Post: #1
Title: ○ سطر منتصر○
Author: جلالدونا
Date: 10-20-2016, 02:43 PM
01:43 PM October, 20 2016 سودانيز اون لاين
جلالدونا-
مكتبتى
رابط مختصر معجب شديد بى سطرمنتصر و حاولت اقلدو و قدر ما اتلولت غلبنى قمت لعنت حظى العاثر و نسيت المداخلة ذاتا و على كده عملت نايم
|
Post: #2
Title: Re: ○ سطر منتصر○
Author: محمد البشرى الخضر
Date: 10-20-2016, 02:52 PM
Parent: #1
| Quote: ( شهيرة قصة الغراب الذي حاول أن يقلد مشية الحمامة ففشل ، وبعدما اقتنع بفشله حاول أن يعود إلى مشيته الأصلية فلم يقدر لأنه نسيها ، فصار يتعثر كلما حاول المشي .. لقد أضاع الغراب مشيته الأصلية ولم يستطع أن يقلد مشية الحمامة ) ..! |
|
Post: #3
Title: Re: ○ سطر منتصر○
Author: يحي قباني
Date: 10-20-2016, 02:57 PM
Parent: #2
سطر ... لكن جمرة ...
|
Post: #4
Title: Re: ○ سطر منتصر○
Author: حمد عبد الغفار عمر
Date: 10-20-2016, 05:34 PM
Parent: #3
منتصر عصير مركز ومرات موجع
ياخ عندو مداخلة قبل مدة بشوف لو لقيت طريقة بجيبها ليك
|
Post: #5
Title: Re: ○ سطر منتصر○
Author: علي عبدالوهاب عثمان
Date: 10-20-2016, 05:41 PM
Parent: #4
الزول الجميل جلالدونا ..
أنا مشكلتي عندما تكون العبارات المختصرة بالعامية السودانية
ناس ضواحي الدنيا ..
منتصر أبلغ من ملاسي
مودتي
|
Post: #6
Title: Re: ○ سطر منتصر○
Author: سيف اليزل سعد عمر
Date: 10-20-2016, 06:53 PM
Parent: #5
منتصر ده سطره ده بس في البورد هنا....
دي البصمة حقتو...
|
Post: #7
Title: Re: ○ سطر منتصر○
Author: حمد إبراهيم محمد
Date: 10-20-2016, 07:09 PM
Parent: #5
سلام عليكم جلال والاحباب .... ياخ ... منتصر ده بخيل جنس بخل .. لو دي كتابته كده لمن يعزمك شاي يبقى يسوي شنو؟
شوف حيعمل ايه.. يجيب كبايتين مليانات موية حارة ...ويجيب لبتوناية واحدة ويقول ليك عاوز شاي تقيل واللا خفيف...
بس اوعك تقول ليه خفيف ... لانو حيخت اللبتوناننية عنده ويجر ليك في قصص جلادونا قال شنو وحمد قال عني
بخيل حتى في الاسم مختصرو ، والمنبر العام حقو يختصروه بدينق وقور - وود الباوقة وجاكات ...
اها ... يقنب يسوي في حركاتو دي لغاية ما تمسخ اللبتوناية. يقوم يناولك ليها ... اها قصر معاك ... يقصر الملح ذاتو يابا ..؟!!!
|
Post: #8
Title: Re: ○ سطر منتصر○
Author: محمد على طه الملك
Date: 10-20-2016, 07:17 PM
Parent: #7
يا جلال كملت علينا علامات الكيبورد ..
كدى بالاول خليني ابدأ بيك ..
انت شاب جميل متواضع محب للمعرفة ..
روحك حلوة ومتصالح مع نفسك وبتتمتع بقدر كبير من الشجاعة الأدبية ..
أكثر ما يميز الشباب الذين يشابهونك هو حبهم وسعادتهم في مساعدة الآخرين ..
هسه منتصر يجي يكتب لي : ما فضل تكتب لي غير ( ويقدس الحياة الزوجية ) ..
منتضر زول مليح ولماح و روحو حلوة زي حمد عبد الغفار دا ..
بفهما وهي طائرة كما يقولون ..
تعليقاتو برتاح ليها وهي فعلا تحمل معنى المختصر المفيد.
|
Post: #9
Title: Re: ○ سطر منتصر○
Author: جلالدونا
Date: 10-20-2016, 08:56 PM
Parent: #8
هههه
يا ود البشرى.. الغراب الهين ده
الخوف تبقى علينا كعوجةالعتود ال اكل العوير
|
Post: #10
Title: Re: ○ سطر منتصر○
Author: جلالدونا
Date: 10-20-2016, 09:01 PM
Parent: #9
معقولة يا قبانى
جمرة و بس
ياخى سطرو ده زى الهينو الشّاقى قوز رملة
ابنص واحد لامن يعدّى
لا حولّ
لا شولة لا نقطة لا علامة استفهام
علامة التعجب ديك ما عشمانين فيها تب
|
Post: #11
Title: Re: ○ سطر منتصر○
Author: جلالدونا
Date: 10-20-2016, 10:04 PM
Parent: #10
منتصر عصير مركز ومرات موجع
ياخ عندو مداخلة قبل مدة بشوف لو لقيت طريقة بجيبها ليك
يا حمد عصير مركّز دى ما متأكد منّها ..لكن موجع دى فى
تجر السطر من اولو لى اخرو تانى زى رقيص الرقبة ترجع لى اولو عشان تعرف وين تقيف عشان السطر يقع ليك
غايتو ده السطر الوحيد العمل فيهو علامة و الغريبة طلعتبتاعت مستنيرين
________
حمد ناس تحسد الفقير في موتة الجمعة* الكيتة في التحويط لكن حسن حماد ده إلا اجيبوا تاني بالرقية الشرعية عشان يرد علي
* خالد منصور
|
Post: #12
Title: Re: ○ سطر منتصر○
Author: جلالدونا
Date: 10-20-2016, 10:11 PM
Parent: #11
شيخنا على
ياخى مشكلتك هينة
بارى سطور منتصر .. يومك ال تفهم ليك سطر
و جرى على مولانا الملك يديك الشهادة الكبيرة
والله صحى
___
بالجنبة كده
تصّدق ابوحسين قعد يتعولق على
الا بس الله فى
|
Post: #13
Title: Re: ○ سطر منتصر○
Author: جلالدونا
Date: 10-20-2016, 10:28 PM
Parent: #12
ههههه
حمد الما لبد
ياخى قصة اللبتوناية دى لذيذة خلاص
زولنا ده مع البخالة عندو الغتاتة و اللولوة
يمين الله يتلولو فيك بى سطريجيب اجلك
اها هاك شوف جنس البخل ده
يا ابوالحسين اخر تهبيبات الصحفي عطا المنان دعنوان البوست
قال كلينتون هو والد المرشحة هيلاري و دى اول مداخلة ليهو فى البوست
|
Post: #14
Title: Re: ○ سطر منتصر○
Author: جلالدونا
Date: 10-20-2016, 10:31 PM
Parent: #13
يا هلا سيف
ياخى بصمتو دى ال يخليها بصمتين ح تفرق معاهو بى شنو
|
Post: #15
Title: Re: ○ سطر منتصر○
Author: معاوية المدير
Date: 10-20-2016, 10:48 PM
Parent: #14
مرات قاعد يفتح بوستات، تصدق !.
شي عجيب ياخ !...
|
Post: #17
Title: Re: ○ سطر منتصر○
Author: محمد على طه الملك
Date: 10-20-2016, 11:01 PM
Parent: #15
هووي يا ود المدير انت دوووبك شميت العافية ..
ما تهابش ..
هسه يخمك بى سطر تاني مش حقنتين إن سقوق القزازة كولها ما تنلما.
|
Post: #16
Title: Re: ○ سطر منتصر○
Author: جلالدونا
Date: 10-20-2016, 10:55 PM
Parent: #14
حباب مولانا الملك
الدايرة دى رسم تعبيرى لى سطر منتصر
بعدين ياخى بالجد اخجلتنى بى كلماتك الطيبات دى و اتمنى دوما اكون عند حسن الظن
خايف من اتنين
ود عووضة عينو تقع فى مداخلتك دى
و منتصر يلفخنى بى سطر
أى نعم هو سطر مختصر و مفيد لكن نحن قوم يحبون الاسهاب
|
Post: #18
Title: Re: ○ سطر منتصر○
Author: اسامة عثمان السيد
Date: 10-21-2016, 00:02 AM
Parent: #16
يا جلال كملت علينا علامات الكيبورد .. كدى بالاول خليني ابدأ بيك .. انت شاب جميل متواضع محب للمعرفة .. روحك حلوة ومتصالح مع نفسك وبتتمتع بقدر كبير من الشجاعة الأدبية .. أكثر ما يميز الشباب الذين يشابهونك هو حبهم وسعادتهم في مساعدة الآخرين
يا سلام يا محمد ودالملك ياخ انت زول راقي صدق من زمان متايع جلال دة واسلوبه السهل الممتنع تحياتي للجميع وتحية خاصة ايضا لزول الرائع ود البشري دة برضو زول ما سهل والغريبة الانتين فرد ابو حسين بالانجليزي
|
Post: #19
Title: Re: ○ سطر منتصر○
Author: جلالدونا
Date: 10-21-2016, 00:38 AM
Parent: #18
هووووى يا مدير
هن كلهن بوستيين طوالى عملتهن بوستات
انتا الحقن دى ادوك ليها وين
+++
عليك الله عاجباك قطامة ابوحسين دى
ياخى دوّرنى جنس دوّيرة .. حمّاديرة عديل كده
اخير منها قوم لف
|
Post: #20
Title: Re: ○ سطر منتصر○
Author: جلالدونا
Date: 10-21-2016, 04:09 AM
Parent: #19
استاذنا اسامة حبابك الف ياااخ
Quote: يا سلام يا محمد ودالملك ياخ انت زول راقي صدق من زمان متايع جلال دة واسلوبه السهل الممتنع
تحياتي للجميع وتحية خاصة ايضا لزول الرائع ود البشري دة برضو زول ما سهل
والغريبة الانتين فرد ابو حسين بالانجليزي |
شاكر كلماتك الطيبات و اتمنى اكون فى مقاما ... إلّا بس اتلوّمت معاى شديد
اشيل و اضارى فى البوست ده من ود عووضة تقوم تجيب سيرة ابو حسين و ود البشرى
غايتو شيل شيلتك .. لو عينن و قعت فى كلامك ده , واحد ح يتعبك باللف و التانى بالغلات
|
Post: #21
Title: Re: ○ سطر منتصر○
Author: محمد على طه الملك
Date: 10-21-2016, 02:21 PM
Parent: #20
شكرا أسامة ولأنك جميل بتحب الجميلين ..
ود البشرى جميل و متميز و حقاني ..
يحسن قراءة ما بين السطور و يعبر عن رأيه بوضوح مباشر وبلغة متزنة ..
لكن مرات بستجيب للاستفزاز مع علمه اليقيني إن الهدف هو استفزازه..
الحمد لله الطلع مهندس لو كان محامي كان هرانا هري ..:
يا جلال قول يمكن أبوحسين ..
إلا أستاذ عووضة لو لقى طريقة كان ضماك لنسب العيلة من شدة محبتو .
انت وين المحتفى به ..
حد يصحي ود الناظر أصلو مافي زول هميم بتفقد الناس غيرو.
|
Post: #22
Title: Re: ○ سطر منتصر○
Author: muntasir
Date: 10-22-2016, 04:07 AM
Parent: #21
اخانا جلالدونا الذي بأريزونا والإخوة جميعاً شكراً على المحبة وعذراً على التأخير من شدة ما كبرتوا لي راسي بي ملاسي لي يومين بفتش في شال أحمر
|
Post: #23
Title: Re: ○ سطر منتصر○
Author: يحي قباني
Date: 10-22-2016, 04:15 AM
Parent: #22
ما قلت ليكم ( جمرة ) ...
زي الكابوي العادي رصاص مسدسه على قدر الخيانا ...
|
Post: #24
Title: Re: ○ سطر منتصر○
Author: جلالدونا
Date: 10-22-2016, 10:06 AM
Parent: #23
يا سلااااام با مولانا
المحبّة ليهو ياها ذاتا و تزيد
اما ابوحسين و ود البشرى تيبكال بس
|
Post: #25
Title: Re: ○ سطر منتصر○
Author: جلالدونا
Date: 10-22-2016, 10:11 AM
Parent: #24
مرحب منتصر
برضو سطر! ياخى اكرمنا شوية
كلامك صاح يا فبانى
شوف السطر ده هبش كم حتة
|
|