبدو انها غير متسقة مع نفسها وهي تنادي بالديمقراطية وتمنع الاخرين من إبداء رآيهم في شأن عام نور عرفناها قبل نقرأ كتابات هذه العبير ليست هي من تعرفنا عن نور مشكور علي هذا البوست
Quote: أين وصفت نور تاور بالكوزة او انتمائها للنظام.؟...
وأنا وين قلت الكلام ده !! .. أنا قلت ليك تحديداً تحميل نور تاور .. بجريرة أفعال وأفكار غيرها أمر لا يستقيم .. حتى لو كان ( الغيرها) ده يمت لها بصلة قرابة أياً كانت .. لأنه المنطق ده حيكون منطق طفولي وعبثي كما فعلت الكاتبة .. القرينا مقالها ده آنفاً وشفنا ردود نور تاور في منتدى المقالات .. طبعاً ربنا عالم بما في الصدور .. وحنصدق حجتك دي .. رغماَ عن انها حجة ضعيفة جداً .. بل غير مستساغة .. ( كونك عايز نور تاور تجي تتداخل وتفند ما جاء بالمقال ) .. نفس المقال الانت ما موافق على ما جاء فيه .. ثم انت أصلاً جايب المقال ده عشان شنو ؟ .. لو انت غير موافق على ما جاء فيه ... يا عارف .. عايز تتراجع عن الصورة الاترسمت في رؤوس الكل .. بما فيهم نور تاور نفسها عن احتفاءك بالمقال وما جاء فيه .. ومن كونه صادف هوى في نفسكـ .. لا مانع البتة .. بل هذا هو عين الصواب والمرتجى .. ونبصم عليه بالعشرة .. لكن إطلاقاُ ما تحاول تقوّلنا حاجة ما قلناها .. ولا تحاول تبين خطأ قراءتنا .. ولو انت أصلاً قراءتك بهذا الضعف .. كان تلجأ للمباشرة في تعاملك مع المقال ومآلاته .. وردود الأفعال عليه .. وتريح الجمال والجمّال .. لأنه نحن مافي برنامج الكاميرا الخفية ياعارف ..
اعتبرو ده ردي يا أبوبكر عمل معي في نفس القسم د/ محمد علي ود اخت نافع علي نافع وهو يعتز به جدآ وهو يعرف موقفي من الانقاذ ،لم يصدر منا جميعآ ك أطباء نعمل مع احد أقرباء نافع ما يمس د/ محمد علي وفي حادثة التدافع في مكة كان قلقي عليه و اسرته شديد و لم اطمئن الا بعد أن رد ، كل شاة معلقة من عصبته ، زول مغترب له زمن ما شوية و كل يوم وشي في وشو والله ما جئت احاسبو الا بالقانون لو أستفاد او اذنب وكذلك خالو نصيحتي للمعارضين يجهزوا دليلهم و اوراقهم ، وفي رموز في الانقاذ في احتمال كبير الشعب ما يديهم الفرصة دي ، ف غضبة الشعوب غير مامونة العواقب، وأقول للحاكمين خففوا من غلوائكم
الاستاذ حيدر حسن مرغني شكرا حيدر ...فقد عرفنا الان فقط من هي الاستاذة نور تاور.. .لان السيرة الذاتية عرفتنا حقائق كثيرة لم نكن نعرفها عن الاستاذة نور.. .ولله درك يا استاذة نور...والله انتي ما زولة ساهلة ابدا... ووالله انت جديرة وتستحقي كل هذه الاشادة القالوها ليكي.... ومن هنا نجزي التحايا النواضر للاستاذ الكاتب النحرير محمدنور كبر. ..دائما تاتينا بالمفيد والرائع ... ومن امثالك يا استاذ كبر نتعلم ونستفيد.. .ودمتم بالف خير وصحة وعافية
عاوز تظهر البس اصفر وخالف تزكر والبنت الاسمها عبير سويكت عاوزه تظهر فتعمل شنو فاختارت ان تخالف وتكتب راي سالب في نور تاور التي شهد الجميع بمواقفها وعشان الناس تنتبه ليها وتبداء ترد عليها وبالنسبة لنور كتابة مثل سويكت السالبه عنها لا تخرج من باب سفيه شتم الباشا التحية لنور تاور والتحية لكم كبر وحيدر على الاضاءة عن تاريخ هذه الماجده
تحياتي علي لا اعتقد أن (البنت الإسمها عبير عاوزة تظهر) القصة بدأت في مقال كتبته عبير و نزل في صفحة المقالات هنا فيلم هندي اسمه طعن طالبين من دارفور علّقت عليه نور بالتالي
Quote: أختشى يا بت.. وأتلّمى.. وتذكرى اليوم الحتغور فىيه الانقاذ.. حتعملى شنو ؟ و حتتدسى وين من غضب الشعب الهسى جّريتى ليكى سوط وبديتى تضربييه تحت الحزام.. وفوق الحزام.
وعبير ما سكتت و كلمة مني و كلمة منك و كدا حتى ظهر المقال موضوع البوست يعني القصة ليست للفت النظر كما تفضلت
الموضوع ذو شقين متناقضين الشقيقتان إحداهما موالية للنظام ومستعدة للتضحية بنفسها من أجل النظام والاخري علي النقيض تماما تقف في صف المعارضة ولها تاريخ حافل ومشرف كما وضح الأعضاء و شهادتهم بذلك بإجماع تام.. أما الشقيقة التي توالي النظام فلم نري أحدا من كيزان المنبر يدافع عنها.. دخول أحد الكيزان المعروفين وكتب رصد ومتابعة.. الحق ينتصر لأن هناك من يدافع عنه.. اما الباطل فحتي أهل الباطل يعجزون عن الدفاع عنه.. أين تواريتم يا كيزان المنبر
Quote: هسه با عارف إنت امبارح القريبة دي مش كنت متضايق من البشاري .. وبتدعي إنه أهان كل الجنوبيين عشان عنده مشكلة مع دينق .. هسه الجد شنو جاي خامي المقال ده وبتحتفي بيهو .. وبتقول كمان انه تم ردم نور تاور .. نور تاور تتردم ليه ؟؟ .. وذنبها شنو ؟ .. هل عشان عفاف تاور اختها .؟. بالله ده كلام ده ..!! .. هل انت موافق على نظرية التكويم دي .. طيب كان مفروض أمبارح تقبلها من البشاري .. ده انفصام مواقفي منكـ .. وحشف وسوء كيل ..
والله دي يا جمال زي لما تكون لاعب حريق
واسكورك 30 وورقك قاااافل
وفي آخر الصندوق تقوم تجر ليك جوكر
تعال النوقع ليك الكلام
عارف مصطف مع دينق عرقياً .. بالاضافة الى انو حركة شعبية
لو شكرتك ما كفاية.. وكمان حا أكون ظلمتك.. لانه وقفتك دى.. وقفة واحدة سودانية جد الجد.. أنا فّولت على نفسى وفتحت بوست بعنوان أكلونا البراغيث.. وعينك ما تشوف الا النور يا اخلاص.. طلعوا لى البراغيث الصحى صحى فى اراء حرة ومقالات بدافعوا عن عبير.. شبعانين ورويانين وسما ن وأمان.. أنا يا أخلاص مهما شفت ووقعت فى براثن الناس ديل فى يوم من الايام.. لكين الهجمة العملوها علىّ يادووووبك فهّمتنى يعنى شنو أمن البشير.. ناس ما ليها أىىىىىىىىىىىىىىىى علاقة بالقيم ولا الاخلاق بتاعتنا.. و السوتها الآنقاذ يا أخلاص.. رقدت..
ياسر عرمان عندو اساليبه فى ان يحاصر نفسه بمجموعة شباب طموح ولكن جاهل بقضية جبال النوبة.. و عبير واحدة من دول.. طبعا تلاحظ الجهل بقضية جبال النوبة ودفاع مستميت فى ياسر عرمان.. تعرف رأسا انه دا تعيين ياسر عرمان.. وسألنا الحركة ستين مرة عن ياسر عرمان.. قالوا ما عندو دور ولا تأثير وانهم لو فصلوه حيقولوا عليهم عنصريين لانه جلابى.. رجعنا قلنا ليهم الحركة فىها جلابة وفيها كل جنسيات السودان يعنى مافى واحد يقدر يخلفه ؟ قالوا لا ..أحنا البنمّليه عشان يقول الكلام الاحنا عايزينه.. يعنى بنفذ كلامنا وبس.. قلنا ليهم كدا غلط.. لانه لو ياسر عرمان بينفذ الانتو بتقولوه يبقى الحركة مسئولة من جرائم كتيرة جدا.. بعد كدا رفضوا التعليق ولا الاجابة عن أى سؤال حول ياسر عرمان.. والحكاية وما فيها هى اصرار مالك عقار على وجود ياسر عرمان.. لانهم عندهم تاريخ مشترك من الانتهاكات.. ومعاهم الحلو.. وكذلك عندهم منافع مشتركة الان.. و لو ما حصل تغيير جذرى فى الحركة.. يبقى الرماد كال حماد..
ياخ عملت فينى عملية غريبة عجيبة.. وأتذركت حبوباتى وجدودى وعماتى وخالاتى وكل الاهل الماتوا.. والمارشال العسكرى اللى جا من عندنا... وعذابنا مع الانقاذ.. وعذابنا مع الحركة.. و دموعى سالت.. وبعد كدا استغفرت.. و رجعت للواقع.. أولا انا ما كنت عارفة أنك عارف عنى الكلام دا كلو.. الشى تقول عشت معاى فى بيت واحد.. خصوصا فترة وجودى الاخيرة فى السودان .. ووجودى فى جبال النوبة.. وأت مشيت الجبال مؤخرا برضو.. ياخ أحساس الشخص وهو داخل الجبال وهى مغطاة بالعشب الاخضر فى الخريف زى ما تكون سجادة خضرة.. دا أحساس الواحد يبيع عمره كله عشان يعيشه تانى.. ولا الهدوء المطبق.. ولا منظر الجبال وهى تحيطك كما لو أنها شال.. ولكن ترجع للواقع.. وتشوف عمايل الحكومة والحركة فى الولاية.. يرتفع الضغط والسكر وكل ماهو قابل للارتفاع.. غايتو.. الواحد ما يقدر يشكر بكرى على أنه لولا المنبر دا.. ما كنا عرفنا اهلنا.... ولا عرفونا...
دخلتك زى يوم العيد.. ما بتجى بالساهل.. وبتجيب معاها كرنفال من الفرح.. والواحد يحس كدا انه داير يشرب معاك فنجان قهوة فى Tim Horton فى كندا.. فى يوم زى يوم الليلا دا.. الجليد زى الضريرة.. والهواء يزيد من برودة الجو.. ودرجة الحرارة تحت الصفر.. نوع الايام البتتذكر فيها السودان من يوم ما ولدوك حتى تاريخه.. أنا حقدى على عمر البشير يا تبارك.. وفى الاساس.. عشان حرمنا من متعة السودان.. الباقى هين...
وكتر خيرك على الكلام القلتو فى حقى.. ولو انى ما استاهل.. الا وانى فرحانة انو أخوا لى.. شايف فينى حاجة كويسة..
أنا من قبيييل برد على المداخلات ودايرة متييين الحقك.. تعرف ليه ؟ عشان المك محمد رحال وبعد ما فّشلنا للحكومة حكاية مصنع السيانيد.. مشى يدلى بتصريحات انه المصنع مفيد و مهم.. الكلام دا عرفتو من اليومين القضيتهم فى اراء حرة ومقالات من مقال لعبد الغنى بريش.. يعنى المك رحال الحكومة اشترته وبقى بس يصرح بما يناسب الحكومة.. الحاجة التانية كلاب أمن البشير.. وزى ما واحد فى السودان قبل كدا قال لى النوبة الشغالين فى الآمن ديل تقول مّوصينهم... ياخ الحكومة لعبت بالناس دى لعب.. وخلت الواحد يتكلم برا راسه.. طلع لى واحد وشتمنى الشتايم المّرة.. ودا ما الموضوع.. الموضوع انه وزى ما كتب انى رفضت الحوار ورفضت انشاء مصنع السيانيد.. تتخيل الشباب ديل الحصل ليهم شنو؟ يعنى عمر البشير بوظ السودان من اركانه الاربعة.. وهسى مصنع السيانيد دا نعيده تانى.. وبدينا ندوره من أول وجديد.... الله لا اكسب المك محمد رحال..
مشكلة عبير سويكت.. مشكلة جيل كامل.. جيل الانقاذ.. المشبع بكل ثقافة الانقاذ وبطشها وفسادها.. وهذه هى النوعية التى تعرضت لغسيل مخ كاااامل.. وهى مثل الروبوت الان... تنفذ ما تريده الانقاذ.. ثم جيل كامل سفيه وبذئ وعنيف وبلطجى وجاهل.. فاذا كان رئيس الدولة يشتم ويعذب ويقتل.. فماذا تتوقع من البقية ؟ هؤلاء هم الشباب الذين ولدوا مع الانقاذ وهم مثل أى صفحة بيضاء.. فخطت فيها الانقاذ ما شاءت.. فلوثتها شر تلوث.. المشكلة الحقيقية تظهر بعد زوال الآنقاذ... والله يستر...
اذا لم ارد على احد فالامر غير مقصود والعياذ بالله.. نبهونى.. يومنا فى كندا صعب شديد.. ونزول الجليد بهذه الطريقة مع الهواء وانت عائد من الخارج.. لا تشعر بالتركيز.. هذا كل السبب.. ومساكم الله بالخير..
Quote: مشكلة عبير سويكت.. مشكلة جيل كامل.. جيل الانقاذ.. المشبع بكل ثقافة الانقاذ وبطشها وفسادها.. وهذه هى النوعية التى تعرضت لغسيل مخ كاااامل.. وهى مثل الروبوت الان... تنفذ ما تريده الانقاذ.. ثم جيل كامل سفيه وبذئ وعنيف وبلطجى وجاهل.. فاذا كان رئيس الدولة يشتم ويعذب ويقتل.. فماذا تتوقع من البقية ؟ هؤلاء هم الشباب الذين ولدوا مع الانقاذ وهم مثل أى صفحة بيضاء.. فخطت فيها الانقاذ ما شاءت.. فلوثتها شر تلوث.. المشكلة الحقيقية تظهر بعد زوال الآنقاذ... والله يستر...
دى الخلاصة والمختصر المفيد... ولذلك عدم الإلتفات والتركيز مع مثل هذه الكتابات الفارغة أفضل وأنفع,,
Quote: مشكلة عبير سويكت.. مشكلة جيل كامل.. جيل الانقاذ.. المشبع بكل ثقافة الانقاذ وبطشها وفسادها.. وهذه هى النوعية التى تعرضت لغسيل مخ كاااامل.. وهى مثل الروبوت الان... تنفذ ما تريده الانقاذ.. ثم جيل كامل سفيه وبذئ وعنيف وبلطجى وجاهل.. فاذا كان رئيس الدولة يشتم ويعذب ويقتل.. فماذا تتوقع من البقية ؟ هؤلاء هم الشباب الذين ولدوا مع الانقاذ وهم مثل أى صفحة بيضاء.. فخطت فيها الانقاذ ما شاءت.. فلوثتها شر تلوث.. المشكلة الحقيقية تظهر بعد زوال الآنقاذ... والله يستر...
Quote: والله دي يا جمال زي لما تكون لاعب حريق واسكورك 30 وورقك قاااافل وفي آخر الصندوق تقوم تجر ليك جوكر تعال النوقع ليك الكلام عارف مصطف مع دينق عرقياً .. بالاضافة الى انو حركة شعبية سجل الاسكورات يا جمال
الأمين بشاري... افتخر أن تكون لي أواصر عرقية في جنوب السودان واتشرف بانتمائي للحركة الشعبية... عندما علمت بعلاقتي بالحركة الشعبية طلبت مني أنت التوسط باستخراج جواز سفر لك من دولة الجنوب التي تهين مواطنيها... هل من الرجولة ان تكشف عن سر تم ائتمانك عليه يا سلالة بني هاشم ؟؟؟
الأستاذة.... نور تاور لقد سرد الأخ كبر تاريخ مسيرتك العلمية والمهنية وهي معلومات كانت خافية عني والكثيرين في هذا المنبر وما لم يتطرق له الأخ كبر انجازاتك وما قدمتيه لأبناء جبال النوبة... "عارف الما عارف" يود لو تكرمتي معرفة انجازاتك وما قدمتيه لأبناء جبال النوبة بصفة خاصة ولك الشكر
"عارف الما عارف" يود لو تكرمتي معرفة انجازاتك وما قدمتيه لأبناء جبال النوبة بصفة خاصة ولك الشكر ...
ودى نكتبها كيف يا عارف ؟ فى زول بيقول انا سويت وسويت ؟ خليها للزمن.. وهو اللى حيجاوب على كل اسئلتك فيما يخصنى... أنا عارفاك ممقوص من أرائى فى الحركة الشعبية.. ولكن لامن تعرف الحصل لنا فى جبال النوبة من سنة 1986 حتى تاريخه ؟ حتعذرنى.. ولا احنا ما عندنا حق نقول كتلونا وعذبونا..الخ وبعدين انا شايفاك زعلان من حكاية عارف الما عارف دى... والات سويتو فينى شوية ؟ فما دام أت حساس للدرجة دى.. ما تدوس للغير على طرف.. عشان ما يدوسو ليك على طرف..
الأستاذة نور تاور أحببت أن اذكرك باسلوب ردك الذي بداتيه معي الذي لا يليق بسيرتك المجيدة.. لعلمك لم تدوسي لي علي طرف كما تفضلتي بل هو سب وشتم وكما تعلمين فهذا أسلوب يستخدمه العاجزين ولا أظنك منهم.. من حقك أن تنتقدي الحركة الشعبية وتكشفي أخطائها بالوثائق والأدلة التي تثبت تورط قادتها في اي أحداث كانت... يمكنك سرد انجازاتك وما قدمتيه لأبناء جبال النوبة لانه جاء بطلب منا ولن يعتبر هذا من باب التفاخر منك..
بالرغم استنارتي المعروفة، غالبني استوعب انو أخوان أو أخوات أو ولد وابو يكون في احزاب مختلفة اختلاف كبير. قاعد اشوف القصة دي زي اللعبة؟؟ يعني الصادق وعبد الرحمن، نور وعفاف، تحس انو الموضوع تمثيلية!
المفروض لو أخوك سياسي، يا تبقى في نفس الحزب، يا تشوف ليك حاجة غير السياسة ان شاء الله دكتور معيز
المفروض لو أخوك سياسي، يا تبقى في نفس الحزب، يا تشوف ليك حاجة غير السياسة ان شاء الله دكتور معيز)(Quote) >>>>><<<><<<<<><<<<<<<<>..
د.ابوبكر المستنير المرة دي الاستنارة خذلتك يا دكتور.. لانه من الطبيعي جدا تلقى واحد في الحزب الديمقراطي واخوه في الحزب الجمهوري في امريكا....وتلقى آخر في الحزب الديمقراطي ووالده في الحزب الجمهوري... .. وفي السودان تلقى واحد اخو مسلم وخوه الشقيق التوأم شيوعي... يعني مافي حاجة غريبة.. بل حاجة طبيعية جدا.... وايه رأيك الاسبوع الماضي قريت في جريدة ان في رئيس جمهورية في دولة من دول آسيا ، ما متذكرة الاسم، واخوه الشقيق في المعارضة، ومش معارضة عادية ولكن معارضة مسلحة كمان...لأن الاخ الرئيس دكتاتور ومكروه من الشعب.. .. اما عن دكتور المعيز .. اظنك انت عارف ان دكتور المعير ، والقاصد بيه الدكتور البيطري، دخله في امريكا اكثر من اخصائي المخ او اخصائي أمراض القلب.... لان الناس هنا بيحبوا حيواناتهم / واقصد تاكلاب والقطط، اكثر من اولادهم وبناتهم.. واذا واحد ولده مرض ما اظن يهتم كتير ولا بيطلب ليه الاسعاف إلا إذا لقاه بيحتضر .. لكن اذا كلبه عطس ساكت تلقاه ضرب للإسعاف وضرب للدكتور عشان يطمئن انه موجود في عيادته الخاصة... وبيدفع دم قلبه عشان يعالج الكلب... والحاجة الغريبة ان الطبيب البيطري في السودان مفروض يكون عنده اهمية اكثر من الطبيب البشري لأن السودان غني بالثروة الحيوانية ومفروض اهتمام الدولة يكون اكثر بالأطباء البيطريين من اجل تنمية الثروة الحيوانية كمصدر مهم من مصادر العملات الصعبة ...ولكن دائما في السودان تجد الأمور معكوسة والله يديك الصحة والعافية
داخل خارج.. خارج داخل.. ما عاجبك أى كلام قالوه الناس ديل عّنى.. وعايز تثبت بأى شكل أنو نور دى كوزة والناس دى كلها كذابة.. معاك حق.. لانك ظهرت فجأة فى السنة 27 من عمر الانقاذ.. وبديت تصول وتجول وتتكلم فى السياسة وتحكم على الناس كمان.. فى الوكت اللى فيه.. أحنا فى العذاب دا من 30 يونيو 1986.. الموضوع ما تمثيلية فى موقفى و موقف عفاف تاور.. شوف آل المهدى.. لانه البيحصل فى جبال النوبة على أقل تقدير.. خليك من السودان كلو.. لا يحتمل الهزار أو التمثيل.. ولما تتعرض انت للمسائلة والاحتجاز وسين وجيم من الحكومة.. وبعدين تجى الحركة تصب ليك رصاص فوق راسك لانو كلامك ما عاجبهم.. وأهلك يكتلوهم قدام عينك.. حكومة وحركة.. هنا لازم يكون عندك موقف واضح وثابت وواحد.. فهمت ولا نزيده ؟ ولا الاستنارة بتاعتك دى بتجى وتروح زى الشعرة ؟ وبتروح لما أنت ما عايزها ؟
يمكنك سرد انجازاتك وما قدمتيه لأبناء جبال النوبة لانه جاء بطلب منا ولن يعتبر هذا من باب التفاخر منك.. .. هذا البوست لا يحتمل جبال النوبة ولا يحتمل تناولها... لانو موضوع مهول ويحتاج الى وقت و جهد وأعصاب.. يمكن مرة تانية فى ظرف تانى..
ألداً ما ظهرت فجاءة؟؟ أنا مناضل قديم، لكن خط النضال بتاعي مختلف؟؟ حتى بالإمارة سنة تسعين دخلت معاينة لمساعدين تدريس بجامعة الجزيرة سألوني: لوج جيت صلاة عصر في جماعة وكنت مسبوق بتلاتة ركعات، كيف بتجيب الركعات الفاتنك؟ قلت ليهم: ما في حاجة اسمها صلاة عصر الصلوات هي صبح مغرب وعشا لكي أن تتخيلي كمية الاستنارة الكبيتها للناس العاملة لي المعاينة دي للآن بكونوا مخلوعين من جراءة هذا المستنير
المهم لو كنت معاك في حزب معادي الحكومة دي وعندنا خطة سرية ما بنكلمك بيها يمكن يمكن تتونسي بيها مع أختك فب شاي العصر أو بالواتساب وانتي لا تشعرين وتعرضي افراد الخطة للخطر
نور تاور اكتر زول في المنبر دا بكتب مقال (أو بوست) سياسي برؤية واضحة ومتكاملة تعرض المشكلة وأصلها والطريق لحلها راجعوا كل البوستات أو أغلب البوستات التي كتبتها لو تم التصويت على قائمة لبديل ينتشل السودان من الهوة العميقة التي يتدحرج فيها كل صباح سأختار نور تاور لتكون على رأس هذه القائمة لها التحية والتقدير وصادق العزاء والمواساة في كل من فقدتهم من أحباء
جهاز الامن هذه الايام فى حالة هياج تام.. خوفا من الشارع السودانى.. وهم الان يتخبطون خبط عشواء.. يكتبون أى كلام فى أى شخص.. ويا ريت المعارضة تنتبه لهذه الحالة من الذعر التى اصابت أمن النظام.. وتستغلها.. لن أستطيع أن اشكرك.. فما كتبته فى حقى.. فوق أى كلام..
لكي أن تتخيلي كمية الاستنارة الكبيتها للناس العاملة لي المعاينة دي للآن بكونوا مخلوعين من جراءة هذا المستنير.. ..
يا هو دا الاحنا عايزينه.. نّجض لينا الحكومة.. و اديها بالحتة الفيها الحديدة.. وسيبك من حكاية دى كوزة ودى ما كوزة.. عشان جنس الكلام دا ما بيحلنا من الآنقاذ..
سلامات أختي نور.. Quote: مشكلة عبير سويكت.. مشكلة جيل كامل.. جيل الانقاذ.. المشبع بكل ثقافة الانقاذ وبطشها وفسادها.. وهذه هى النوعية التى تعرضت لغسيل مخ كاااامل.. وهى مثل الروبوت الان... تنفذ ما تريده الانقاذ.. ثم جيل كامل سفيه وبذئ وعنيف وبلطجى وجاهل.. فاذا كان رئيس الدولة يشتم ويعذب ويقتل.. فماذا تتوقع من البقية ؟ هؤلاء هم الشباب الذين ولدوا مع الانقاذ وهم مثل أى صفحة بيضاء.. فخطت فيها الانقاذ ما شاءت.. فلوثتها شر تلوث.. المشكلة الحقيقية تظهر بعد زوال الآنقاذ... والله يستر... .....
دى الخلاصة والمختصر المفيد... ولذلك عدم الإلتفات والتركيز مع مثل هذه الكتابات الفارغة أفضل وأنفع,, ..
معك ألف حق.. يجب تجّنبهم بأى طريقة.. ولكن حينما يزيد الآمر عن حده.. أحيانا يضطرونا الى الرد.. أنظر ما يفعله الكيزان هذه الايام فى الفضائيات ؟ وفى الواقع ؟ شعب السودان يعيش فى قاع جهنم هذه الايام..
سلامات أختي نور.. Quote: مشكلة عبير سويكت.. مشكلة جيل كامل.. جيل الانقاذ.. المشبع بكل ثقافة الانقاذ وبطشها وفسادها.. وهذه هى النوعية التى تعرضت لغسيل مخ كاااامل.. وهى مثل الروبوت الان... تنفذ ما تريده الانقاذ.. ثم جيل كامل سفيه وبذئ وعنيف وبلطجى وجاهل.. فاذا كان رئيس الدولة يشتم ويعذب ويقتل.. فماذا تتوقع من البقية ؟ هؤلاء هم الشباب الذين ولدوا مع الانقاذ وهم مثل أى صفحة بيضاء.. فخطت فيها الانقاذ ما شاءت.. فلوثتها شر تلوث.. المشكلة الحقيقية تظهر بعد زوال الآنقاذ... والله يستر... .....
دى الخلاصة والمختصر المفيد... ولذلك عدم الإلتفات والتركيز مع مثل هذه الكتابات الفارغة أفضل وأنفع,, ..
معك ألف حق.. يجب تجّنبهم بأى طريقة.. ولكن حينما يزيد الآمر عن حده.. أحيانا يضطرونا الى الرد.. أنظر ما يفعله الكيزان هذه الايام فى الفضائيات ؟ وفى الواقع ؟ شعب السودان يعيش فى قاع جهنم هذه الايام..
لمهم لو كنت معاك في حزب معادي الحكومة دي وعندنا خطة سرية ما بنكلمك بيها يمكن يمكن تتونسي بيها مع أختك في شاي العصر أو بالواتساب وانتي لا تشعرين وتعرضي افراد الخطة للخطر(QUOTE) >><<<<<<<<<<>>>>>>>>>> عزيزي الفاضل ابوبكر المستنير يمكن في دي عندك حق.. ولك كامل الحق ما تتونس بأسرار الخطة السرية مع أي احد ... ولكن.. بالنسبة للصلوات الثلاثة في اليوم.. تأكدنا الآن بأنك تبع الطائفة الشيعية لأن الشيعة بيصلوا ثلاثة صلوات فقط في اليوم كما تقول أنت....والكل يعلم ، وبإتفاق المذاهب الأربعة المعروفة ان الصلوات المفروضة خمس صلوات... ممكن تقنعنا بأدلة ملموسة وواضحة من القرآن والسنة...بأن الصلوات في اليوم الواحد ثلاث صلوات فقط والله يديك الصحة والعافية
Post: #90 Title: Re: الصحفية عبير المجمر (سويكت) تردم بنات تاور Author: Arif Nashed Date: 11-24-2016, 10:13 AM Parent: #89
Quote: هذا البوست لا يحتمل جبال النوبة ولا يحتمل تناولها... لانو موضوع مهول ويحتاج الى وقت و جهد وأعصاب.. يمكن مرة تانية فى ظرف تانى..
الاستاذة نور تاور ... سلام شخصية بمثل هذه المؤهلات لا بد ان يكون لها انجازات . ولن يستغرق سردها وقتا ..
Post: #91 Title: Re: الصحفية عبير المجمر (سويكت) تردم بنات تاور Author: أبوبكر عباس Date: 11-24-2016, 10:43 AM Parent: #90
يقول القرآن يا أميرة يا عزيزتي: "أقم الصلاة طرفي النهار وزلفاً من الليل" الطرفان الصبح والمغرب زلف الليل هو العشاء
إتّي لو عندك دليل من القرآن إنهن خمسة، زودينا بيهو ينوبك ثواب
يقول القرآن يا أميرة يا عزيزتي: "أقم الصلاة طرفي النهار وزلفاً من الليل" الطرفان الصبح والمغرب زلف الليل هو العشاء
إتّي لو عندك دليل من القرآن إنهن خمسة، زودينا بيهو ينوبك ثواب
أكرر من القرآن ــــــــــــــــــــــــــــــــــــــــــــــــــــــــــــــــــــــــــ استدلالك سليم، الطرفان والزلف...لكن هل حدد عدد من الصلوت هنا؟ لو قلت مثلا،من بورتسودان للجنينة.. هل بتحتاج تقول شندي والخرطوم وكوستي ....إلخ بعدين ينوبك ثواب إنت،ورينا صفة الصلاة من القرآن؟ (صلاة الخوف مامقصودة).. يعني كيف نصلي في الطرفين والزلف؟
عزيزي الفاضل بكري لا تقل من القران فقط..ولكن قل من القران والسنة... لان الله قال فما اتاكم الرسول فخذوه وما نهاكم عنه فانتهو.. وهناك اية اخرى لا اتذكرها بالكامل تقول ..فيما معناه اذا امركم الرسول بامر فلا خيرة بان تختاروا غيره... والرسول امر في احاديث كثيرة بان يصلي المؤمنين خمس صلوات ... ونرجو من فقهاء المنبر ان ياتونا ببعض تلك الاحاديث.. والله يديك الصحة والعافية
عبير سويكت منو و بتكتب وين ...........................................................
التحية و التقدير للاستاذة نور تاور و يا نور عليك الله ما تعملي للعنابر قنابر زي عبير دي خليها التكتب ساي و الله كلاما دا ذكرني قصة القرادة القالت انا و الجمل مشينا جبنا العيش من القضارف
التحية للأخت نور تاور أنسانة واضحة فى مواقفها لها تحية بقدر صمودها ... ما يكتبه الأستاذ / كبر ... كثيرون هنا لو عاشوا قدر عمرهم مرة تانية و بحثوا و نقبوا لم يصلوا للكم الثر من المعلومات التأريخية و الجغرافية ... التحية للأستاذ كبر كلما قرأت له سطراً أستفدت مما يكتب ...
ألف شكر على الكلام الطيب.. فعلا.. وّل أّبا كبر موسوعة ثقافية لتراث كردفان جنوبها وشمالها.. ولو اتجه الى تأليف الكتب فى التراث ونشرها.. سوف ينقذ لنا ما تبقى من هذا التراث.. ويمنعه من الفناء..
الاخ ناشد سلامات مقاله عبير مقاله ركيكه لاتستحق حتى النقاش الاخت العزيزه نور تحياتى لك . كنت زميل فى العراق لقريب لك من ال تاور, صيدلى اسمه عبدالمنعم تاور, وكان معنا ايضا قريب له , فنى طيران سابق اسمه عبدالقادر كوبيه. اين هما الان مع ودى. اخى ابوبكر بكل اسف اجد فى ربطك ومداخلاتك حول نور تاور بشقيقتها الكوزه عفاف تاور شئ بعيد عن الاستناره التى تدعيها ومغالطه ومكاواة ليس الا. ربما انتمينا انا وانت لنفس الاقليم ونعلم تشابك العلاقات العائليه والسياسيه واختلفنا انا وانت واخرين مع اسرنا وبعضها عريق فى انتمائه الانصارى او الختمى ولم نم ننضم لاحزاب ربما اسسها جدودنا لذلك فما الغريب فى الاختلاف السياسي بين نور وعفاف تاور!!!! ياخى كلنا نعرف مثلا الكوز المتطرف على عبدالله يعقوب كان شقيق للعالم اليسارى السمانى عبدالله يعقوب. فى مدينتك مدنى, الشيوعى فاروق ابوعيسى هو شقيق للقطب الاتحادى عبدالرحيم ابوعيسى عيد شكر سعيد صديقى كبر سلامات كتاباتك عن العرف والعادات فى كردفان رائعه كالعاده وافتقد كتابات شيخ العرب بريمه. ياكبر انا ابن انصار من اسرتى لابى ال ابونوره وربما كانت اسرتى من اهم الاسر الانصاريه فى رفاعه والبطانه الا ان ذلك لايمنعنى انا واخرين من انتقاد مواقف الامامالصادق المهدى مع الاختلاف بين دور الامام وعفاف تاور. لذلك لا استطع تفهم او الموافقه على كلامك على السكوت على تصريحات عفاف تاور المتطرفه وهوجاء لانها ابنة مكوك!!!!!! لا اظن حتى انها عندها سلطه على عشيرتك من الحوازمه. اتفهم ان تنتقدها بدون شتائم اوسباب, لكن السكوت على مواقفها الخاطئه الضاره بقوميتها وبقية اثنيات جبال النوبه فهو موقف لا اجد تبرير له. مع ودى وتقديرى
علي عبد الله البشير والله كلامك القلته في محمد نور كبر صحي.. كلما قرانا له سطرا او حرفا استفدنا منه... والله يديه الصحة والعافية.. والله يديك الصحة والعافية... والامريكان الان بيحتفلوا بعيد الشكر ...شكر لله الذي انقذهم من الجوع..عندما هاجر اوربيون عام ١٦٢٠ م من اوروبا ونزلوا في ولاية ماساشوستس(والله الولاية دي لهسع ما قادرة انطقها صاح) ولكنهم جاعوا ومات اكثرهم من الجوع والبرد الى ان علمهم الهنود الحمر كيف يصطادون الطيور لياكلوا...وبذا يحتفلون بعيد الشكر لله الذي انقذهم من الجوع كل سنة... ونحن ايضا نشكر الله ولكن في كل يوم وكل لحظة على نعمة الصحة والعافية ونعمه الاخرى الكثيرة التي لا تعد ولا تحصى..
علي عبد الله البشير والله كلامك القلته في محمد نور كبر صحي.. كلما قرانا له سطرا او حرفا استفدنا منه... والله يديه الصحة والعافية.. والله يديك الصحة والعافية... والامريكان الان بيحتفلوا بعيد الشكر ...شكر لله الذي انقذهم من الجوع..عندما هاجر اوربيون عام ١٦٢٠ م من اوروبا ونزلوا في ولاية ماساشوستس(والله الولاية دي لهسع ما قادرة انطقها صاح) ولكنهم جاعوا ومات اكثرهم من الجوع والبرد الى ان علمهم الهنود الحمر كيف يصطادون الطيور لياكلوا...وبذا يحتفلون بعيد الشكر لله الذي انقذهم من الجوع كل سنة... ونحن ايضا نشكر الله ولكن في كل يوم وكل لحظة على نعمة الصحة والعافية ونعمه الاخرى الكثيرة التي لا تعد ولا تحصى..
Quote: من رائ ليس كمن سمع..... عشان كدة قلت ليك امشى كينيا ويوغندا ..... شوف بى عينك ....... دعم المنظمات والمنح
أما هذه فيمكن أن أقول شفت بعيني وشهدت وكتبت وانتقدت ..المتاجرة المؤسفة بقضايا الهامش حين يتضور اللاجئون من أبناء الهامش ومناطق الحروب جوعا...في نفس هذه المدن !!
وكل هؤلاء سيأتي يوم يشهدون فيه ضد عرمان وعصبته العنصرية الفاسدة .
والحمد لله ليس بوسع أحد مهما فعل .. أن يساوم على نقدي هذا . فلم ولن أضع يدي في يد الإنقاذ ..أو أمدحها بأي شكل من الأشكال. وكذلك ليس لي أقارب كيزان .
وهذا من باب التبيين فقط..وليس المعايرة.
Post: #103 Title: Re: الصحفية عبير المجمر (سويكت) تردم بنات تاور Author: أبوبكر عباس Date: 11-25-2016, 07:48 AM Parent: #102
يا عليش، الخط بين بورتسودان والجنينة فيهو طرفين فقط هم بورتسودان والجنينة أي مدن أخرى لا يمكن ان تكون تمثل الطرفين لو مشيت اشتريت ليك حبل وقلت ليك امسك الطرفين القرآن قال طرفي النهار دي مثنى طرف لا يمكن يكون عندو اربعة اطراف؟! الصلاة ركعتان كما هو واضح في صلاة الخوف الامام صلى ركعتين كاملتين زي الصلاة العادية المصلين صلوا ركعة واحدة لا توجد صلاة اسمها صلاة قصر الصلاة اصلا ركعتين فقط تقرأ فيهن ما شئت وبها قيام سجود وركوع
Post: #104 Title: Re: الصحفية عبير المجمر (سويكت) تردم بنات تاور Author: أبوبكر عباس Date: 11-25-2016, 07:54 AM Parent: #103
يا معز، ليس فقط مكاواة، لكن للبوست داعشية أخرى يحاول الجميع تجنبها ارضاءً للمناضلة نور تاور
خلاص وقع لينا حق نور شوفوا لينا هل عبير دي افترت برضو على "سارقة السلطة" عفاف تاور التي تتنعم بالعربات المكندشة من قوت شعوب الجبال الخزي والعار لك من يقف مع جلاد شعبه
الصلاة اصلا ركعتين فقط تقرأ فيهن ما شئت وبها قيام سجود وركوع ـــــــــــــــــــــــــــــــــــــــــــــــــــــ هيي لكن الكلام دا جبتو من وين؟ يعني دايرين رقم الآية والسورة... ولو جيت لقيت الإمام فاتني بركعة مثلا(في مئات من الأمثلة الأخرى) أسوي شنوووو؟رقم الآية والسورة برضك (برضك دي حقت زول العين).... *يامستنير دي ما مناقرة...والله صحي (دي حقت أبسفنجة) ،لكن أدمناك نعمل إيه..
Post: #106 Title: Re: الصحفية عبير المجمر (سويكت) تردم بنات تاور Author: أبوبكر عباس Date: 11-25-2016, 09:42 AM Parent: #105
الركعتين واضحات في صلاة الخوف؛ إذا كنت فيهم ..... إلى آخر الآية ليس هناك صلاة جماعية الا بوجود الرسول وصلاة الجمعة التي يجب أن تصلى يوم الجمعة حوالي تسعة لعشرة صباحا، وليس لها ارتباط بصلاة الظهر الزائدة اصلا
شنو صلاة مسبوق؟! اتا قايلها دي الشهادة السودانية بتاعت الرقع الحضروها ناس معاوية الزبير والمدير؟! الصلاة فردية وبالبيت
ماطالبني حليفة ،معاي زول هنا قالي زولك دا ماهين تب..
لكن دي صعبة شوية
هذا هو الدين القديم ـــــــــــــــــــــــــــــــــــ إت كنت قاعد معاهن؟
عشان ماتبقى مناقرة.. آية الخوف دي جات بعد فرض الصلاة، بدأت (وإذا كنت معهم فأقمت لهم الصلواة)....يعني الناس ديل ــ رضى الله عنهم ـــ لو ماعارفين الصلاة كيف بستقيم إنهم كانوا بقيموها...يعني بطريقة تانية الآية دي مادليل على وجوب الصلاة وكيفيتها... دي دليل على صلاة الخوف، وإت براك قلت صلاة الخوف...طيب وين صلاة الأمن؟
Quote: شنو صلاة مسبوق؟! اتا قايلها دي الشهادة السودانية بتاعت الرقع الحضروها ناس معاوية الزبير والمدير؟! الصلاة فردية وبالبيت
هذا هو الدين القديم
هسّع عليكم الله شوفوا جِنس اللعوج دا !، لا إيدي لا كراعي إتفلقت فوق صلعتي، ؤ عليش كمان ما قصّر ختَ بتاع السفنجة بين قوسين، تاني علآمة !. الوآحد قربوا يطلعوهو وزير صحة.
غايتو أنا بتاع الجديد، أسعل صاحبك كان ورآك تابع لياتو وآحد كلمني، عشان أنا بحب الوضوح.
بعدين يا أميرة الشيخ إنت دحين بالنسبة لصلآة البيت مُش في (إلآ) واللآ دا في القديم ؟...
الاخ عبس المستنير لو سمحت ممكن تمدنا على الايات التى وردت فى القران تؤكد عدد ركعات الصلاوات وشروطها من القران فقط ........ اذا كنت تملك الدليل الرجاء أن تمدنا بها للاستنارة .......وتصحيح صلواتنا لانك رجل داعية تهمك صلواتنا....... علما انك مستبعد السنة النبوية ....... اما أن كان لك سنة اخرى جعفرية او كاظمية او اثنى عشرية اوغيرها توضح عدد ركعات الثلاث صلوات وشروطها ما تقصر معانا الرجاء.
إذا كنت فيهم يا عليش وليس اذا كنت معهم ـــــــــــــــــــــــــــــــــــــــــــــــــــــــــــــــــــ بالروايات كلها؟كدي شوفلينا مخرج هههه وإت قايلني من ديني الكتير يعني... أنا بس مابشبع من حاجة إسمها المنطق... *مشكور على التصحيح...باقي الكلام زي ماهو يلاّ ورينا كيفية صلاة الأمن من القرآن..
بصراحة الشمار حارقني شديد،(فيهم) دي عرفتها براك وللا رجعت للكتاب؟
( علي عبد الله البشير والله كلامك القلته في محمد نور كبر صحي.. كلما قرانا له سطرا او حرفا استفدنا منه... والله يديه الصحة والعافية.. والله يديك الصحة والعافية... )
الأقتباس ما شغال عندى ...
و يعافيك ربي أختي الغالية أميرة السيد كبر ينقلك بوصفه للمنطقة بكل التفاصيل و كأنك زُرتها أو عشت فيها يوماً ... طبيعتها و عادات أنسانها ... له و لك أجمل التحايا ...
Post: #113 Title: Re: الصحفية عبير المجمر (سويكت) تردم بنات تاور Author: أبوبكر عباس Date: 11-25-2016, 11:38 AM Parent: #111
يا أخوانا قصّة انو الرسول صعد إلى السماء السابعة وقابل الله، وفرضت خمسين صلاة جا نازل للسماء السادسة لا قاهو النبي موسى قال ليهو أرجع ليهو يخفضن ليك ثم الني عيسى رجعو لحدي ما بقن خمسة واضح عليها قصة خيالية تدخل في عالم الاسطورة لا أعتقد أن هناك شخص واحد مصدق حقيقة لصحة القصّة دي.
ابوبكر انا لم اتجنب عفاف تاور فى مداخلتى اعلاها فلاتشملنى مع الجميع. بس غلطك هو النشكيك فى مواقف سياسيه ممكن تكون مختلفه بين شقيقات والادله كثيره فى السودان.
Quote: يا أخوانا قصّة انو الرسول صعد إلى السماء السابعة وقابل الله، وفرضت خمسين صلاة جا نازل للسماء السادسة لا قاهو النبي موسى قال ليهو أرجع ليهو يخفضن ليك ثم الني عيسى رجعو لحدي ما بقن خمسة واضح عليها قصة خيالية تدخل في عالم الاسطورة لا أعتقد أن هناك شخص واحد مصدق حقيقة لصحة القصّة دي.
يا مستنير دي عفيناك منها لأنّك ما بتثبت الإيمان للشخص البيحاورك. بس خليني أسألك الرسول عليه الصلآة والسلآم كان قاعد يصلي كم ؟...
يا معز، دي سياسة لعب ساكت كيف في ظروف اجتماعية زي الفي السودان دي تكون في اختين واحدة كوزة والتانية شيوعية؟ دي سياسة قشرات ساكت علي قول ود البشرى
اشك شك كبير انو يكون في اختلاف عميق بين عفاف ونور ما بعيد نور تكون معجبة بعفاف لأنها أكثر مساهمة في رعاية أهلهم بحكم التواجد بالسودان والمركز الاجتماعي
ع ع ا في مراجعته لسيرته، بقول انو موقف أخوهو العادي في الحياة ورعايته لاسرتهم، أكثر نبلا من العمل السياسي
الاخ عبس ليس دفاعا عن مكوك الجبال اعمالهم اجدر أن تدافع عنهم كما ورد سرد جزء ضئيل من سيرة للملكة نور فى المنبر .... المك عفاف تاور كانت قاضية فى مدينة كادوقلى قبل الانقاذ ومشهود لها بالعفاف والنزاهة فى العمل...... من احدى جلسات المحاكم تشاجر احدى اخوانها الصغار مع احد افراد الحى وكانت هى القاضية ...... حكمت بالجلد لهما وضاعفت الجلد لاخيها الصغير ....... لانه تشاجر على اعتبار اخته قاضية يمكن أن تدافع عنه لكن خاب ظنه ....... هى تلك عفاف تاور يتحاشها اهلها قبل غيرهم عند الخطاء ...... وقبل الانقاذ كانت مغتربة فى قطر .... وقبل الانقاذ لها مكتب محاماه فى الخرطوم . وازيدك من بعض الشعر قصيدة ....... الاخ الاكبر الضابط الزكى وصل الى رتبة فريق فى الشرطة وحامل درجة دكتوراة فى القانون .....لايملك بيت فى الخرطوم ولا فى مدينة النخلة. اختيار بيت المك عندنا ليس من العبس او بالصدفة..... هذا ما لزم توضيحه رغم اننا دخلنا فى حق الاسرة ربنا يغفر لنا الى هنا نتوقف عن الحديث عنها.
ابوبكر عباس انت قلت انه الرسول (ص) كان بيصلى ثلاث صلوات..... لانه لا يخالف القران بالزيادة او النقصان ...... سمح ممكن تشرح لينا من اين اتى بعدد الركوع و السجود واين تلك الآيات هل هى مذكورة فى القران . الاخ ابو بكر نحن نفهم القران من خلال السنة ....... انت اشرح لينا فهمك للقران من غير السنة ...... ما تقول لينا ماركس قال لنين قال.
ؤ عليش كمان ما قصّر ختَ بتاع السفنجة بين قوسين، تاني علآمة !. الوآحد قربوا يطلعوهو وزير صحة. ـــــــــــــــــــــــــــــــــــــــــــــــــــــــــــــــــ هو الزول ماجا في وفد المنافي كيف يطلعوهو وزير،وصحة كمان؟ هي البلد دي (هملت) وللا شنو؟
ياابوبكر فشلت فى معرفه العلاقه بين ملاحظة عبدالله على ابراهيم والانتماء السياسى المختلف للشقيقات نور وعفاف تاور. المرحوم الزين لم يكن جزء من سلطة حاكمه . ضربت ليك امثله من قبل لتناقض اشقاء فى الحياة السياسيه فى السودان. لعلمك المرحوم العالم السمانى عبدالله يعقوب كان شيوعى كمان لمن اخوه الكوز المتطرف على عبدالله يعقوب كان من قيادات الاخوان. المرحوم السمانى ساب الحزب الشيوعى وتفرغ للعمل الاكاديمى والنشاط فى البحوث العلميه فيما بعد كده خلينا من ديل ونجى لنفسنا انت وانا. هل انتمينا لولاءات اهلنا الانصار او الاتحاديين؟ الاجابه بلا
سجمك يا عليش، الصلحك دا فاسق فول ما يقدر يصلحوا... ـــــــــــــــــــــــــــــــــــــــــــــــــــــــــــــــــــــــ
كنا ذات مرة في أحد الخليات،مرات بنقضي العصرية ضمنة... معانا واحد اتعلما جديد، وكان بحبا حب شديد، يقوم من عصرا بدري،يجهز الملعب،ويجي يحنس الناس.. أها مع قعدتنا كدا،شوتين تلاتة،يقوم يقفلا عمياء.. الناس طوالي بكوركوا فيهو:ياخي كرهتنا أفريقيا زاتا.. صاحبنا بتلفت يمين شمال، ويكورك :ورق.. *إت العلامة بتاعت التعجب دي بي وين في الكيبورد؟ مالاقيها..
ابوبكر قصة الصلوات الخمس المفروض فوق سبع سموات كلنا مصدقنها ..... حتى ابوك ذاته لى درجة انو مسميك باسم الصديق ابوبكر (ض) ....... لكن يا ابوبكر الما صديق الدعوى بدات خيالية ......تصديق بى وجود الواحد الاحد فوق سبع سموات قبل الصلوات المفروضة ...... فرض علينا أن نؤمن بى وجود شئ لم نراه بل نحسه فى وجودنا نرائ مخلوقاته ولكن لا نراه امنا به وامنت به من قبل خلق كثير قبلنا . لكن التمثال الموجود فى الكرملين لا نؤمن به ابدا لانه كان شخص عادى حتى هو ذاته مخلوق عادى زينا وماعنده وحى ولا يحزنون ام فكو ساكت.
يا معز، دي سياسة لعب ساكت كيف في ظروف اجتماعية زي الفي السودان دي تكون في اختين واحدة كوزة والتانية شيوعية؟ دي سياسة قشرات ساكت علي قول ود البشرى
اشك شك كبير انو يكون في اختلاف عميق بين عفاف ونور ما بعيد نور تكون معجبة بعفاف لأنها أكثر مساهمة في رعاية أهلهم بحكم التواجد بالسودان والمركز الاجتماعي
ع ع ا في مراجعته لسيرته، بقول انو موقف أخوهو العادي في الحياة ورعايته لاسرتهم، أكثر نبلا من العمل السياسي ...
أنت حكايتك شنو يا ابوبكر عباس ؟ من ساعة ما عارف فتح البوست وأنت تشك فى انو نور كوزة.. و تشك فى انو فى اختلاف بينها هى وعفاف ؟ و ما ( بعيد ) نور تكون معجبة بى عفاف ؟ ودى سياسة لعب ساكت.. ودى قشرات ساكت..الخ
أولا أرائى فى هذا المكان وغيره وآضحة ولا يختلف عليها أثنان.. ثانيا سيرتى الذاتية أمامك.. ثالثا أنا مقيمة فى الخارج لعدة عقود ولا اعيش فى السودان وأتمرغ فى نعيم الانقاذ.. ثالثا معارضتى للنظام عمرها 27 عاما.. و على رؤوس الاشهاد.. يعنى منذ بدأيتها.. فمن هو الشخص الذى يستطيع أن يمثل لمدة 27 عاما ؟!
و الاهم من كل ما ذكرت هو..
من أنت يا ابوبكر عباس ؟ وأين كنت طوال حكم البشير لتأتى فى السنة سبعة وعشرين من عمرها لتوزع شهاداتك على الناس دون معرفة أو تبصر ؟ ومن هى الكوزة يا ابوبكر عباس ؟ أنا؟ أم أنت الذى تصر اصرارا لا رجعة فيه بأننى كوزة؟! وأننى غيرانة من عفاف ؟! وأن معارضتى للنظام تمثيلية ؟ وأننى وأننى ؟! أنت ومنذ قدومك الغير ميمون الى هذا المكان تلاحقنى بأسوأ القول.. وتحملتها وترفعت عن الرد عليك حتى لا أشغل اعضاء المنبر والقراء بأمور انصرافية لا تهم الوطن ولا المواطن.. ولكنك هنا ترهق أعضاء المنبر والقراء بأمور أنصرافية وبعيدة عن ما يحدث فى السودان الان.. لمصلحة من ؟! شغل الكيزان لا يخفى على احد ايها الجاهل مدّعى الاستنارة ! وأنت واحد منهم وتنفذ أجندتهم..
ودعنى اقولها لك صراحة وفى عينك.. أنت يا المستنير جاهل ومتخلف ومدّعى معرفة.. ولا نعرف لك مرجعية سياسية ولا دور فى العمل العام.. ولم يسمعك بك احد قبل حضورك الى المنبر العام... و ما تفعله فى هذا البوست أكبر دليل على غباءك وبلادتك و أنك فاقد تربوى ليس ألا.. وواحد من سواقط عمر البشير التى تدمر السودان بوعى أو دون وعى منها.. وتعمل للانقاذ من خلال ادعاء المعارضة ثم تضرب المعارضة لمصلحة الانقاذ.. فلا تعتقد أنك مستنير وذكى حقيقة.. أنت واحد من سواقط الانقاذ المؤذية فى الداخل والخارج,... وأمثالك هم نكبات السودان التى تجّرنا الى الوراء.. مهما حاول السودان أن يتقدم خطوة واحدة الى الامام.. وأنت أحد الاذرع التى تنفذ بلطجة الانقاذ ولكن بتكتيك وحذر.. وواحد من الاسابب التى تجعل السودانيين يسبون اليوم الذى جمعهم بأمثالك.. ولولا معارضة الانقاذ, مثلك لا نلتقيه حتى فى الشوارع العامة.. قال كوزة.. وأظن.. وسياسة قشرة.. وتمثيلية..الخ
لعنة الله عليك والملائكة والناس أجمعين... راجل أى كلام...
ياابوبكر فشلت فى معرفه العلاقه بين ملاحظة عبدالله على ابراهيم والانتماء السياسى المختلف للشقيقات نور وعفاف تاور. المرحوم الزين لم يكن جزء من سلطة حاكمه . ضربت ليك امثله من قبل لتناقض اشقاء فى الحياة السياسيه فى السودان. لعلمك المرحوم العالم السمانى عبدالله يعقوب كان شيوعى كمان لمن اخوه الكوز المتطرف على عبدالله يعقوب كان من قيادات الاخوان. المرحوم السمانى ساب الحزب الشيوعى وتفرغ للعمل الاكاديمى والنشاط فى البحوث العلميه فيما بعد كده خلينا من ديل ونجى لنفسنا انت وانا. هل انتمينا لولاءات اهلنا الانصار او الاتحاديين؟ ...
مستنير اخر الزمن ابوبكر عباس.. لا يدخل فى هذا البوست لحوار.. ولا رأى ولا رأى اخر.. فهو هنا ليديننى بأى شكل من الاشكال.. وهو يود ( لو تدهن فيدهنون ).. وحينما لا تتفق معه.. ينقلب عليك..
عّلمتنا الآنقاذ أن لها مليون وسيلة ووسيلة لتمرير أجندتها.. لاحظ كثرة الدخول والخروج من هذا البوست.. لتعرف انه ! there is a motivation for every action
تقيمي خارج البلاد لعدة عقود؟؟ يعني أقل رقم ٣٠ سنة تعارضي الانقاذ ليك ٢٧ سنة؟؟ يعني ماينس تلاتة
يا بت الناس، مداخلاتي دي فيها نقاط مهمة تستحق التعقيب منك دون انفعال. اسهل حاجة أعمل زي ناس من كدا داك وأقول ليك اتي كنداكة ومكّة
لكن ما دام الموضوع دا انفتح؛ علينا ان ننظر له من كل الجوانب
الجميع هنا نفى عنك تهمة الدعشنة وأدان عبير أوكي نمشي للشق التاني من الاتهام: الناس ديل لو صحي ما قاعدين يتجملوا معاك، خليهم وانتي معاهم تتحدثوا عن تهمة الدعشنة لعفاف أنا موش متهمك انتي بس بالكوزنة لكن كثير من الذين مروا من هنا
انت يا ابوبكر عباس عينك للناس الرافعين راية الكوزنة في السماء وبستفزوا في الشعب السوداني بالبوستات المدفوعة الأجر ما لقيت إلا نور تاور عشان تقعد تبصِّر ما وراء حقيقتها الظاهرة بغرض تطلعها كوزة غصبا عن أي حاجة؟! الكلام دا غلط منك والله
ابوبكر الكشيف اولا من المفترض الاستاذة نور ما تجاوب ليك...... لانك ليس باحث عن حقيقة بل صاحب غرض هو استفزاز الجميع من هذا المنطلق ارئ انك تضيع زمن الاخرين فى مواضيع فارغة ........ وشغل المعارضة عن اهدافها ......اسلوب خذل عنا وارغلو فيه لعلكم تغلبون.....يعنى بالعربى عديل اسلوب داعشى متخفى بى تقية شيعية وغطاء شيوعى يعنى عميل مزدوج فى الحتة دى حقو ماتزعل وتبارك لى عمك المك .
كدي يا مستنير امشي قول لبتاع بوست (نفّست): خليك من المعارضة، ما رأيك في إحباط الشعب؟ لأنو أنا ما عايز اديهو شرف مسح مداخلتي -------- بالمناسبة يا أيمن نواي ونور تاور ابوبكر لا علاقة له بالسياسة بمعناها المعروف أجزم أنه لا شيوعي لا كوز
ابوبكر الما صديق لكى تتهم شخص يجب أن تتوفر فيك شروط الاستقامة ...... وهى معدومة فى شخصك ...... اولا يجب أن تنفى لنا ازدواجية انك عميل ...... نحن لا نتهمك لكن من خلال كتاباتك تؤكد ذلك .....احيانا تنطلق من منطلقات شيعية بى نفى السنة و تارتا اخرى جدلية ماركسية شيوعين بحتة رافضة للدين والقيم ثم تعود وتؤيد عمك المك نافع ومن ثم معارض للمؤتمر الوطنى ....... هذا الاطراب النفسى يجعلك فى موضع الشبة ......اما انك عميل مزدوج لك دور مرسوم تؤدئ فيه ........ ام أن هناك خلل عقلى يحتاج الى طبيب نفسى..... وفى كلتا الحالتين انك غير مؤهل أن تتهم اى شخص....... اما أن كنت فى رحلة الشك الى اليقين كما الكاتب مصطفى محمود لا اعتقد ذلك.
سلامات معاوية الزبير اخبارك أن شاء الله طيب والاسرة ..... المستنير نور الله دربه ..... مما يشوف المياة الراكضة يرمى الجحر ...... عملية طفل ما يعملا ....... دائما يهز مسلمات الأمة ...... عامل زى ابليس اصلو ما يخليك ساكت يا اما تكون مؤمن ايمان قاطع او تكون كافر عديل ..... ما عندوا محطة وسطى ..... بس المحلة دى المى حار ما لعب قعونج..... اذا واصل نوصلوا مستشفى تجانى الماحى هههههههه دخول الحمام ما زى خروجوا.....لازم يدفع الضريبة شقاق العناقريب.
بكري زول كويس بس يحب العكننة كما اقر بذلك من قبل ( زول كويس بحسب تعبير ناس ج د يامعاوية) :))
Post: #135 Title: Re: الصحفية عبير المجمر (سويكت) تردم بنات تاور Author: أبوبكر عباس Date: 11-26-2016, 00:21 AM Parent: #134
غلطان أنا الجيت بريتكم بمشاركتي واثراء الحوار.
Post: #136 Title: Re: الصحفية عبير المجمر (سويكت) تردم بنات تاور Author: أبوبكر عباس Date: 11-26-2016, 00:39 AM Parent: #135
أنا في البوست دا ساكي الناس الرافعين راية الكوزنة عيانا بيانا يا معاوية، ساكي عفاف تاور زي الكلام القالتو عفاف دا لو قالو جلابي، ما كان خلونا نقعد في الواطة
كنت داير مثلا نور تقول لي: شوف يا مستنير، نحن النوبة مسكلتنا مع الحركة السعبية بتخليني أنا وعفاف تاور الكوزة نتحد ضد عرمان المؤتمر الوطني أقرب لي حاليا من الحركة الشعبية الكلام دا كبر قاعد يقولو بوضوح عشان كدا أنا ما مندرع فوقو
أفتح ليكم في طاقات الحوار وانتو دايرين توددوني حسن علوب!
Post: #137 Title: Re: الصحفية عبير المجمر (سويكت) تردم بنات تاور Author: أبوبكر عباس Date: 11-26-2016, 02:43 AM Parent: #136
صحي اية صلاة الخوف ما هي الحددت طريق الصلاة، لكنها وصفت كيف كانوا يصلون. قد يقول قائل يود تعجبزي: لماذا هناك سجدتان في الركعة الواحد؟ لهذا السؤال اجابتان محتملتان: - الانسان وليد بيئته وكيفية الصلاة لم تتغير كثيرا عنما كان سائد قبل الاسلام يعني لمان قال ليهم في صورة الحج: يا أيها الذين آمنوا اركعوا واسجدوا .... الكلام دا كان مفهوم كيفيته لأنهم كانوا يركعوا ويسجدوا لله عبر الاصنام.
الصلاة تلاتة مرات في البوم والليلة أي صلاة ركعتان تقرأ في القيام ما شئت وليس هناك جلوس تسهد ولا سلام
شوف صلاة الضهر دي مزعجة كيف للعمل؟ ــــــــــــــــــــــــــــــــــــــــــــــــــــــــــــــــــــــ كفاية استوووب... هسّ يجوك الجماعة.....و : لما نجاة تديني الباسويرد..
جمال القوز، شكرا لإجابتك، و ربنا يديم عليك الصحة ----------------
نواي، شكرا لسؤالك عنا، خليك مواصل مع الزول دا بطريقة شقاق العناقريب ----------------
Quote: بكري زول كويس بس يحب العكننة كما اقر بذلك من قبل ( زول كويس بحسب تعبير ناس ج د يامعاوية) :))
صاح يا حيدر، عشان كدا محتفظين بي طوبتو ----------------
Quote: كنت داير مثلا نور تقول لي: شوف يا مستنير، نحن النوبة مسكلتنا مع الحركة السعبية بتخليني أنا وعفاف تاور الكوزة نتحد ضد عرمان المؤتمر الوطني أقرب لي حاليا من الحركة الشعبية الكلام دا كبر قاعد يقولو بوضوح عشان كدا أنا ما مندرع فوقو
يا بكور، لو دا كان مدخلك للمناقرة مع نور تاور ما كان ختت فيك هي ونواي هذا الرأي السالب والأوصاف الخاطئة اللذين كتباهما في هذا البوست
مشكلتك دايماً في المدخل
---- عليش الريدة، لو ما مصلّي كويس، ما تقرّب من دين الزول دا على وزن لو ما متعشي ما تقرب العرقي دا
عليش الريدة، لو ما مصلّي كويس، ما تقرّب من دين الزول دا على وزن لو ما متعشي ما تقرب العرقي دا ـــــــــــــــــــــــــــــــــــــــــــــــــــــــــــــــــــــــــ أجمل التعاطي ماكان على خواء
ابوبكر المستنير ألمستنجد من رمضاء الحراية بالقهبونة البيبارى الجداد الاكترونى بيودهو كوشة الهكر ....... اسمع النقولك قولا فى اضانك دى ......كلام الصلاة الموجودة فى القران كلام سمح بالحيل ...... ما قصرت تب يقصر الملح من الملاح الا انت ما بى تقصر....... عدد ركعاتها وسجودها وشروطها ما لقيت ليها دبارة من للقران ...... قطعتها من رؤيسك دا ...... هسي انحنا نسمع كلامك انت يا الفكى جنقور ولا كلام المنزل ليهو القران من فوق السماء السابعة ..... ربنا امنوا على كلاموا أن زاد ولا نقص ينا المبارنوا ........ انت تباري الجداد يا يودوك الكوشة يا تجانى الماحى ......لك حرية الاختيار الحياة ما جبرية .....مباصرة.
وّل أّبا أيمن نواى.. والعزيز معاوية الزبير .. والعزيز ود المدير.. والعزيز أميرة السيد.. وكل الاخوات والآخوة المتداخلين فى هذا البوست.. ...
وفيتوا وكفيتوا وأعطيتونى أكثر مما استحق.. فأنا لا أستطيع أن أكتب ما تكتبون.. لذلك أخرج من هنا.. وأنا شديدة الاعتزاز بأن منحنى المولى عز وجل كل هذاه الكوكبة من الاخوات والاخوة.. وهذا ما يشفع لى ويغسل عنى كل العجاج الذى يثيره أصحاب الآغراض الخاصة.. فأنا دونكم كفاءة فى الحجة والمنطق والشجاعة فى قولة الحق.. لذلك.. أنتحى جانبا لآنعم بهذا الحب والاحترام.. ولارتاح قيلا من المناقرة.. فأنا هذه الايام اكتب فى المنبر وفى اراء حرة.. كونوا بخير...
يعني يا أيمن نواي، قصة فرض الخمسة صلوات في السماء مصدقها؟ ولّ خائف وما فكرت فيها وما داير تفكر فيها؟ سألتني قلت لي أبوك سماك علي أول زول صدّق القصة دي؟! صاح لكنو في بداية السبعينت ساقني وداني المدرسة وقال لي: العلم نور بخليك تشوف الدنيا دي بمنظار تاني، سير ولا تلتفت إلى الخلف أها في المتوسطة درسونا العلوم الحديثة والكواكب وحركتها اليوم داك كان أول يوم أشك في قصة المعراج دي
المستنير شوف يا ابوبكر لولا الشك ما كان اليقين ..... يقول عمو ديكارت انا افكر اذن انا موجود والفكرة تبدا بالشك.....ودى ظاهرة صحية فى المقام الاول لذا لا نعيب عليك الاستنارة وهى شرف تدعيه وتهمة لا ننكرها عليك لذا التدبر والتفكر هى من سمات الانسان السوى ومدخل للاستنارة ...... نحن لا نطالبك أن تأخذ الامور على عواهنها...... السير يدل على المسير والبعر يدل على البعير ...... اذا سلمنا جدلا أن الله حق وان الرسول (ص) مرسل من عند الله........ لايمكن أن يرسل الله رسول كاذب او يزيد من عنده او ينقص منه قليلا ...... الا فى حالة نقص فى ايماننا بالله بعدم معرفة الله بى رسله ....والعياذ بالله من النقصان له الكمال فى كل شئ .......وذا صدقنا الرسل صدقناهم فى كل شئ ومنها الصلاة.....و اذا قال الصلاة مئة ركعة تبعناهم......خادم الفكى مجبور على الصلاة...... ولا تثريب عليك حتى الرسل سال الله احدهم ارينى كيف تحى الموتا .... قال الم تؤمن قال بلى ولكن ليطمئن قلبى ...... هكذا هو الانسان عندما يكون قريبا من الله ..... ما انت فيه هو جذب سماوئ لعلك تكون اقربنا الى الله وما ندرى قلوبنا بين اصابع الرحمن يقلبها كيف يشاء.