سودانيز اونلاين عالم جميل التقينا فيه تعارفنا تآلفنا عبرنا عن انفسنا تناقشنا اتفقنا واختلفنا وعزر بعضنا البعض في الغالب امتدت علاقاتنا عبره كان متنفساً وبوابه كثيرين منا قدمتهم سودانيز للعالم وكانت سبب في معرفة الناس بهم وبابداعاتهم ومواهبهم وتميزهم سودانيز كانت سبب في وظائف وفتحت ابواب رزق وعمل و ساندت ودعمت واقالت عثرات سودانيز بيت كبير ووطن وسع الجميع اعطى بلا من ولا اذى سودانيز اشراقه في عالم الاسافير لم يتوقف عطاؤه على اعضاؤه بل تمدد عطاؤه للسودانيين وللوطن وكان ملاذ ومصدر معلومة تلاقحت فيه الافكار قدم السودان للعالم واصبح مرجع للباحثين سودانيز مدرسة وجامعة وقعدة اجاويد سودانيز تراث وثقافة ولمة ناس وونسة سودانيز نفير واغاثة ملهوف سودانيز وطن ولكن رغم كل ذلك هجره البعض وضاقت صدورهم من نقاشاته وحواراته واثروا السلامة بالبعد وهل نترك دارنا اذا اختلفنا او احتد معنا احد ساكنيها ؟ فلماذا اذاً نترك سودانيز ؟ واخرين تكبروا على سودانيز بعد ان رفعته وظن ان بغيابه ستنطفئ نار سودانيز ومجموعة ظنوا انهم قادرين على صناعة صرح مثل سودانيز من خلال منتديات الترتر (الحقوق محفوظة لود البشرى او عادل الباهي ما متزكرة ) وعندما فشلوا حقدوا وحسدوا وعملوا جاهدين على تفريغ سودانيز وبقو يألبوا في الناس على بكري وسودانيز وفي ناسو ديل من الاوائل اعتبروا انهم صفوة سودانيز وما لازم يشاركهم فيه ناس تانين فحردوا لاضافات العضوية والناس النرجسية وناس لا اريكم الا ما ارى ولا رأي يعلو على رأيي ديمقراطية معدومة وعاوزين كل الناس تطبل ليهم وتمدحهم ويشكروهم ودي كانت صعبة في منبر عام فبرضو ابتعدوا وفي ناس ملت وزهجت من الكتابة والنت وفي ناس انشغلت وفي ناس اتعرضوا لي اساءات وما قدروا يتحملوا فأثروا السلامة والهروب وفي ناس الشلليات جاملوا الممتنعين وبكري ذاتوا مرات معيارو بفلت وبتسبب في المغادرة والغريبة انو الناس كلها منخرطة في كيانات ونشاطات وقروبات على السوشيال ميديا بي اسم سودانيز اونلاين وبقدموا نفسهم في المجتمع باعتبار انهم كتاب في سودانيز الناس المواصلة الكتابة في سودانيز عادي وطبيعي لكن الناس البقى عندها راي في سودانيز وممتنعين عن الكتابة فيهو معقوول لكن !!! معليش انا كتبت الحقيقة بدون تجميل وتزييف للحقائيق وانا بناشد كل الناس دي انها ترجع سودانيز وتعيد النظر في قراره بعدم الكتابه وتتحمل بعض وما ح نخسر بل ح نكسب معارف زيادة وسعة صدر وتحمل وبرضو نرد ونحفظ الجميل للصرح الجمعنا وقدمنا وكمان بطلب بكري يراقب معيارو في ادارة المنبر والاضافات وتثبيت البوستات ويقلل المجاملات
صدقتي في كلامك كلوووووو وبيني وبينك سودانيزاولاين حلوة من غير ناس فما بالك لما يكونوا الناس البتنضح سكر معسكرين معانا بهنا , انا غايتو بموووت في الحوش وبذات في الكلس اللابس النضارة داااااااااك . هههههههههههههه
وانا بناشد كل الناس دي انها ترجع سودانيز وتعيد النظر في قراره بعدم الكتابه وتتحمل بعض وما ح نخسر بل ح نكسب معارف زيادة وسعة صدر وتحمل وبرضو نرد ونحفظ الجميل للصرح الجمعنا وقدمنا وكمان بطلب بكري يراقب معيارو في ادارة المنبر والاضافات وتثبيت البوستات ويقلل المجاملات
ميما يا حب سودانيز عالم جميل ووطن يسع الجميع واي زول يعرض رايو وفكرتو ويذهب الزبد جفاء ويبقى ما ينفع الناسورايك شنو في تجربة مانديلا اظن جراحات السود كانت اكبر واعمق تحياتى
كسرة : ابو نضارات دا مين تعالى اهمسي لي قي اذنى ههههههه اوعااااك من مواسير النت
وانا بناشد كل الناس دي انها ترجع سودانيز وتعيد النظر في قراره بعدم الكتابه وتتحمل بعض وما ح نخسربل ح نكسب معارف زيادة وسعة صدر وتحمل وبرضو نرد ونحفظ الجميل للصرح الجمعنا وقدمنا وكمان بطلب بكري يراقب معيارو في ادارة المنبر والاضافات وتثبيت البوستات ويقلل المجاملات -------------------------------- الحليلة كيفك والاسرة عساكم عافية شاكرة مرورك وتأكيدك ودعمك للفكرة تحياتى
Post: #7 Title: Re: ** سـودانيزاون لاين ** Author: محمد عبد الله الحسين Date: 10-22-2016, 07:42 PM Parent: #6
الأخت وضاحة مقدمة جميلة عبّرتي فيها و وصفتي فيها بصدق بالإنابة عننا ببساطة سودانيز اون لاين كمنبر عام يضم كل ألوان الطيف السوداني و متفاعل مع كل هموم مجتمعه. و المقدمة كانت مدخل ذكي لمناشدة للذين تركوا المنبر للعودة. و أنا هنا أضم صوتي كذلك بمناشدة من ترك المنبر لعودتهم لإثراء المنبر. ..و دمتي.
صدقت يا وضاحة من أجمل الناس الواحد عرفهم في حياته هم أصدقاء ومعارف سودانيز حتى من توثقت علاقاتنا معهم سواء في الفيس او مجموعات أخرى المعرفة بدت في سودانيز رغم انه برضو رمى في طريقنا عاهات ونفايات بشرية لايمكن كان في سبب انه تتكلم معاها او تراها أساسا في حياتك لكن هذا لا يعدو ان يكون ضريبة المكان و الناس الجميلين العرفناهم قبل كم يوم اخدت لفة على الإرشيف و حزنت على ايام جميلة وناس حلوين اختفوا و اختفت حروفهم الكنا بنطالعها بشكل يومي
ويا منى عمسيب افرزي الله يهديك وحدّدي منوابونضارة سعيد الحظ دا, بكرة البروفايلات دي كلّها تتغيّر صور بنضارات
تاني اصلو الواحد ما يقول ليكم سر في العام . هههههههههههههههههههههههه هو عارف نفسه لكن عامل مطنش .لكن يوم حا اقول اوصافه في النفاج عشان افضحه ههههههههه .
وشوشة : حا اوصف ليكم نضارته في الخاص .
Post: #10 Title: Re: ** سـودانيزاون لاين ** Author: علي محمد الفكي Date: 10-23-2016, 07:22 AM Parent: #9
Quote: وانا بناشد كل الناس دي انها ترجع سودانيز وتعيد النظر في قراره بعدم الكتابه وتتحمل بعض وما ح نخسر بل ح نكسب معارف زيادة وسعة صدر وتحمل وبرضو نرد ونحفظ الجميل للصرح الجمعنا وقدمنا وكمان بطلب بكري يراقب معيارو في ادارة المنبر والاضافات وتثبيت البوستات ويقلل المجاملات
Post: #11 Title: Re: ** سـودانيزاون لاين ** Author: ابراهيم عبد الوهاب Date: 10-23-2016, 07:51 AM Parent: #9
كلام احلى من العسل تحياتي واندهاشاتي ----------------------------------- اندهاشاتي اشتياقاتي مشتاقين شديد مشددة ( اخخخ زكرتني الابتلاء الذي عافانى الله منه ) الاحلى هو مرورك على البوست واشادتك بيهو ويلا نرجع كلنا لي سودانيز بيتنا الكبير ولازم كل القماري ترجع لي وطن القماري
صدقت يا وضاحة من أجمل الناس الواحد عرفهم في حياته هم أصدقاء ومعارف سودانيزحتى من توثقت علاقاتنا معهم سواء في الفيس او مجموعات أخرى المعرفة بدت في سودانيز رغم انه برضو رمى في طريقنا عاهات ونفايات بشرية لايمكن كان في سبب انه تتكلم معاها او تراها أساسا في حياتك لكن هذا لا يعدو ان يكون ضريبة المكان و الناس الجميلين العرفناهمقبل كم يوم اخدت لفة على الإرشيف و حزنت على ايام جميلة وناس حلوين اختفوا و اختفت حروفهم الكنا بنطالعها بشكل يومي ----------------------------------------------------
ود البشري يا حبيب سودانيز هو المجتمع السوداني بكل تفاصيل هوزيو وزي اي مجتمع فيهو الغث والسمين وما ح يكون مدينة فاضلة لانو المدينة الفاضلة زي الخل الوفيودي سنة الله في الارض استمرار الدفع بين الخير والشروالحق الباطل والظلام والضؤوحقيقة اقوله ليك مواقفك وتجاوزك عن التعدي الاتعرضت ليهو واستمرارك في الكتابة واصراك انك ما تنحني ولا تنكسر وتثبت وما تهرب كان من الحاجات الادتني القدرة على الثبات واني ما اهرب واترفع عن ما تعرضت ليهو فواصل وكون الصمودكسرة بالريال ؟ خلي البت تحب وتتجدع عااالم بطالة زمان انا كنت مكسرة في صورتك التانية بدون نظارة تتزكر وكنت بغازلك فيها لما عرفت انك ابو حتحوت عملت رويس على طووول
الأخت وضاحة مقدمة جميلة عبّرتي فيها و وصفتي فيها بصدق بالإنابة عننا ببساطة سودانيز اون لاين كمنبر عام يضم كل ألوان الطيف السوداني و متفاعل مع كل هموم مجتمعه. و المقدمة كانت مدخل ذكي لمناشدة للذين تركوا المنبر للعودة. و أنا هنا أضم صوتي كذلك بمناشدة من ترك المنبر لعودتهم لإثراء المنبر. ..و دمتي. --------------------------------- الاخ محمد عبد الله الحسين سودانيز لا نستطيع ان نوفيه حقه بالكلمات مهما كانت الاسباب التي جعلت الذين توقفوا عن الكتابة ولكن وجودهم في المنبر اهم من كل الاسباب فهو كما قلت يضم كل اطياف السياسة والثقافة والمجتمع السوداني ويضم خبرات اكاديمية وعلمية مميزة لذا يوفر فرصة للوصول الى ارضيات من التفاهم والتواصل والنقاش الفكري والذي يصب في النهاية في مصلحة قضايا الوطن والمجتمع واكيد النقاش والحوار مع هؤلاء النجوم يرجع بفائدة للفرد تحياتى
سرك خطير الفي العام دا زكرني قصة الدرويش القال للناس انا ما بوريكم حبيبتي منو مدرسة وبيتهم فيهو دكان سيدو اسمو عبد الوهاب ولون الباب اخضر واسمها من ثلاثة حروف ببداء بي حرف الميم وتاني حرف فيهو ن واخرو الف مقصوره
كااااك وتانى وووواك
بحبك يا ميما علشان قلبك ابيض زى الرضيع وبتزكرني بى روحى لما كنت زمان طايرة مع الطيور قلبي لا عرف ريد ولا عرف حزن كونى دائماً كما انتى ميميا بقلبك النقي
Post: #21 Title: Re: ** سـودانيزاون لاين ** Author: سيف اليزل سعد عمر Date: 10-23-2016, 07:00 PM Parent: #20
Quote: لكن الناس البقى عندها راي في سودانيز وممتنعين عن الكتابة فيهو معقوول لكن !!! معليش انا كتبت الحقيقة بدون تجميل وتزييف للحقائيق
في دي قلتى الحقيقة تب يا وضاحة....
الغريبة الناس دي عندها راي وانا بحترم رايهم ده. لكن الواحد فيهم بعد ده داير يكتب في البورد بس بطريقة غير مباشرة..يعنى بتمنى إنه شخص تانى ينقل ما كتبه للبورد وهو يقيف بعيد يتفرج لأنه عنده راي في البورد.....
Post: #22 Title: Re: ** سـودانيزاون لاين ** Author: زهير عثمان حمد Date: 10-24-2016, 01:56 AM Parent: #21
العزيزة وضاحة تحياتي طبعا انا بدخل المنبر عشان أكتب خبر أو أشوف من الاخبار اللي ما موجود شنو عشان حضور المنبر مع الاحداث و يعرفوا الناس عشان كدا مع شغلي قصة قريت البوسات بقت صعبة لكين في واحد من الشباب كلمني علي البوست حقك دا المهم في مجموعة كبيرة من الشباب بقوا علي الواتساب او الفيس وأنت عارفة السبب الاسهل واللي فيهو الشلة بالاضافة لمشاكل المنبر لكين في كل الاحوال الناس ما بعيدة من المنبر بس في جماعة الاستحمار والاستكبار وهم اللي عاملين قلق لكين نحن قاعدين نشوف أخرم شنو وحتي المعركة اللي ما الافي أذهانهم ليها نهاية وهم ياما حاولوا كسر صف الناس بالمشاكل والتجريج وزي ما قلتي عمل الرديف بس قول أهلنا حكيم وعميق القديم ( النيه زاملة سيدا ) ونحن نواياننا كويسة كان في الخصومة السياسية والكتابة للحق والحقيقة والركشة برضو بتوصل للمشوار يا عمك ونحن قاعدين لنهاية الحفلة المهم ليك كل التحيا ونشكرك علي جهودك ونداءك لعودة الاصقاء والاحبا ب وأنشالله يعودوا
الغالية وضاحة قد عبرتي عن ما يجيش في صدورنا بحق سودانيز اون لاين،هذا الموقع الاسفيري الرائع والبديع. .وزي ما قلت انت فان سودانيز اون لاين مدرسة وجامعة وقعدة اجاويد وتراث وثقافة.. .نعم بالفعل تراث وثقافة...وعندي تجربة اقولها ليكي.. قرات مرة مقال رائع جدا كتبه محمد نور كبر عن ثقافات وعادات كردفان الغرة...وكان المحاضر في الادب المقارن ادانا واجب منزلي..عن معرفة حياةالشعوب استلهاما من الادب والشعر والثقافة والتراث ..واخذت الفكرة من مقال للاستاذ محمد نور كبر وكتبت خمسة صفحات ...ونلت Big A واشاد بي المحاضرفي الفصل....(واصابني في تلك اللحظة الغرور والتكبر...وشكرت الاستاذ كبر في نفسي) وقد كتبت اميرة بت السيد عن هذا الموضوع )..ومن شدة الغرور بقيت ما اسلم على المسنوحات اميرة وامتثال اسبوع كامل(وجه ضاحك حتى القهقهة وبصوت عالي)..
.ومن ايجابيات هذ الموقع الاسفيري الرائع ان عضوا من اعضاء المنبر كان يتصل بوالد اميرة بت مصطفىالسيد ولم يكن يعرفه ولكن عرفه فقط عن طريق سودانيز اون لاين وبتجادلان وبتناقشان في مواضيع كتبت في المنبر العام . .ونحن نتدخل احيانا في النقاش..،حيث ان العم مصطفى ياتي دائما لزيارة بنته المسنوحة ويقعد هنا ستة اشهر .. .ودائما نقول ليه انت ما جيت تزور اميرة يا عم مصطفى لكن شارد من. سخانةالسودان.. .واصبح هذا العضو صديقا لعم مصطفى ولم يتلاقيا حتى الان...ولكنهما يتناقشان عبر الهاتف...وكانت المعرفة عن طريق سودانيز اون لاين.. ...اصبح الان لدينا اصدقاء وصديقات عزيزات من سودانيز اون لاين....والشكر والتقدير للباشمهندس بكري ابوبكر الذي جعل هذا ممكنا .... ودمتي بالف خير وصحة وعافية
Post: #26 Title: Re: ** سـودانيزاون لاين ** Author: ابراهيم عبد الوهاب Date: 10-24-2016, 06:51 AM Parent: #19
وعليكم السلام والرحمه بس الحال جاي بي توصية ههههههه
صباحك سكر
Post: #25 Title: Re: ** سـودانيزاون لاين ** Author: ابراهيم عبد الوهاب Date: 10-24-2016, 06:50 AM Parent: #12
ههههههههههههههه زمان كانو بوصفوا بالشكل ابصلعه ، ابوداقوسه هسه بقى بالنظارات والجوالات هههههههههههه ولك من الود ما يغرق جزيرة
Post: #37 Title: Re: ** سـودانيزاون لاين ** Author: عماد الدين الطيب عمر Date: 10-24-2016, 06:00 PM Parent: #12
اوعى تكوني قاصداني يا بت عمسيب
Post: #24 Title: Re: ** سـودانيزاون لاين ** Author: محمد مجيدو Date: 10-24-2016, 06:16 AM Parent: #1
قلت لي : ههههههههههههههه زمان كانو بوصفوا بالشكل ابصلعه ، ابوداقوسه هسه بقى بالنظارات والجوالات هههههههههههه ولك من الود ما يغرق جزيرة وصفناك بالنضارة لانها النضارة كانت سيدة المداخلة والتحية لجميع النضارات البديلة ههه للنظر . هههههههههههه
يا ابرهيم عندي نضارة للقراية بفتشها في اليوم مئة مرة شفت النضارة مهمة كيف ؟ ههههههه شدة ما فترت من الفتيش ليها بقيت افتش لي جهاز للذاكرة عشان اتذكر ختيتها وين ههههههههه .
ومشكور علي الونسة اللذيذة .
مع وافر الود ,,,
واذا عدتم عدنا .
Post: #28 Title: Re: ** سـودانيزاون لاين ** Author: ابراهيم عبد الوهاب Date: 10-24-2016, 10:28 AM Parent: #27
هههههههه انتي عاوزة نظارة عشان تفتشي للنظارة الرايحة ههههه والله مرة لفحت الموبايل ومشيت المكتب لمن طلعتو من الجيب لقيتو الريموت كنترول بتاع التلفزيون هرمنا
صباح النور واذا عدتم عدنا دي مش حقت كيزان لقد صبئتي ههههههه
Post: #29 Title: Re: ** سـودانيزاون لاين ** Author: فتح العليم محمد أبوالقاسم Date: 10-24-2016, 10:30 AM Parent: #27
تحياتي دكتورة وضاحة وشكراً لك مقدمتك عميقة تدل على حبك للوطن ولهذا المنبر . ولكن فات عليك علاوة على المضايقات التى حدثت للكثيرين هنا وأجبرتهم على التنحى أن الكتابة في المنبر صارت صعبة للكثرين حيث أن شغل قدامي الاعضاء واللاحقين بهموم الحياة وقسوتها سواء كان في الداخل او الخارج . المسئوليات تضاعفت على الجميع واصبحت مشاغل الاعضاء الخاصة تأخذ جل وقتهم . سودانيز اون لاين انتجت العديد من الاقلام والمواد الجيدة اولكن في نفس الوقت من وجهة نظري عطلت الكثير من البرامج الوطنية وهذا ليس محله حيث لا أريد أن أفسد عليه فرحة قدومك ومناداة الاعضاء للعودة مرة أخرى . مع ودي واحترامي لك ولجميع من شاركك هنا .
الغريبة الناس دي عندها راي وانا بحترم رايهم ده. لكن الواحد فيهم بعد ده داير يكتب في البورد بس بطريقة غير مباشرة..يعنى بتمنى إنه شخص تانى ينقل ما كتبه للبورد وهو يقيف بعيد يتفرج لأنه عنده راي في البورد..... ---------------------------------------- ابو المك نمر سلام واشتياق يا سيف الناس دي مقتنعة في داخل نفسها بقيمة سودانيز اونلاين وتاثيرو بدليل انهم بنخرطوا في نشاطات وقروبات بي اسم سودانيزاونلاين وبسعوا زي ما انت قلت كتاباتهم تصل وتنتشر في سودانيز عن طريق وسيط فدي مكابره ليس الا وزي ما بقولوا اهلنا الواحد يعاكس نفسو وبقول ليهم تعالوا سودانيز بتشيلنا كلنا وبتقبلنا كلنا تعالوا عبروا مباشرة واخدوا راحتكم ووصلوا افكاركم ورأيكم فسودانيز هو الموقع الاكثر قرأة وانتشار فما تظلموا نفسكم وافكاركم
العزيزة وضاحة تحياتي طبعا انا بدخل المنبر عشان أكتب خبر أو أشوف من الاخبار اللي ما موجود شنو عشان حضور المنبر مع الاحداث و يعرفوا الناس عشان كدا مع شغلي قصة قريت البوسات بقت صعبة لكين في واحد من الشباب كلمني علي البوست حقك دا المهم في مجموعة كبيرة من الشباب بقوا علي الواتساب او الفيس وأنت عارفة السبب الاسهل واللي فيهو الشلة بالاضافة لمشاكل المنبر لكين في كل الاحوال الناس ما بعيدة من المنبر بس في جماعة الاستحمار والاستكبار وهم اللي عاملين قلق لكين نحن قاعدين نشوف أخرم شنو وحتي المعركة اللي ما الافي أذهانهم ليها نهاية وهم ياما حاولوا كسر صف الناس بالمشاكل والتجريج وزي ما قلتي عمل الرديف بس قول أهلنا حكيم وعميق القديم ( النيه زاملة سيدا ) ونحن نواياننا كويسة كان في الخصومة السياسية والكتابة للحق والحقيقة والركشة برضو بتوصل للمشوار يا عمك ونحن قاعدين لنهاية الحفلة المهم ليك كل التحيا ونشكرك علي جهودك ونداءك لعودة الاصقاء والاحبا ب وأنشالله يعودوا
------------------------------------
ابو الزوز يا قلب شاكرة مرورك على البوست واضافتك اكيد الواحد ما بقدر يحيط بي كل البوستات البتتكتب فمشاغل الناس كثيرة المهم انو الواحد لما يكون عندو فكرة عاوز يوصله يعرف انو سودانيز هو افضل ناشر والمهم الناس ما تنقطع من المنبر او تفكر تقاطعوا وبالنسبة لي قروبات الواتساب والفيس دي قروبات محدودة العضوية ومحدودة القُرأ فأكيد ما بتصل لي كل الناس عشان كده الافكار والنقاشات فيها بتكون محصورة وما بتأثر ويا زهير يا اخ مشكلتك ما بترد على الناس في بوستاتك البتنزله وانت صحفي واكيد عندك رؤية في الاخبار البتنزله واحنا بندخل بوستاتك عشان الرؤية البنتوقعه فالخبر بنلقى في اي مكان كخبر فعليك الله عبر قرائك يا ابو الزوز تحياتى
الغالية وضاحة لقد عبرتي عن ما يجيش في صدورنا بحق سودانيز اون لاين، هذا الموقع الاسفيري الرائع والبديع.. وزي ما قلت انت فان سودانيز اون لاين مدرسة وجامعة وقعدة اجاويد وتراث وثقافة...نعم بالفعل تراث وثقافة...وعندي تجربة اقولها ليكي.. قرات مرة مقال رائع جدا كتبه محمد نور كبر عن ثقافات وعادات كردفان الغرة...وكان المحاضر في الادب المقارن ادانا واجب منزلي..عن معرفة حياة الشعوب استلهاما من الادب والشعر والثقافة والتراث ..واخذت الفكرة من مقال الاستاذ محمد نور كبر وكتبت خمسة صفحات ...ونلت Big A واشاد بي المحاضر في الفصل....(واصابني في تلك اللحظة الغرور والتكبر...وشكرت الاستاذ كبر في نفسي) وقد كتبت اميرة بت السيد عن هذا الموضوع )..ومن شدة الغرور بقيت ما اسلم على المسنوحات اميرة وامتثال اسبوع كامل(وجه ضاحك حتى القهقهة وبصوت عالي)... ومن ايجابيات هذ الموقع الاسفيري الرائع ان عضوا من اعضاء المنبر كان يتصل بوالد اميرة بت مصطفى السيد ولم يكن يعرفه ولكن عرفه فقط عن طريق سودانيز اون لاين وبتجادلان وبتناقشان في مواضيع كتبت في المنبر العام ..ونتجخل احيانا في النقلش..،حيث ان العم مصطفى ياتي دائما لزيارة بنته المسنوحة ويقعد هنا ستة اشهر ...ودائما نقول ليه انت ما جيت تزور اميرة لكن شارد من. سخانة السودان...واصبح هذا العضو صديقا لعم مصطفى ولم يتلاقيا حتى الان...ولكنهما يتناقشان عبر الهاتف... وكانت المعرفة من سودانيز اون لاين... ..اصبح الان لدينا اصدقاء وصديقات عزيزات من سودانيز اون لاين....والشكر والتقدير للباشمهندس بكري ابوبكر الذي جعل هذا ممكنا .... ودمتي بالف خير وصحة وعافية ---------------------------------------
بسمات يا بسمة كيف حالك وازيك يا جميلة الروح والمحيا سودانيز مرجع يحوي ثقافات وتراث السودان ولو رجعتي لي ارشيفو ح تلقي فيهو الكثير المفيد عارفه مرات كثيرة ابوي بلفت نظري لي مقالات و بوستات في سودانيز وعندو كتاب مفضلين بقرأ ليهم خاصة في السنين الفاتت وبتناقش معاي ومع علوووي في كتاباتنا وفي جلسات الاسرة بعلقو على ردودي ويا سلام على العلاقة الامتدت عبر سودانيز بين والد الاميرة وواحد من البورداب وفي علاقات كتيرة نشات بين كتاب سودانيز وقرأها ودا بعني انو سودانيزاونلاين هو المنبر السوداني الاول والمقرؤ للجميع اسعدنى حضورك هنا تحياتى
عالم بطااالــــــــــــــــــــة -------------------------------- قنقا يا حب يا حرف ال S مشتاقين شديد مشددة اشواقاات كتااار سعادتك وانت واحد من الجميلين القلوبن نقية وتحمل محبة صادقة لكل الناس العرفناهم عبر سودانيز سودانيز قدر ما نقول ما بنوفيها والبنكر فضلها جاحد وبس براميل من القنقليز والحب تحياتى
Quote: وانا بناشد كل الناس دي انها ترجع سودانيز وتعيد النظر في قراره بعدم الكتابه وتتحمل بعض وما ح نخسر بل ح نكسب معارف زيادة وسعة صدر وتحمل وبرضو نرد ونحفظ الجميل للصرح الجمعنا وقدمنا وكمان بطلب بكري يراقب معيارو في ادارة المنبر والاضافات وتثبيت البوستات ويقلل المجاملات
الدكتورة الانسانة وضاحة تحياتى
لقد عبرتى عما يجيش فى صدور الكثيرين هنا فى حوش سودانيز اون لاين فى المقتبس اعلاه .. شكرا ليك كتير وان شاء الله يوم شكرك مايجى ..
سلامات وعوافي الاخت وضاحة والزملاء الأفاضل .. لكم نهرا من المودة والسلام والمحبة والحنين ... هنا في هذا المنبر وجدنا وطنا يضاهي كل وطن .. إلتقينا فيه بأصدقاء وصديقات أصبحوا الهواء الذي نتنفسه .. والحنين الذي نتمناه والرفقة التي نحلم بها .. شخصيا وقفت تقريبا منذ 2007 بسبب كثرت الخلافات الفطيرة .. والإساءات الشخصية .. كان هذا المنبر واحة وريفة .. كنا لا نفارقه الا للنوم .. نحلم به كما يحلم العشاق بأطياف الحبيبات .. وكان الأعضاء هنا كالجسد الواحد يتعاضدون في المصائب والأرزاء ويتحلقون في الأفراح الجميلة .. ثم تحول فجأة إلى ساحة لتصفية الحسابات وكثرت فيه الإزدواجية .. كنا نعشق فتياته وجديثهن الناعم الأنيق .. كلامهن الطاعم اللذيذ ومواقفهن القوية المشرفة .. وكنا نسكر بكتابات مبدعيه .. سُكرا حد الثمالة .. فتهيم الروح في فضاءات الممكن واللاممكن .. نرقص حولا كاملا لفقرة من قصة .. وبنكي حولين لأزمة ألمت بزميل أو فجيعة حلت على زميلة .. كان كل شيء في هذا المنبر جميل حتى الخصومات .. ولكن بدأ ينحرف عن مساره في بدايات العام 2006 .. مازلت احلم بأن يعود كما كان .. كان يزدان بكتابات الجندرية وأبنوسة وريل "REEL" وعزاز شامي ورندا حاتم ومهيرة ود. اشراقة مصطفى مريم بت الحسين وماهيتاب والتماضرين "شيخ الدين - حبيب الله" وفاطنة بت عشة والأخوات حيمورة ورباب الكارب وخالدة البدوي وسودانية 2000 ومي أبوقصيصه وملكة سبأ ونجوان والراحل المقيم رقم صفر "عتصم عبدالحليم" ومحمد النعمان وأباذر المطر ومحمد السني دفع الله وبدرالدين شنا وأحمد الملك ودكين وطلال عفيفي وعماد عبدالله وصديق القاعد بعيد وعوض حمزة وفيصل عباس.. ونادوس وودالزين وعمر بوب وخليل وبدر الأمير ووإيهاب السني وعبدالمنعم عجب الفيا ومحمد عبدالرحمن وعبدالكريم الامين وحافظ خير وابراهيم علي ومعتصم الطاهر وعبد المنعم سليمان وفيصل محمد خليل وأساسي وأبوجهينة وتامبا وناصر الليمبي وخضر حسين وخضر حسين خليل ومعتصم دفع الله والمسافر وحمزة سليمان نور الهادي وحبيب نورة وبشرى سليمان وأبو الطيب وعبدالغني كرم الله بشير والخواض ود. حسام "ALsa7afa_30" وأبوحراز وسجيمان "عليه الرحمة" ومحمد أبوالعزائم أبوالريش وودالباوقة ونشأت الإمام وأبوذر بابكر وحمزاوي وابوبكر الامين يوسف..
كثيرين كثيرين لا يمكن حصرهم في هذه العجالة ومن ذكرتهم هنا فقط لانني إلتقيتهم في حوارات أو نقاشات وتجاذبت معهم أطراف الحديث أو تربطني بهم صلة .. مثلك أتمنى أن يعود المنبر إلى عهده القديم .. يوم أن كانت الساعة فيه تساوي عمرا كاملا .. ولكم جميعا كل الود ..
سلام يا وصاحة يعني انتي هسي لو سألناك مع انك قلتي كلام جميل لكن وقعتي في نفس خطأ الآخرين ومن يعتقدون بأنهم وصلوا الكمال لمجرد الكتابة في سودانيز ياخ انا والله ما عارف منو الاداك الحق تكتبي عن المنابر التانية وبهذا الأسلوب الذي لا يشبه من تحاول أن تقول بأنها تكتب بمنتدى رائد اللهم إلا في إطار النرجسية التي تصفي بها بعض الأعضاء وطالما انه المنبر ده أهدى الشعب السوداني زي ما قلتي الكثير المانع شنو انه تكون هذه المنابر ضمن ما اضافه سودانيز اون لاين للشعب السوداني وليه المنبر وكتاب المنبر الفطاحلة من امثالك ما ينظروا ليها بايجابية وبتقيم فيه شي من النقد الهادف عوضا عن هذا العبط الذي تتبعه الصفقات والمديح وكورالات البهجة فيما يخص المجاملات في تقديري هذا البوست وما ورد فيه من اهانات واستخفاف بمنابر أخرى وضرب أمثال اصلا قصد بها في حينها النيل من منبر بعينه بل واستعان بتوصيف البعض بمواصفات ذكرت في بوستات خلافية هذا التثبيت فيه شي من مجاملة برضه وطالما هذا المنبر كبير وله وزن في مقدمة المنابر السودانية فيجب أن يتوخى الدقة في نوعية الكتابات التي يتم تثبيتها اقول قولي هذا من باب المقاصد التي كتب من أجلها هذا البوست وفي ظني هي نبيلة وان خابت بعض ادوات توصيل الفكرة أبو روضة
تحياتي دكتورة وضاحة وشكراً لك مقدمتك عميقة تدل على حبك للوطن ولهذا المنبر . ولكن فات عليك علاوة على المضايقات التى حدثت للكثيرين هنا وأجبرتهم على التنحى أن الكتابة في المنبر صارت صعبة للكثرين حيث أن شغل قدامي الاعضاء واللاحقين بهموم الحياة وقسوتها سواء كان في الداخل او الخارج . المسئوليات تضاعفت على الجميع واصبحت مشاغل الاعضاء الخاصة تأخذ جل وقتهم . سودانيز اون لاين انتجت العديد من الاقلام والمواد الجيدة اولكن في نفس الوقت من وجهة نظري عطلت الكثير من البرامج الوطنية وهذا ليس محله حيث لا أريد أن أفسد عليه فرحة قدومك ومناداة الاعضاء للعودة مرة أخرى . مع ودي واحترامي لك ولجميع من شاركك هنا . -------------------------------------------
الاخ العزيز فتح العليم شاكرة لك على الاطراء والذي يدل على ذوقك واصلك الطيب وسودانيز وطن جميل بكم واحببناه لتفرد اعضائه وتميزهم مع انو الناس اصبحت مشغولة مع رهق الحياة المستمر وما فات علي قلت انو في ناس ابتعدت لانها انشغلت لكن يا اخوي مهما كانت المشغوليات الواحد بلقى مساحة للاحباب وما في احباب اكثر من اهل البيت الكبير سودانيز واكيد طول ما الانسان صاحب راي وفكرة لازم يلقى المضايقة ودي سنة الحياة ولازم في ناس ح تختلف وتتفق معاهو وانا اتساءلت هل لو ضايقنا شخص نخلي ليهو البيت ؟
لقد عبرتى عما يجيش فى صدور الكثيرين هنا فى حوش سودانيز اون لاين فى المقتبس اعلاه .. شكرا ليك كتير وان شاء الله يوم شكرك مايجى .. ------------------------------------ الاخ علاء سيد احمد صاحب الحرف الرزين المتفرد سودانيز بيتنا الكبير وإن لم يعمر البيت اهله فمن يعمره؟ وإن لم نحتمل بعضنا في الاسافير فكيف يكون حالنا في الواقع وإن لم نصمد في توصيل رسالتنا ووافكارنا فكيف سنقود التغيير في المجتمع ؟ فسودانيز عالم مصغر من واقعنا ونجاحنا في ادارة الحوار واحتمال بعضنا والدفاع عن افكارنا وتوصيلها بالتأكيد سينعكس على الوطن
سلامات وعوافي الاخت وضاحة والزملاء الأفاضل .. لكم نهرا من المودة والسلام والمحبة والحنين ... هنا في هذا المنبر وجدنا وطنا يضاهي كل وطن .. إلتقينا فيه بأصدقاء وصديقات أصبحوا الهواء الذي نتنفسه .. والحنين الذي نتمناه والرفقة التي نحلم بها .. شخصيا وقفت تقريبا منذ 2007 بسبب كثرت الخلافات الفطيرة .. والإساءات الشخصية .. كان هذا المنبر واحة وريفة .. كنا لا نفارقه الا للنوم .. نحلم به كما يحلم العشاق بأطياف الحبيبات .. وكان الأعضاء هنا كالجسد الواحد يتعاضدون في المصائب والأرزاء ويتحلقون في الأفراح الجميلة .. ثم تحول فجأة إلى ساحة لتصفية الحسابات وكثرت فيه الإزدواجية .. كنا نعشق فتياته وجديثهن الناعم الأنيق .. كلامهن الطاعم اللذيذ ومواقفهن القوية المشرفة .. وكنا نسكر بكتابات مبدعيه .. سُكرا حد الثمالة .. فتهيم الروح في فضاءات الممكن واللاممكن .. نرقص حولا كاملا لفقرة من قصة .. وبنكي حولين لأزمة ألمت بزميل أو فجيعة حلت على زميلة .. كان كل شيء في هذا المنبر جميل حتى الخصومات .. ولكن بدأ ينحرف عن مساره في بدايات العام 2006 .. مازلت احلم بأن يعود كما كان .. كان يزدان بكتابات الجندرية وأبنوسة وريل "REEL" وعزاز شامي ورندا حاتم ومهيرة ود. اشراقة مصطفى مريم بت الحسين وماهيتاب والتماضرين "شيخ الدين - حبيب الله" وفاطنة بت عشة والأخوات حيمورة ورباب الكارب وخالدة البدوي وسودانية 2000 ومي أبوقصيصه وملكة سبأ ونجوان والراحل المقيم رقم صفر "عتصم عبدالحليم" ومحمد النعمان وأباذر المطر ومحمد السني دفع الله وبدرالدين شنا وأحمد الملك ودكين وطلال عفيفي وعماد عبدالله وصديق القاعد بعيد وعوض حمزة وفيصل عباس.. ونادوس وودالزين وعمر بوب وخليل وبدر الأمير ووإيهاب السني وعبدالمنعم عجب الفيا ومحمد عبدالرحمن وعبدالكريم الامين وحافظ خير وابراهيم علي ومعتصم الطاهر وعبد المنعم سليمان وفيصل محمد خليل وأساسي وأبوجهينة وتامبا وناصر الليمبي وخضر حسين وخضر حسين خليل ومعتصم دفع الله والمسافر وحمزة سليمان نور الهادي وحبيب نورة وبشرى سليمان وأبو الطيب وعبدالغني كرم الله بشير والخواض ود. حسام "ALsa7afa_30" وأبوحراز وسجيمان "عليه الرحمة" ومحمد أبوالعزائم أبوالريش وودالباوقة ونشأت الإمام وأبوذر بابكر وحمزاوي وابوبكر الامين يوسف..
كثيرين كثيرين لا يمكن حصرهم في هذه العجالة ومن ذكرتهم هنا فقط لانني إلتقيتهم في حوارات أو نقاشات وتجاذبت معهم أطراف الحديث أو تربطني بهم صلة .. مثلك أتمنى أن يعود المنبر إلى عهده القديم .. يوم أن كانت الساعة فيه تساوي عمرا كاملا .. ولكم جميعا كل الود ..
------------------------------------
الاخ العزيز ود رملية اسعدني مرورك وافرحتني عودتك وتواصلك عبر العالم الجميل سودانيز وزكرياتك الصادقة وجميلة المطبوعة بحروف من نور في دواخلك الشفيفة عن هذا المنبر نعم كان سودانيز حديقة غناء حوى من كل انواع الزهور والثمار والظلال والالوان كانت عصافيره تغرد وتبشر بفجر جديد للمثقف السوداني والحال السوداني وسودانيز منارة للوعي والحوار والمثاقفة والتعليم ومعك ان سودانيز اصابها بعض الداء ولكن ابتعاد تلك النجوم التي ذكرتها ساعده في الانتشار ومنحه الفرصة والمساحة ليتمدد وجود تلك النجوم ومواصلة الكتابة في سودانيز يعني مزيد من الضؤ يننشر في طريق العتمة و كائناتها اللزجة ويعني مزيد من العطر يفوح في وجه العتمة وكائناتها اللزجة وتنثر عطر ويعني ان لا خيار للعتمة وكائناتها الا ان تلج الى عالم الجمال والاستنارة والمثاقفة والحوار والدفع بالحجة او ان تهرب مع كائناتها اللزجة بعيداُ عن المنبر فمنبر به كتابات وروائع النجوم التي ذكرتها وغيرهم اخرين حراام ان نسلمه لكائنات العتمة اتمنى من كل قلبي ان يقرأ هؤلاء النجوم هذه الكلمات ويعودوا لمواصلة رسالتهم في نشر الاستنارة السياسية والثقافية والاجتماعية وان يضاعفوا تواصلهم وجهدهم حتى نعيد ايام المنبر الجميلة وحتى نبني الوطن الذي تمنيناه كثيراً فالجميع وان اختلفت رؤاهم يجمعهم هدف واحد هو الاستنارة ووطن جميل ولندق الصخر حتى يخرج الصخر لنا ماءً وخضرة ولتواصل حبات المطر السقوط حتى تتفتت الصخرة ولنقرب المسافات ما بين الممكن والواقع لك التحية مجدداً اخي ود رملية ولكل النجوم الزواهر التي ذكرتها والتي لم تزكرها تحياتى
Quote: يا مك ,, شاكره مرورك يا مك ما وريتنا رأيك في موضوع البوست
هلا بالملكة رأيى فى البوست ,, بوست مليان ,, بس انا ماكنت قايلك كتَّابة كدى. كنت قايلك شاطرة فى الطب بس اتاريك طبيبة واديبة مش زى وليداتنا عربيهن زى عربى فيسل هليل واميرة الرطانية (ماكو زعل ياميرة) ومع ذلك يا ملكة انا عندى مشروع بوست عن سيدنا رسول الله عليه الصلاة والسلام عاوز اختم بيهو سنوات الخدمة فى المنبر واتقاعد.
ثم بعض من هجايص سودانيز اونلاين يا وضاحة.. كل المحبة لصديقتي الأصيلة الجميلة بت ابا بسمات الشيخ..! لم نفعل ما يستحق الإحتفاء يا بت ابا ، فما نحن الإ مجرد شعبة من عيال الحرام العابرين..ويفرحنا كثيرا ان يتوقف امثالك فيما نقول ، سواءا كانت نبــذة عابرة او حكمة يلتقطها امثالك من الأصفياء..!! سألت من قبل ، امتثال ، ان تعزف صولو ساكس أو طرمبيت ، لواحدة من اغنيات خوجلي هاشم..!!..ولو فعلتها ستفوق زامفير..والله صحي يا بسمات..!! وح افضل يا بسمات..
بتأملك ، زي السحابة تمري ، تبخلي بالسلام ومشدوهة ، ديك في حضرتك ، يا السمحة يغلبني السلام..!!
عارفة يا بسمات..! اسم (وضاحة) مقتبس من تفاصيل قصيدة كتبها الشاعر السوداني الجميل الأصيل ازهري محمد علي (من عيال الوسط ، ناس الحصاحيصا ولا شنو كده ما عارف)..! ثم غناها مصطفى سيد احمد (خلي بالك من الأسامي دي)..!!
ازهري قال: الصباح الباهي لونك ، ياوضاحة ، يا فجر المشارق..! غابة ألأبنوس عيونك ، بابنية من خبز الفنادق..!!
اها ازهري لمن كتب القصيدة دي (يا وضاحة) كانت الدنيا مجاعة في امسودان (سنة 1984)..شفتي كيف المحنة يا وضاحة لمن عاشق جوعان يقوم يشبه جسد الحبيبة بي خبز الفنادق (زي خبز فندق المريديان الجنب كلية الطب بجامعة الخرتوم ، محل بيت الخياتة بتاع احمد المصطفى..!!)..والله صحي يا بنات..!!
هل تصدقي يا وضاحة ، مصطفى سيد احمد بجلالة قدره ، وهو من تستلفين عنوان احد اغنياته (وضاحة ، بتاعة ازهري محمد علي) كان استلف كم غنية من خوجلي هاشم (ود عطبرة ، يا بسمات)..!!
المحك يا بسمات ، محك الثقافات المقارنة ، ككيف يعني الجلابي بتاع عطبرة (خوجلي هاشم) يحتفوا بيهو الجنجويد ناس كبر وناس محمد عبد الله حرسم وعلي عبد الوهاب عثمان؟..
شفتي السودان ده عميق كيف يا صديقة؟..
شكرا يا بسمات.. شكرا يا وضاحة ،
والوعد بيناتنا ان نكون ولاد الحرام ، المفارقة ، حتى تعي شعوب امسودان قميتها الحقيقية..او يهنق حمار الوادي ذاتو..!!
سلامات يا وضاحه .. سبق وقلت لودالصايم محمد صاحب الضحكة البلاتينية ، بعد أن اعتكف مغاضبا بعيدا عن حوش بكري:
أنت تعلم قبلي بأن سودانيزأونلاين ليست مساحة استعراض لعضلات الألسن و ( رص) للكلمات ولا ساحة للصراع والعنف اللفظي لأن تلك حيلة العاجز ، وتعلم جيدا بأنه يوجد بهذا المنبر نفر ينأون بأنفسهم عن مجرد الرد على من يسئ إليهم في الوقت الذي يمكنهم الرد بما لاقبل للمسئ به وبأربع لغات حية معتمدة في الأمم المتحدة، لكنهم يصفحون ويعلمون أن مجاراة المسئ السادر في غيِّه تنزل برصيدهم حد إشهار الإفلاس ، وبوعيك تعلم أن سودانيز ليست ( يوتوبيا زمان وإرث أوان بعيد المجئ عنيد الحضور - كما قال الراحل سند) سودانيز عينة عشوائية من مجتمعنا ، لكنني أراها بعين الرضا كبانيه وبيت عرس وصيوان عزاء ومشفى ومجلس شورى وقاعة درس وراكوبه وعايزنها تبقى كشف تبرع خير ما كشف حال.. إنت قايل لو إتأخرت أنت وبقية الأحباب في شوفتنا ضامن نتلاقى تاني؟. وبرضو زي ما قالت أحلام القاسيه: أنحتاج إلى موتنا كي نحب...ونعرف أن ثمة من أحبونا....؟؟ أها يا ست ابوك، محمد الصايم رجع لفترة قصيرة - لعلها مجاملة - ثم ارتحل إلى حيث يقيم بقية الرفاق، هذه هي الحياة.. سلام لضيوفك كلهم وابقي عافيه..
Post: #52 Title: Re: ** سـودانيزاون لاين ** Author: حمد عبد الغفار عمر Date: 10-26-2016, 06:59 PM Parent: #51
وضاحة وناس البوست أزيكم
سودانيز عالم جميل فيهو مرضة عجيبة انا كتير جدا أحاول مرات أبعد منو حتى ما أفتحو نهائي لكن طوالي ألقى خطاي سايقني ليه أنا في حاجات عرفتها عن السودان وانسان السودان دا لو ما المنبر دا ما كنت حألقى فرصة أو زمن عشان أعرفها أبدا نتمنى عودة جميع من غابوا وإن تعددت أسبابهم
هلا بالملكة رأيى فى البوست ,, بوست مليان ,, بس انا ماكنت قايلك كتَّابة كدى. كنت قايلك شاطرة فى الطب بس اتاريك طبيبة واديبة مش زى وليداتنا عربيهن زى عربى فيسل هليل واميرة الرطانية (ماكو زعل ياميرة) ومع ذلك يا ملكة انا عندى مشروع بوست عن سيدنا رسول الله عليه الصلاة والسلام عاوز اختم بيهو سنوات الخدمة فى المنبر واتقاعد. ------------------------------------------------- حباب المك الفاضلابي ممكن تقول دي واحدة من فوائد سودانيز فوجودي في سودانيز ساعدني كثير جداً في اللغة والكتابة وعرفني بي بالسودان وثقافتو ومجتمعو بالاضافة لاخوة واخوات اعزاء وحرص ابوى ووامى انو نرتبط باللغة العربية والسودان وكانت العربية هي لغة التحدث في البيت ممنوع الانجليزى نهائي وكنا في الويك اند بنمشي المدرسة العربية بالاضافة للسفر كل سنة للسودان في الاجازة بتاعت المدارس ومرحب بالرسول الهادي الامين الاف الصلوات والسلام من ربي عليه في كل نفس وكل لمح وفي انتظار نفحات المصطفى صلى الله عليه وسلم
الاخ محمد النور كبر سودانيز كل الجمال وبوتقه حقيقية لثقافات السودان وهو فرصه حقيقية لان نصل الى ثوابت مشتركة ووحدة في المزاج وتلاقح للثقافات وتذويب كل الحواجز التي تمنع من ان نلتقي وتنمية وزيادة كل المساحات التي نلتقي فيها وهي كثيرة دي مفترض تكون فلسفة وجود الناس في سودانيز وكل ما كبر وعظم وسما الهدف بتكون التضحية في سبيلو رخيصه وقوة التحمل من اجلو اكبر والقوة الدافعة ليهو اقوى وعشان كده بنادي الناس ترجع سودانيز لانو الهدف كبير مش غاية زي دي تستحق انو نعاني من اجلها ونحتمل في سبيلة ما نعاني
وإذا كانَتِ النّفُوسُ كِباراً تَعِبَتْ في مُرادِها الأجْسامُ وكَذا تَطْلُعُ البُدورُ عَلَيْنَا وكَذا تَقْلَقُ البُحورُ العِظامُ ولَنَا عادَةُ الجَميلِ منَ الصّبْـ ـرِ لَوَ انّا سِوَى نَوَاكَ نُسامُ كُلُّ عَيْشٍ ما لم تُطِبْهُ حِمامٌ كلُّ شَمسٍ ما لم تكُنْها ظَلامُ تحياتى
سلام وضاحة وضيوفها الكرام ما فى زول بحرد بيتو عشان كدى انا بقول المنبر دا سودانا الصغير وما فى زول بكتب كلام عشان يسى أحد لكن المؤسف فى ناس بتتولى البوستات عاملين فيها هم أهل الفهم وهذا عيب تحياتى لكل مستنير ومستنيرة
Quote: سلامات يا وضاحه .. سبق وقلت لودالصايم محمد صاحب الضحكة البلاتينية ، بعد أن اعتكف مغاضبا بعيدا عن حوش بكري:
أنت تعلم قبلي بأن سودانيزأونلاين ليست مساحة استعراض لعضلات الألسن و ( رص) للكلمات ولا ساحة للصراع والعنف اللفظي لأن تلك حيلة العاجز ، وتعلم جيدا بأنه يوجد بهذا المنبر نفر ينأون بأنفسهم عن مجرد الرد على من يسئ إليهم في الوقت الذي يمكنهم الرد بما لاقبل للمسئ به وبأربع لغات حية معتمدة في الأمم المتحدة، لكنهم يصفحون ويعلمون أن مجاراة المسئ السادر في غيِّه تنزل برصيدهم حد إشهار الإفلاس ، وبوعيك تعلم أن سودانيز ليست ( يوتوبيا زمان وإرث أوان بعيد المجئ عنيد الحضور - كما قال الراحل سند) سودانيز عينة عشوائية من مجتمعنا ، لكنني أراها بعين الرضا كبانيه وبيت عرس وصيوان عزاء ومشفى ومجلس شورى وقاعة درس وراكوبه وعايزنها تبقى كشف تبرع خير ما كشف حال.. إنت قايل لو إتأخرت أنت وبقية الأحباب في شوفتنا ضامن نتلاقى تاني؟. وبرضو زي ما قالت أحلام القاسيه: أنحتاج إلى موتنا كي نحب...ونعرف أن ثمة من أحبونا....؟؟ أها يا ست ابوك، محمد الصايم رجع لفترة قصيرة - لعلها مجاملة - ثم ارتحل إلى حيث يقيم بقية الرفاق، هذه هي الحياة.. سلام لضيوفك كلهم وابقي عافيه..
الحبيب الجميل محمد المرتضى انت واحد من النجوم الحببوا الي منبر سودانيز اونلاين ومن الذين استمتع بكتاباتهم الانيقة والتي تعبر عن شخصية مثقفة وافرة العلم تحترم الاخر شخصية هادئة متسامحة لا تعرف الصخب ولا الاساءات شخصية سودانية اصيلة وقد تعلمت منك الكثير فلك مني كل الشكر وفعلاً التعبير عن المحبة مهم جداً والاستمتاع بمن نحب ومعهم ضروري فنحن لا نضمن اعمارنا والواحد يزعل من احبابو ولكن ما بقدر يقاطعهم وسودانيز مجتمع مصغر من وطنا السودان عشان كده اكيد فيهو شخصيات مختلفة واساليب وثقافات مختلفة وعلينا نقبل الجميع كما هم ونحتملهم ونجد الاعزار لهم وكل اناء بما فيه ينضح وصدقني بالمعاملة الطيبة والكلمة الطيبة والتواصل مع من يتجاوزون علينا ح نكسبهم ونكسب محبتهم والمحبة بتجي من المعاملة وسودانيز لم ولن يضيق بنا ويسعنا جميعاً لنعبر عن انفسنا وارائنا بل كان مضيافاً وارفاً هاشاً باشاً في وجوهنا واتخيله في ابيات عمر بن الاهتم السعدي
سودانيز عالم جميل فيهو مرضة عجيبة انا كتير جدا أحاول مرات أبعد منو حتى ما أفتحو نهائي لكن طوالي ألقى خطاي سايقني ليه أنا في حاجات عرفتها عن السودان وانسان السودان دا لو ما المنبر دا ما كنت حألقى فرصة أو زمن عشان أعرفها أبدا نتمنى عودة جميع من غابوا وإن تعددت أسبابهم
العزيز حمد عبد الغفار الانسان الجميل حامل المسك الانسان الذي لم نرى منه الا كل طيب سودانيز دا عالم من الإلفة الجميلة المحببة ما بتقدر خطاك تسوقك بعيد عنو وخلا فينا كيمياء حنين عجيبة تخليك تمشي وتجيهو راجع اغلب الاعضاء حتى الممتنعين الكتابة لا يستطيعوا ان يمتنعوا من مطالعة سودانيز انا متأكدة انهم بزوروهوا يومياً او بي صورة دائمة لانو البيت الكبير ولسان حالنا زي ما غنى زيدان اقول اصبر على الهجران اقول انساك لابد اشوف بس طرفك النعسان تخونى القوة والشدة. وصبر قلبي على الهجران يثور ما ضينا ويتحدى. ياقصر الشوق لو هداك حبيبك ومره ليك صدا ببنيك بغلاوة الريد محال انا قصرى يتهدا ما هى الايام بتعدى ونرجع تانى لابدا وحاة عمراً قضيتو معاك محال عن ريدك يرتدا
الاخ العزيز صديق مهدي علي سلام وعشمنا انو الناس ترجع وتعود وانو غيابن ما يكون قطيعة وانما استراحة محارب وتدلل وعشمنا اننا نعزر بعضنا ونتجاوز عن بعض ونقدر نتعايش فدي الحياة ودا المجتمع فليس كل ما فيها يسرنا
Post: #60 Title: Re: ** سـودانيزاون لاين ** Author: عمر الفاروق عبد الله الشيخ Date: 10-28-2016, 08:20 PM Parent: #59
مالي لا اري الهدهد
اندياحات .. جمالات كلامات سلامات
يمشي واثق الخطو ملكا في الحوش كالطاووس ولكنه متواضعا يضع بعض من جماله علي رماله .... لتنبت شتيلات المودة مخضرة علي الرمال وهنا الاندهاش ... ما يضير الزهر ان يكون بنفسج وما يضير السماء بان تكون زرقاء لا التأنيث للخميلة عيب ولا التذكير فخر للجمال .. لتندلق كل الحروف الحيري في زمان لوحة المفاتيح ونحن نحن لقلم الحبر الجاف وللبوستات ونحن نحن لورق المحبة المعطر بماء ورد الحبيب ومزين بخصلات من الشعر
يمشي واثق الخطو ملكا في الحوش كالطاووس ولكنه متواضعا يضع بعض من جماله علي رماله .... لتنبت شتيلات المودة مخضرة علي الرمال وهنا الاندهاش ... ما يضير الزهر ان يكون بنفسج وما يضير السماء بان تكون زرقاء لا التأنيث للخميلة عيب ولا التذكير فخر للجمال .. لتندلق كل الحروف الحيري في زمان لوحة المفاتيح ونحن نحن لقلم الحبر الجاف وللبوستات ونحن نحن لورق المحبة المعطر بماء ورد الحبيب ومزين بخصلات من الشعر
ازيكم كلوكم
الاخ العزيز عمر الفاروق كلمات جميلة وتعبر عن روح رقيقة وشفافة واين لي بالكلمات لترد عليك فانت تملك قلماً مبدعاً وتعابيرك مميزة غايتو اقول سلمت الايادي التي رسمت بالحروف هذه اللوحة البديغة وواتمنى ان نرى حروفك تزين وتعطر المنبر فواصلوا الضياء فمنكم نتعلم تحياتى يا ملك
ود الخليفة سلام يا مغترب مرورك في البوست اسعدني لكن مالك جاينا داخل ويدك فاضية انت ماك جعلي ههههههههه الغربة علمتك البخل ولا شنو افا يا مك ما تكون مصاحب المصاريه بالله الحركة دي بعملوها كيف انك تنزل مداخلة فاضية علمني
Post: #66 Title: Re: ** سـودانيزاون لاين ** Author: اميرة السيد Date: 10-30-2016, 03:22 AM Parent: #65
روعة ..روعة..يا د. وضاحة... والمداخلات والتعليقات اكثر من روعة ووباجماع الناس كلهم فان حوش الباشمهندس بكري ابوبكر اصبح لنا مثل الماء والهواء ..وكم قبل كده حردنا الكتابة وقررنا حتى ما ندخل المنبر العام تاني..ولكن عدنا لنقرا دون ان نعلق..ولكن عندما طلب منا الاحبة العودة للكتابة
لم نستطع ان نقاوم..وانتي يا وضاحة كان لك الاثر الكبير جدا في عودتنا للحوش الفسيح الذي يسع الجميع... اما حكاية ناذر يجي داخل المنبر دون ان يكتب شئ فقد وجدت هذا مستحيل ايضا....لاني جربت هسع اعمل زيه..واقرا الاوامر...you have to enter a message ..وعشان كده بنلتمس من ناشر خليفة يحي يورينا كيف عمل كده ..ودونوحتى ان يضع نقطة.. الا يكونومن ضمن مجلس ادارة المنبر العام وبتحكم في تقنياته... والله يديك الصحة والعافية يا وضاحة يا رائعة ودائما كلماتك وسطورك تشع منها نور الحياة والحب ..ودائما بتجددي فينا الامل ..
العزيزة وضاحة الأخوة والأخوات رفاق الحرف والقضية أعادني هذا البوست للكتابة، بدافع من الحنين، والتوضيح باعتباره طرف السوط بل كل السوط وقع في ضهري. فأنا عبدالجليل عبدالحليم، الشهير في نواصي هذا المنبر والمنابر الاخرى nadus2000، مدين للأخوات والأخوان البورداب بما فيهم سيد البورد بأفضال كثيرة، لا تعد ولا تحصى، فيظل تداعي البورداب من عواصم الدنيا ,اريافها، وهبتهم لمؤازرتي ومؤازرة أسرتي الكبيرة، ايام رحيل شقيقي الراحل معتصم (رقم صفر)، ليس فقط بالبوستات بل حتى اليوم أنا أتلقى التعازي ونشيل الفاتحة مع بعضنا، عند زيارة أي بوردابي للدوحة، من أخوات وأخوان حتى لا أعرف أساؤهم الحقيقية، الا بعد زيارتهم لبيتي للعزاء، ويمكنك أن تتخيلي أن هذا ما يقوم به حتى الشهر الماضي. أوجدوا للغائبين العذر، فأنا وكواحد من أوائل الذين كتبوا هنا-وبالمناسبة قناعتي الشخصية أنا هذه الاسبقية لا تمنحنا أي ميزة، ولا يجب، ف الجميع ب(مقاماتهم السامية، وشنو كدة الرفيعة :) ، فالتمايز هنا أو في أي موقع، بقدر العطاء، سواء كان هذا العطاء على مستوى الكتابة، أو التواجد والمساندة للانشطة الكثيرة والكبيرة ا لتي تصدى لها البورداب، على امتداد الدنيا الواسعة دي...المهم يا وضاحة وحياتك ما في أي زول عنده مجرد شك، أو اعتقاد أن هذه الاسبقية والريادة وسام، أو سمة عشان كمان نفكر نتعالى على الاخرين بيها... وما أظن يا وضاحة -وانا أعرف معظم الذين تركوا الكتابة هنا- أن هناك من ترك هذا المنبر تعالياً، بل أعتقد أن القاسم المشترك بين جميع من رحلوا، هي الظروف الشخصية والخاصة، وان اختلفت من عضو الى آخر، وأكيد في بعض ترك المنبر بقرار منه، وأيضاً لتغير قناعة شخصية تخصه، وبغض النظر عن الاسباب، فهي قرارات شخصية محل احترام. وبعدين حكاية هلال مريخ والثنائيات التي لم يجني منها الوطن غير الثبور خلونا منها، فالكتابة في منابر أخرى لا تمنعنا ولا يجب أن يمنع تواجدنا هنا، حضورنا في منابر أخرى، وكتابتنا في أخرى.. وبالمناسبة معظم الغائبين الآن أتوا الى هذا المنبر من منابر أخرى، sudan.net مثلاً، فيا عزيزتي ما حقوا نضيق واسع.
Quote: روعة ..روعة..يا د. وضاحة... والمداخلات والتعليقات اكثر من روعة ووباجماع الناس كلهم فان حوش الباشمهندس بكري ابوبكر اصبح لنا مثل الماء والهواء ..وكم قبل كده حردنا الكتابة وقررنا حتى ما ندخل المنبر العام تاني..ولكن عدنا لنقرا دون ان نعلق..ولكن عندما طلب منا الاحبة العودة للكتابة
لم نستطع ان نقاوم..وانتي يا وضاحة كان لك الاثر الكبير جدا في عودتنا للحوش الفسيح الذي يسع الجميع... اما حكاية ناذر يجي داخل المنبر دون ان يكتب شئ فقد وجدت هذا مستحيل ايضا....لاني جربت هسع اعمل زيه..واقرا الاوامر...you have to enter a message ..وعشان كده بنلتمس من ناشر خليفة يحي يورينا كيف عمل كده ..ودونوحتى ان يضع نقطة.. الا يكونومن ضمن مجلس ادارة المنبر العام وبتحكم في تقنياته... والله يديك الصحة والعافية يا وضاحة يا رائعة ودائما كلماتك وسطورك تشع منها نور الحياة والحب ..ودائما بتجددي فينا الامل ..
اميرة الحبيبة سودانيز وطنا البي اسمو كتبنا ورطنا وسودانيز وطن القماري لقينا فيهو العلم والثقافة والونسة الطاعمة رغم بعض المنغصات لكن تبقى فوايدو اكبر بي كثير حبينا اعضاؤه بدون ما نشوفن ادمنا كتابات اخوة اعزاء عليك الله يا اميرة مش بكونوا قسوا علينا لما يغيبوا ويا اميرة انا مقتنعة انو الضلام بتحارب بمزيد من الضؤ والقبح بهرب امام مزيد من الجمال ومافي مجتمع فاضل وبكرة ابصلعة ربنا يديهو العافية قدم لي وطنو الكثير من خلال المنبر قدر ما نقول فيهو كلام ما بنوفيهو وسودانيز من وجهة نظري ح يكون جزء هام من تاريخ السودان دمتي بخير يا حبيبه
Quote: اعبد الجليل نادوس لك من التحية في البدء اترحم على الاخ معتصم رقم صفر واسال الله ان يجعله من اصحاب اليمين ويبارك في ذريته مافي سوط بيصلك محشوم سرتني عودتك للكتابة من جديد البوست قصدت منو استحث الناس يرجعوا ويكتبوا في سودانيز ليعود اليه بعض الق فقده والناس غابت لي ظروف واسباب مختلفه دي حقيقة والغياب قرار شخصي والعودة قرار شخصي ومراجعة الاحباب في قراراتن من حقنا عليهم خاصة اذا كنا ادمنا حروفن الجميلة والمحبة والالفة اللقيناها في سودانيز ما حاجة ساهله عشان نفرط فيها ومن باب الوفاء انو نزيده ونحافظ عليها ونرعى الحوش الجمعنا ونزرع فيهو الورود والرياحين عبر كتاباتنا ونروي اشجار المحبة الاظلتنا فيهو بي تواصلنا عبرو وثنائياتنا عاوزناها تكون هارموني جميل من الحوار والنقاش المثمر
نادوسنا لك من التحية في البدء اترحم على الاخ معتصم رقم صفر واسال الله ان يجعله من اصحاب اليمين ويبارك في ذريته معتصم كان اخ للجميع في الدوحة وكان محبوباً وكان فقد للجميع قبل ان يكون فقدكم فقد رأيت تلك المحبة التي عبر عنها الجميع حزناً ساعة فقده فقدت حضرت مع اسرتي والدي ووالدتي واخواني للعزاء ومن شدة الحزن في وجوه الجميع لم اعرف من يعزي من صبركم الله وجبر كسركم مافي سوط بيصلك محشوم سرتني عودتك للكتابة من جديد البوست قصدت منو استحث الناس يرجعوا ويكتبوا في سودانيز ليعود اليه بعض الق فقده والناس غابت لي ظروف واسباب مختلفه دي حقيقة والغياب قرار شخصي والعودة قرار شخصي ومراجعة الاحباب في قراراتن من حقنا عليهم خاصة اذا كنا ادمنا حروفن الجميلة والمحبة والالفة اللقيناها في سودانيز ما حاجة ساهله عشان نفرط فيها ومن باب الوفاء انو نزيده ونحافظ عليها ونرعى الحوش الجمعنا ونزرع فيهو الورود والرياحين عبر كتاباتنا ونروي اشجار المحبة الاظلتنا فيهو بي تواصلنا عبرو وثنائياتنا عاوزناها تكون هارموني جميل من الحوار والنقاش المثمر تحياتى
نفاج ضوء صغير ... خلاص تعالوا { نعرس } تماضر شيخ الدين لأبوحراز !!!!!! فردت تماضر صاحبة الكاريزما المدهشة والقلم الأخضر الجميل قائلة : {{ ساعة الحكاية جابت ليها ابوحراز وابو القنفد وابو القدح واب تالولة }} المنبر دا ذاتو خليناهو فأنفقع الجميع بالضحك بما فيهم متلقي هذا الشاكوش على راسه الكبير !!!!!! هكذا كانت العلاقة بين اعضاء سودانيز اون لاين يدخلون الى سودانيز ببراءة الأطفال ويخرجون وقلوبهم مغسولة بالحليب !!!!! وسرعان مايجففونها بضوء القمر !!!!!!
شيئان تحملهما معك اينما ذهبت .. اوراقك الثبوتية بما فيها قسيمة وزارة الداخلية خاصتك ..وسودانيز اون لاين وقبيلته تستفهما بين طيات ملابسك فمتلازمة سودانيز واعضائه تكون معك اينما ذهبت لأن هؤلاء النجوم الذين تحاورت معهم وتهاتفت معهم ... وعزفت عبر نوتتهم الموسيقية اجمل الألحان وارقها واعذبها أناس غير عاديون يغيرون فصيلة الدم والخارطة الوراثية لك ولعائلتك ويزيدون لك كل يوم جرعة من انزيم الدهشة !!! ويسطلونك كلما ارتشفت من اقلامهم او تاملت ريشتهم الجميلة ... او لامست اوتارهم ... فسودانيز اون لاين قطعة سقطت من السماء على كوكب الأرض !!!!!
دكتورتنا الكريمة وضيوفها الا تلاحظون ان المهندسين حينما يريدون ان يبنوا جسرا كيف يتعبون ؟؟؟ ترهقهم التصاميم والخرائط وجداول الكميات والنظريات الهندسية المعقدة والجافة ... والتكاليف ونسبة المخاطر ... لكن سودانيز اون لاين صنع جسرا قويا بلا اعمدة .. وبلا خرسانة مسلحة .. وبلا قواعد وبلا فساد اداري على غرار الفئران التي تأكل الجسور !!! وحتى بلا برامج أوتوكاد 00 انه جسر التواصل الانساني الراقي ... التواصل ما بين الانسان واخيه الانسان دون النظر الى لونه وديانته وجنسه وقبيلته ومستواه الاجتماعي لأن الأعضاء كانوا ينظرون الى الابداع .. والى القلم والى الحرف والى الوتر واللوحة والخاطرة والكاراكتير دون اي مساحيق أخرى !!!!!
كم اجتمعنا على وليمة دسمة باسم سودانيز اون لاين .. وكم اجتمعنا على فرح و{ تورتة } باسم سودانيز اون لاين وكم وكم وكم وكم وكم !!!!!! {{ لاتسألوني عن هذه الأخيرة }} تخلع نعليك .. وتدخل الى سودانيز على هيئة رجل ... وسرعان ما تخرج منه وانت على هيئة كتاب .. كتاب مليء بشتى انواع المعرفة الانسانية في الطب والهندسة والأدب والشعر والموسيقى والمسرح والفنون عامة !!!! هناك مشاهير كانوا معنا هنا لم نكن نجروء حتى ان نقف بجوارهم .. ولكن كم كانت المفاجأة حينما وجدناهم اناس عاديون ويحملون قلوبا بقدر مساحة السودان قبل الانفصال ويحملون في داخلها سماحة لايمكن لأعتى مهندسي المساحة قياس ابعادها ومساحتها !!!!
فحينما تقرأ لاشراقة مصطفى صاحبة الحروف التي تخصب الأرض وتماضر شيخ الدين واسماء الجنيد والجندرية وثابت الجاااااك وسجيمان وبناديها وبلة الفاضل وشاهين شاهين وبشرى الفاضل وفضيلي جماع ويحيى فضل الله وعبد الغني كرم الله وشذى بلة ومهيرة وريل والمطر ..... وكثيرون يصعب حصرهم أحالونا الى انهار عذبة في شتى انواع المعرفة وأعادوا التروية الى قلوبنا المنهكة وأحالوها الى حقول خضراء شاسعة !!!! حينما تقرأ لهؤلاء وهؤلاء آنذاك لاتحتاج الى مراجعة اي صيدلية او غرفة طواريءأو الاتصال بـ 998 كتاباتهم تزيل الاكتئاب واوجاع المفاصل واللوكيميا والكتراكت وتجلب الرزق !!!!! وتزرعك في اعالي الغمام وتحولك الى ملائيين السنابل !! بل وتجعلك في قمة الدهشة وفي حضيض التواضع !!!
التحية لقدامى المحاربين في سودانيز اون لاين .. وللذين فارقونا الى الدار الآخرة المغفرة لهم جميعا .. والتحية لكل الأقلام الجديدة والتي اضافت وتراً خامساً ولوناً ثامناً لقوس سودانيز اون لاين .. ومنحته بعدا آخرا ونكهة رائعة ودسامة بلا كلسترول !!!! فالأقلام القديمة حينما اضيفت لها الأقلام الجديدة شكلت في نظري المتواضع الخلطة السرية لمطبخ سودانيز اون لاين !!!! هذا لايعني انه لاتوجد اقلام مشاترة وتشوت ضفاري في كل المواسم .. وهي بعدد اصابع اليد أو اقل بكثير ويشهد الله انني استمتع جدا بكتاباتهم واستمتع بالسذاجة والبراءة التي تتخلل حروفهم ويمتعني احدهم كثيرا وحينما يكتب كانه يخاطب براعم روضة الأطفال فيمنحك ابتسامات بلا حدود وبلا سواحل بل وفّر علي الكثير من النفقات المادية التي كنت انفقها في شراء الاسبرين والذي استخدمه بصورة مستمرة لأنه يساعد على سيولة الدم ولكن حينما تضحك فان الضحك حتما يساعد على تحريك العضلات وبالتالي تتدفق الدماء بحرارة لكل الأوردة والشرايين
حتى بكري ابوبكر الشايفاهو دا كنا نمازحه كثيرا .. اب صلعة .. اب جضووووم .. الغتيت والمدهش ان هذا المخلوق كان يشارك في بعض البوستات ويفرفش ويضحك ويمنح وردة هنا ووردة هناك الآن لايشارك الا في بوستات العزاء ولايضحك الا آخر الشهر عند استلام الماهية !!!!
شكرا لكل من منحنا ابتسامة في هذا المنبر .. ولكل من ازاح عنا قطرة حزن والم وماساة .. التحية لكل من وردت اسماؤهم في هذا البوست ... ولكل الذين احتفظت باسماؤهم في قاع الروح واعماقها وفي غرف القلب الأربعة !!! شكرا لكل الأيادي البيضاء التي فتحت نفاجاً من الضوء في حوش الانسانية الواسع .. وشكرا لكل الذين يحملون حمائم السلام ويحيلون الطلقات الى ابار ومدارس ومسشفيات .. وشكرا لكل من اهدانا عيوبنا واصلح عثراتنا واعوجاجنا .. واتمنى ان يعود كل الرجال الشامخون شموخ السنديان والمهوقني والتبلدي والجبل الأشم .. وان تعود كل النساء الباسقات كما النخيل في بلادي الذي لاتهزه الرياح[ أتمنى ان يعود اللاجئون والمهاجرون الى ديارهم وان تعود العافية للوطن وان نراه في العام القادم وقد ترجل عن كرسيه المتحرك ورمى بعيدا بالقسطرة /red]
أخيرا .. أخرج من معطفه الجريدة وعلبة الثقاب ... ودون ان يلاحظ اقترابي .. دونما اهتمام .. تناول السكر من امامي .. ذوًب في الفنجان قطعتين وفي دمي ذوّب وردتين ... اتمنى ان يكون فنجان قهوتي الصباحي فيه شيء من انفاس كل اعضاء سودانيز اون لاين آمل ان ترتشفوه بعمق .. وان كان حامضا أو كثير التوابل .. او به شيئا من مرارة الذكريات فالعذر لكم مني ومن ست النفر ومن ودربيعة الأنثى !!! تحياتي وضاحة لهذه الايقونة الجميلة من الذكريات .. ولكل ضيوفك الكرام ولكل اعضاء وقراء سودانيز اون لاين ولأخونا { ولنبلونكم بشيء من .... } .. اب جضوووم .. اب صلعة .. الغتيت !!!!! قال اريزونا قال !!!!!
Post: #71 Title: Re: ** سـودانيزاون لاين ** Author: محمد عبد الماجد الصايم Date: 11-01-2016, 09:56 PM Parent: #70
لاحولااااااااااا يا ملكة أخرجت الأرض اثقالها ده نكَتِّيهو من وين؟ بوستك ده حقو نعملو تيمية للمنبر عشان جاب لينا اجمل زول فى الخلا الإسفيرى ده ياااااه ياودالصايم ياخ حرام عليك ,, تعرف غيابك ده يعتبر من الكبائر لإنو زى قطع الرحم الجابك يجيب عقابك ,, شيقا والكوتش ومن بقية العقد الفريد. وحقو يا وضاحة نضبح لينا ديكين اقرنين املحين لم يسبق لهما الزواج احتفالاً بطلة ودالصايم ,, ويا اميرة الزول ده رطانى زيك كدى ارطنى معاهو عشان مايغيب تانى.
بوست بجمال و نضارة عقد اللولي فيه فصوص من كل الجواهر تسلمي يا ملكه
Post: #75 Title: Re: ** سـودانيزاون لاين ** Author: اميرة السيد Date: 11-03-2016, 02:04 AM Parent: #74
يا ود الفاضلاب انا اول واحدة علقت على ضحكة ود الصايم لمن جيت جديدة في المنبر العام وقلت في ذلك الوقت ان ضحكته بتنسى الهم والغم وتخلينا نتفاءل بان الدنيا لسع ممكن نضحك فيها...ولكنه بعد داك اختفى مدة طويلة...وكانه خاف من الحسد.. ...وهو اذا ما ظهر في بوست الملكة وضاحة حيظهر بتين يعني.... ود الصايم ..ار هيدو كوددا في...ولا ار رطانة بنجمي... والله يديك الصحة والعافية مشتاقين يا جاسمين يا قلب.. والله يحفظك من كل عين ويديكي الصحة والعافية
Post: #76 Title: Re: ** سـودانيزاون لاين ** Author: MOHAMMED ELSHEIKH Date: 11-03-2016, 05:55 AM Parent: #75
لظروف خاصة اعترف بأني مقل في التواصل الكتابي مع سودانيز اون لاين لكن في التواصل ال" قرائي" احمد الله لدرجة انو "لين" ذات السبعة سنون دايما تقول لي " يا ابوي انت جنك سودانيز اون لاين" ومديري بقول لي" انت ماعندك شغلانة غير الصفحات الصفراء دي" اهو مرضة. و بمجرد رؤية اسماء الأحباب الواحد بيطمئن على صحة زميل وصديق لك لم تنجبه حلتك ولم تتعرف عليه من مقاعد دراسة او كراسي عمل. فشنو( كما يقول ود البشرى) اثنى مع الدكتورة وضاحة امر عودة النوارس المهاجرة الى اعشاشها( بالمناسبة هي عندها اعشاش؟) وان يعود المنبر كما عرفناه ساحة للود والثقافة والعلوم و الرياضة والعناد والمكاجرة اللذيذة
تحياتي لكل المرور . لمحتك يا ود الصايم قلت بر آمن!!
Quote: نفاج ضوء صغير ... خلاص تعالوا { نعرس } تماضر شيخ الدين لأبوحراز !!!!!! فردت تماضر صاحبة الكاريزما المدهشة والقلم الأخضر الجميل قائلة : {{ ساعة الحكاية جابت ليها ابوحراز وابو القنفد وابو القدح واب تالولة }} المنبر دا ذاتو خليناهو فأنفقع الجميع بالضحك بما فيهم متلقي هذا الشاكوش على راسه الكبير !!!!!! هكذا كانت العلاقة بين اعضاء سودانيز اون لاين يدخلون الى سودانيز ببراءة الأطفال ويخرجون وقلوبهم مغسولة بالحليب !!!!! وسرعان مايجففونها بضوء القمر !!!!!!
شيئان تحملهما معك اينما ذهبت .. اوراقك الثبوتية بما فيها قسيمة وزارة الداخلية خاصتك ..وسودانيز اون لاين وقبيلته تستفهما بين طيات ملابسك فمتلازمة سودانيز واعضائه تكون معك اينما ذهبت لأن هؤلاء النجوم الذين تحاورت معهم وتهاتفت معهم ... وعزفت عبر نوتتهم الموسيقية اجمل الألحان وارقها واعذبها أناس غير عاديون يغيرون فصيلة الدم والخارطة الوراثية لك ولعائلتك ويزيدون لك كل يوم جرعة من انزيم الدهشة !!! ويسطلونك كلما ارتشفت من اقلامهم او تاملت ريشتهم الجميلة ... او لامست اوتارهم ... فسودانيز اون لاين قطعة سقطت من السماء على كوكب الأرض !!!!!
دكتورتنا الكريمة وضيوفها الا تلاحظون ان المهندسين حينما يريدون ان يبنوا جسرا كيف يتعبون ؟؟؟ ترهقهم التصاميم والخرائط وجداول الكميات والنظريات الهندسية المعقدة والجافة ... والتكاليف ونسبة المخاطر ... لكن سودانيز اون لاين صنع جسرا قويا بلا اعمدة .. وبلا خرسانة مسلحة .. وبلا قواعد وبلا فساد اداري على غرار الفئران التي تأكل الجسور !!! وحتى بلا برامج أوتوكاد 00 انه جسر التواصل الانساني الراقي ... التواصل ما بين الانسان واخيه الانسان دون النظر الى لونه وديانته وجنسه وقبيلته ومستواه الاجتماعي لأن الأعضاء كانوا ينظرون الى الابداع .. والى القلم والى الحرف والى الوتر واللوحة والخاطرة والكاراكتير دون اي مساحيق أخرى !!!!!
كم اجتمعنا على وليمة دسمة باسم سودانيز اون لاين .. وكم اجتمعنا على فرح و{ تورتة } باسم سودانيز اون لاين وكم وكم وكم وكم وكم !!!!!! {{ لاتسألوني عن هذه الأخيرة }} تخلع نعليك .. وتدخل الى سودانيز على هيئة رجل ... وسرعان ما تخرج منه وانت على هيئة كتاب .. كتاب مليء بشتى انواع المعرفة الانسانية في الطب والهندسة والأدب والشعر والموسيقى والمسرح والفنون عامة !!!! هناك مشاهير كانوا معنا هنا لم نكن نجروء حتى ان نقف بجوارهم .. ولكن كم كانت المفاجأة حينما وجدناهم اناس عاديون ويحملون قلوبا بقدر مساحة السودان قبل الانفصال ويحملون في داخلها سماحة لايمكن لأعتى مهندسي المساحة قياس ابعادها ومساحتها !!!!
فحينما تقرأ لاشراقة مصطفى صاحبة الحروف التي تخصب الأرض وتماضر شيخ الدين واسماء الجنيد والجندرية وثابت الجاااااك وسجيمان وبناديها وبلة الفاضل وشاهين شاهين وبشرى الفاضل وفضيلي جماع ويحيى فضل الله وعبد الغني كرم الله وشذى بلة ومهيرة وريل والمطر ..... وكثيرون يصعب حصرهم أحالونا الى انهار عذبة في شتى انواع المعرفة وأعادوا التروية الى قلوبنا المنهكة وأحالوها الى حقول خضراء شاسعة !!!! حينما تقرأ لهؤلاء وهؤلاء آنذاك لاتحتاج الى مراجعة اي صيدلية او غرفة طواريءأو الاتصال بـ 998 كتاباتهم تزيل الاكتئاب واوجاع المفاصل واللوكيميا والكتراكت وتجلب الرزق !!!!! وتزرعك في اعالي الغمام وتحولك الى ملائيين السنابل !! بل وتجعلك في قمة الدهشة وفي حضيض التواضع !!!
التحية لقدامى المحاربين في سودانيز اون لاين .. وللذين فارقونا الى الدار الآخرة المغفرة لهم جميعا .. والتحية لكل الأقلام الجديدة والتي اضافت وتراً خامساً ولوناً ثامناً لقوس سودانيز اون لاين .. ومنحته بعدا آخرا ونكهة رائعة ودسامة بلا كلسترول !!!! فالأقلام القديمة حينما اضيفت لها الأقلام الجديدة شكلت في نظري المتواضع الخلطة السرية لمطبخ سودانيز اون لاين !!!! هذا لايعني انه لاتوجد اقلام مشاترة وتشوت ضفاري في كل المواسم .. وهي بعدد اصابع اليد أو اقل بكثير ويشهد الله انني استمتع جدا بكتاباتهم واستمتع بالسذاجة والبراءة التي تتخلل حروفهم ويمتعني احدهم كثيرا وحينما يكتب كانه يخاطب براعم روضة الأطفال فيمنحك ابتسامات بلا حدود وبلا سواحل بل وفّر علي الكثير من النفقات المادية التي كنت انفقها في شراء الاسبرين والذي استخدمه بصورة مستمرة لأنه يساعد على سيولة الدم ولكن حينما تضحك فان الضحك حتما يساعد على تحريك العضلات وبالتالي تتدفق الدماء بحرارة لكل الأوردة والشرايين
حتى بكري ابوبكر الشايفاهو دا كنا نمازحه كثيرا .. اب صلعة .. اب جضووووم .. الغتيت والمدهش ان هذا المخلوق كان يشارك في بعض البوستات ويفرفش ويضحك ويمنح وردة هنا ووردة هناك الآن لايشارك الا في بوستات العزاء ولايضحك الا آخر الشهر عند استلام الماهية !!!!
شكرا لكل من منحنا ابتسامة في هذا المنبر .. ولكل من ازاح عنا قطرة حزن والم وماساة .. التحية لكل من وردت اسماؤهم في هذا البوست ... ولكل الذين احتفظت باسماؤهم في قاع الروح واعماقها وفي غرف القلب الأربعة !!! شكرا لكل الأيادي البيضاء التي فتحت نفاجاً من الضوء في حوش الانسانية الواسع .. وشكرا لكل الذين يحملون حمائم السلام ويحيلون الطلقات الى ابار ومدارس ومسشفيات .. وشكرا لكل من اهدانا عيوبنا واصلح عثراتنا واعوجاجنا .. واتمنى ان يعود كل الرجال الشامخون شموخ السنديان والمهوقني والتبلدي والجبل الأشم .. وان تعود كل النساء الباسقات كما النخيل في بلادي الذي لاتهزه الرياح[ أتمنى ان يعود اللاجئون والمهاجرون الى ديارهم وان تعود العافية للوطن وان نراه في العام القادم وقد ترجل عن كرسيه المتحرك ورمى بعيدا بالقسطرة /red]
أخيرا .. أخرج من معطفه الجريدة وعلبة الثقاب ... ودون ان يلاحظ اقترابي .. دونما اهتمام .. تناول السكر من امامي .. ذوًب في الفنجان قطعتين وفي دمي ذوّب وردتين ... اتمنى ان يكون فنجان قهوتي الصباحي فيه شيء من انفاس كل اعضاء سودانيز اون لاين آمل ان ترتشفوه بعمق .. وان كان حامضا أو كثير التوابل .. او به شيئا من مرارة الذكريات فالعذر لكم مني ومن ست النفر ومن ودربيعة الأنثى !!! تحياتي وضاحة لهذه الايقونة الجميلة من الذكريات .. ولكل ضيوفك الكرام ولكل اعضاء وقراء سودانيز اون لاين ولأخونا { ولنبلونكم بشيء من .... } .. اب جضوووم .. اب صلعة .. الغتيت !!!!! قال اريزونا قال !!!!!
ابو حراز يا سلام عليك يا شفيف من وين اجيب ليك الحروف ايها المسكون بالجمال والابداع اخذتني حروفك الى عوالم من الذكريات الجميلة والشجن وطوفت بي عبر سودانيز وشخوصها وايامها الخوالي وحملتني الى كل جنبات سودانيز حاضرها وماضيها وذرفت مني الدموع مدخل : ( عندما حل الظلام وقف برانكو واخرج قلبه ورفعه منارة تهتدي بها السفن الى الشاطئ ) في ايام الظلام واغلاق المسارح والسينما والتضييق على المبدعين والمثقفين والناشطين وسطوة بيوت الاشباح والمنافي الاختيارية الاجبارية وعندما وضع الغول اياديه لتغلق اي كوة يتسرب منها الضؤ وجعل كل الوسائل الاعلامية والمنابر حكراً له لتسبح بحمده وتؤازر ظلامه في تلك اللحظات العصيبة اشرقت شمس فتسارعت النجوم المتناثرة نحوها واتخذت لها مدارات فيها لتستمر في نشر الضؤ وكانت هذه الشمس هي سودانيز وكانت تلك النجوم هم اعضاء سودانيز فسودانيز جزء من احلامنا الثقافية وهو نجوم وازاهير وعوالم من المعرفة والضياء وهو شجرة نبتت في فضاءات السودان واثمرت بالعلم والحوار والالفة والمحبة تحلقت تلك النجوم حول شمس سودانيز ونبتت تلك الاشجار في ارضه فكان يحيى فضل الله وعماد عبد الله وفضيلي جماع وبشرى الفاضل ومعز عمر بخيت وبلة الفاضل ومعتصم عبد الجليل وابو حراز ويحيى قباني والعوض المسلمي ووهبة وحرسم والموصلي ودرماس ودهب تلبو ومحمد عبد الله حرسم وتبارك وخالد المحرب ومحمد المرتضى ومحمد زين الشفيع وابوبكر صالح ودكتور احمد الحسين واباذر بابكر ومحسن خالد وحمور زيادة واخرين كثر لا يمكن حصرهم وكانت عزاز شامي واشراقة مصطفى ومهيرة ورشا بابكر واميرة وتماضر واحسان عبد العال وعفاف ابوكشوة وعفاف الصادق وعفاف ابو حريرة وتراجي مصطفى ودينا خالد ورانيا الشيخ وسمية طلحة وتيسير عووضة ونادية مختار وكثيرات من نخلات العطاء في هذا المنبر وهن بلا حصر كان كل واحد من نجوم ونجمات سودانيز يشكل وحده الاغلبية وكان لكل واحد نكهته وطعمه وجماله الخاص جاءوا من كل الدروب يحملون عشق السودان والجمال فاضوا بالعطاء في كل الضروب ولا انسى تلك المناكفات الجميلة والثنائيات بين الاعضاء وما زلت اضحك كثيراً لمناكفات خالد المنسي والطيب شيقوق انا الككو الفجخ الطين والعنكوليب وتعليقات وهبة الساخرة وبوستات طارق جبريل التي طافت بنا حي الامتداد وتضعك في قلب المجتمع السوداني و و و و ... وكانت الناس ما بتخبر زعل لانهم بقوا اهل وكانوا يحملون قلوب صافية ونوايا طيبة وكانت اخبار الوطن وقضاياه حاضرة بقوة وشكل سودانيز النصير الاكبر لقضايا الوطن عبر كتابات اعضائه وكانت تنادينا لنمد الايادي بالخير ولن انسى ابداً كتابة الزميل التكينة الو انور -- استلمت الدواء وهو في مطار الخرطوم في انتظار الدواء المرسل من اخته في سودانيز الدكتورة الانسانة داليا الكباشي ومجهودات نداء سودانيز لاغاثة متضرري السيول الزملاء رانيا وذو اليد وعلاء حيمورة ودكتور حيدر وعبد الرحمن بركات واخرين وعندما اغتالت العقارب طفولة عائشة تداعى سودانيز لانقاذ طفولة ابناء امري ذلك الرجل الرجل عثمان رغيم والكريم ابن الكرام الفطن الوسيم علي محمد الفكي واخرين وافطارات رمضان واللقاءات والاستقبالات والاحتفالات والصداقات التي توطدت عبر سودانيز وعلاقات المحبة والاسر التي نشات من سودانيز ولكل دور اذا ما تم نقصان وكانت تلك الاقلام النشاز التي لا تتعدى اصابع اليد وكانما ارادوا ان يكفوا العين والحسد عن سودانيز وكنا في سودانيز لا ضجراً نحس ولا ونى التحية والشكر لبكري ابوبكر وصلعته المبدعه التي تفتقت عن هذا الصرح وهذه الشمس المضيئة الدافئة والتحية لكل نجوم سودانيز واشجاره الوارفة والذين شكلوا مزيجنا الثقافي والاجتماعي والمعرفي والتراثي واضافوا لنا الكثير ومهما نكتب ونقول عن عالم سودانيز الجميل ستخذلنا الحروف وتتقاصر ان تطول قامته واقول للجميع لا تضنوا علينا بمعارفكم وجمالياتكم وكونوا دوما تواصلاً عبر سودانيز كل الود
يا الله الزول الجميل ود الصايم ابو ضحكة سحرية فديت الضحكة مشتاااقيين ليك وحشة مرورك جميل زي ضحكتك يا قائد الاسطول بالجد انت من ايقونات هذا الحوش الرائعة زول سمح بالحيل مشاركاتك وكتاباتك كانت لنا متكأ نهرب اليه من عناء غربتنا فما تحرمنا الطلة والمتكأ نرجوك وقول تم عشان ندعو ليك اللوتري يتم كل الود
مرور بالبوست الجميل والناس الجميلين لك ولسودانيز البيت المودة والتقدير
Post: #82 Title: Re: ** سـودانيزاون لاين ** Author: الطيب عثمان يوسف Date: 11-06-2016, 11:39 AM Parent: #1
*** رغم بساطة اللغة وركاكاتها احيانا إلا انه بوست مرآه , يعكس روعة الدواخل ونقاء السريرة لطفلة مشاغبة خارجه عن نص الرتابة غير آبهه برقصها دون الايقاع ....................(وضاحة) *** لها أرجوحتها الخاصة الكاسره لضوابط الهارموني ما بين رجاحة عقلها ومتلازمة اثارة الجدل...... (قشارة) *** الجميلة فارعة الطول بت القبايل ............................................(جاسمن) ..................... *** لك ولكل أفراد الاسرة كل الامنيات الحلوة .
Quote: لاحولااااااااااا يا ملكة أخرجت الأرض اثقالها ده نكَتِّيهو من وين؟ بوستك ده حقو نعملو تيمية للمنبر عشان جاب لينا اجمل زول فى الخلا الإسفيرى ده ياااااه ياودالصايم ياخ حرام عليك ,, تعرف غيابك ده يعتبر من الكبائر لإنو زى قطع الرحم الجابك يجيب عقابك ,, شيقا والكوتش ومن بقية العقد الفريد. وحقو يا وضاحة نضبح لينا ديكين اقرنين املحين لم يسبق لهما الزواج احتفالاً بطلة ودالصايم ,, ويا اميرة الزول ده رطانى زيك كدى ارطنى معاهو عشان مايغيب تانى.
يا مك والله ما قلت الا الصدق محمد الصايم من اجمل واروع الناس في هذا الحوش تسرب الى قلوبنا باريحيته وعفويته ونقاء قلبه شخص لا تملك الا ان تحبه وتحترمه وحقيقة غيابو مؤثر وود الصايم بضبحوا ليهو مَراح بُكار وعليك الله يا ود الصايم ما تغيب بحبكم
Quote: بوست بجمال و نضارة عقد اللولي فيه فصوص من كل الجواهر تسلمي يا ملكه
الزبير بشير الجميل مروك وتشريفك للبوست عندما نكتب عن اعضاء سودانيز تطل اجمل الحروف وتتسابق لتطول قاماتهم وتتشرف بهم فهم فعلاً نجوم وجواهر وعقد لولي فريد لك كل الود والاحترام يا زول يا سمح
Quote: يا ود الفاضلاب انا اول واحدة علقت على ضحكة ود الصايم لمن جيت جديدة في المنبر العام وقلت في ذلك الوقت ان ضحكته بتنسى الهم والغم وتخلينا نتفاءل بان الدنيا لسع ممكن نضحك فيها...ولكنه بعد داك اختفى مدة طويلة...وكانه خاف من الحسد.. ...وهو اذا ما ظهر في بوست الملكة وضاحة حيظهر بتين يعني.... ود الصايم ..ار هيدو كوددا في...ولا ار رطانة بنجمي... والله يديك الصحة والعافية مشتاقين يا جاسمين يا قلب.. والله يحفظك من كل عين ويديكي الصحة والعافية
اميرة الاميرة يا حبيبة تعرفي لما كنت اكون مدبرسة وعارفة دبرسة الغربة وزهجه طوالي بفتش بوستات ود الصايم عشان اعدل المود ضحكة ود الصايم اجمل ضحكة لانها صافية ومن الاعماق ضحكة زول نقي ونظيف ما بخبر زعل ربنا يديهو العافية شوقي ليك بلا حدود يا بنت يا شوكلاته وتحياتي لي رفيقات الدرب والنضال بسمات وامتثال وربنا يرد غربتكم وغربتنا
Quote: لظروف خاصة اعترف بأني مقل في التواصل الكتابي مع سودانيز اون لاين لكن في التواصل ال" قرائي" احمد الله لدرجة انو "لين" ذات السبعة سنون دايما تقول لي " يا ابوي انت جنك سودانيز اون لاين" ومديري بقول لي" انت ماعندك شغلانة غير الصفحات الصفراء دي" اهو مرضة. و بمجرد رؤية اسماء الأحباب الواحد بيطمئن على صحة زميل وصديق لك لم تنجبه حلتك ولم تتعرف عليه من مقاعد دراسة او كراسي عمل. فشنو( كما يقول ود البشرى) اثنى مع الدكتورة وضاحة امر عودة النوارس المهاجرة الى اعشاشها( بالمناسبة هي عندها اعشاش؟) وان يعود المنبر كما عرفناه ساحة للود والثقافة والعلوم و الرياضة والعناد والمكاجرة اللذيذة
تحياتي لكل المرور . لمحتك يا ود الصايم قلت بر آمن!!
محمد الشيخ سلام وتحية اصبح ارتباطنا بسودانيز ارتباط وجداني وهو حديقة غناء تجد فيها من كل انواع الزهور ومن كل الثمار اضف لي كده تفرد كتابو وتميزهم نعم يا محمد اخوي الناس مشغولة لكن على قول اهلنا زاد الحبيب ليهو مكان وبالقليل منكم بنشفى فما تحرمونا من حروفكم وصوتنا بناديهم ايتها النوارس والرياحين عودوا الى داركم فنحن نفتقدكم بشدة
كوستاوي لك التحية وانت من مؤسسي هذا الصرح وواضعي لبناته الاولى مع بكري ودينق شكراً لكم هذه الشمس التي وهب وما زالت وستظل باذن الله تهب الضياء ولا تغيب رغم السحب والانواء يا الله عليك يا سلام على هذه اللوحة المعبرة فهذه الصور اثارت فيا الزكريات الصادقة ونبيلة فسودانيز زكريات حفرناها في اعماقنا وهذه الصور حفظناها في عيوننا فكم كنا نتلهف عندما نفتح بوستاتهم ولسودانيز حنين عميق ترسخ فينا ولا يستطيع اياً كان ان تمحوه من دواخلنا او تمحو زكرياتنا فيه فمرات كثيرة اعود الى ارشيف سودانيز ابحث بين ثناياه عن الضحكات الصافية والمزحات البريئة والونسة الطاعمة والمعلومة والنقاش المثمر وسيظل سودانيز مهما جحد الزمن او انكر هو المنار وهو الذكرى الطيبة تحياتى
مرور بالبوست الجميل والناس الجميلين لك ولسودانيز البيت المودة والتقدير
تحيات وتقدير
الاخ عبد الله جعفر الجمال تشريفك للبوست وسودانيز اونلاين هي وطن الجمال والروعه وسودانيز تستحق منا الكثير فقد وهبتنا التواصل مع اناس رائعين امثالكم مع خالص الود والتحايا
Quote: *** رغم بساطة اللغة وركاكاتها احيانا إلا انه بوست مرآه , يعكس روعة الدواخل ونقاء السريرة لطفلة مشاغبة خارجه عن نص الرتابة غير آبهه برقصها دون الايقاع ....................(وضاحة) *** لها أرجوحتها الخاصة الكاسره لضوابط الهارموني ما بين رجاحة عقلها ومتلازمة اثارة الجدل...... (قشارة) *** الجميلة فارعة الطول بت القبايل ............................................(جاسمن) ..................... *** لك ولكل أفراد الاسرة كل الامنيات الحلوة .
جناااااااااااابو العزبنى بي كابو
اشواقات شكراً ليك كثير على المدح والاطراء منكم ومن كل نجوم سودانيز تعلمت واستفدت واهلنا قالوا لولا اختلاف الانظار لبارت السلع والجمال في البساطة وتنميق الكلمات والالفاظ بخليها مصنوعة وتعابيره جافه ولا رايك شنو وانا انسانة بسيطة اتعلمت اعبر عن نفسي بالبساطة وامضي في طريقي ولا التفت للمفسرين ومجتري الكلام وسودانيز تظاهرة الوان والحان وزهور بمختلف العطور والالوان الضابط الوحيد لايقاعها هو المودة والمحبة والاحترام والوطن ووجودهم في هذا الحوش التحية لابي الذي اورثنا هذا الطول فهو رجل مهابٌ في الأنامِ طويلُ قامه قديمُ قديمُ عهدٍ باستقامه لهُ من كلِّ مكرمةٍ عُلاها لهُ المجدُ التليدُ لهُ الزَّعامه
Quote: اكتب بوست يرد الروح ويشحتف الجفى وأحرف منك كحسن فيك قد صفا وزهر فاح منه للنفوس وما اختفى يا وضاحة شمس المغارب والضحى
.. التحايا كلها لك وعبرك لكل محبي سودانيز اونلاين وماجاورها.
دكتور عمر التاج الله على جمال حرفك المموسق لك مني كل الشكر والتقدير على ظنك الحسن وهذا من طيبك واصلك يا ابن الكرام وشكراً لسودانيز الذي جمعني باخوة امثالكم مع خالص الود والتقدير
البنية الفنجرية وضيوف البوست الكرام شكرا في البداية لإحساسك النبيل تجاه المنبر وناسه
في اعتقادي ومن التجارب المريت بيها انو نحن كسودانيين حلوين جدا واجتماعين وبنشيل بعضنا لكن عندنا لعنة تأبى أن تفارقنا: الواحد لما يجي خاشي على اي كيان أو تجمع بجي يمثل انتماؤه السياسي أو الجهوي أو حتى الرياضي وبشتغل لصالح هذا الاتجاه، عشان كدة كتير من الحاجات انتهت بشكل مأساوي والكل متظلم وشاكي، وتاني شي عندنا محاولة اثبات الفضل للنفس .. اي حاجة نجحت ولو مؤقتاً كل واحد بحاول يثبت ليك انو انا ونحن ولولانا عشان كدة كتير من الحاجات الممكن تشكل فرق إيجابي في حياتنا بتنتهي بسلبية عجيبة
كسرة: عشان كدة من الاستقلال لليوم ماف حكومة اتفرغت للتنمية.. كلو مشاكل ومعارضات وتمردات ومفاوضات
Quote: البنية الفنجرية وضيوف البوست الكرام شكرا في البداية لإحساسك النبيل تجاه المنبر وناسه
في اعتقادي ومن التجارب المريت بيها انو نحن كسودانيين حلوين جدا واجتماعين وبنشيل بعضنا لكن عندنا لعنة تأبى أن تفارقنا: الواحد لما يجي خاشي على اي كيان أو تجمع بجي يمثل انتماؤه السياسي أو الجهوي أو حتى الرياضي وبشتغل لصالح هذا الاتجاه، عشان كدة كتير من الحاجات انتهت بشكل مأساوي والكل متظلم وشاكي، وتاني شي عندنا محاولة اثبات الفضل للنفس .. اي حاجة نجحت ولو مؤقتاً كل واحد بحاول يثبت ليك انو انا ونحن ولولانا عشان كدة كتير من الحاجات الممكن تشكل فرق إيجابي في حياتنا بتنتهي بسلبية عجيبة
كسرة: عشان كدة من الاستقلال لليوم ماف حكومة اتفرغت للتنمية.. كلو مشاكل ومعارضات وتمردات ومفاوضات
ويظل حال البلد واقف!! ويظل حال البلد واقف!!
الاخ العزيز نادر النور مرحب بك وتشرفت بمرورك عبر البوست والتحية لك على اضافتك الموضوعية بالفعل كثير من الاحيان نناقش من اجل الانتصار للذات وليس من اجل الاقناع او الوصول الى رؤى مشتركة عشان كده بتجي نقاشاتنا حادة ومتحيزة وممكن دي تكون مشكلة كثير من اصحاب الايدلوجيات البعتبر فكرتو هي الحل وما سواها غير ذات جدوى النظرة الضيقة والانية اضرت بنا كثيراً وما زالت وكنت اتمنى وما زلت اتمنى وارى في سودانيز فرصة لنتجاوز هذه السلبيات من اجل وطن يسعنا جميعاً ونتشارك فيه جميعاً ونبنيهو بسواعدنا جميعاً
العزيز ادم شوحتاي شكراً لمرورك وتشريفك البوست واسعدتني كلماتك وانتم في سودانيز تستحقون اكثر من ذلك ومهما تجاسر حرفي لن يطول قاماتكم او يوفيكم بعض القليل فسودانيز تستحق وتستحق
العزيز الاستاذ الجميل ابو جهينة مرحباً بيك سعادتي لا توصف بوجودك في البوست واضاءتك له بحروفك البهية وكلماتك دي شهادة ابروزها واعلقها فانت من ينابيع سودانيز المتدفقه والتي نهلنا من معينها الصافي الزلال جمال الحرف وادب الحوار وموضوعية الردود شكراً ليك كتيير تحياتى