مشهد من تيتانيك

07:39 AM October, 11 2016 سودانيز اون لاين
اخلاص عبدالرحمن المشرف-
مكتبتى
رابط مختصر
من اجمل اللقطات في فلم تيتانيك
مسابقة البصق
اظن وصلت الضفة الاخري من المحيط
كانا جميلين عذبين وطفولة برئية
خسارة ترتبط في ذهن اي حد ب. وغد

في البحرين هناك حب كبير لهذا الفلم ، حب من نوع خاص ، ك من يحب نفسه وأهله
الظروف تتشابه واظن الفلم يذكرهم بكفاحهم مع البحر
ولدي الصاغة بالبحرين تنوعات كثيرة للقلب الشهير واطقم ب لون البحر تتفاوت زرقتها
اشتريت منهم خاتم اعزه كثيرآ

كانا جميلين عذبين وطفولة برئية
خسارة ترتبط في ذهن اي حد ب. وغد
ـــــــــــــــــــــــــــــــــــــــــــــــــــــــــــــــــ

سلام يادكتورة...
الفلم دا حضرتو زمان وتفاصيلو راحت من ذاكرتي إلآّ القليل..
أهم لقطة مازلت محتفظ بيها ،هي لقطة ناس الموسيقى البستمروا في العزف ومافي زول شغال بيهم الشغلة..
شايفين الناس بجّاروا للقوارب ،وعارفين نفسهم ح يغرقوا، لكن بعدا دا هم مستمرين في العزف..مع إنو الغرق مع
السفينة ليس من أدبيات مهنتم (كالقبطان مثلا)..
اللقطة دي أنا شفتها بعداك،في مواقف حقيقية كتيرة ،ومادار أبالغ وأقول ليك شفتها كمان في المنبر دا..
لدرجة إنها بقت أيقونة أصيلة لنظرتي وفهمي لدورة تكرار المآسي دون أي ثمن أو مقابل مكافئ،اللهم إلاّ الأوهام..
لكن برضو احتمال أكون أنا البتوهم ــــ لأنو الزمن طوّل زي ماقلتليك ــــــ واللقطة دي في الفلم،تكون مابنفس الكثافة الفي ذهني..
*بالنسبة للوغد والبراءة ــــ ولسّ ماعرفناك شايتة على وين ـــــ أنا فلسفتي الشخصية ،البراءة للبرئ ،والوغودية للوغدين..
يعني الجنس اللطيف احب فيهو البراءة،لكن الرجل كان مابقى وغد أحيانا،كيف ح يكافح الأوغاد؟
لكن الدهاء أحب لي من الوغودية هههه..أحب الدهاء عندما يطوع لتنفيذ الأفكار الشريفة..

مشكورة على المرور في البوست حقي دا هههههه

تعرف يا استاذ عليش لأنك قاص احساسك بكون صحيح
المعارك من غير معترك مرهقة وبتغيظ
عازفين الكمان ما زهجو وكذلك ناس منبرنا
الانوثة دي قصة وممكن تستعمل سلاح ضد الانثي ف استحملنا مرة وكمان مرة
وأهديك انا في شخصك بحترم اشخاص وطبعآ القي احترام اسخاص

وقد ارهقتني سودانيزاونلاين
ارهقتني كثيرآ
وقد راجعت ما قدمت وما استفدت فوجدت المحصلة تحتاج وقفة
وهي فرصة لكي اقول ..احتاج اجازة وراحة تطول أو تقصر
هي اجازة انا أشد ما أكون في حوجة لها

مع وعد بالاطلالة الجميلة
واعتذر
انتهي البوست واغلق

يادكتورة حسستينا بصراحة...
واضح جدا إنو مداخلتك الأخيرة دي،انبثقت بعد مداخلتي معاك..وماكانت في تخطيطك..
وواضح كمان أنا ضربت لي حاجة بطلقة طائشة...والطلقات الطائشة مرات أخطر من الطلقات المسددة..
وماعارف هل أنا محتاج أقول إنك محل تقدير كبير و بوستاتك مقرؤة بالنسبة لي؟

على أي حال إذا كان كلامي دا،ماعندو علاقة بمجريات البوست فبعتذر عنو ،وفوتيهو ..
*بالنسبة للأجازة،هي ماكعبة ،لكن أقترح تكون من فتح البوستات فقط،يعني ماتفتحي بوست لفترة،
لكن تداخلي مع الناس،بقول كدا لأنو قريت ليك بوست قبل كدا، وعرفت منو إنك طبيبة في السعودية،
وعندك زميلات سافرن وخلنك براك...وفي واحد من الأعضاء ـــ تقريبا ود الزبير ـــ نصحك بالتواصل في المنبر..
وأنا بأيدو، التواصل مع ناس المنبر مهم للبمروا بظروف زي حقتك دي..بيعمل وزنة نفسية مقدرة..يعني ماتكتفي بالقراءة فقط..
*بعدين المنبر دا مافيهو أي حاجة تخليك تقيمي تجربتك بطريقة تجلدي فيها ذاتك..
دا مكان بتاع صحوبيات وفضفضة وبس..
فانداحي وسط ناسك هنا واضربي الغربة..
بالتوفيق