Post: #2 Title: Re: صور رائعة سوف تذهل عند رؤيتها Author: فيصل محمد خليل Date: 11-04-2016, 02:16 PM Parent: #1
Post: #3 Title: Re: صور رائعة سوف تذهل عند رؤيتها Author: عبدالعزيز الفاضلابى Date: 11-04-2016, 05:34 PM Parent: #2
دا اللَّنا شايفو مربع فاضى ,, يكون بصوروا من بوستك بتاع الاحلام سلام ياصديقى ,, غايتو يوم خايفك تجيب لينا صورة ابليس ماسكنو فى قضية آداب. ثم قوم لف.
Post: #4 Title: Re: صور رائعة سوف تذهل عند رؤيتها Author: فيصل محمد خليل Date: 11-04-2016, 05:55 PM Parent: #3
كدا شايف يا صديقي
Post: #5 Title: Re: صور رائعة سوف تذهل عند رؤيتها Author: عبدالعزيز الفاضلابى Date: 11-04-2016, 06:06 PM Parent: #4
ما شاء الله اطفال جميلين ,, عيونهم حلوة ده لون عيونهم ولا انعكاس الماء عليها؟
Post: #6 Title: Re: صور رائعة سوف تذهل عند رؤيتها Author: فيصل محمد خليل Date: 11-04-2016, 07:20 PM Parent: #5
http://up.top4top.net/
Post: #7 Title: Re: صور رائعة سوف تذهل عند رؤيتها Author: محمد على طه الملك Date: 11-04-2016, 07:28 PM Parent: #6
أطفال منو يا فاضلابي ياخي .. هو فرد واااحد من زوايا مختلفة .. تعال غالط يا فيسلنا .
Post: #8 Title: Re: صور رائعة سوف تذهل عند رؤيتها Author: عبدالعزيز الفاضلابى Date: 11-04-2016, 08:21 PM Parent: #7
Quote: تعال غالط يا فيسلنا .
انت قايل الغلاط صعب يا ملك نحن محامين ,, اها مش ممكن يكونوا توائم ايدنتيكال؟ ****** انا فى اللول قلت كده لكن خفت فيسلوى يطلعنى كيشة مشت وجاءت الكياشة لاحقانى. تحياتى ياملك
Post: #9 Title: Re: صور رائعة سوف تذهل عند رؤيتها Author: محمد على طه الملك Date: 11-05-2016, 03:07 AM Parent: #8
حاشاك من الكياشة يا فاضلابي .. أنا السؤال الخجلت منو جنس خجلتك دي هل دي رسومات ولّ تصوير فوتغرافي .. أنا غايتو بتوكل وأقول ريشة فنان ماهر .. كان ما متنا ما شقينا المقابر ؟
Post: #10 Title: Re: صور رائعة سوف تذهل عند رؤيتها Author: Basamat Alsheikh Date: 11-05-2016, 03:29 AM Parent: #9
وانا بحلف وبقول من ريشة فنان عبقري وماهر.. ودمتم بالف خير وصحة وعافية
Post: #11 Title: Re: صور رائعة سوف تذهل عند رؤيتها Author: Mannan Date: 11-05-2016, 04:54 AM Parent: #10
فيسول سلام فى امريكا صدقت إنو ال Black is beautiful وضحكت عندما قال دكتور فرانسيس دينق للسفير السودانى وكان من عرب السودان : أجمل حاجة فى امريكا إنو كلنا بقينا "عـ بيد"...
Post: #12 Title: Re: صور رائعة سوف تذهل عند رؤيتها Author: فيصل محمد خليل Date: 11-05-2016, 11:21 AM Parent: #11
http://up.top4top.net/
قريبي و صديقي محمد على طه الملك يمكن ان تعتقد انها معدلة بالفوتوشوب او ان بها تدخل تكنولوجي مميز، ولكن الحقيقة انها صور طبيعية مائة بالمائة ولكنها لمصور متميز نجح ف ان يحصل علي جائزة من اكبر الجوائز العالمية في العالم وهي جائزة تقدر باثنين مليون دولار نظير تصويره لحفنة من الصور لأطفال معظمهم من ذوي البشرة السمراء.
لو مغالطنا وماك مصدقنا اسال العنبة الرامية في مزرعة بشه
Post: #13 Title: Re: صور رائعة سوف تذهل عند رؤيتها Author: فيصل محمد خليل Date: 11-05-2016, 12:40 PM Parent: #12
صديقتي Basamat Alsheikh صاحب الصور هو Ruud Van الهولندي . ودي
Post: #14 Title: Re: صور رائعة سوف تذهل عند رؤيتها Author: محمد على طه الملك Date: 11-05-2016, 04:26 PM Parent: #13
Quote: صاحب الصور هو Ruud Van
يا فضيحة ابلا زادا يا فيسل .. الزول طلع بلدياتنا وانا تايه منو !! بس العيون دي كان بالجد حقتنا يبقى العريبي جرير كان بتغزل في بنياتنا ؤ نحن ما جايبين خبر .
Post: #15 Title: Re: صور رائعة سوف تذهل عند رؤيتها Author: محمد مختار جعفر Date: 11-05-2016, 05:30 PM
فيصل ياجميل تحية مربعة ..
Post: #16 Title: Re: صور رائعة سوف تذهل عند رؤيتها Author: فيصل محمد خليل Date: 11-05-2016, 07:56 PM Parent: #15
قريبي السفير Mannan مسكاقنا رود فان « Ruud Van Empel » مصور هولندي، ولد عام 1958 م في جنوب غرب هولندا في قرية تسما بريدا، درس في أكاديمية الفنون «سانت جوست» سنة 1970 ، راح ادغلا افريقيا وصور أحلى صور بطريقة غير مسبوقة وبتقنية تصوير غير عادية حصل بعدها على جايزة بقيمة 2 مليون دولار
Post: #29 Title: Re: صور رائعة سوف تذهل عند رؤيتها Author: الشيخ محمد ودالكباشي Date: 11-06-2016, 10:15 PM Parent: #12
السلام عليكم فعلا الصورة رائعة جدا جدا لو حقيقة ....او رسم ،، او فوتوشوب ... هي حقيقة تظهر جمالا رائعا بعض الناس تبحث عن تغيير بشسرتها الى الــ black واخرون يبحث عن تغيير بشرتهم الى White يا ريت بنات بلدنا يعرفوا حقيقة اللون الاسمر وجاذبيته
شفنا في الشارع العام نساء تغيرت بشرتهن من الاسمر (أسمر يا اسمر جميل جذاب..... زي ما قال ود الامين) الى اللون ابيض وذلك بفضل استخدام عقاقير قيل انها تسبب سرطانات وتتسبب في قتل الانسان بمرور الزمن
يعني حتى اللون الابيض في السودان بقى ما أصلي (مغشوش)... لكن حقيقة الصورة التي دار حولها التعليقات وان كانت مدبلجة كما قيل رسالة الى كل اسمر ... اللون الاسمر هو جميل
Post: #17 Title: Re: صور رائعة سوف تذهل عند رؤيتها Author: Fatima Alhaj Date: 11-05-2016, 08:49 PM Parent: #1
" دا اللَّنا شايفو مربع فاضى ,, يكون بصوروا من بوستك بتاع الاحلام سلام ياصديقى ,, غايتو يوم خايفك تجيب لينا صورة ابليس ماسكنو فى قضية آداب. ثم قوم لف." ههههه والله سبقتني عليها أخي فاضلابي.. سلام صاحب البوست وضيوفه.
Post: #18 Title: Re: صور رائعة سوف تذهل عند رؤيتها Author: نور الدين عثمان Date: 11-06-2016, 07:45 AM Parent: #17
ابداع + تحياتى لك اخى فيصل خليل
Post: #19 Title: Re: صور رائعة سوف تذهل عند رؤيتها Author: محمد مجيدو Date: 11-06-2016, 07:53 AM Parent: #1
Post: #20 Title: Re: صور رائعة سوف تذهل عند رؤيتها Author: عثمان حسن عثمان Date: 11-06-2016, 08:06 AM Parent: #19
تسجيل حضور و استمتاع بالصور يا قريبي.
Post: #21 Title: Re: صور رائعة سوف تذهل عند رؤيتها Author: Basamat Alsheikh Date: 11-06-2016, 01:05 PM Parent: #20
ووين "عالم بطااااااالة "يا محمد مجيدو.. ام ان هذه العيون الرائعة الجميلة لا يمكن وصف مصورها بالبطااااالة... ..اما ديارنا الطيبة في ام المدائن فشوقنا اليها مزروع في جوانحنا... والتحية لصديقنا صاحب البوست وللمصور الفوتغرافي الهولندي الذي فعلا ابدع .. ودمت بالف خير وصحة وعافية
Post: #22 Title: Re: صور رائعة سوف تذهل عند رؤيتها Author: فيصل محمد خليل Date: 11-06-2016, 05:36 PM Parent: #21
صديقي محمد مختار جعفر شكراً مرورك الباهي اشوفك في زمن جاي و زمان ماشي و زمن لسع
Post: #23 Title: Re: صور رائعة سوف تذهل عند رؤيتها Author: عمر التاج Date: 11-06-2016, 06:24 PM Parent: #22
جمال وروعة حين تنظرون وحين تتأملون ، وبراءة بلون الابنوس وقيمة الماس . و تحية ود وصدق ايها الصديق.
Post: #24 Title: Re: صور رائعة سوف تذهل عند رؤيتها Author: أبوبكر عباس Date: 11-06-2016, 07:01 PM Parent: #23
سلام يا فيصل، اخترت صورة الطفلة اللابسة بلو فاتح وسارحة كخلفية للموبايل اي فون سبعة بلس الجديد فشنو؟ شكرا
Post: #25 Title: Re: صور رائعة سوف تذهل عند رؤيتها Author: Munir Date: 11-06-2016, 07:18 PM Parent: #24
صور بديعة يا فيصل .. بس تنقصها الإبتسامة أكيد الأسنان الحليب كانت ستزيدها ألقاً .. الصور تبدو كأنها معالجة لأن ملابس البنات مثلاً لا تبدو طبيعية كما أن التصوير عالى الدقة مفروض يظهر المسامات فى البشرة ..
Post: #26 Title: Re: صور رائعة سوف تذهل عند رؤيتها Author: محمد على طه الملك Date: 11-06-2016, 07:44 PM Parent: #25
يا منير طبعا ما بقدر اغالطك لإنك فنان .. ملاحظتك بتاعة الأسنان في محلها وكانت بتضفي على الصور بعد جمالي إضافي .. بس إفتكر البشرة السوداء يتتميز بدقة المسامات .. بجانب نداوة شرخ الطفولة ولأّ أنا غلطان؟
Post: #27 Title: Re: صور رائعة سوف تذهل عند رؤيتها Author: Munir Date: 11-06-2016, 07:57 PM Parent: #26
يامحمد على كلامك صحيح ..ملاحظتى عن المسامات ليست دقيقة لأن البشرة ليست بالقرب الذى يمكننا من رؤيتها .. لكن ملاحظتى فقط بعد المقارنة مع دقة وإشعاعية العيون .. فالعيون فى غاية الدقة بينما البشرة لا تبدو بنفس البريق واللمعان .. كما أن الفساتين تبدو سموكن لكن لا تبدو كسرات القماش طبيعية ولا تبدو فيها تفاصيل النسيج ــ وضعاً فى الإعتبار دقة الكاميرا ــ بعدين ياخى شوف الجائزة أم مليونين دولار دى .. ظاهر إننا مضيعين عمرنا in the wrong business
Post: #28 Title: Re: صور رائعة سوف تذهل عند رؤيتها Author: محمد على طه الملك Date: 11-06-2016, 08:13 PM Parent: #27
Quote: ياخى شوف الجائزة أم مليونين دولار دى .. ظاهر إننا مضيعين عمرنا in the wrong business
ههههه والانكأ أنو جا شالا من ضهر بيتكم .
Post: #30 Title: Re: صور رائعة سوف تذهل عند رؤيتها Author: Gaafar Ismail Date: 11-07-2016, 06:24 AM Parent: #28
رائع يا فيصل
تحياتي ووافر احترامي
Post: #31 Title: Re: صور رائعة سوف تذهل عند رؤيتها Author: محمد مجيدو Date: 11-07-2016, 06:43 AM Parent: #21
ووين "عالم بطااااااالة "يا محمد مجيدو.. ام ان هذه العيون الرائعة الجميلة لا يمكن وصف مصورها بالبطااااالة... ..اما ديارنا الطيبة في ام المدائن فشوقنا اليها مزروع في جوانحنا... والتحية لصديقنا صاحب البوست وللمصور الفوتغرافي الهولندي الذي فعلا ابدع .. ودمت بالف خير وصحة وعافية
______________________
الاخت الصغرى ... بسماتووو
التحية لك ولقفشاتك الظريفة ... وعالم بطااله دي كان لازم اقولها لفيصل .. بس مع سحر العيون اتلخمت .... وان شاء الله يجي اليوم ونتلم كلنا الطيور المهاجرة في وطن حدادي مدادي يسع الجميع ..
حفظك الله من كل شر ... وتقبلي تحياتي ,,
عاالم بطاااله ....
Post: #32 Title: Re: صور رائعة سوف تذهل عند رؤيتها Author: علي عبدالوهاب عثمان Date: 11-07-2016, 07:10 AM Parent: #31
Post: #33 Title: Re: صور رائعة سوف تذهل عند رؤيتها Author: محمد على طه الملك Date: 11-07-2016, 10:54 AM Parent: #32
Quote: اخترت صورة الطفلة اللابسة بلو فاتح وسارحة كخلفية للموبايل اي فون سبعة بلس الجديد
يا ب ك دا اختيار بتاع زول بحب الهدوء والتأمل وفي سكون الليل تررم تررم .. لكين الصورة نمرة اتنين فيها اتنباهة وسحر تعبيري لمعاني الجرأة وتحدي .
Post: #34 Title: Re: صور رائعة سوف تذهل عند رؤيتها Author: أبوبكر عباس Date: 11-07-2016, 01:01 PM Parent: #33
يعني يا ملك، في الاسكانيق بتاعك لمداخلتي دي؛ ما شفت الاي فون سفن بلس بتاعي الفرحان بيهو الجاني هدية دا؟! الصور دي جميلة جدا في الموبايلات العادية، لكن على شاشة الاي فون سفن بلس؛ حاجة ما بتتوصف!! غير جمال الطفلة السارحة لاحظ للقمر والصبار وبرضو بقولوا علي زول قاسي!!
Post: #35 Title: Re: صور رائعة سوف تذهل عند رؤيتها Author: محمد على طه الملك Date: 11-07-2016, 02:15 PM Parent: #34
Quote: في الاسكانيق بتاعك لمداخلتي دي؛ ما شفت الاي فون سفن بلس بتاعي الفرحان بيهو الجاني هدية دا؟!
شفتو شفتو يا بكا .. بس لإنو هدية ما حبيت أخرب عليك فرحتك ..
Post: #36 Title: Re: صور رائعة سوف تذهل عند رؤيتها Author: فيصل محمد خليل Date: 11-07-2016, 05:23 PM Parent: #35
صديقي الشيخ محمد ودالكباشي ركز فيها على الأطفال الافارقة واهتم في انها تظهر للوهلة الأولى عند مشاهدتها كأنها صور فوتوشوب والتصوير كان بيبقى على مراحل ومن جوانب معينة قدم فيها الطابع السيريالي
شكراً في العصر مرورك
Post: #37 Title: Re: صور رائعة سوف تذهل عند رؤيتها Author: فيصل محمد خليل Date: 11-08-2016, 05:15 PM Parent: #36
الاصدقاء الكرام Fatima Alhaj نور الدين عثمان محمد مجيدو (محمد شارلستون ) قريبي عثمان حسن عثمان زينة الشباب Basamat Alsheikh عمر التاج أبوبكر عباس دكتور Munir زورو الذي لا يقهر Gaafar Ismail قريبي علي عبدالوهاب عثمان و نبطق لقريبي محمد على طه الملك و صديقي الفاضلابي وسفيرنا Mannan و المخضرم محمد مختار جعفر وصديقي الشيخ محمد ودالكباشي