الغنماية. وود الخواجية. السكاكات

11:22 AM November, 11 2016 سودانيز اون لاين
اخلاص عبدالرحمن المشرف-
مكتبتى
رابط مختصر
اهداء الي صديقتي بخيخ
طويلة وقاصه شعرها زي السعافة ولا شنو تجري من اول الفصل لأخره شايله ليها عصاية
تطارد ليها في شبشة ، الحق لي الله الحشرة دي خوفتني قطعت قلبي لكن لبدت وكنكشت
في الدرج ،صغيرونه كده ومقعدني في الصف الاول ، مخير الله علي، اها في جريها ده
ضربتتي و الشبشة قربت مني أسوي شنو ؟ قرب يغمي علي . بعد كتلت الشبشة شبكتها لك
ضربتيني ،قربتي تقدي عيني وهي ولا هماها.
يا ربي اسوي فيها شنو الشرانيه دي ،

تحياتي ليك ولصديقتك :)

شكرآ استاذ هاني

اتوكلت علي الله وشاكلتها ، بعد يومين غيروا جلوسنا وجاءت بقت في الصف الورائي ، شئ شحدة استيكة
شئ برايه ، شئ جر شعر المهم في فسحة الفطور كانت بتحن علي في الزحمة وتتناول لي سندوتشي ، جبنة
وبزيانوس ،الصنع البزيانوس ده التقول عارفنا ح نعمل مسابقة حمرة لسان .

وبقت اعز صاحباتي ، يوم جاءتني زيارة في البيت ومعاها ود أخوها ،ود أخوها ده امو خواجية ، استاذة الفرنساوي
في مدرسة الاولاد - الخرطوم الثانوية جو جداد لنج ، اها وانا وهي قاعدين في امان الله هي تاكل في التسالي
وانا اكل في القنقليز فجأة الشافع قعد يصرخ ،يا ربي بقول شنو ؟ قوووت قووت قوووت

دخلت بي وين الشقية دي ، فضحتنا مع الخواجة الفرنساوي الما شاف له غنماية.
اخر زيارة لي للسودان زرتهم في بيتهم لقيتو متفن تحت شجرة النيم القدام بيتهم في لستك

اهداء الي ص برير رابح .....ص بخيخ رابخ

الحبيبة لوسي والحبيب هاني لكما التحايا ..

وبقت اعز صاحباتي
الغنماية
اريتها صداقة الياباني والتابني ههههههههههههه
يا تري هي بي وراك برضو مسمياك كدا ؟


مشتاقون يا دكتورة .

ضحكتني منو
الا اشوف جوالها كاتباني شنو 😜😜👍

تحياتي دكتورة
الناس ديل عرفتهم كنا جيران في فترة ما في الصحافة ولي صداقة مع اولادهم
وخاصة مع الهاف كاست ابناء أخ صديقتك دكتور رابح برير

اهلآ ود البشرى
ايوه صاح ، صداقة عمر ، ناس حلوين ويقطروا طيبة
الاجازة لازم امر عليهم

السكاكات

تكون فريق كرة قدم ضمن المناشط الجامعية ، قرروا يلعبوا الكليات ضد بعضها

تحمست الفتيات وقررن تشجيع منتخب الكلية ، اجتمعن لتحديد طرق التشجيع
واحدة اقترحت يسألوا ناس الفريق عن لون الفنايل جاهم الرد احمر ، واحدة قالت
خلاص نلبس احمر التانية اعترضت ما بناسب لونها وبعدين تحت تحت كده هي هلالابية .
الليل كلو يتشاكلن يا زوله ما ممكن البس احمر ، لو عاوز تضحك علي شنو ما عارف لبسو
احمر ، التانية تقول ليها يا احمر الخدين ، ليلن كلو قضنو كلام ، ويا صباح رباح

الصباح رباح

مشن الكلية ، حضرن المحاضرات ويا ريت لو في جرس زي بتاع الحصص ، في الطريق لقاهم أطيب طالب
قالهم ( الليله انا لاعب ) وقطع (جهيزة ) قول كل خطيب

المبارة انتهت بهزيمة فريق الكلية 2/.
بس الفريق ما كان لابس احمر الا الشرابات


وطبعآ تذكرت اديبنا الكبير محمد المهدي المجذوب وقد أتته الاديبة العراقية وهو علي السرير الابيض
وقد بانت ارجله واللحاف قصير

اهداء الي. صديقي م .ع.

الواحد عشان يكتب خاطرة أو قصة مرات بستدعي قصص أو مجموعة قصص ويركبهم
الشوف مهم ، يعني صعب ما شفت تكتب ،اها انا لاقيت شيوعيين ( 80% منهم بطلعوا متدينيين)
بس أكذب لو قلت قابلت زول قال ملحد عديل كده ، اها سودانيزونلاين دي لقيت فيها الناس ديل ، دايرة
اشوف هم بشوفو كيف . شكلو مشروع فاشل

التحدث في الدين لم يعد مخيفآ كما كان ،هل لكثرة استدعاء المقدس الديني ؟ بينما لا زالت باقي
المحرمات اكثر رهبة .
هل الجهل و ( الحواجز والكسل ) يحد من الالمام بما استجد ؟