Post: #1
Title: دكتور كرار التهامي امينا عاما لشؤون العاملين بالخارج..
Author: ود الباوقة
Date: 09-19-2016, 04:40 PM
04:40 PM September, 19 2016 سودانيز اون لاين
ود الباوقة-الرياض
مكتبتى
رابط مختصر *رئيس الجمهورية يصدر قراراً بتعيين وتجديد الثقة للسفير د.كرار التهامي أميناً عاماً
لجهاز تنظيم شئون السودانيين بالخارج*
|
Post: #2
Title: Re: دكتور كرار التهامي امينا عاما لشؤون العام
Author: جلالدونا
Date: 09-19-2016, 05:19 PM
Parent: #1
تاااااانى
لو سألونى كان رشحت ليهم معاوية الزبير
ياخى ده اقلّاهو 25 سنة خبرة فى الاغتراب
|
Post: #3
Title: Re: دكتور كرار التهامي امينا عاما لشؤون العام
Author: محمد فضل الله المكى
Date: 09-19-2016, 05:31 PM
Parent: #2
.
تااااااااني
وماجد سوار سيدخل في مرحلة بيات شتوي استعدادا للعودة
ليستعد ود التهامي ليخلف سوار
وهكذا وهكذا وهكذا
|
Post: #4
Title: Re: دكتور كرار التهامي امينا عاما لشؤون العام
Author: اسامة عثمان السيد
Date: 09-19-2016, 05:37 PM
Parent: #3
رئيس الجمهورية يصدر قراراً بتعيين وتجديد الثقة للسفير د.كرار التهامي أميناً عاماً
يعني شنو تجديد ثقة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #5
Title: Re: دكتور كرار التهامي امينا عاما لشؤون العام
Author: معاوية الزبير
Date: 09-19-2016, 06:01 PM
Parent: #4
Quote: تاااااانى
لو سألونى كان رشحت ليهم معاوية الزبير
ياخى ده اقلّاهو 25 سنة خبرة فى الاغتراب |
وحياتك يا جلال 27 عاما، كل ما يحول للإنقاذ دي حول، أنا حولي يحول "والموانع بيني وبين حبيبي تحول".
بعدين ياخي داير يبقى علي "غَراق الحَجْرة" بعد ما قطعنا بحر المناتلة الغريق دا، يجوا الجماعة يطلعوني غواصة 27 سنة وأدخل موسوعة جينيس "دا".
شكرا لسوء الظن يا جله 
|
Post: #6
Title: Re: دكتور كرار التهامي امينا عاما لشؤون العام
Author: عمر التاج
Date: 09-19-2016, 06:15 PM
Parent: #5
البلد دي ما شاء الله عليها تعدادها السكاني تجاوز ال50 مليون زول
ومافيها حد يصلح رئيس غير البشير
ولا حد يصلح امين للمغتربين غير التهامي وسوار
والشعب والمغتربين ليهم الله ثم التشرد
|
Post: #7
Title: Re: دكتور كرار التهامي امينا عاما لشؤون العام
Author: حاتم تاج السر المبارك
Date: 09-19-2016, 06:15 PM
Parent: #5
السلام عليكم
|
Post: #8
Title: Re: دكتور كرار التهامي امينا عاما لشؤون العام
Author: Mustafa Mahmoud
Date: 09-19-2016, 06:19 PM
Parent: #7
وصلنا من مصدر مؤكد ان كل بوستات ود الباوقة تصدر من شعبة الجهاد الاكتروني التابع لجهاز الامن
ترسل البوستات جاهزة و يقوم ود الباوقة بانزالها في المنبر
في بعض الاوقات يقوم جهاز الامن بانزال البوستات مستعملا باس ويرد ود الباوقة
يقبض ود الباوقة تمن كل بوست بالريالل السعودي
الصرف يتم في سفارة الرياض
|
Post: #9
Title: Re: دكتور كرار التهامي امينا عاما لشؤون العام
Author: Hani Arabi Mohamed
Date: 09-19-2016, 06:19 PM
Parent: #1
كويس جداً ، في ورقة مضاها لي قبل خمسة سنين ، وموظفينه ما مشّوها قالو لي الزول دا مشى من هنا امشي جيب لينا ورقة من الزول الجديد ،
أمشي افتش الورقة لو لقيتها ارجع لنفس الموظف تاني بكرة
ربنا يعينه ، تكليف ثقيل مفروض يعزّوه ما يهنئوه ...
مودتي
|
Post: #10
Title: Re: دكتور كرار التهامي امينا عاما لشؤون العام
Author: حيدر حسن ميرغني
Date: 09-19-2016, 07:08 PM
Parent: #9
د. كرار عضو معانا في البورد
ليته يحضر عشان يشوف تجديد الثقة عندنا شكله شنو
البورد عالم مصغر للمغتربين والمشردين
|
Post: #11
Title: Re: دكتور كرار التهامي امينا عاما لشؤون العام
Author: محمد أبوالعزائم أبوالريش
Date: 09-19-2016, 09:03 PM
Parent: #10
نحن حيفرق معانا شنو تغيير إسم المتحصّل البيعصرنا ويشيل دولاراتنا؟
|
Post: #12
Title: Re: دكتور كرار التهامي امينا عاما لشؤون العام
Author: جلالدونا
Date: 09-19-2016, 09:12 PM
Parent: #11
و عليكم السلام و رحمة الله اخونا حاتم تاج السر
و عيد مبارك و عودا حميدا
_____
Quote: وحياتك يا جلال 27 عاما، كل ما يحول للإنقاذ دي حول، أنا حولي يحول "والموانع بيني وبين حبيبي تحول".
بعدين ياخي داير يبقى علي "غَراق الحَجْرة" بعد ما قطعنا بحر المناتلة الغريق دا، يجوا الجماعة يطلعوني غواصة 27 سنة وأدخل موسوعة جينيس "دا".
شكرا لسوء الظن يا جله |
كل المسألة محاولة محاولة للتجديد و كسر دائرة الاحتكار
يمين الله لو ادوك ليها تخدمنا و تخدم البلد احسن من الاجواز ديل
امّا يلى مسألة الغوصنة فما تخاف
جادات مقدور عليهو ود البشرى بيقنعو
|
Post: #13
Title: Re: دكتور كرار التهامي امينا عاما لشؤون العام
Author: Mustafa Mahmoud
Date: 09-19-2016, 10:39 PM
Parent: #12
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
1-التجاهل
2- التجاهل
3- التجاهل
يجب فضح جميع الكيزان وبعض المندسين الجبناء.
أنه لمخجل جدا أن يدعي البعض الوطنية وهم يقفون مواقف المتفرجين
ومعا لكشف عصابة مافيا الانقاذ وجميع المأجورين
ولا نامت أعين الجبناء والعار للذين ينشرون أكاذيب الكيزان في
هذا المنبر
د مصطفي محمود يونيو 2006
|
Post: #14
Title: Re: دكتور كرار التهامي امينا عاما لشؤون العام
Author: عباس محمود
Date: 09-19-2016, 10:56 PM
Parent: #13
السلام عليكم
الأخوة الاتداخلوا في هذا البوست
سؤال :- ماهي الخدمة التي قدمها لكم هذا الجهاز خلال فترات هجرتكم واغترابكم .
|
Post: #15
Title: Re: دكتور كرار التهامي امينا عاما لشؤون العام
Author: ولياب
Date: 09-20-2016, 05:27 AM
Parent: #14
نسأل الله له التوفيق وخاصة بعد عودته للمرة الثانية على رأس هذا الجهاز
وبما أنه خبير بأحوال الناس في الغربة ، من المفترض أن يراعي أحوال
العاملين في الخارج ، وإن كانت غربتنا الحال سترة (حال) فأرجــــو
أن لا يسحب من الغطاء ويكشف حالنا ............ على الأقل يعاملونا
ويعاملوا أولادنا بميزانية العدل مع المواطن بالداخـــــــــــــــــــــــل
|
Post: #16
Title: Re: دكتور كرار التهامي امينا عاما لشؤون العام
Author: Hani Arabi Mohamed
Date: 09-20-2016, 08:53 AM
Parent: #14
اخونا الحبيب عباس محمود
استفدنا التالي من جهاز المغتربين
تضييع اوقات واموال كانوا اولى بيها اهلنا الجينا ليهم اجازات
تعطيل وعرقلة لسفرنا
|
Post: #17
Title: Re: دكتور كرار التهامي امينا عاما لشؤون العام
Author: محمد عبد الله الامين
Date: 09-20-2016, 09:07 AM
Parent: #16
الرسوم البدفعها المغترب في جهاز شئون المغتربين هي :
1/ رسوم المساهمة الوطنية ( ضرائب )
2/ رسوم الذكاة رجعوها من جديد وبدفعوك بدفعوك حتى لو ماشغال
3/رسوم الخدمات ... ثابتة سنوية
4/ رسوم كرت الخدمة الوطنية لمن عمرهم دون الكم كده ما عارف 65 الف
5/ رسوم تاشيرة الخروج 73 الف
من تدخل جهاز المغتربين ويدك في جيبك لمن ينشرط ... ده غير الصفوف والواسطات
والتعامل الغير كريم من قبل الموظفين التقول بشتغلو بلاش .... في احسن الاحوال بتضيع يوم كامل
من اجازتك في المغتربين عشان تحصل على تاشيرة خروج ... كان الله في عون محمد احمد
طيب والمقابل شنو يا كرار التهامي ؟؟
ناس بتدفع عشرات السنين وجهازكم ده ما اداهم الحبه !!
|
Post: #18
Title: Re: دكتور كرار التهامي امينا عاما لشؤون العام
Author: Deng
Date: 09-20-2016, 09:10 AM
Parent: #17
تاااااني كرار التهامي!
الزول ده مش قبل كده أعترف وقال انو كان غواصة في للكيزان في الحزب الأتحادي الديمقراطي؟؟
|
Post: #19
Title: Re: دكتور كرار التهامي امينا عاما لشؤون العام
Author: Deng
Date: 09-20-2016, 09:11 AM
Parent: #18
الإنتهازي المتملق ود الباوقة.
طبعا كرار التهامي ده زولك وصحبك من الرياض.
|
Post: #20
Title: Re: دكتور كرار التهامي امينا عاما لشؤون العام
Author: محمد عبد الله الامين
Date: 09-20-2016, 09:15 AM
Parent: #19
يا بق بق بعد انتهاء فترة كرار التهامي
اتوقعك مدير كبيرر للمغتربين هههه
|
Post: #21
Title: Re: دكتور كرار التهامي امينا عاما لشؤون العام
Author: حماد الطاهر عبدالله
Date: 09-20-2016, 10:54 AM
Parent: #20
| Quote: دكتور كرار التهامي امينا عاما لشؤون العام |
تحياتي لك يا ود الباوقة وللأخ السفير د. كرار التهامي ....
طبعا نحن شريحة المغتربيين غائبين ومغيبين ولم يشاورنا أحد في إقالة السفير حاج ماجد سوار ولا في إعادة تعيين السفير د. كرار..
يعني المغتربين خارج الزفة. أو خارج دائرة الضوء......
وبالضرورة نعلم بأن د. كرار التهامي كأمين عام للمغتربين هو موظف دولة لخدمة أجندة الدولة ولكن بسذاجتنا كمغتربين نطمح أن
نجعله عميل مزدوج ليخدم بعض متطلباتنا كمغتربين آمل ألا يكون ك ( عشم الكلـــــب في الكسرة)............
طبعا معلوم لدينا بأن كل أمين عام سيحاول أن يتجمل ويكسب ودنا كمغتربين غير أن مهامه الرسمية ستكبله وفي النهاية سيقول كما قال
مثلا- السفير حاج ماجد سوار بأنه سعى وخطط وعمل والنتيجة كما يلي:
Quote: بحمد الله و منذ اليوم الأول وضعت إستراتيجية واضحة للعمل،، قامت على الآتي :-
1/ المغتربون و المهاجرون لهم فضل كبير على الوطن،، و قد إهتزت ثقتهم في قدرة الدولة على معالجة قضاياهم، لذلك كان أول هدف في إستراتيجية العمل هو ( تعزيز الثقة بين المغترب أو المهاجر و الدولة).
تعليق 1 عن النقطة الأولي: لم يتم تعزيز الثقة بل تدهورت أكثر لا ثقة البتة. ثقة نهي وباعظم عبارة.
Quote: 2/ ثم كان الهدف الإستراتيجي هو ( تعظيم العائد من الهجرة على أطرافها الثلاثة،، (المهاجر- الوطن – موطن الإقامة الجديد).
تعليق 2 عن النقطة الثانية: لم يتعاظم العائد من الهجرة بسب التدهور الكلي للإقتصاد السوداني.
Quote: 3/ تقوية التواصل مع الوجود السوداني بالخارج.
تعليق 3 عن النقطة الثالثة: لم يقوى التواصل نهائيا ولم تتكون جالية بالرياض.
Quote: 4/ إعداد الإستراتيجية الوطنية للهجرة خاصة في ظل تزايد أعداد المهاجرين في العقد الأخير حيث بلغ تعدادهم في الفترة التي أمضيتها ( سنتين و خمسة أشهر و عشرون يومآ) بلغ تعدادهم 286,000 مهاجر.
تعليق 4 عن النقطة الرابعة: تزايدت الهجرة العميان شايل المكسر بدون إيجاد أي خدمة موارد بشرية.
Quote: 5/ الإستفادة من الكفاءات السودانية المهاجرة الذين يقدر عددهم في العشر سنوات الأخيرة بأكثر من 50 ألف، و عبر برنامج الشراكة السودانية لنقل المعرفة عن طريق السودانيين بالخارج،،،
SPaKTEN؟
تعليق 5 عن النقطة الخامسة: كلام الطير في الباقير..... وغير مفهوم؟
Quote: 6/ العمل على دمج إقتصاد الهجرة الذي يقدر بأكثر من ثلاثين مليار دولار ( تشمل المدخرات و الأموال المستثمرة في الخارج و التحويلات) في الإقتصاد الوطني و قد أعددنا إستراتيجية إقتصاد الهجرة.
تعليق 6على النقطة السادسة: لم يحدث شئ بل تفشى السوق الأسود للدولار وشفط أي أمل للأصلاح.
Quote: 7/ توظيف التقنية الحديثة في تقديم الخدمات للمغتربين و المهاجرين،، و تبسيط و سهولة الإجراءات.
تعليق 7 على النقطة السابعة: ممكن.
.Quote: 8/ الإهتمام بالأجيال اللاحقة في المهاجر المختلفة،، ( الجيلين الثاني و الثالث)
9/ الإهتمام ببناء قدرات العاملين و تدريبهم.
تعليق 9 على النقطة الثامنة والتاسعة: كضبا كاضب لم يحدث شئ.
Quote: 10/ زيادة الإيرادات و ترشيد الصرف،، و بحمد الله زادت الإيرادات خلال فترة عملي بنسبة قاربت ال50%،،وزادت الأصول بما يقدر ب 40 مليون جنيه ( مليار بالقديم)
تعليق 10 على النقطة العاشرة: شئ طبيعي طالما عدد المغتربين زاد لازم تزيد الإيرادات منهم.
Quote: و خلال فترة عملي رشدنا إستخدام النقد الأجنبي حيث بلغ جملة ما تم إستخدامه مبلغ 386 ألف دولار،رغم زيادة المشاركات الخارجية و تسيير القوافل الثقافية و دعم أنشطة الجاليات.
تعليق على النقطة العاشرة: شئ طبيعي طالما عدد المغتربين زاد لازم تزيد الدولارات تزيد.
Quote: 10/ الإهتمام بالتجارب العالمية في إدارة الهجرة و قد زرنا عدد من الدول لنقل التجربة،، هذه بعض ملامح ما وفقنا الله لعمله خدمة للعباد و البلاد.
تعليق 10 على النقطة العاشرة مكرر: صحيح تفسحتم لمن قلتم بس لكن لم تضيفوا أي برامج
Omer Abdalla Omer
يعني يا دكتور حماد اديت الراجل F
انا خايف الراجل يربت
|
Post: #22
Title: Re: دكتور كرار التهامي امينا عاما لشؤون العام
Author: محمد حسن العمدة
Date: 09-20-2016, 01:47 PM
Parent: #21
تجديد ثقة دي يعني صنفرة ولا شنو ؟؟
طيب يعني الدباب حاج ماجد مافيو ثقة ولا المعنى شنو ؟؟
بعدين لقب دكتور دي قبل كدا في المنبر دا الشباب ما قصرو فيها عاوز تجيب الهواء لصاحبك مالك ؟؟
عمر عبد القادر ( ود الباوقة )
اذكر واحدة من محاسن جهاز شئون المغربلين بالخارج
|
Post: #23
Title: Re: دكتور كرار التهامي امينا عاما لشؤون العام
Author: علي محمد الفكي
Date: 09-20-2016, 03:35 PM
Parent: #22
رئيس الجمهورية يصدر قراراً بتعيين وتجديد الثقة للسفير د.كرار التهامي أميناً عاماً
لجهاز تنظيم شئون السودانيين بالخارج
ـــــــــــــــــــــــــــــــــــ
إنا لله وإنا اليه راجعون
التعازي لجميع المتغربين
ربنا يلزمكم الصبر
|
Post: #24
Title: Re: دكتور كرار التهامي امينا عاما لشؤون العام
Author: جمال ود القوز
Date: 09-20-2016, 05:25 PM
Parent: #23
اعادة تدوير الفشل ..
وترويج لشخصيات تم تجربتها ..
ولم تفعل شيء ..
اعقمت حواء السودان ؟..
ام هو احتكار للسلطة والمناصب ..
لو علمت الحكومة دي انه البلاوي والفشل الحاصل ده ..
كله من منسوبيها الاسلاميين عديمي الخيال والحيلة ..
لجعلتهم فقط في المراكز الهامشية ..
ولاستفادت من اصحاب الكفاءة مهما كانت توجهاتهم ..
والله لانصلح حال البلد ..
هسه كرار التهامي ده عنده شنو جديد يقدمه !!! ..
|
Post: #25
Title: Re: دكتور كرار التهامي امينا عاما لشؤون العام
Author: Dr. Ahmed Amin
Date: 09-21-2016, 10:54 PM
Parent: #24
حمد دخل
حمد خرج ...
|
|