Post: #1
Title: الغنماية. وود الخواجية. السكاكات
Author: اخلاص عبدالرحمن المشرف
Date: 11-11-2016, 12:22 PM
Parent: #0
11:22 AM November, 11 2016 سودانيز اون لاين اخلاص عبدالرحمن المشرف- مكتبتى رابط مختصر اهداء الي صديقتي بخيخ طويلة وقاصه شعرها زي السعافة ولا شنو تجري من اول الفصل لأخره شايله ليها عصاية تطارد ليها في شبشة ، الحق لي الله الحشرة دي خوفتني قطعت قلبي لكن لبدت وكنكشت في الدرج ،صغيرونه كده ومقعدني في الصف الاول ، مخير الله علي، اها في جريها ده ضربتتي و الشبشة قربت مني أسوي شنو ؟ قرب يغمي علي . بعد كتلت الشبشة شبكتها لك ضربتيني ،قربتي تقدي عيني وهي ولا هماها. يا ربي اسوي فيها شنو الشرانيه دي ،
|
Post: #2
Title: Re:
Author: Hani Arabi Mohamed
Date: 11-11-2016, 12:26 PM
Parent: #1
تحياتي ليك ولصديقتك :)
|
Post: #3
Title: Re: الغنماية
Author: اخلاص عبدالرحمن المشرف
Date: 11-11-2016, 12:52 PM
Parent: #2
شكرآ استاذ هاني
اتوكلت علي الله وشاكلتها ، بعد يومين غيروا جلوسنا وجاءت بقت في الصف الورائي ، شئ شحدة استيكة شئ برايه ، شئ جر شعر المهم في فسحة الفطور كانت بتحن علي في الزحمة وتتناول لي سندوتشي ، جبنة وبزيانوس ،الصنع البزيانوس ده التقول عارفنا ح نعمل مسابقة حمرة لسان .
وبقت اعز صاحباتي ، يوم جاءتني زيارة في البيت ومعاها ود أخوها ،ود أخوها ده امو خواجية ، استاذة الفرنساوي في مدرسة الاولاد - الخرطوم الثانوية جو جداد لنج ، اها وانا وهي قاعدين في امان الله هي تاكل في التسالي وانا اكل في القنقليز فجأة الشافع قعد يصرخ ،يا ربي بقول شنو ؟ قوووت قووت قوووت
دخلت بي وين الشقية دي ، فضحتنا مع الخواجة الفرنساوي الما شاف له غنماية. اخر زيارة لي للسودان زرتهم في بيتهم لقيتو متفن تحت شجرة النيم القدام بيتهم في لستك
اهداء الي ص برير رابح .....ص بخيخ رابخ
|
Post: #4
Title: Re: الغنماية
Author: مني عمسيب
Date: 11-11-2016, 01:02 PM
الحبيبة لوسي والحبيب هاني لكما التحايا ..
وبقت اعز صاحباتي الغنماية اريتها صداقة الياباني والتابني ههههههههههههه يا تري هي بي وراك برضو مسمياك كدا ؟
مشتاقون يا دكتورة .
|
Post: #5
Title: Re: الغنماية
Author: اخلاص عبدالرحمن المشرف
Date: 11-11-2016, 01:09 PM
Parent: #4
ضحكتني منو الا اشوف جوالها كاتباني شنو 😜😜👍
|
Post: #6
Title: Re: الغنماية
Author: محمد البشرى الخضر
Date: 11-11-2016, 01:26 PM
تحياتي دكتورة الناس ديل عرفتهم كنا جيران في فترة ما في الصحافة ولي صداقة مع اولادهم وخاصة مع الهاف كاست ابناء أخ صديقتك دكتور رابح برير
|
Post: #7
Title: Re: الغنماية
Author: اخلاص عبدالرحمن المشرف
Date: 11-11-2016, 01:43 PM
Parent: #6
اهلآ ود البشرى ايوه صاح ، صداقة عمر ، ناس حلوين ويقطروا طيبة الاجازة لازم امر عليهم
|
Post: #8
Title: Re: الغنماية
Author: اخلاص عبدالرحمن المشرف
Date: 11-15-2016, 06:48 AM
Parent: #7
السكاكات تكون فريق كرة قدم ضمن المناشط الجامعية ، قرروا يلعبوا الكليات ضد بعضها تحمست الفتيات وقررن تشجيع منتخب الكلية ، اجتمعن لتحديد طرق التشجيع واحدة اقترحت يسألوا ناس الفريق عن لون الفنايل جاهم الرد احمر ، واحدة قالت خلاص نلبس احمر التانية اعترضت ما بناسب لونها وبعدين تحت تحت كده هي هلالابية . الليل كلو يتشاكلن يا زوله ما ممكن البس احمر ، لو عاوز تضحك علي شنو ما عارف لبسو احمر ، التانية تقول ليها يا احمر الخدين ، ليلن كلو قضنو كلام ، ويا صباح رباح
|
Post: #9
Title: Re: الغنماية
Author: اخلاص عبدالرحمن المشرف
Date: 11-15-2016, 07:05 AM
Parent: #8
الصباح رباح مشن الكلية ، حضرن المحاضرات ويا ريت لو في جرس زي بتاع الحصص ، في الطريق لقاهم أطيب طالب قالهم ( الليله انا لاعب ) وقطع (جهيزة ) قول كل خطيب
|
Post: #10
Title: Re: الغنماية
Author: اخلاص عبدالرحمن المشرف
Date: 11-15-2016, 07:22 AM
Parent: #9
المبارة انتهت بهزيمة فريق الكلية 2/. بس الفريق ما كان لابس احمر الا الشرابات
وطبعآ تذكرت اديبنا الكبير محمد المهدي المجذوب وقد أتته الاديبة العراقية وهو علي السرير الابيض وقد بانت ارجله واللحاف قصير
اهداء الي. صديقي م .ع.
|
Post: #11
Title: Re: الغنماية
Author: اخلاص عبدالرحمن المشرف
Date: 11-15-2016, 03:48 PM
Parent: #10
الواحد عشان يكتب خاطرة أو قصة مرات بستدعي قصص أو مجموعة قصص ويركبهم الشوف مهم ، يعني صعب ما شفت تكتب ،اها انا لاقيت شيوعيين ( 80% منهم بطلعوا متدينيين) بس أكذب لو قلت قابلت زول قال ملحد عديل كده ، اها سودانيزونلاين دي لقيت فيها الناس ديل ، دايرة اشوف هم بشوفو كيف . شكلو مشروع فاشل
|
Post: #12
Title: Re: الغنماية
Author: اخلاص عبدالرحمن المشرف
Date: 11-15-2016, 05:03 PM
Parent: #11
التحدث في الدين لم يعد مخيفآ كما كان ،هل لكثرة استدعاء المقدس الديني ؟ بينما لا زالت باقي المحرمات اكثر رهبة . هل الجهل و ( الحواجز والكسل ) يحد من الالمام بما استجد ؟
|
Post: #13
Title: Re: الغنماية
Author: اخلاص عبدالرحمن المشرف
Date: 11-15-2016, 05:25 PM
Parent: #12
|
|