ليه الحكام العساكر بمشو الحج والعمرة كتير

10:30 AM November, 06 2016

سودانيز اون لاين
حمد عبد الغفار عمر-
مكتبتى
رابط مختصر

عبود ما متأكد لكن نميري في آخر زمنو وعمر البشير طواااااالي في الحج والعمرة

الصادق المهدي أثناء فترة الحكم ما شفتو مشى ولا اسماعيل الأزهري ولا عبدالله خليل

السبب شنو؟

من عمايلهم الوسخة...والله ديل لو سكنوا في بيت الله عديل كدا دا لا بشفع ليهم ولا بحلهم...كيفك يازول ياجميل...

تراكم الذنوب يا حبّة
مغشوشين بالحديث داك
فى ما معناهو
يعود كما ولدته امّو
ده ما المهم
المهم .. انتا مشيت كم مرّة
عشان نتبّرك فيك

هلا حسين موسى
تعرف كتير من الناس بمشي الحج بنية مسح الذنوب وناسيين أنو الحج فريضة في نفسو
لكن عشان تتمسح الذنوب لازم يكون الذهاب بنية أداء فريضة
وكفارة الذنب مشروطة بنية التوبة وعدم الرجوع إليه

كيفك يا جلادونا

أنا عمرت وحجيت أكتر من الرؤساء ديل برضو عندنا قلايل لكن من نوع مختلف

هسه انضف من يوم ولدتني أمي كلوروكس عديل

تعال نرقي ليك في رأسك دا

=

Quote: ديل لو سكنوا في بيت الله عديل كدا..

ولا داعي لإساءة الظن في ولاة أمورنا يا حسين ويا جلالدونا ويا حمد الذي لبد.

فالجنرال اليوغندي (عيدي أمين) ظل ساكناً هناك يجاور البيت الحرام حتى دُفن على تخوم البيت الحرام،
وإن كنت تسأل يا حمد عن ذلك الجنرال الذي لبد واستجار بالكعبة المشرفة، فإن زين العابدين ما يزال يا حمد لابداً في عزلته يؤدي نُسكه ويطوّف بالبيت العتيق.


كما أن الجنرال السيسي لا يذهب إلى هناك من أجل جلب رز الخليج، وإنما ليعبئ ثلاجته من مياه زمزم المباركة، خصوصاً وهو قد عاش عشر سنوات يتهجد، لا نام فيها ولا أكل الطعام بل كان يملأ بطنه (= ثلاجته) بالماء لا غير.


أما قائد "الدولة الرسالية" وعلى ذمة زملائه الأتقياء الأنقياء من حُكام أفريقيا، فإن جنرالنا هو حمامة سلام شأنه شأن ذلك الحمام الذي ينقر الحب عند البيت الحرام، وهو – أعني الرئيس– يفرد أجنحته ويذهب إلى هناك فقط لإطعام حمام الكعبة بحبات القمح وبـ (الهوت دوق).
وكما ترى في الصورة فإن صدر رئيسنا المسالم يُشبه صدر اليمام، وأكتافه تُحاكي في سلامها أجنحة الحمام.

عليك وعلى ضيوفك السلام
...
..
.

حمد لبد مشتاقيين
البشير دا بمشى مكة ويتمسح كمان بالحجر الاسود
وانا عرفت من شيخ انوا الواحد لو ذنوبوا عظيمة ما بشوف الكعبة زاتها
خلى من الحجر الاسود
هسي زى دا بقولوا علي شنو!!؟

هلا يا الصادق

الرئيس عايز يقول ليكم شوفوني أنا
الحجّاج بن حسن البشيري

الوضاحة هلا بيك
[quoteوانا عرفت من شيخ انوا الواحد لو ذنوبوا عظيمة ما بشوف الكعبة زاتها/quote]

شوفي ليك شيخ غير شيخك دا
كيكي عندو شيخ اسمو شكر الله أمشي خلي يوديك ليهو بوريك العلوم كلها