حكومة المنفى ...

01:45 PM September, 13 2016

سودانيز اون لاين
معاوية المدير-بكندا محافظة البرتا
مكتبتى
رابط مختصر

توطئة:
الغناي قال،
رحلت وجِيّت في بُعدِك لِقيّت كل الأرض منفى

ؤ جِيّت، اي قفلتُ راجعاً إلي حيث الوطن، وبما انّ كل الأرض في بُعدها
منفاً فذلك يعني أنها إذا رحلت إلي الجابون فتكون الجابون ليس بمنفى
ويصير الوطن منفى، فما امرّ وأصعب من أن يصبح الوطن ذآت
نفسه منفى !.

ما علينا...

الحمد لله الوآحد لقى ليهو منفى يتلصّق فيهو،
يعني ما يدفروا زول يجي يطلعا لينا ضفادع
ؤ بواقي ود ابرك ؤ صارقيل.

المرّة دي الظاهر الجبادة قبضت...

بما أنني ألعب جناح رآيد في تشكيلة حكومة المنفى هذه
فسوف أضحض أو إن شئت ادحض عشان لو وآحدة
طلعت غلت اكيّد التانية بتطلع صاح الديّك، كل وجُل
الشائعات المغرضة أو المقرضة (رغيف) التي
تسعى لتكذيب هذا الصرح الوطني العظيم...

بما اني عضو فعال في هذه الحكومة المنفى فأنا أُطالبها بإرسال
وفد بتاع منفى للتفاوض في ايّ حاجة حتي لو كان موضوع
ضُبان أو اب دبُر بضم البا وليس بضم الدا، شرط ان يكون
شخصي الضعيف ضمن هذا الوفد.

ملحوظة:
النثريات، النسريات مُهِمّة جداً...

إليكم الوثيقة التي تُثبت إنضمامي لهذا الكيان
ومدى كينونتي،

اللآبس الفلِنة رقم 19 دا جكسا في خط سِتّة...

غايتو الحكومة دي لو ما فيها وُفُوّد ؤ نسريات
أنا حأقدم إستغالتي وإلتحق بالمعارضة وهذا
للعِلم، ثمّ ولك الله يا وطني...

كويس إنها حكومة منفى واحد
ما بقت لينا حكومة منافي زي سيد الاسم داك


والعيد مبارك عليك وعضوية الحكومة

(
كويس إنها حكومة منفى واحد
ما بقت لينا حكومة منافي زي سيد الاسم داك


والعيد مبارك عليك وعضوية الحكومة ).
ـــــــــــــــــــــــــــــــــــ

ؤ يتبارك عليك وعلي كل من تحب يا حمد لبد.
الظاهر والله أعلم المنفى إسم جمع لأني ما عارف مقر
الحكومة دي وين وتمّ ضمي لها !...

ههههههههههههههه
كل سنة وانت طيب ياخ
بتاع مشاكل لقيتك, كدي كان راجل افتح مداخلة واتساب عشان يجيك الشريف الخليفةرئيس حكومتك لابس وزار هبة الله يورّيك ليه :)

(وحتى ذلك الحين يعلو الهتاف: عاشت حكومة المنفى, عاش الشريف الخليفة
صاحب الشهادة التي تثبت اصله العباسي الشريف السموأل رئيسنا المفدى في المنفى
عاش الشريف عرفات و عاش وزارهم و عاشت الثورة الراجياكم ههههههه).
ــــــــــــــــــــــــــــــــــــــــــ،
ؤ تحيا الوحدة الوطنييييييييييييية...

Quote: اللآبس الفلِنة رقم 19 دا جكسا في خط سِتّة..

ود المدير بختك .. جاتك عيدية مملحة ..
عيد سعيد ..

السفحى ود المدير
غايتو مصيبتك مصيبة
ناس وفد المنافى زاغو منّك
حكومة المنفى مجلياك
بس الحمد لله الله ستر ما استحمروك
غايتو قدّر و لطف و وقعت فوق الفويسق

(
ههههههههههههههه
كل سنة وانت طيب ياخ
بتاع مشاكل لقيتك, كدي كان راجل افتح مداخلة واتساب عشان
يجيك الشريف الخليفةرئيس حكومتك لابس وزار هبة الله يورّيك ليه :).
ـــــــــــــــــــــــــــــــــــــــ
وإنت وأُسرتك الكريمة طيبين يا حبيب.
وآت آيه ؟!، إنت بتعرف الحاجة دي من وين، والودآك تتداخل
مع الشرفاء الرؤساء النُبلاء آيه ؟. نحن علي الولاء والطاعة
لأهل العترة بتصلّح المشية، كمان تعال قول ما أهل العترة
عشان نخليك اليوم كلو تِتعتر...

(ود المدير بختك .. جاتك عيدية مملحة ..
عيد سعيد ..).
ــــــــــــــــــــــــــــ
منير الزول الدغري،
العيد يتبارك عليك ؤ يباركولك جديد وِليدآتك.
مملحة ساكت !، يا زول انا مِن لقيت إسمي في الكشف اشيّل
وادعك في هِديماتي واستّف في الشِنط ؤ لي عند البِدل المكجِنن
مشيت إشتريتِن ؤ جاهز للمؤتمرات والتِسِكِع في فنادق الخرتوم...

خرتوم وين يامديرنا العزيز .. ؟
قال ليك منافى ..يعنى تكون لافّى ..
لافى فى المنافى .. تذكرة مجانية للحوامة والفسحة فى أنحاء المنافى ..
الخرطوم إلاّ كان تجيها زول حوار .. هههه

(السفحى ود المدير
غايتو مصيبتك مصيبة
ناس وفد المنافى زاغو منّك
حكومة المنفى مجلياك
بس الحمد لله الله ستر ما استحمروك
غايتو قدّر و لطف و وقعت فوق الفويسق).
ـــــــــــــــــــــــــــــــــ
واللفحي الزي لفحيّك دا، مجلياني كيف ؟،
قوّم قِد، خلآس دفروك الحاسدين جيت طاير ؟،
أُمال اللآبس نمرة 19 دا مِيسي واللآ صاحبو ؟...

ايوااااااا

بس الشنطة ولازمن تكون بنية وجلد

ياني الشايلا ليك والفنادق والنثريات والقشرات بجيها ليك تب

ولا زول يجي يضايقني مافي ماتقولي حيدر ول ودالفكي زاتو

ودقيقة دقيقة اول تبادي شهادتك وينا وما تخمنا ساي بالله لازمن عليها تلاتة

اختام

وبالله شوف من الكبكبة ما سلمنا عليك زاتو

وعيدك مبارك

Quote: قال ليك منافى ..يعنى تكون لافّى .. لافى فى المنافى .. تذكرة مجانية للحوامة والفسحة فى أنحاء المنافى ..

لا يا منير, منافي مين ؟ دي مكنة ساي نهايتها القصر ومنصب مناسب للسيد الشريف الخليفة ابو شهادة مختومة
أمّال انت قايل قبل كم يوم شابكنا العفو عن البشير مقابل محاكمة علي عثمان ليه؟

صباح الخير

حكومة الظل دي ... عفواً حكومة المنفى دي عندها معارضة ؟ يعني ما ح تعملو معارضة منفى ؟ وهل معارضة المنفى دي ح تتكون من كيزان المنفى ؟ ولا كيف ؟

ود المدير سيب السلبطة
نمرة 19 ده مدير الجهاز بتاع حكومة المنفى
هسى اجيب ليك اليافطة ديك ألصّقا فى ضهرك
احسن حاج تناسبك فى الحتة دى انك تبقى غواضة
http://up.arabseyes.com/uploads2013/16_04_16146076450956941.gifhttp://up.arabseyes.com/uploads2013/16_04_16146076450956941.gif

آسف المداخلة خارج موضوع البوست

(خرتوم وين يامديرنا العزيز .. ؟
قال ليك منافى ..يعنى تكون لافّى ..
لافى فى المنافى .. تذكرة مجانية للحوامة والفسحة فى أنحاء المنافى ..
الخرطوم إلاّ كان تجيها زول حوار .. هههه).
ــــــــــــــــــــــــــــــــــــــــ
يا منير بصرآحة انا حكاية أقعد أصيع بمُدن الجمال من باريس لنيويورك
لفرانكفورت ؤ معاهِن إيطاليا الحكاية دي ما بتنفع معاي أنا عايز اكون
نزيل أحد الفنادق التي علي ضفاف نهر النيل الخالد ؤ يكون معاي حرص
خاس ؤ طيارة خاسة عشان أمشي ازور مناطق الشِدة إتعشى في ام صفقاً
عُرآض وإتغدي في الضِعين وافطُر في الحوآتة ثم آكل جاتوه في قِنيفِيّطة،
واشرب جبنة في شارع النيل وآخد سلفي مع فلآن ؤ عِلآن، ثم والنسريات
النسريات مهمة ياخ، خِلآف كِدا بيكون نمرة 19 دا مُنتحل شخسيتي...

إلي ود البشرى والملأ الذين يعج بهم هذا البوست، الشريف الحسيب
النسيب صاحب القُفطان مالك الأطنان ملك هذا الزمان سليل بني العباس
الفي الكورة ماخد الكاس يدعوكم إلي ليلة شِعيريّة يحيها شعراء البلآط،
ابو الطيب المتنبئ
ابو فِراس الحمداني
ابو العلاء المعري
البحتري،
وسيقدمها الأصمعي، وذلك بباحة القصر الجمهوري.
ممنوع إصطحاب اللطفال، وشكراً...

Quote: كان راجل افتح مداخلة واتساب

سوري يا قريبك! قصدي مداخلة فيس بووك

(سوري يا قريبك! قصدي مداخلة فيس بووك).
ـــــــــــــــــــــــــــــــــــ
البتاع دا انا مكجنو لكن لا مانع من أذهب واتاوق
طالما رئيسي الشريفي بيظهر بهناك لزوم البركة
وكدا...

(ايوااااااا
بس الشنطة ولازمن تكون بنية وجلد
ياني الشايلا ليك والفنادق والنثريات والقشرات بجيها ليك تب
ولا زول يجي يضايقني مافي ماتقولي حيدر ول ودالفكي زاتو
ودقيقة دقيقة اول تبادي شهادتك وينا وما تخمنا ساي بالله لازمن عليها تلاتة
اختام
وبالله شوف من الكبكبة ما سلمنا عليك زاتو
وعيدك مبارك).
ــــــــــــــــــــــــــــــــــــــــــ
حبابك محمد حسين والعيد يتبارك عليك ؤ علي حبانك.
يا خوي اكان للشهادات ناسي ديل بيعملوا لي شهادت اكتر من اللآت البروفيصور
قاسم قور، بس إنت ما عليك إلا تبقى لي عشرة في الشِنط والنسريا تحسِبِن
كويّس ما ينقصن الحبة، ؤ دايرك تبقى عليهن عشرة عشان الجماعة بتاعين الداخل
والخارج كلهم سفاحين ؤ لفاحين...

وا ناري المابقيت سواق
اطلع العالي وانزل الدقداق
.....
كمبلغ كبلنغ كمبلغ
كبلن كمبلغ كبلن

اي زول يحاول يعمل شخشخة هنا بكلم
ليهو سيدي الرييس يسختوا، مخيرين غايتو...

ياخى قلنا ليك بطّل سلبطة
السادة الكرام ديل لو حاسبنّك معاهم كا شرّفو البوست ده
و اّزروك وو عضّدوك و ضحدو عدوينّك
و شمّروا معاك ساعة الجد ساعد اليد
احسن ليك تكون معاى
لانى بصراحة قررت اشترى الحيكومة دى منّهم
ياها الفضلت ليهم بعد ما باعو كل شى

والله نشخشخ ونشخ كمان كيتا عليك..بث
مش البوست حق صاحبنا

(
صباح الخير
حكومة الظل دي ... عفواً حكومة المنفى دي عندها معارضة ؟
يعني ما ح تعملو معارضة منفى ؟ وهل معارضة المنفى دي ح
تتكون من كيزان المنفى ؟ ولا كيف ؟).
ـــــــــــــــــــــــــــــــــ

صباح النور هانئ.
بالحيل حا يكون عندها معارضة، وسوف تكون في شكل تبادل مواقع
اي بمعني عندما تصير الحكومة للقصر سوف يخرج الشعب للمنفى
وهكذا دوآليك...

Quote: بالحيل حا يكون عندها معارضة

اها...
وعندها معارضة معارضة طيب ؟

انتخبوه

مرشحكم

ابن "الدائرة"

(وا ناري المابقيت سواق
اطلع العالي وانزل الدقداق
.....
كمبلغ كبلنغ كمبلغ
كبلن كمبلغ كبلن).
ـــــــــــــــــــــــــــــ
يا زول إنت ما بتتوّب،
دآكِ الليلة ما سوينالك كرامة ؟.

فترنا يعلم الله...

(
انتخبوه
مرشحكم
ابن "الدائرة").
ـــــــــــــــــــــــــــــــ
حبيبنا حاتم بتاع الزُمبّارة،
حبابك ألف.
ايوا كدا، خليك في الحملة الإنتخابية حتي يُنظر لك
بعين الرضى، ولا تصيبك لعنة، كمان برضو نحن
دايرنك في فرقة القصر ؤ جيب معاك الموصلي.

ملحوظة،
انا ضد اللِستِيّكة 100% بلآ هوادة، ويبدو
إنو الريس هو الذي قام بالمسح، فمعذرة...

قال ضد المسح قال
و كمان مية المية
غايتو منّو العوض و عليهو العوض
بقيت زى فرانكلى
شايفو قبّل على الانقاذ و قال ح تنهار اسرع مما يتوقع
بختكم جاكم معارض جديد