اتلم التعيس على خايب الرجاء:شيخ الأمين يكشف الأسرار : طه غدر بي وأدخلني سجون الامارا

08:44 AM September, 29 2016

سودانيز اون لاين
Hassan Farah-جمهورية استونيا
مكتبتى
رابط مختصر

اتلم التعيس على خايب الرجاء :شيخ الأمين يكشف الأسرار : طه غدر بي وأدخلني سجون الامارات،..وقال إنني جاسوس قطري ..


تعّهد بترك الاسلام اذا حدث اتفاق في حوار الوثبة وقال : فساد الفريق طه ازكم الانوف
09-28-2016 09:31 PM
الراكوبة - الخرطوم
فجّر شيخ الامين عمر الامين، قنبلة من العيار الثقيل، وقال ان الفريق طه عثمان مدير مكتب البشير، قام بحظره من دخول السودان، لافتا الى ان طه قام بتدبير وشاية ضده لدى دولة الامارات بحجة انني عميل للقطريين، مشددا على ان طه لم يكن معروفا خارج السودان، الا بعد ان ارتبط اسمه بشيخ الامين. مؤكدا ان فساد الفريق طه لم يعد خافيا على احد، وان رائحتُه ازكمت الانوف.
وتشير (الراكوبة) الى ان أهمية هذه المداخلة تكمن في انها تأتي من رجل وثيق الصلة بالفريق طه، الذي اضحى مؤخرا بمثابة قاسم مشترك، في كثير من ملفات الفساد والملفات الاخلاقية والمجتمعية. وهو ما يجعل من المعلومات الواردة فيها تحمل الكثير من الصدقية.
وقال الامين عمر الامين في مداخلة صوتية باحد قروبات الواتساب رصدتها (الراكوبة)، ان الفريق طه لم يشتهر او يعرفه الناس الا بعد ان قمت بترتيب زيارة له الى الامارات. واضاف: "انا من جعلت الناس يعرفون طه، وقبل ذلك لم يكن معروفاً، ولكن للاسف طه غدر بي وزّج في سجون الامارات، ولكن برأتي ظهرت سريعا، وحينما تم اطلاق سراحي قام طه بتوجيه جهاز الامن باعتقالي من المطار، وهناك امضيت خمسة ايام في المعتقلات دون ذنب.
واشار الامين الى ان الفريق طه اوعز للجداد الألكتروني بان يروّج لفرية انني تم توقيفي في الامارات في قضية تتصل بالاحتيال، مع انه حاول الايقاع بيني وبين الاماراتيين بحجة انني عميل قطري، ولكن الحقيقة بانت سريعاً.
ومضى الامين عمر الامين الى ابعد من ذلك، وقال ان الفريق طه قام باغلاق زوايته في حي ود البنا بام درمان، قبل ان يقوم بحظر دخولي الى السودان. واضاف: فساد الفريق طه لم يعد خافيا على احد، ورائحته ازكمت الانوف.
واشار الامين عمر الامين الى انه مهموم بمستقبل الشباب السوداني الذي وقع اكثرُه في براثن الضياع والمخدرات والتطرف، من خلال انخراطه في صفوف "داعش"، لافتا الى ان مسيده كان يضم مئات الناس ممن يتلقون التدريس والخدمات المجتمعية، منوها الى انه نفذ اعمال خيرية كثيرة بخصوص الشرائح المجتمعية الضعيفة.
وصوّب الامين عمر الامين انتقادات لاذعة الى حزب البشير، وقال انه غير جاد في مبادرة حوار الوثبة، مشددا على ان الحكومة لن تقوم بتنفيذ مخرجات الحوار الذي يدور في قاعة الصداقة.
واقسم الامين بانه سيترك الاسلام والتصوف اذا توصل المؤتمر الوطني الى اتفاق مع احزاب الحوار وقام بتنفيذ المخرجات، وقال: ديل ناس ما عندهم مصداقية.. والله والله والله طالما ان الجماعة ديل في السلطة لن يحصل اتفاق في الحوار.. واقسمُ بالله اذا حدث هذا الاتفاق سوف اترك التصوف والاسلام.. ديل انا بعرفهم زي جوع بطني.. واقسم بالله انهم سيفعلون ما يرون، واما الذين جاءوا للمشاركة في الحوار فانهم ضيعوا زمنهم في الفاضي".
http://www.alrakoba.net/news-action-show-id-248503.htmhttp://www.alrakoba.net/news-action-show-id-248503.htm

اما الذين جاءوا للمشاركة في الحوار فانهم ضيعوا زمنهم في الفاضي".
دي النجيضة
-
شيخ الامين بقى مناضل

الاخ حيدر حسن ميرغنى لك التحية
غايتو النجيضة البتطلع من خشم شيخ الامين حتحرق مرارة العباد...البلد دى تب ما عرفنا راسا من قعرا...ود الباوقة نجضنا نجاض والآن الدور على شيخ الامين....بعد شوية حتلقى الشعب السودانى دا نصفه من المعاقين جسمانيا وروحيا

بعد شوية حتلقى الشعب السودانى دا نصفه من المعاقين جسمانيا وروحيا
بالضبط كده ياحسن
نسأل الله السلامة

*** ممكن أمر قبض في المطار أو أمر اعتقال .
لكين حظر مواطن سوداني من دخول السودان ؟ دي ما ركبت لي !!!

الاخ الطيب عثمان يوسف لك التحية
يا اخى ببساطة الضلالى دا عايز يخدع السلطات الانجليزية بأنه محظور من الدخول للسودان حتى ياخذ لجوء

ههههههههههههههههههههههه
شر البلية ما يضحك

يا حسن فرح ....

منو انت عشان تقول ضلالي ....

ياخي خليك في ورقتك و احترم نفسك

يعني فجاءة كدة شيخ الايمن نزلت عليهو الانوار الالهية ..وعرف انو طه دا ماكويس !!!!!

قريب هنا ياشيخ الجكسي كنتو اصحاب وكاسكم واحد ....يعني عشان اختلفت معاهو فجاءة كدة اكتشف انو ريحتو ازكمت الانوف ..

هو اصلا من زمان معفن ...وريحتو مالية الواطة

كلكم كيزان ...وكلكم منتفعين من التخة مصاص الدماء الهارب البشير

يومكم بجب وان طال السفر ...وقت الحساب كمان قريب ..

اخرتا ما باقي الا شيخ الامين يورينا منو الصالح ومنو الطالح .....عجبي

محمد جميل انا مواطن سودانى ولى الحق ان اقول رأيى فى اى شخصية عامة وفى نظرى ان شيخك هذا ضلالى وهذا رأى الكثير من السودايين فيه....
هاك اسمع وشوف
http://kooody.net/vb/showthread.php؟t=8705http://kooody.net/vb/showthread.php؟t=8705

ضلالات شيخ الأمين
https://www.youtube.com/watch؟v=_vMzk61i-S8https://www.youtube.com/watch؟v=_vMzk61i-S8

ضلالات-شيخ-الامين
http://ruclip.com/video/KEVOk4WApWU/%D8%B6%D9%84%D8%A7%D9%84%D8%A7%D8%AA-%D8%B4%D9%8A%D8%AE-%D8%A7%D9%84%D8%A7%D9%85%D9%8A%D9%86wmv.htmlhttp://ruclip.com/video/KEVOk4WApWU/%D8%B6%D9%84%D8%A7%D9%84%D8%A7%D8%AA-%D8%B4%D9%8A%D8%AE-%D8%A7%D9%84%D8%A7%D9%85%D9%8A%D9%86wmv.html

حسن يا فرح .... كونك سوداني او غير سوداني ده ما بديك الحق انك تسئ الناس بغير وجه حق...

الفيديوهات دي ما اضافت حاجه ... مسخره أنصال سنه لضعف حيلتهم عملوها و نبح الكلاب ما بهم مرور السحاب ....

نظرك دي امر شخصي يعود لك ... و لك مطلق الحريه في إعلانه .. بس من غير أساءه ....

ضلالي دي شتيمة و ليست راي

يا جماعة بصراحة كده أنا مبسوط من شيخ الأمين ده، لأنو عرف كيف يؤدب الجماعات المتطرفة وسحب من تحت أقدامهم البساط الديني الذي يستغلونه في إرهاب الناس وتخويفهم.

على الأقل شيخ الأمين ده أياديه غير ملوثة بدماء الشعب السوداني.

Quote: تشير (الراكوبة[/QOUTE] ماتشَكِّر لى الراكوبة فى زمن سودانيزاونلاين

---

Post: #17 Title: Re: اتلم التعيس على خايب الرجاء:شيخ الأمين ي Author: Hassan Farah Date: 09-30-2016, 08:52 AM Parent: #13 محمد الجميل شخص تسمح له نفسه بأن يقبل حذاءه طفل لا اجد له وصفا غير الضلالى