بشارة خير

08:53 PM November, 04 2016

سودانيز اون لاين
فاروق أبوحوه-UNITED ARAB EMIRATES
مكتبتى
رابط مختصر

بشارة خير
________
.
رجعتي ..

معاك بشارة الخير

قمر جُــــوّايا أشرق تام

رجعتي .. معاك رجع حِسي

و عادت نشوة الأيام

رحل ليل العذاب المُر

و طالت قامة الأحلام

نضيره و حافظه للجِيرَه

ترتبي فينا أي كلام

أما الطبع و الضحكه

يا سلاااام .. يا سلااام

أحبك كلما تشرق ..

أماني أنيـقــة الهِنــدام

و تمشي علي الجَرِف نسمه ..

لافحه خُلاصة الأنســـام

أحبك كل لحظة تـمُـر

و تــدّي الفرحه تاني عُمُر

رجعتي معاكِ إشــراقِك

حنين ضاماهو أحداقِــك

طِبتِي و طَاب معاكِ مَقام .

مليحه و كــاملة الهَـيـبه

و دافـره الفرحه لا قِــدَام

يا قـيـفَـة أمـاني هـواي ..

معاي .. ما شــالِك الهــدّام
____________
فاروق أبوحوه

البشارة