حا يحقق عائد مادي ممتاز ويساهم في خدمة الناس ودعم اقتصاد البلد
Post: #2 Title: Re: دعوة للمساعدة في عمل تطبيق مشابه لتطبيق ا� Author: احمد عمر محمد Date: 11-01-2016, 07:42 AM
الأخ ايمن تحية طيبة التواصل مع المصمم الأساسي لراعي المشروع البريطاني او احد وكلاه في الخليج ربما يوفر مجهود اكبر في توفير المعلومة والالية وربما المشاركة الى حدٍ ما في الافكار
لكن هل الأمكانات والالتزام بتطبيق شروط الخدمة تعتقد ممكن ان يوفيها مقدم الخدمة في السودان بالاضافة الى الامكانيات الاخرى
احمد
Post: #3 Title: Re: دعوة للمساعدة في عمل تطبيق مشابه لتطبيق ا� Author: أيمن محمود Date: 11-01-2016, 07:48 AM Parent: #2
هل الأمكانات والالتزام بتطبيق شروط الخدمة تعتقد ممكن ان يوفيها مقدم الخدمة في السودان بالاضافة الى الامكانيات الاخرى
لا عشان كده بنبحث عن حل محلي يا احمد ... ولو مؤقتاً!
Post: #4 Title: Re: دعوة للمساعدة في عمل تطبيق مشابه لتطبيق ا� Author: محمد البشرى الخضر Date: 11-01-2016, 08:31 AM Parent: #3
يوجد يا أيمن خدمة الآن في السودان ليست كأوبر بالضبط لكن شبيهة إلى حد ما
شباب بعرباتهم الخاصة تتصل على رقم توريهم المشوار من وين لوين بدخلوه في النافيقيتر تتعرف المسافة بقولوا ليك بكذا وافقت بجوك لحد البيت او المكان الانت فيه و يودوك مشوارك حسب الاتفاق المسبق و بوروك المسار و المسافة في الجهاز و الكيلومتر بي كذا
Post: #5 Title: Re: دعوة للمساعدة في عمل تطبيق مشابه لتطبيق ا� Author: عمر عثمان عبد الوهاب Date: 11-01-2016, 08:37 AM Parent: #4
Quote:
شباب بعرباتهم الخاصة تتصل على رقم توريهم المشوار من وين لوين بدخلوه في النافيقيتر تتعرف المسافة بقولوا ليك بكذا وافقت بجوك لحد البيت او المكان الانت فيه و يودوك مشوارك حسب الاتفاق المسبق و بوروك المسار و المسافة في الجهاز و الكيلومتر بي كذا
سلام ايمن
ده كلام صح ياود البشري
وفي اصحاب الامجادات والسيارات الخاصه الشغالين كيري ساي وموزعين ارقام موبايلاتوم تتصل عليهم يتفقو معاك علي الهواء مباشره علي اللوكيشن والسعر يجوك طايرين لا نافقيتر لا كيلومترات
Post: #6 Title: Re: دعوة للمساعدة في عمل تطبيق مشابه لتطبيق ا� Author: أيمن محمود Date: 11-01-2016, 09:49 AM Parent: #5
شباب بعرباتهم الخاصة تتصل على رقم توريهم المشوار من وين لوين بدخلوه في النافيقيتر تتعرف المسافة بقولوا ليك بكذا وافقت بجوك لحد البيت او المكان الانت فيه و يودوك مشوارك حسب الاتفاق المسبق و بوروك المسار و المسافة في الجهاز و الكيلومتر بي كذا
ده كلام ممتاز جدا الابلكيشن ممكن يضم عدد كبير جدا من الناس من مختلف مدن العاصمة والاقاليم والكول بيصل كل الاشخاص او حسب المدينة او المحافظة وبيسهل وبسرع النداء والاستجابة بشكل كبير - اتمنى ان الموضوع يبقى بشكل احترافي وعندو اطار قانوني يحفظ حقوق جميع الاطراف
Post: #7 Title: Re: دعوة للمساعدة في عمل تطبيق مشابه لتطبيق ا� Author: أيمن محمود Date: 11-01-2016, 09:55 AM Parent: #6
حاجة مهمة وهي ان لما طالب الخدمة يعرف اقرب مزودين الخدمة وتفاصيل المركبة وحالتها العامة بيوفر علي الجميع زمن ومال وبضمن الجودة والامان
Post: #8 Title: Re: دعوة للمساعدة في عمل تطبيق مشابه لتطبيق ا� Author: Maawya Hussein Date: 11-01-2016, 11:50 AM Parent: #7
ميزة اوبر في حاجتين وديل صعب يتوفرو في السودان في الوقت الراهن
1 اوبر بيعتمد علي خرائط قوقل في تحديد الزمن والمسافه وقوقل بيحتاج لي مدن وشوارع مخططه ومعروفه 2 سهوله اوبر في انو السائق والزبون مافي معاملات ماليه بينهم .الزبون (العضو) بيسجل بيانتو وبيانات الكرديت لي شركه اوبر والشركه بتخصم حق المشوار وبتحاسب صاحب او مالك العربيه بعد خصم العموله
اوبر برضو بتشترط عربات معينه وبتضع شروط للسائق وعندها تقييم تراكمي للسائق والعضو او العميل (تقييم تبادلي ) ممكن في حد معين للنقاط توقف التعاون مع الطرفين
Post: #9 Title: Re: دعوة للمساعدة في عمل تطبيق مشابه لتطبيق ا� Author: Maawya Hussein Date: 11-01-2016, 11:57 AM Parent: #8
في تقنيه تانيه فكرتا قريبه لي اوبر ممكن بالاجتهاد تنجح في السودان
تقنيه airbnb الخاصه بالسكن ..لو عندك شقه او بيت فاضي في فترة زمنيه محدده ممكن تضيفو للشركه والشركه او الاب بتعرض للمستؤجر الخيارات الموجوده في المدينه المحدده ..دي في السودان ممكن تكون مفيده للمغتربين وحاليا بقت ملاذ السواح في اغلب مدن العالم وماشه انها تضرب سوق الفنادق
Post: #10 Title: Re: دعوة للمساعدة في عمل تطبيق مشابه لتطبيق ا� Author: عبد العزيز محمد عمر Date: 11-01-2016, 12:19 PM Parent: #9
.
ارجو استصحاب ( أعمامنا ) التاكسيست الزمان ديل ... ولأنه معظمهم ما دخل التقنية الحديثة .. موقعهم شنو من الإعراب.. والأعراب..
تحياتي يا هندسة
Post: #11 Title: Re: دعوة للمساعدة في عمل تطبيق مشابه لتطبيق ا� Author: MOHAMMED ELSHEIKH Date: 11-01-2016, 12:21 PM Parent: #9
اعتقد يوجد شاب عمل تطبيق في العاصمة باسم " مشوار" وماشي كويس كماذكر لي ابني
Post: #12 Title: Re: دعوة للمساعدة في عمل تطبيق مشابه لتطبيق ا� Author: محمد البشرى الخضر Date: 11-05-2016, 06:43 PM Parent: #11
الآن على قناة سودانية 24 لقاء مع صاحب فكرة تطبيق (ترحال) السوداني فكرة شبيهة بتطبيق أوبر
Post: #13 Title: Re: دعوة للمساعدة في عمل تطبيق مشابه لتطبيق ا� Author: محمد البشرى الخضر Date: 11-05-2016, 06:46 PM Parent: #12
يا ايمن الفكرة طلعت موجودة قوقل جاب معلومات عن تطبيقي مشوار و ترحال
Post: #14 Title: Re: دعوة للمساعدة في عمل تطبيق مشابه لتطبيق ا� Author: أيمن محمود Date: 11-05-2016, 10:00 PM Parent: #13
مشكور جدا يا محمد البشرى ،،، بالجد شباب يفتحو النفس! البلد محتاجة للبسو فيهو ده - دي حاجات ليها عوائد اقتصادية كبيرة جدا على الناس في السودان
Post: #15 Title: Re: دعوة للمساعدة في عمل تطبيق مشابه لتطبيق ا� Author: أيمن محمود Date: 11-05-2016, 10:06 PM Parent: #8
1 اوبر بيعتمد علي خرائط قوقل في تحديد الزمن والمسافه وقوقل بيحتاج لي مدن وشوارع مخططه ومعروفه 2 سهوله اوبر في انو السائق والزبون مافي معاملات ماليه بينهم .الزبون (العضو) بيسجل بيانتو وبيانات الكرديت لي شركه اوبر والشركه بتخصم حق المشوار وبتحاسب صاحب او مالك العربيه بعد خصم العموله اوبر برضو بتشترط عربات معينه وبتضع شروط للسائق وعندها تقييم تراكمي للسائق والعضو او العميل (تقييم تبادلي ) ممكن في حد معين للنقاط توقف التعاون مع الطرفين
كلو ده ما اظن يكون عائق - اغلب مدن السودان مخططة ومسألة الدفع ممكن حلها بالتعاون مع شركات الاتصالات - طبعا موضوع التقييم للسائقين فيمكن عملها ضمن التطبيق ببساطة