السجن ثلاث سنوات للمليارديرة هند العشابي زوجة السفيرالكويتي بالنمسا بتهمةالخيانة مع صورة لها

00:21 AM November, 08 2016

سودانيز اون لاين
زهير عثمان حمد-السودان الخرطوم
مكتبتى
رابط مختصر

http://www.up-00.com/"http://www.up-00.com/"
الرباط ـ
قالت صحيفة “الأخبار” المغربية، إن الهيئة القضائية المكلفة بالملفات الجنحية التلبسية في المحكمة الابتدائية في الرباط، أدانت هند العشابي زوجة السفير الكويتي في النمسا، بتهمتي “الخيانة الزوجية” و”التزوير بمعيّة عشيقها” رجل الأعمال محسن كريم بناني، بثلاث سنوات حبساً نافذاً، وتعويض قدره 200 ألف دولار.

وأضافت الصحيفة، أن دفاع الطرفين توقع الحكم بالسجن على المتهمين خلال الجلسات السابقة وذلك بعدما رفضت الهيئة القضائية نفسها، وفي سابقة من نوعها، تمتيع المتهمين بالإفراج المؤقت، على الرغم من قيمة الضمانات المالية الخيالية التي قدمتها هند بعرضها (10 ملايين دولار) فيما قدم محسن كريم بناني، رجل الأعمال المتورط معها في الملف، شيكاً بمبلغ (50 مليون دولار)، وهو ما جعل المحامين يتوقعون حكماً بالإدانة على المتهمين.

Dirty cash. Money talks and sometimes walks
وأحسب هنا أن الحكاية تجاوزت المشي ركضاً

.وأضافت الصحيفة، أن دفاع الطرفين توقع الحكم بالسجن على المتهمين خلال الجلسات السابقة وذلك بعدما رفضت الهيئة القضائية نفسها، وفي سابقة من نوعها، تمتيع المتهمين بالإفراج المؤقت، على الرغم من قيمة الضمانات المالية الخيالية التي قدمتها هند بعرضها (10 ملايين دولار) فيما قدم محسن كريم بناني، رجل الأعمال المتورط معها في الملف، شيكاً بمبلغ (50 مليون دولار)، وهو ما جعل المحامين يتوقعون حكماً بالإدانة على المتهمين.

[كدي نشوف قروش هند بتساوي كم بالجنيه السوداني
000000 10 دولار × 16 = 160 مليار جنيه سوداني
اها نشوف قروش عمك
000 000 50 دولار × 16 = 800 مليار جنيه سوداني !!!
ومع الخلعة دي ياجماعة ممكن يكون في صفر طفش هنا وللا هنا

هسي عليكم الله لو قسموا لينا ال 960 مليار دي نحن كلنا هنا بالتساوي رجال على نسوان
عليكم الله تاني بكري دا بلقى ليهو زول حايم هنا ؟؟؟؟
توفيق عيسى مكي بتاع الضهاري ماتدوه كيتاً عليهو !!!!

بالله الناس دي عندها قروش زهجانة منها للدرجة دي ؟؟؟

زمان امي لمن تشوف ليها واحد مرطب عندها عبارة عجيبة جدا
{{ المهلة يايمة يضوقا عثمان }} عثمان دا انا ابوحراز ذاتو
زمان المرطبين هم الضكور بس
هسي ماشاء الله

قال سمحة المهلة قال !!!!
زين عالم جميل !!!!
اها يا الملا عمر انت الغايظك منو هند وللا ابو القدح وللا القروش المجدعة في السهلة دي ؟؟؟
قال ركضاً قال !!!!

.

هذا المهر لم يكن ليرتع إلا في سفوح تلال الأطلسي

من مضيفة الطيران الخاصمواليد1978م الى اقوى امراة في التسعة سنوات الاخيرة .. زوجها الاول رجل اعمال سعودي يعمل في
في التجارة زجت به في السجن في نفس العام الذي تزوجته أي في 2007م بتهمة غسيل اموال وتزوير بنكي وكانت حامل في الشهر السابع بابنتها (داليا)
وتزوجت في نفس العام من ممثل الكويت الدائم في جنيف محمد صادق معرفي .. كونت ثروة وفتحت عدة شركات (داليدا هولدنق) وعملت امبراطوريتها الاقتصادية
وهي المهووسة بالسلطة والجاه والمال وكانت تصرف ببذخ مبالغ فيه واسست (داليا ميديا)
و(داليا للطيران)ومقرها في لوكسمبورغ ... وكانت تعشق ان (اذلال) الرجال خاصة الاثرياء وذوو السلطة والنفوذ وكان هؤلاء يتمرغون تحت (تراب رجليها)
الغريبة التراب دا حيجي من وين ؟ وهي عندها جيش من الخادمات واخصائيات التنظيف والتجميل
وكانت تعتبر ان الممثلة (نادية الجندي) هي مثلها الاعلى. المسكين محمد صادق اكتشف ان عندها عشيق
وقبضها بالثابتة وصورها فيديوكمان ..اسمه كريم بناني واتضح لاحقا في المحكمة انها تزوجته في دولة افريقية وهي في نفس الوقت على ذمة محمد صادق

عفيت منك أخي أحمد يسين ..
معلوماتك أشمل وأفضل مما جاءت به الصحيفة ..
التحية لك وللإخوان زهير والملة و المهلة عثمان الذي ذرف دمعا عزيزا على أوراق البنكنوت المهدرة..
الحمد لله على نعمة الصحة يا أبا حراز.

غايتو يا زهير
اتضح بما لا يدع مجالاً للشك , انو الناس ديل ما مستنيرين
و الله صحى

مولانا وحبيبنا الزعيم محمدعلي ود طه الملك
التحية لك وللإخوان زهير والملة و المهلة عثمان الذي ذرف دمعا عزيزا على أوراق البنكنوت المهدرة.
الحمد لله على نعمة الصحة يا أبا حراز.

المغربية دي يا مولانا تملك خمسة طائرات ضخمة
اب حراز في مبلغ صغير جدا عشرة مليون دولار بس كفالة
عمل ليها حسبة برمة

أب حراز أنا غايظني زهير دا يفك الخبر في المنتدى ويقعد يتفرج وما يعلق عليهو تقول مراسلنا من تورا بورا. كمية وجوه ضاحكه وواحد مخلوع
لا بصراحة غايظني أنني كنت بحلم ذات مرة أن أميل للسياحة من جبل لواحة وأعشق الأسفار لا أرهب الأخطار وكل يوم في بلد وهكذا إلى الأبد. لكين يبدو أن المنجم إبن الأبالسه مارس قراءة خاطئة في كف يدي– ويحق له ذلك – فقد عملت خشونة الزراعة وصرار الغنم وحلب البقر وحش السعدة وقلب اللبقه في الجدول فيها ما لم يعمله كريم نيفيا في وش جارتنا هنايه ، أها بقيت أسافر صحيح بس من قرية إلى قرية مواسياً في بكا ومعه قدح – ما تيسر – لأن الفاتحة وحدها لم تعد تكفي في أمصارنا. لكنه سرعان ما تلاشى غيظي بعد أن أيقنت أنه كذب المنجمون ولو صدقوا ، واحد مفلس أكتر مننا ومبسوط قلت ليهو شنو الرضا دا قال لي الفقر بعلمك التسبيح فقلت خليني أقرض علي كده الغريبة مرات أسبح وأكثر المرات أدوبي أو أغني فيبدو أن فلسي هذا من النوع أبو كديس أو أبو بت.

يا صديقنا almulaomar
تحياتي بالله عليك أخد الامر بكل رحابة صدر في كل الاحوال انا بقول خبر والاضافة من الشباب بتكون معلومات
ودا الغاية انو الشباب يشاركوا لكين بالجد بعد مرات ما بكون رجعت للموضوع اساسا
المهم أأسف لحالة الغيظ التي تسببت فيها ولم أكون متعمد
ولك مني كل التقدير

Quote: في كل الاحوال انا بقول خبر

قصدك بنقل خبر يا اللخو

أخي زهير عثمان أحمد يا راجل take it easy ومال كمية الوجه الضاحكة دي أصدرها صحيح ما ظهرت في الرد لكن دي مشكلة سعادة الأدمنستريتور بكري أبوبكر شكيتو علي ترامب لم يلتفت لمناشدات الناس بأن يعيد خاصية إدراج صور أو صورة في المقال وأنا بالكاد أدخل الموقع لتخلفي التقني وجهلي بدهاليز الإنترنت والأترا لاب ، الأخيرة دي حاولت أظهر من خلالها وأحاكي الطبقة المستنيرة يقوم وليدن لي هاباش ينط لي في حلقي ويقول لي طبظتها يا حاج كنت ماشي كويس ألترالاب بتاع فنيلتك – حتى الفنيلة دي لم يقلها صراحة لكن حسيت بيها - ولما كنت عادة ألبس عراريق أي بدون فنيله نظام tubeless وكده لم أهتم لكلامة لكنه سرد في غيه مضيفاً يا أبوي عدل الموضوع دا بحذف الأترا لاب الحشرتها هنا بدون وجه حق وكالعادة أخذتني العزة بالإثم وقلت ليهو هوي يا وليد هيع أنا البعدل ، البعدل يا ولدي جارتو ومرتو طلقانه ونسيبة البعدل زاتو ، أنا في النت دا سيفي سليتو نوبه وعرب ما يدخلو بيتو ، الولد ما مربياهو حبوبتو قال لي دا اللبن وكت يحبو من الضرع ، قلت ليهو ضرع في عينك قال لي إنت مش عاوز حل للفزوره ، قلت ليهو قوم فز وعملت بعدها مباشرة sign-out من النت