حبو مرة ولدكم و حبو نسابتكم - مقال رائع وواقعى جداً منقول

07:20 AM October, 11 2016

سودانيز اون لاين
Amir Ali-Sudan
مكتبتى
رابط مختصر

عارفين يا جماعة والله نحن محتاجين نجتهد شوية في أننا نتعلم كيف نتعامل مع بعض والله الحاجه دي مهممممه شديد...
لما ولدكم يعرس اول حاجه اتذكرو انو دا ولدكم البتحبوه والبتتمنو سعادته وراحته وهو بما انو أتزوج فلانه دي معناها دي العايزها دي الحابيها دي الحا تسعدو مفروض ببساطة تحبوها معاه وتحترموها عشانو اعتبروها اختكم صاحبوها وبس كدا ح ترتاحو بس كمان اتذكرو لما الولد يقرر انو عايز يتزوج ويأسس عيلة معناها قرر يستقل بي نفسو وزوجته وقرر انو يصبح شخص مسؤول ويستقر في حياته يلا شنو انتو خلاص هنا اعملو شوية حواجز كدا لضمان نجاح الحياة بينهم (مش انتو بتحبوهم) خلوهم في حالهم ما تدخلو بينهم مهما كان عشان يتعلمو وعشان يعرفو يتخذو قراراتهم خلوهم يجربو ويغلطو ويرجعو يعدلو تاني وع فكره مافي أم بتشوف ولدها ولا بنتها غلطانين يكفي انو (القرد في عين امو غزال😎) يبقى تلقائيا ال2 ح تتحاملو ع المسكينة الجاتكم دي أو ع راجل بتكم دا .. وصح ممكن يكون مفتاح الحاجه دي في يد الراجل انو يخلي حياته سريه كدا بينهم ال2 لكن ع فكره مرات بيحتاج يفضفض مع زول وأقرب زول للأولاد دائما أمهم يلا الأم الواعية ما تدخل بينهم ممكن تنصح (بالخير) لكن ما تفرض رأي وامك حتى لو ما حكيت ليها هي بتحس بيك.. طبعا مافي ولد ممكن يقول لي امو ما تدخلي بس بالجد ما تحاولي عشان ما ح تشوفي غلط ولدك والبت الجات دي بتحبه زي ما انتي بتحبيه ولما يسكن ولدك معاك ما معناها تشتغلو جواسيس ع حياته مع مرته واذا كان سعيد معاها ولا لا...
أم العروس ما ناسياك انا 😂 عليييييك الله ما تربو البنات ع كره النسابة ما تحسسي بتك أنها داخله حرب لازم تكون فيها هي الكسبانه وما تحرشوها ع نسيبتها لانها في الآخر زيك والله يعني ممكن تبقى أم تانيه لو ربيتي بتك صاح وما تعلميها خراب الوش مع أهل الراجل دائما ركزي في إنها لازم تعرف كيف تكسبهم لازم تعرف تحترمهم عشان يحترموها وكان في يوم من الأيام انتي تعبتي من تعامل سيء ما تفرغي طاقتك السلبية في بتك ونسابتها الناس ما واحد والله...
لا تحرشو ولد لا تحرشو بت ع النسابة لأنهم ح يكونو اهلك وأهل اولادك وح تكبر عيلتك وبدل أم عندنا أمين (بضم الألف😂) وبدل اب عندنا ابوين 😁 وبدل اخوان عندنا قبيلة إن شاءالله بس كدا
#حبو_مرة_ولدكم
#حبو_نسابتكم

سلام يا عامر
مشاكل السكن مع النسابة كتيرة ولو قدرت الزوجة انها تكسب اهل زوجها ف معناه كسبت زوجها
المثل بقول لو فلقوك بالحجار فلقيهم بالكسار

سألت ليه جاني الرد الراجل ما مضمون بس لوكنتي كويسه مع اهلو هم ال بمنعوه من الغلط هههه
( الغلط ده هو الزواج التاني )