اغنية احمد المصطفى الجميلة، انها من اشعار احمد رامى
وكتير جدا من الناس اكيد ما بكون عارفين انها مكتوبة فى ام كلثوم
زى ما ذكر احمد المصطفى فى لقاء مع الطيب صالح فى اذاعة بى بى سى انه رامى اهداه نص الأغنية اثناء زيارة للقاهرة فى بداية الخمسينات
وضمنيا طبعا و من البديهى انه الأغنية زى كل اغنيات رامى مكتوبة فى ام كلثوم وحتى الأغنيات الغنتها ام كلثوم نت اشعار رامى كانت مكتوبة فيها
ومعروف طبعا برضو خكاية حب رامى لأم كلثوم
يتبع
Post: #2 Title: Re: احمد المصطفى + احمد رامى واغنية مكتوبة فى � Author: محمد على طه الملك Date: 10-06-2016, 08:01 PM Parent: #1
كدا قبال أعلق أرفع الغنية..
عارف يا أبا ذر أنا كنت خايف ما يكون في خليفة لذاكرة أستاذ السر قدور الفنية متعه الله بالصحة وأمد الله في أيامه.. على كدا نطمئن الحمدلله.
Post: #3 Title: Re: احمد المصطفى + احمد رامى واغنية مكتوبة فى � Author: أبوذر بابكر Date: 10-07-2016, 10:43 AM Parent: #2
كيفك يا ملك وعساك طيب و سعيد
مشكور ياخى على نفحك الجميل كنت جاى انزل رابط فيديو الاغنية بس لأنه ما عندى معرفة كيف اخلى المقطع يظهر
فعلا ما بعرف انقل الفيديو من ال يوتيوب للمنبر
كل الامتنان ليك والمحبة
Post: #4 Title: Re: احمد المصطفى + احمد رامى واغنية مكتوبة فى � Author: محمد على طه الملك Date: 10-07-2016, 02:09 PM Parent: #3
ما مشكلة دي خليها علينا .. ياريت تواصل بلغتك الفخيمة وتحليلاتك ومعارفك التاريخية في تشخيص اعاني العميد .. الرجل رحمه الله يستحق أن نقف عنده طويلا .. بالنسبة لنقل الفيديو افتح الفيديو وضع مؤشر الماوس فوق الفيديو واضغط على الزر اليمين بتظهر لسته خلى الأولى والتانية التالتة مكتوبة embed code ضع المؤشر علىها واضغط بنفس الزر اليمين .. افتح صفحتك في المنبر واضغط مرة أخرى على بنفس الزر بتقى الكود انطبع على الصفحة اعمل بعد داك ارسال للصفحة بتلقى الفيديو نزل.. طبعا دا شرح زول جربندي ساي. هسه انا ختيت الـ embed code هنا شايفو قدامي مجرد كلمات واكواد يعني ما شايف فيديو لكن بعد اعمل ارسال ح يظهر الفيديو وانت ح تشوفوتحت الشرح دا
Post: #5 Title: Re: احمد المصطفى + احمد رامى واغنية مكتوبة فى � Author: أبوذر بابكر Date: 10-07-2016, 02:46 PM Parent: #4
الملك
انا قلت ليك قبل كده
فى حضرة الملوك لا يمكن تمرق خالى الوفاض زى لمل تدخل حديقة او بستان
اضعف ايمان النوال و العطايا، ممكن تعطر انفاسك بروائح عبير و شذى و عبق ده لو ما لقيت فاكهة و ثمار و ازهار
شكرا ليك على الآلاء الملكية السمحة
وخلينى اجرب طريقة نقل الفيديو
واهدى ليك حاجة تليق بسموك العالى
Post: #6 Title: Re: احمد المصطفى + احمد رامى واغنية مكتوبة فى � Author: أبوذر بابكر Date: 10-07-2016, 02:57 PM Parent: #1
ايام زمان
دى واحدة من ابهى و اعذب اغنيات احمد المصطفى
وفيها روعة وتجلى عجيب جدا فى لحنها
هدية ليك يا ملك
ان شاء الله التجربة تنفع
Post: #7 Title: Re: احمد المصطفى + احمد رامى واغنية مكتوبة فى � Author: محمد على طه الملك Date: 10-07-2016, 04:10 PM Parent: #6
أولا: مبروك نجاح التجربة.. ثانيا لك الشكر على النغم والأبيات الرصينة.. في بوست قديم للدكتور طراوة وكوكبة حاذقة من المشاركين .. كتب قائلا :
Quote: كان احمد فتي الدبيبة النابه الهميم ، و عاشق السودان بوصفه وطن النجوم و السماوات الصافية ، كان جزلان يمرح في حقول المدرسة الاوركسترالية المنبثقة و ناهضة .. كان بدمج بجراءة ايقاع الرمبا في جملة عبد المعين و خليل فرح اللحنية عشان يطلع موازير السودان الجديدة !
و د.طراوة رجل وهيب العطاء له ذاكرة تقشع الظلمات وحس فني يقاس بالأذرع .. ليته يطل علينا ليحيي أرواحنا التي أرهقتها مآسي الوطن وإنسانه .. ويثري وجداننا بصحبتك وصحبة الراحل المقيم عميد الفن. andlt;a href="http://sudaneseonline.com/cgi-bin/sdb/2bb.cgi؟seq=printandboard=303andmsg=1252555016andrn=" target=_selfandgt;مدرستان و 4 أزمات : تاريخ الغناء في السودان مدرستان و 4 أزمات : تاريخ الغناء في السودان
Post: #8 Title: Re: احمد المصطفى + احمد رامى واغنية مكتوبة فى � Author: أبوذر بابكر Date: 10-08-2016, 09:37 AM Parent: #7
مشكور يا ملك
تعليمك أن شاء الله ما يروح ساى
والا من فترة عندى فكرة موضوع عن أجمل الاغانى الخالدات عند مطربينا الرواد
قريبا ح أحاول اعمله
وتانى ليك الشكر والامتنان
Post: #9 Title: Re: احمد المصطفى + احمد رامى واغنية مكتوبة فى � Author: ياسر السر Date: 10-10-2016, 08:12 AM Parent: #8
الشفيف الرهيف ابو ذر بابكر مشكور على هذه المعلومة وبالجد اول مرة اعرفها .. يا ابوذر يا خوي جيل الرواد ده كان جيل فريد وعجيب ومميز في كل شي وعميد الفن السوداني احمد المصطفى رحمه الله كان شخصية فريده ويشهد بذلك كل من عاصروه وجايلوه وكل من عرفوه عن قرب لذا نجد ان انتاجه الغنائي كان جميل ومميز فله كثير من الاغنيات الجميلة التي تربعت على عرش قلوبنا ووجداننا نسال الله ان يرحمه بقدر ما قدم لنا من فن راقي وانموذجا للفنان الذي ادى رسالة الفن بحزافيرها وانت ادرى بذلك ,, وواصل بالله في نبش هذا الابداع الجميل ...
تحياتي : ياسر العيلفون .....
Post: #10 Title: Re: احمد المصطفى + احمد رامى واغنية مكتوبة فى � Author: أبوذر بابكر Date: 10-11-2016, 09:50 AM Parent: #9
تحياتى الاخ ياسر
كيف الحال ومشكور على الزيارة و المشاركة
أحمد المصطفى بركات واحد من العظماء السبعة فى جيل الرواد