محمد الامين بعد نص ساعة في قناة ام درمان ناس التكنلوجيا سجلوا لينا الحلقة ينوبكم ثواب نحنا العنقالة ( انا و ود اب سن واخرون) شغالين بالتلفون وما عندنا فيهو. فهم. قدر دا سجلوا لينا الحلقة عليكم كتاب الدين
بالله هسي دا رد زول من الزمن الجميل وشنو كدا ما عارف، لزول لسه في مقتبل الحياة الزوجية! يمين أنا يوم الزواج قالوا لي اضبح ليها كديسة من أول يوم و أهو ماشين كويس، ما بتعرف تفتح تلفزيون زاتو 24 ساعة قاعدة في الواتساب 😉
Post: #5 Title: Re: النجدة..... Author: عثمان عووضة Date: 09-14-2016, 03:58 AM Parent: #4
ياخي واتساب في عينك هسي. انا قايلك داير تقول قاعدة ٢٤ ساعة في حفرة الدخان😉😉😉 عان دا كمان بلا واتس اب بلا بيك اب
Post: #6 Title: Re: النجدة..... Author: Moawia Mohammed Date: 09-14-2016, 04:39 AM Parent: #5
يا عثمان عووضة كل سنة و أنت طيب
يا جماعة بالله عليكم الله كان ما نزلتوا ليهو اللقاء كامل الراجل دا كتر خيرو جاب لينا ود الأمين في عرسو كنا أول مرة نشوف الباشكاتب لايف ومن ديك و حبينا غناهو
Post: #8 Title: Re: النجدة..... Author: عثمان عووضة Date: 09-14-2016, 05:21 AM Parent: #6
كل ثانية وانت بالف صحة وخير وسعادة يامعاوية محمود والله زول اشتغل بي مافي بالله شوف هاشم صديق والباشكاتب: شلت قولن شيل وصفقة وقلت بس يا ريتني ابقى نسمة في حلم الاميرة او سبايب في الضفيرة او عقيد في تبر جيدها او قليب في راحة ايدها يا زمان اسمعني واكتب البريدها وريدها سيدي وريدي سيدها الزمان لو حتى بالغ ما اظن في زول يعيدها
Post: #10 Title: Re: النجدة..... Author: عمر دهب Date: 09-14-2016, 07:53 AM Parent: #8
عثمان كل سنه وانت طيب يا اخى
Post: #11 Title: Re: النجدة..... Author: عثمان عووضة Date: 09-14-2016, 08:16 AM Parent: #10
يسعد ايامك ولياليك يا ابو الدهب القابلة علي منی (معلیش مافي خيارات). 😉😉😉
Post: #12 Title: Re: النجدة..... Author: عزالدين عباس الفحل Date: 09-15-2016, 06:08 AM Parent: #11
عثمان عووضة
عووضة كل سنة وإنت طيب ، بتعرف الأستاذ الصحفي الأماراتي أبو الريش ؟
( عووضة كل سنة وإنت طيب ، بتعرف الأستاذ الصحفي الأماراتي أبو الريش ؟ بجريدة الإتحاد الأماراتية ،). ــــــــــــــــــــــــــــــــــــــــــــــــ ههههههههههههههههه، اهو ود الفحل جابو ليك لآيف.
غايتو يا عووضة معاوية قريبي لي هسّع يكون مِتحشر جوّا البطانية، بالله بالراااااحة عمل ميّت.
ملحوظة، الله لا حضرني خرفك...
Post: #15 Title: Re: النجدة..... Author: عثمان عووضة Date: 09-15-2016, 06:36 AM Parent: #13
يا ود المدير انت ما مشيت مع الوفد الحيكومي ولا شنو😉😉 .... ولدي لمن كان صغير قال لي يابوي الله. لا يحضرنا خرفك....ملي ابريق ساكت بتنشف ريقنا😁😁 ملحوظة: عليك جنكيز خان زيارة الوفد الحكومي الجاية جيب. لي معاك. عدد واحد حلة بريستو😈😈
Post: #14 Title: Re: النجدة..... Author: عثمان عووضة Date: 09-15-2016, 06:27 AM Parent: #12
وانت بالف خير ياعز الدين مؤسسة الاتحاد براها كان فيها تلاتة ابو الريش والتلاتة اسمهم علي
Post: #16 Title: Re: النجدة..... Author: عزالدين عباس الفحل Date: 09-15-2016, 06:43 AM Parent: #14
عثمان عووضة
الأستاذ الصحفي الأماراتي علي أبو الريش ؟ روائي وشاعر وإعلامي كان عندو عمود مشهور ، في آخر صفحة في جريدة الإتحاد الأماراتية ، وصل إلي منصب مدير التحرير ، أفتكر من راس الخيمة ، عرفتو ؟ ،،،،،،،
عزالدين عباس الفحل ابوظبي
Post: #17 Title: Re: النجدة..... Author: عثمان عووضة Date: 09-15-2016, 07:22 AM Parent: #16
ايوا زول. ضعيفوني. كملان من لحم الدنيا وطوالي زهجان سنة كم وسبعين كدا كان. عندو رواية بنشرها في الاتحاد علي حلقات استمرت زي تلاتة سنة اظن اسمها السيف والزهرة رئيس التحرير كان خالد محمد احمد. وزهجان من الرواية يوم في اجتماع التحرير قال ليهو يا علي اخبار روايتك شنو قال ليهو. خلاس بكرة. اخر. حلقة خالد تاني. يوم. جاب. خروفين. في الفطور وقال. بمناسبة انتهاء. الرواية 😉
Post: #18 Title: Re: النجدة..... Author: حمد عبد الغفار عمر Date: 09-15-2016, 10:21 AM Parent: #17
شلت قولن شيل وصفقة وقلت بس يا ريتني ابقى نسمة في حلم الاميرة او سبايب في الضفيرة او عقيد في تبر جيدها او قليب في راحة ايدها يا زمان اسمعني واكتب البريدها وريدها سيدي وريدي سيدها الزمان لو حتى بالغ ما اظن في زول يعيدها
الكلام دا حصل ليك زمان ول هسه
عشان نتصرف
Post: #19 Title: Re: النجدة..... Author: عثمان عووضة Date: 09-15-2016, 10:31 AM Parent: #18
والله يا حمد الكلام دا. بعد. قلبة العربية مشيت لي فكي قال لو عندك صاحبك برة خليهو يرسل. ليك. حلة بريستو 😞 😞 😞 😞
الروراي دة خليهو لينا عشان اللاب توب واحد لي وواحد ليك اقلاها نمرق من شلة العنقالة دي
Post: #21 Title: Re: النجدة..... Author: عثمان عووضة Date: 09-15-2016, 10:44 AM Parent: #20
وحاة. راجل كوستي يا ود اب سن ديل لا تلقى. منهم لاب توب ولا لاب بوتوم لاب. توب بالقالو هناي😉😉
Post: #22 Title: Re: النجدة..... Author: حمد عبد الغفار عمر Date: 09-15-2016, 10:47 AM Parent: #20
أنا بخاف من حلة البريستو دي موت ومعاها سخان الحمام
حلة البريستو مرة كان تضيعني وسخان الحمام مرة إنفجر قبل ما ادخل الحمام بدقيقتين
Post: #23 Title: Re: النجدة..... Author: عثمان عووضة Date: 09-15-2016, 11:02 AM
الحلة كانت دايرة تضيعك لانو كنت ماليها كوارع خيل وتكشكش في التلج وحايم جوة الشقة عامل راسك المدوقس دا. اما اذا. دار محور سؤالك عن السخان فالعندو الحنة يحنن نخرة الوزة بتاعتو او كما قال جلالدونا 😞 😞 😞 😞 😞
يا احمد الشايقي المغسة المغسة دايرة تشقنا ياخي السودان دا كان حاجة عجيبة خلاس يمين الله الغنية دي انا سمعتها من ود الامين قبل كم وتلاتين سنة وانا قاعد على بعد مترين. الا ربع منو احييييي يا فشفاشي ..... ينعاد عليك وعلى اهلك بمليار خير وبركة
ياسلام الأسد النتر زول حميل من الزمن الحميل مديد العمر وموفور الصحة لك وللباسكاتب ولأسرتك الجميلة ولكل من يحب الباشكاتب والله نحن من حب الباشكاتب سامي ولدي بحب الباشكاتب قبل ان يبلغ الثلاثة سنوات. كن بخير يا صديقي جني
ود اللمين وين يا عمك مع البرنسات دي كما قال ابو داؤود تعرفو البرنسة سلفني بسمة ونظرتين وارجاني آخر الشهر مقطع اخر غنية لي طه
Post: #38 Title: Re: النجدة..... Author: عثمان عووضة Date: 09-16-2016, 03:08 AM Parent: #31
يا ابو علاء عليك الله شنو في بلدنا دي الما بقى مسيخ وممصمص ياخي الخرطوم زمان تجي ماشي في الشارع الساعة واحدة صباحا تلقى مكرفونات الحفلات تتطاقش الفنانين ابو الامين ، وردي ، حسن عطية ، ابو داؤود ، عثمان حسين ، عوضية عذاب 😜 😜 😜 😜 😜
Post: #33 Title: Re: النجدة..... Author: عثمان عووضة Date: 09-16-2016, 02:12 AM Parent: #28
حيدر يا حيدر يا حرف الجيم ياخي يسعدك ربي ويخلي ليك اولادك ويخليك ليهم ...... ياخي الباشكاتب دا خليك من غناهو ياخي. دا زول مثقف ثقافة تحيرك... يمين تقعد تربع يدينك وتسمع ليهو بالساعات ما تزهج عجيب ياخ ودمت والمعاك في خير وبركة
Post: #32 Title: Re: النجدة..... Author: عثمان عووضة Date: 09-16-2016, 02:02 AM Parent: #27
والله يا ابو حتحوت كلامك بكون صحي الزول دا ما من عوايدو ...الايام دي شايفو ضبلان وكل شويتين يقول ليك نعسان اخد لي غمدة واجي تتذكر صورة اب صلعة البحك فيها ضهرو ديك؟😉 😉 😉
Post: #34 Title: Re: النجدة..... Author: Ahmed Khalil Date: 09-16-2016, 02:45 AM Parent: #32
Post: #35 Title: Re: النجدة..... Author: Ahmed Khalil Date: 09-16-2016, 02:52 AM Parent: #34
Post: #36 Title: Re: النجدة..... Author: Ahmed Khalil Date: 09-16-2016, 02:54 AM Parent: #35
Post: #37 Title: Re: النجدة..... Author: Ahmed Khalil Date: 09-16-2016, 02:59 AM Parent: #35
Post: #39 Title: Re: النجدة..... Author: عثمان عووضة Date: 09-16-2016, 03:19 AM Parent: #35
احمد خليل تنعدل عليك شقيش ماتقبل ياخي يحفظ ربي ويغتيك ويسعدك. ويخليك وكل ثانية. وانت بالف خير
Post: #40 Title: Re: النجدة..... Author: Ahmed Khalil Date: 09-16-2016, 03:54 AM Parent: #39