ما يحدث في المنبر ومواقع التواصل الاجتماعي عبارة عن اثبات حالة وتنفيس..الانقاذ باقية

11:42 AM November, 03 2016 سودانيز اون لاين
Abdelslam Malik Ali Elhag-K S A
مكتبتى
رابط مختصر.
للاسف ممكن يجيك اي واحد ويثبت انه الانقاذ والانقاذيين حرامية ولصوص ونهابيين ومنافقين وكتالين رقاب و وووووووووووووووووو اها وبعدين
لا نافعة معارضة مسلحة ولا سلمية ولا بتحرك شعرة في جلد الانقاذ التخين
اخير ناس تراجي وقريمان العرفوها في الزمن الضايع
اها نقعد نكورك كدة صباح ومساء ونوع من انواع الفراغ السياسي ماليه البلد
ولا نسلم بالانقاذ كأمر واقع ؟؟؟؟؟!!!!!!!!!!!!!!!
مشيت اجازة وجيت والناس العاديين متلي... عايشين ومتاقلمين مع كل الفساد الموجود و ما سمعت زول من الحولي بينتقد في الانقاذ ولا سياسة ولا بطيخ
الغريبة بيشكروا في الطاهر ايلا للاااااااااااااااااااخر
خلونا مع مظاهرات باريس والناس النضيفين هناك وحلاتهم وحلاة شفعهم السايقنهم و أهو برنامج بدل ما يطلعوا الحديقة يطلعوا مظاهرة ولا بنبان ولا جري وصور سلفي و يخلفوا عيال وبيات وتوته توته خلصت الحدوتة.

زيادة االاسعار
هل ستحرك الشارع وهل تستفيد منها الاحزاب
خروج الناس في سبتمبر2011 عشوائيا من غير وجود للاحزاب التي تدير وتنظم التحركات بما لديها من كوادر وخبرات كان مصيره الفشل ومات الناس سمبله
البلد دي غير المؤتمر السوداني ما فيها احزاب!!!!!!!!!!!!!!!!!!!!111
ظني انه البشير حيموت في رويال كير زي الترابي ولا لاهاي ولا ثورة مسلحة ولا سلمية كله ورجغة فاضية

فضفضة مواطن مغلوب على امره

البلد دي غير المؤتمر السوداني ما فيها احزاب!!!!!!!!
فيها انت برضو ما تنسي نفسك .

!!!!!!!!!!!!!!!!!!!!!
فضفضة مواطن مغلوب على امره
واخشي البتسأل عنهم زيك مغلوب علي امرهم .


لك التحية .. والرجاء الثبات .

مراحب بت عمسيب
تحريك الشارع من قبل المواطن يتم بصورة عفوية وعشوائية ومن غير تنسيق في مواجهة الة اعلامية وامنية شرسة ومنظمة
وجود الاحزاب وكوادرها وتنسيق حركة المواطن بما لهم من عضوية ملتزمة هو الاهم في تحريك الشارع .

Quote: الناس العاديين متلي... عايشين ومتاقلمين مع كل الفساد الموجود و ما سمعت زول من الحولي بينتقد في الانقاذ ولا سياسة ولا بطيخ

الإنسان العادي صاحب ضمير يقظ لا يتأقلم أبداً مع الفساد

فإن كنت قد تأقلمت مع الفساد لدرجة أنك لا تنتقده و لو بكلمة فابحث عن أمثالك بعيداً عن الناس العاديين و تبوأ تابوتك بين مخصيي الضمائر

شكراً يا حافظ أخوي
بس الحاجة المستغرب ليها إنه يجيك واحد ويكتب ليك سياسة من بيت الكلاوي ثم يصور للناس إنه مواطن عادي غير معني بالسياسة
ويموه لإنحيازه الشين دا بإنه إنسان عادي غير معني لا بالسياسة ولا بالإصطفاف
هو حسب كلامه ما مع الكاتل لكن يشلت في المكتول ما مع الظالم لكن يلعن في المظلوم ما مع الحكومة لكن يكيل لمعارضتها
دي فزورة يعني زول عميان سياسة و بكتب سياسة
يقول ليك الموقف السياسي لتراجي وقريمان هو بناء على الآتي موقف سليم سياسياً
ووإنه ما شاف زول واحد ضد النظام في البلد
دا ذكرني بالكديسة اللقت الفار في نص البحر وقالت ليه بتكتحنا مالك يا زول
العايز الكتاحة يا أخوي محلها ما نص الموية، وذي ما قالوا اليده في الموية ما ذي اليده في النار
يا مولانا انت لو عميت عن موقف الشرفاء من الأطباء الذين منذ على فضل ما سكتوا ولا هانوا
وكذلك الطلاب والنساء اللائي تصدين ببسالة وأعتقلن وجلدن وأغتصبن
فغيرك سيظل يمجد مواقفهم وبطولاتهم إلي يوم الدين
هل سألت كم شهيد قدم روحه في مصادمة النظام
هل سألت كم باسل معتقل الآن في بيوت الأشباح
هل سمعت عن الجريف وبري والديم
أم رضيت بدورك الواعي في التخذيل
لكن المؤمن بقضيته لا يوهن عزيمته طول أمد الظلم والظلام لأنه جوهر إنسانيته إيمانه بقضيته وليس قوة وجبروت الظلم

قلت أرجع لبوستاتك السابقة في المنبر يا أخ عبدالسلام حتى أتأكد أني لم أظلمك في ظني أعلاه بك والحمدلله إطمأن قلبي
بس كان الأحرى بيك تجي بالدرب العديل وتقول أنا من المدافعين عن دولة البشير لأني إسلامي

عبد الصمد محمد تحياتي حبيبنا

التحية للشرفاء من اطباء بلادي وهم يقفون في وجه الانقاذ وجبروتها وظلمها
ولكل ضحايا سبتمر 2011 ومنهم جاري العزيز محمد العربي له الرحمة

قلت أرجع لبوستاتك السابقة في المنبر يا أخ عبدالسلام حتى أتأكد أني لم أظلمك في ظني أعلاه بك والحمدلله إطمأن قلبي بس كان الأحرى بيك تجي بالدرب العديل وتقول أنا من المدافعين عن دولة البشير لأني إسلامي

يا زول انا البوستات دي ما لامي فيها من زمن الموقع اتهكر ..شكرا كونان SMILY FACE
انا ما اسلاموي و لا انقاذي ولا مدافع عن ظلم الانقاذ
بس عايش حالة احباط وغربة ما ليها حد
كل ما تقول كفاية غربة تتذكر البشير وجماعته وتعمل خط رجعة
وترى جعجعة من المعارضة ولا .............ربنا يولع فيهم الاتنين بجاز وسخ

على كل خلي الاحترام بيننا
قد نلتقى خارج الاسفير وتلقاني زول طييييييييييب وبسيط

يا أخ عبدالسلام أنا ما عندي في طيبتك على المستوى الشخصي
لكن دا ما بمنع لما الرهان يكون على والوطن وحق الشعب المفقر ومهمش في حياة كريمة نحكها لحدي تجيب الدم
وكلامي عن إنك مسبقاً محدد موقعك السياسي ما كلام إعتباطي
هاك مثلاً دا كوت ليك في مداخلة في بوست القاضية الإمريكية المسلمة

Quote: انت محتار فيها ولا انا المحيرني النظام العلماني الموجود في امريكا هو اصلا نظام قام بتعليمها وتدريسها ومنحها شهادة بناء على مقررات ومواد دراسة معتمدة من النظام التعليمي وقام بتوظيفها بناء على مادرسته شنو علاقته المصحف يجيبه يحلفهو ليها ما دام هو اصلا بحاسبها على ثوابت ومتغيرات عنده ...القران ما عنده دخل بيها يعني هل المؤسسات او الافراد حيجوا يحاسبوها بقال الله وقال الرسول انا والله ذاتي محتار في النظام حقكم ده الا يكون ده اجراء روتيني عفى الدهر عليهو والتحية لكل مسلم يخوض الحياة العامة في كل مكلن وزمان ولم يتقوقع داخل معتقدات واراء شيوخ لم تواكب الزمان والمكان تخريمة........ امثال هذه القاضية كثيرين لا يرغبون بها من الكارهين للاسلام والمسلمين والمليار مسلم ديل عاوزين يختزلونا في داعش وافكار داعش ومن لف لفهم الواحد يفرح لما يحصل تفجير ويزعل من التسلل الهادي داخل مؤسسات الدولة العلمانية

وكذلك أدناه مداخلة أخرى تنحاز فيها لصف السلفيين في مهاجمة الجمهوريين وتسخر من الجمهوريين في موقف لا يستحمل السخرية

Quote: لا ارى اي سبب الناس دي يجوا يعتذروا الناس دي نقلوا كلام شيخك و حقارتكم في الشغيل وودالمسلمي وين انتو كنتو لما كانوا بيعدموا في محمود كنت منتظرين معجزة ولا ملايكة يجوا يرفعوا الى السماء التحية لود المسلمي والهادي الشغيل

حيرتني في نفسي يا عبدالصمد وحيرته المنطق حقي
قدر ما قلبت الاقتباسات حقتك دي برضو ما وصلت للخلاصة بتاعتك الوصمتني بيها

ممكن الكبر ومخي بقى تخين و

مراحب حبيبنا حافظ
قلت لي : تبوأ تابوتك بين مخصيي الضمائر....اللواط الفكري....العهر السياسي هي لسه المصطلحات دي شغالة....
الله يرحمك ياخالد الحاج ويجعل مثواك الجنة
المعايشة والتاقلم من ناحية الحياة والمعيشة (وليس المشاركة في الفساد )و عدم توفر بديل جادي يوجه المواطن المقلوب على امره مثلي (وش ضاحك)

احترامي ياغالي

السيد عبد السلام مالك الحاج،

مافهمته من بوستك هذا هو أنك مغلوب على أمرك (وجه ضاحك )، قد سلمت بسلطة الانقاذ كأمر واقع، لكنك شأنك شأن آخرين يشبهونك في هذا الخضوع والتسليم تريد ان يكون التسليم جماعيا ليكون لموت الجماعة مظهر العرس، اي تريد ان تقنع غيرك ممن ظلوا على معارضتهم للانقاذ ان يقتدوا بك ويطووا رايات معارضتهم ليرتاح ضميرك الذي يعذبك على هذا الخضوع الذليل والاستسلام المهين لسلطة الاشرار.

لا تريد ان تشعر بالوحدة القاتلة في قرارك المرتقب، كما ان روحك تتشابى للحاق بالمولد التافه الذي نصبته الانقاذ واكثرت فيه الفتات للعائدين لبيت الطاعة تحت مظلة "الحوار الوطني".

يازول لاتكثر من مثل هذا النوع من الحديث وانفذ الى الموضوع كمايقول الروم. تلك هي " الانقاذ" تنتظر امثالك لتتلقفهم فيغدو ذكرهم نسيا منسيا فأمض اليها بالدرب العديل، ولاتجعل للأمر تفانين واقاويل لاتنطلي على احد! . ذاك هو المؤتمر الوطني الحاكم فتقدم بطلب للانخراط في زمرته البغيضة ثم نم هانيء الضمير! .