يا اباذر يا حامل المسك، سعدت بطلتك التي صندلت البوست بحلو الكلام. سمعت حنيني إليك بصوت الراحل العاقب محمد حسن، وأعتقد جازما أنه إمتلك صوتا من فصيلة الكروان. الشاعر السر قدور قال أنه كان الأقل مساهمة بالمقارنة مع ما وضعه العاقب من لحن شجي، وما قدمه الفنان الجميل محمد ميرغني من آداء آسر، إلا أنني مازلت موقنا بأن كلمات الأغنية تعد درة في تاج الخيال الشعري الوثاب. وصفك للأغنية بذات الرحيق طمأني على حسن الأختيار. ودمت مبدعا وناثرا للفرح والمسرة.
محبتي
Post: #4 Title: Re: برومو حوار andquot; حنيني إليك وأشياء أخرىandquo Author: علي عبدالوهاب عثمان Date: 10-23-2016, 10:45 AM Parent: #3
يا سلام حبيبنا الفاتح .. كما تفوقت مع الشخصيات العالمية كمان متفوق في المحلية .. ليتك تتبرع بها لإحدى قنوات السجم السودانية .. شكراً حبيبنا الفاتح .. إنت زول موهوب
في النتظاركم ياحبيبنا وقول ليهو صاحبك الموصلي قال ليك انت ماسمعت كلماتك "كبرياء" بتلحين الموصلي وتوزيعه غناء البلابل؟؟؟ وليه ما خليت شبابك في أغاني واغاني يغنوها مع التحية
Post: #7 Title: Re: برومو حوار andquot; حنيني إليك وأشياء أخرىandquo Author: سيف اليزل سعد عمر Date: 10-23-2016, 06:39 PM Parent: #6
أوووووو الصحفي الجميل الفاتح ميرغني
يم الجمعة كنت طاريك وقربت أفتح بوست وأسأل عنك.. كنت جواي بقول لنفسي الفاتح أكيد شغال لينا في مفاجأة سعيدة. وفعلا جيتنا يا جميل ومعاك الجميل والسر قدور أيضا جميل.. وأنت في ذاكرتي فتحت فديو زيدان إبراهيم ومن علمك يا فراش مين علمك يا فراش!!
يافاااتح ياخي الزول بتاع الديكور والتصوير المعاك ده زوول خطر شديد خلاس.. لما الكاميرا تكون مواجهة السر قدور إنسجام رائع مع الخلفية لما إنت تواجهك الكاميرا بتحصل نقلة مريحة جدا مع خلفية "لون زينب" بتعمل خد وهات ممتاز جدا.. متابعين
Quote: يا سلام حبيبنا الفاتح .. كما تفوقت مع الشخصيات العالمية كمان متفوق في المحلية .. ليتك تتبرع بها لإحدى قنوات السجم السودانية .. شكراً حبيبنا الفاتح .. إنت زول موهوب
مودتي
حبيبنا المترجم الضليع/ علي عبد الوهاب عثمان شكرا على التحفيز والدفع المعنوي. شكرا يا فرح فنان ودافئ.
يظل السر قدور علامة فارقة في وجدان الأغنية السودانية وتاريخها
سواء اتفق الناس معه أو أختلف البعض
فهو شاعر، مسرحي، ناقد، باحث، مؤرخ، كاتب وصحفي، اعلامي وممثل
ولعمري لا تتفق هذه الملامح إلا لدى انسان فنان .. فنان بمعنى الكلمة
دام عدوك مغبون
عزيزنا عمر أبوعاقلة مرورك يشرح الخاطر،، فعلا السر قدور مبدع شامل ويتمتع بذاكرة من عيار" 2 تيرابايت" وثّقت للعظماء المثلوا أعظم دور في مسيرة الفن السوداني. وهذا كان واحد من الأسباب التي جعلت محاورته في قمة جدول حواراتي . وأذكر أنني في حوار مع مبدع آخر في القاهرة، توقفت مع ضيفي في محطة المبدع صلاح جاهين، فجال بمُخيلتي السر قدور بسبب التشابه الابداعي التوأمي بينهما. تحية لقلمك المسنون ودفتر الكرّاس!
صاحبي السمح والزين سيف اليزل مشكور يا سيدي على الاحساس النبيل والمشاعر الدافئة، تسأل منك العافية التختك في المصارين وتبقالك هِدِم يا سيدي جلباب ونعلين. ومشكور مجددا على الملاحظات الفنية. خلفية الحوار هي منزل الفنان التشكيلي والإعلامي محسن منصور، ومنزله عبارة عن "لوفر" مصغّر. أما الزول المصوِر فهو الأستاذ رؤوف، المصور الشخصي لقداسة البابا تواضرس الثاني، ويمكن عشان كده بدأ في عدسته ومضات من البركة والأريحية.هههههه شكرا يا صديق الليالي المسهّدات. محبتي
Quote: متين الليل يصافيني .. متين الليل يصافيني ونعود تاني .. تاني
دا نظام حندكة وكدا يعني .. ولا الفهم شنو يا فاتح
وما تطولوا الغيبة .. لسه العشم فيكم الناس في وادي بعيد ومكاني واديكم
دمت رايق
صاحبي السمح والزين/ عمر ابوعاقلة نسّم علينا الهوا مشكور حبيبنا على الاهتمام. والله مافي حندكة أو كده، لكن زمني الخاين و الظروف الجيو- منبرية ، لو جاز لي التعبير، لم تكن مؤاتية. إن شاء الله حانزّل الحوار الاسبوع القادم. تحياتي للكتاكيت الصغار في احضانك.