Post: #1
Title: شكر خاص للمنبطحين .... الوثبة التانية متين !!
Author: Arif Nashed
Date: 10-11-2016, 05:55 PM
04:55 PM October, 11 2016 سودانيز اون لاين
Arif Nashed-
مكتبتى
رابط مختصر
*شكر خاص للاخ عثمان علي هذا الخيط الساخر*
جمهور قرأ المنبر عايزين يعرفوا رأيكم شنو في السودان والسودانيين ..
رأيكم عن مدينة الخرطوم على وجه الخصوص ..
رأيكم معروف مسبقا عن السودان والسودانيين ..
بأنهم ادوات تسلقتم عبرها للوصول لاهدافكم ..
السياحة .. رأيكم شنو عن السياحة في السودان ..
الرحلات النيلية .. رحلات المزارع ..
طبعا في واحدين ليهم زمن ما ضاقوا لحمة عايزين نعرف رأيهم في اللحمة الضاني ..
شارع النيل كيف ..
ان شاء الله وثقتو الليالي (الملاح) يعني "ملح" ..
لو ما وريتونا الصور ما حنصدقكم ..
انكم شخصياً قعدتو مع النظام ..
اها طعم الهوت دوغ كيف ..
الخدمات الفندقة كيف .. صحي النت مجاني في الفندق ..؟
نعرف بأن بينكم في شرفاء ..
نعرف بان بينكم في وحدين كانوا بكتفي بي "وجبتين" بس في اليوم ..
طبعا التحلية والعصاير والحاجات البسيطة دي ما محسوبة ..
يحسبوها ليكم كيف وانتو عمركم كلو تناضلو من اجل الشعب ..؟
دي لو حسبوها تكون قلت ادب ساي ..صح ..؟!
ونعرف انو كمان في وحدين في وش النظام ..
اتكلمو عن الموت والجوع والتشريد والمرض ..
في وحديين عدييييييل كدا قالو للنظام لازم تستقيل ..
ايوه قالوها في وش النظام ..
ياتو يوم لانو ولا استكانو ولا جاملو في مصلحة الشعب ..
قالو في واحدين كانو يضربو الهوت دوغ ...
ويقولو الشعب ده منو ما ديل نحن ذاتنا الشعب ..
انا من اليوم ده مشرك للوثبة الجاية ..
صحي والله الواحد لازمن يشرك للوثبة الجاية ..
الفنجرية ... بت عمسيب يمكن تعمل وفد هولندا تخمنا في معيتها ..
بس ما تقوم تغنج علينا وتظلل لينا القزاز ..
الواحد لازم يعمل حسابو من بدري ويسجل اسمو ..
الشغلة تبقى زي اللوتري تقدم بي اسمك وبي اسم ام الاولاد ..
العندو الرغبة ممكن ينضم لوفد أبلة (طراجي) ..
لانو وفدنا محجوز ومكتمل ..
فرقة تدخل ورقة مافي ..
نشوفكم في الوثبة الجاية ...
|
Post: #2
Title: Re: شكر خاص للمنبطحين .... الوثبة التانية متين !
Author: sadig mirghani
Date: 10-11-2016, 06:49 PM
Parent: #1
ياعمك الكوريرا لافة اعمل حسابك
ماتلهط ساكت
|
Post: #3
Title: Re: شكر خاص للمنبطحين .... الوثبة التانية متين !
Author: مني عمسيب
Date: 10-12-2016, 10:11 AM
Parent: #2
صديقي العزيز .. العارف .. صباح الوطن ..
الفنجرية ... بت عمسيب يمكن تعمل وفد هولندا تخمنا في معيتها
انا من وفودكم انتوا وعلي بالوطن وبالتلاتة يا العارف ما عندي قبلة غيركم
ما بكرة تلقوا ليكم واحد اتمرد من هولندا تشبكوها فيني ههههههه ...
يا رجل لعلك طيبة وناس العنقريب ؟
|
Post: #4
Title: Re: شكر خاص للمنبطحين .... الوثبة التانية متين !
Author: Arif Nashed
Date: 10-12-2016, 02:55 PM
Parent: #3
Quote:
ياعمك الكوريرا لافة اعمل حسابك
ماتلهط ساكت
|
الشاركوا في الوثبة الاولي ادوهم تطعيم
يحمدوا ربهم ساكنين وماكلين وشاربين *ملح* في امان الله
الواحد جضوموا كانوا غاتسات زي دعاية الجوع
عليك امان الله الجضوم فرهدن ولونون ا تغير ..
Quote:
انا من وفودكم انتوا وعلي بالوطن وبالتلاتة يا العارف ما عندي قبلة غيركم
ما بكرة تلقوا ليكم واحد اتمرد من هولندا تشبكوها فيني ههههههه ...
يا رجل لعلك طيبة وناس العنقريب ؟
|
يا بت امي الزمن دا بقي مصالح ...
ناس شايلين شملتهم قدامهم ..
وواحدين شايلين بطونهم قدامهم ..
وناس تاكل عيش .. وغايتو .
الجماعة بيسلموا عليك ومشتااااااااااغون لطلتك
ترقبوا التصريحات النارية الما خمج ...
ردم المعارضة والعملاء وكشف المستور ..
الفنجرية ...
ستردم المعارضة ردم تقيل ..
مقاطع الردم تمرر للمطبلاتي الرسمي لنشرها في الاسافير ..
كل ما كان الردم تقيل كانت الشرحات معتبرة ..
قررت ابلة... بت عمسيب إن يشكل وفدها من ...
ابو روضة .. المتحدس الرسمي للوفد ..
ود الصائم ... منسق الحركة من والي موائد النظام ..
|
Post: #5
Title: Re: شكر خاص للمنبطحين .... الوثبة التانية متين !
Author: علي دفع الله
Date: 10-12-2016, 03:26 PM
Parent: #4
شكرا جميلا لكل من انبطح او انشتح او انبرش او انفزر ...
الشعب بكل صدق شغال تريقة وضحك على هؤلاء...
وطلب خاص جدا تفتش الكاركاتير بتاع عمر دفع الله بتاع الوثبة وترفد بيه البوست لانو معبر جدا ..وخصوصا لمن بشة قاعد ميطي وبخاطب التاني بقول ليه هاك الوثبة دي ..
مودتي يا صاحب
|
Post: #6
Title: Re: شكر خاص للمنبطحين .... الوثبة التانية متين !
Author: Arif Nashed
Date: 10-13-2016, 12:06 PM
Parent: #5
| Quote: شكرا جميلا لكل من انبطح او انشتح او انبرش او انفزر ...الشعب بكل صدق شغال تريقة وضحك على هؤلاء...وطلب خاص جدا تفتش الكاركاتير بتاع عمر دفع الله بتاع الوثبة وترفد بيه البوست لانو معبر جدا ..وخصوصا لمن بشة قاعد ميطي وبخاطب التاني بقول ليه هاك الوثبة دي ..مودتي يا صاحب |
ود دفع الله ... انزيك
ما جابو اي حاجة جديدة واغفلوا عن اهم النقاط ..
[/IMG" />[/IMG" target="_blank">"http://www.vb.alrakoba.net"" />[/IMG
[/IMG" />[/IMG" target="_blank">"http://www.vb.alrakoba.net"" />[/IMG
|
|