ماهو رأيك في المذيع الكبير والصحفي النحرير الجلوذ الجهبذ حسين خوجلي؟!

01:29 PM October, 15 2016

سودانيز اون لاين
محمد قسم الله محمد-
مكتبتى
رابط مختصر

بصراحة كده..
ماهو رأيك في هذا الحسين خوجلي بعض النظر عن لقائه الاخير مع رئيس الجمهورية..
أقواله وكتاباته وألوانه وقناته وإذاعته وإمبراطوريته الإعلامية غير المسبوقة التي تنمو باضطراد في السودان..

وهكذا فالسكوت علامة الرضا..
مبروك عليك يا حسين جايزة الصحفي النحرير..

ما تستعجل يا شيخ محمد ، هو الجايزة دي بدوها كده ساااااااااااااااااااااااي بالسهولة دي ؟؟ ههههه

من وجهة نظري أن الصحفي يجب أن يكون محايد ينقل الخبر ويحلل المشهد لكل الناس بغض النظر
عن انتماءه لكن للأسف هذا الشخص غير محايد ...!!
ثانياً الزول ده زول نرجسي لأبعد الحدود ، ودي في حد ذاتا مشكلة لأنو شايف نفسو
وبس ، فتجده يكثر من عبارة أنا بصورة ملفتة للنظر ، ولو تلاحظ لما يستضيف أي شخصية
في أي برنامج تلقاه بتكلم أكثر من الضيف نفسو ، وكلامو كلو من عينة واحد حكى لي ، وواحد قريبنا قال لي ....الخ
طيب انت طالما بتقعد تحكي لينا في قصة حياتك ليه جايب الضيف أساساً ؟؟؟؟؟؟؟؟؟؟؟؟؟؟؟؟؟؟؟؟
بعدين ياخي مفروض الواحد انتبه لحركاتو خصوصاً لما يكون بقدم في برنامج تلفزيوني ، يعني ما ممكن
يقعد بين كل ثانية وثانية يمصمص لي في شلاليفو ، دي حركة بابخة جداً ياخ .....
قد يقول قائل بأن هذه انتقادات شكلية ، وهي إن كانت كذلك لكنها من المؤكد أنها تؤثر على مردود الصحفي

أي صحفي مأدلج عقله لا يتجاوز في سعته ضيق أفق النظام الساجن عقله داخل حدوده