بورداب الخرطوم ,, استشارة ,, معلومات عن المدارس الخاصة

08:58 PM September, 12 2016

سودانيز اون لاين
عبدالعزيز الفاضلابى-Brooklyn, NY
مكتبتى
رابط مختصر

لقد هَرمنا ونحن نساسِق فى الغربة
افكر فى ارسال اولادى للدراسة فى الخرطوم

المدارس التى اسأل عنها ابتدائ , ثانوى عام

المنهج ,, الـ Staff
الرسوم الدراسية
علاقة المدارس دى بوزارة التربية
واى معلومات اخرى سواءاً عن تجربة او عن علم.

جارنا العزيز كل سنه وانت طيب صحة وعافية
يا اخوي زي ما قلت ليك في بوست بت اهلك ديك
انا غلبني NY وجنبتا
كان غلبك مرحبتين حبابك علينا جاي
ولا اسأل صحبك ابو علي ( المجرّب ) كان بهناك في فايدة
تحياتي

كل عام و انت بخير عبد العزيز , بالنسبة للمدارس اخير ليك مساسكتك دي , انا تقريبا
كل عشرة شهور بمشي السودان ده كلام شوف و ليس مجرب الاولاد بيطلعوا خمسه
صياحا يجوك سته مساء تعبانيين من زحمة المواصلات و ده بترحيل المدارس , المناهج
ما بعرفها كيفنا , القروش حدث و لا حرج

كل عام والجميع بخير
عن تجربة ليس هناك افضل من مدارس المجلس الافريقى من حيث
الاستاف قمة فى الانضباط والرقى
المنهج نفس المنهج الحكومى
الانتشار منتشرة فى اغلب مناطق العاصمة
الرسوم اكثر من من مناسبة
وبالتوفيق

لقد هَرمنا ونحن نساسِق فى الغربة
افكر فى ارسال اولادى للدراسة فى الخرطوم


الودود الفاضلابي

اول حاجة امشي ادرس انت ما فاتك

بعدين الاولاد هينين

يا رسلم لعمهم كمال

ونوم قفا

وكل عام وانت بخير

هلا باخونا جمعة ,, كل عام وانت والاسرة الكريمة بخير
ياخ فعلاً نيويرك طاحونة ,, شوف لينا مخارجة جنبك
انا جاد ,, وتحياتى للبنيات

هلا بالحويريص كل عام وانت بخير وكل اهل ىسنجة الطيبين
من البحر لغاية العزازة وحريرى وام بنين ودار عقيل والليونة
ما هى نفس الحكاية هنا كلو زى شغل الحواشات نمرق الفجر ونرجع
بالليل

Quote: الرسوم اكثر من من مناسبة

هلا بالاخ عبدالله حسين
مشكور على المعلومات ,, وياريت لو تعطينا تفاصيل اكتر
مثلاً ماهى لغة التدريس لغير العربى والتربية الاسلامية؟
وهل يوجد استاف اجنبى ؟ بالنسبة الرسم انت قلت مناسبة
وكما تعلم مناسبة دى نسبية تختلف من شخص لاخر ياريت
لو اعطيتنا ارقام لنرى ان كانت مناسبة مقارنة مع المدارس الاسلامية
الموجودة فى امريكا ام الحال من بعضه ,, رقم انه توجد معايير اخرى
غير معايير الرسوم اذا هناك اشياء تجدها فى امريكا لاتجدها فى السودان والعكس ,, نرجو من المرور ان يتوسعوا فى ابداء الرأى فى
الموضوع من جميع جوانبه ,, خاصة المهاجرون الى دول غير الدول العربية ان كانت لهم تجربة فى هذا الموضوع
وتسلم على المشاركة ونتطلَّع الى عودتك بالمزيد.

السلام عليكم أخي الفاضلابي ..

أتمنى لك ولأبائك التوفيق ..

حسب رأي المدارس الأجنبية هي الأفضل مستقبلاً
فقط رسومها هي الأعلى ..

ارجو القاء نظرة علي المدارس أدناه:

مدارس كبيدة العالمية - كامبريدج ومدارس أسامة داوؤد ... إلخ
مدرسة نوفا الدولية
http://www.novainternationalschool.com/مدرسة نوفا العالمية

Quote: ول حاجة امشي ادرس انت ما فاتك بعدين الاولاد هينين يا رسلم لعمهم كمال

اووو الحبوب عمدة ,, العيد عليك يتبارك ياخ ,,
بختكم انتوا البلد فركة كعب اما نحن فنضرب اليه
اكباد الطائرات حتى يطلع زيتها ويكمل بنزينا
اقرا شنو ياخ ,, نحن الواحد بقا رسالة الوتساب فى تلتلة
سلامى للحبيب كمال الشبلى واسرته .

اقرا شنو ياخ ,, نحن الواحد بقا رسالة الوتساب فى تلتلة
سلامى للحبيب كمال الشبلى واسرته .

هههههه

كمال كنت معاهو فبل اسبوعين وبسلم عليك

الفكرة جيدة وشجاعة

خروج الاولاد من تلك الديار
في هذة المرحلة من تاريخ حياتهم

وما تخاف وربنا يوفقهم ويحميهم

Quote: حسب رأي المدارس الأجنبية هي الأفضل مستقبلاً فقط رسومها هي الأعلى

مرحبا دكتور احمد
قبل سنوات مضت نظرت فى مدارس الاتحاد وسانت فرانسيس
فوجدت اسعارها تقريباَ ضعف اسعار المدارس الاسلامية فى امريكا
ولكن الآن ظهرت مدارس جديدة فعسى ولعل وان شاء الله انظر
فى المدارس التى ذكرت حضرتك ,, ونرجو مزيد من المعلومات
ان انتظرنا لغاية ما السودان يتصلَّح فسننتظر كثيراً فلنعمل باضعف الايمان

الاخ عبد العزيز
ابن اخى معى بالمنزل يدرس فى العالمية بالصف الخامس من خلال متابعتى المدرسة تقوم بواجباتها بصوره
مرضيه والولد مرتاح المصاريف السنوية 5000 جنيه والدراسه بالعربى منهج وزارة التربية والتعليم لها 3 فروع الرئيسى
فى اركويت وفرع فى امتداد الدرجه الثالثة شمال المغتربين وثالث فى المعمورة ولديهم ترحيل لمن يشاء

توجد مدرسه اسمها كبس جوار القسم الشرقى فى اركويت تدرس كل المواد باللغة الانجليزيه وهذا حد علمى
اوفق الله ابنائك ونحن فى الخدمة

Quote: الاخ عبد العزيز ابن اخى معى بالمنزل يدرس فى العالمية بالصف الخامس من خلال متابعتى المدرسة تقوم بواجباتها بصوره

هلا ومرحبا بالاخ انور
مشكور على المعلومة القيمة ,, لا ادرى ان كنت تقصد بـ كبس مدارس القبس ام ان هناك مدارس بهذا الاسم؟
إن كنت تقصد القبس فقد سمعت انها لاتقل من حيث الرسوم عن مدارس الاتحاد ,,, اما فيما يتعلق بالاخرى
اريد مدارس تدرِّس المنهج باللغة الانجليزية طبعاً ما عدا العربى والدين؟ ولايهم ان كان المنهج حكومى ام لا.
الحاجة التانية خمسة الف جنيه دى كم دولار؟
تسلم يازول ياكلس

غايتو انا مابايدك على الفكرة دي ..
التعليم منهار فوق ما تتخيل ..
وكل العملية التعليمة اصبحت تجارة ..


ان كان ولابد فعليك بمدارس القبس

Quote: غايتو انا مابايدك على الفكرة دي .. التعليم منهار فوق ما تتخيل .. وكل العملية التعليمة اصبحت تجارة .. ان كان ولابد فعليك بمدارس القبس

لا حولاااااااا
اخرجت الارض اثقالها
اول شيئ انت غاتس وين ياودالقوز
تانى هام تدخل لاسلام لاكلام امانى ما اتلومت ,, علا نقول اللوم بجى بالغفلات
كيفك يارجل ياطيب وين اراضيك وربعك مشتاقين لقعدة جبنة ,, كل عام وانت طيب وجميع من تحب
المشكلة يا جمال تخليهم هنا ووب ترجعهم السودان دشلمية ووب
ياخ ولدى السغير قلت ليهو امشى اتوضا عشان نصلى قال لى:
انا يَوَدِّى ويقصد انا متوَضِّى طبعاً لو ماكنت ابوهو وعارف عربى
بروكلين كويس كنت افتكرتو بيقصد بـ (انا يَوَدِّى) انه بـ يَوَدِّى ويجيب.
شفت الورطة اللى نحن فيها ياصاحب؟

الفاضلابي التحتو الشدر كابي
١ - كل عام وانت والجميع هنا بالف خير
٢ - العام الدراسي بدأ منذ فترة ومن الصعب
او المستحيل ان تجد اماكن خالية لاطفالك واذا
وجدت فمن الصعب او المستحيل ان يتمكنوا من
الاستمرار مع زملائهم وفي هذه الحالة ستكون بدايتهم
متعثرة ومضطربة والنتائج الأكاديمية ربما تؤثر على مستقبلهم
٣- رسوم المدارس المحترمة اكاديميا عالية نسبيا ربما تتجاوز تلاتين
مليون سنويا اضافة الى رسوم الترحيل وحق الفطور والمتطلبات
الاخرى
٤- على الاطلاق لا اؤيد ارسال اطفالك وبقاءك بعيدا عنهم فهناك
عدة مخاطر ... اقول هذا عن علم حيث لي بعض الاقارب والاصدقاء
ويملكون او هم شركاء في مدارس خاصة
انا على اتم استعداد لتزويدك بتفاصيل اخرى قد تحتاجها او المرور
معك علی عدة مدارس مختارة في حال حضورك للسودان (وهذا.
ما احبذه) لتقف بنفسك على الأوضاع
اكرر وأتمني انا لا تبعد الاولاد عنك .... المخاطر..،المخاطر ... المخاطر.
التربوية يا عبعزيز يا ود امي
مع احترامي وثقتي في اهلك واصدقائك هنا لكن!!!!!! ما حك
جلدك مثل ظفرك... خلي وليداتك تحت عينك
اسمع كلامي.. ربما تكون كلماتي قاسية لكين صدقني.
البلد صعبة

ود الفاضلاب
الاستشارة حتجيك من بسمات لانها قرت الأاساس والثانوي في مدرسة خاصة واظنها
احسن مدرسة خاصة في الخرطوم ،، وسوف نأتيك منها بالخبر اليقين والاجابة على كل اسئلتك
عندما نقابلها هذا المساء...
والله يديك الصحة والعافية..

تخريمة..
انا بأيدك في الفكرة ترسل اولادك للسودان في مرحلة الأساس حتى يتشبعوا بروح السودان وتقاليد السودان
وعادات السودان والفصاحة في اللغة العربية حتى اذا كانوا بيطلعوا من البيت الساعة خمسة صباحا ويجوا راجعين
البيت الساعة 7 مساء....وطبعا بيتوقف على رسوم هذه المدارس الخاصة وكيفية سدادها...واذا كانت القدرة المالية
موجودة فلا تتردد ابدا ، فأنت الرابح في النهاية...
والله يديك الصحة والعافية

Quote: اكرر وأتمني انا لا تبعد الاولاد عنك

ياسلام ياعوووضة
تعرف جملتك دى قالتها لى الوالدة الحبيبة رحمة الله عليها
وطبعاً ياعووضة مهما حرص الناس على مصلحتك فلن يكون
حرصهم مثل حرص امك ,, فاشكرك على هذا الاخلاص فى النصيحة
اما ما اتفق معك فيه فهو قولك: (ماحك جلدك مثل ظفرك) ورغم ان اهلى
كانت لى معهم تجارب تجلى فيها اخلاصهم وامانتهم الا اننى انظر الى المسألة
من ناحية اخرى هى ان ظروف السودان قد اصبحت ضاغطة فوق طاقتهم
وان اظافرهم كغيرهم من السودانيين اصبحت لا تصل الى ظهورهم التى اثقلتها المعيشة
فهم معذورون ان لم يحُكُّوا لى جلدى.
ولك واسرتك اجمل الامانى بحلول العيد.

Quote: الاستشارة حتجيك من بسمات لانها قرت الأاساس والثانوي في مدرسة خاصة

حباب اللميرة ,, كل عام وانت ومن يحبك ومن تحبينهم بخير
(طبعاً كده نكون اتمنينا لكل الدنيا عشان انت بتحبى كل الناس
والناس بتحبك)
بسمات بت حلتى الـ تصبر سااااكِت الـ لاعبِّرتنى ولاجابت لى
زونيا من اتبرا ,, لك ولهاوامتثال التحية والعيد يتبارك عليكن
والسنة الميلادية الجاية نشوفكن عرائس ,, فى بيوت تحفها السعادة.
تصدقى بسمات خاتيها فى بالى وكل مرة اتاوق اشوفها جات ولا ماجات.
باقى نِجَيْضَة وفالحة ,, كيف عاد ما بطحانية.

Quote: انا بأيدك في الفكرة ترسل اولادك للسودان في مرحلة الأساس حتى يتشبعوا بروح السودان وتقاليد السودان

ايوه يا اميرة وفوق ده الحضن الدافى ,, حضن الخالة والعمة والحبوبة
دى بتخلى الطفل يكبر وهو متوازن نفسياً ويعرف قيمة العلاقات والروابط الاسرية.
تسلمى يازولة ياراقية ,, بالمناسبة انا الليامات دى وصلت المناخير
من نيويورك وعيشة الشقق فقمت بم جولة نواحى كنيتيكت بغرض الانتقال
الى فاميلى هاوس وعجبتنى ويست هيفن لانو السودانييين الفيها ناس
مكملين حد السماحة ولحسن الحظ عندى اصحاب فيها وده بالنسبة لى خيار قيد الدراسة برضو رايك مطلوب.

اشكر كل الذين مروا من هنا واسمحوا لى ان نقوم بين فينة واخرى
بتلخيص الاراء وفرزها بين مؤيد ومعارض للفكرة ,, وقد أذِنت لمن يفعل ذلك نيابة عنى
وحتى حين ميسرة اترككم فى حفظ الله ورعايته.

Quote: (Nova International School)

دخلت على موقع هذه المدارس تبدو جيدة
لكن طبعاً ده كلامهم هم عن نفسهم (يعنى شكَّارتا دَلَّاكَتا)
والرسوم لا يعلنوا عنها فى الموقع فهل منكم من لديه تجربة
وكم الرسوم؟ نرجو عودة د. احمد امين.
اولادى واحد فى الصف الرابع الابتدائي والبنت فى
الصف السابع (Middle School)

سالنا بسمات عن المدرسة الخاصة الدرست فيها ..في الخرطوم
لكنها لمن سمعت السؤال وكانه عضاها عقرب....وقالت معقولة
وهي المولودة في عطبرة حتدرس في مدارس الخرطوم....
وطبعا انا الجاهلة مفتكراها وهي البرجوازية لازمن نكون قرت
في مدارس خاصة..ولمن عرفت السبب في سؤالنا قالت ان بنت
عمها درست في احسن مدرسة خاصة في الخرطوم وهي مدرسة
بريطانية صاحبها سوداني وانها حتضرب ليها تلفون باكر وحتجيب
لينا النجيضة من صاحبة الشان نفسها...لانها نجحت واصبحت طبيبة
وعملت دراسات عليا في بريطانيا ...
والله يديك الصحة والعافية

الفاضلابي سلام

لو قدرت تدخل بتاع الثانوي مدرسة حكومية نموزجية

احسن ليهو من المدارس الخاصة بكتير جدا

حتشوف رايى مشاتر لكن عن تجربة بحكي

ومشكلة المدارس الخاصة مش في غلاء الرسوم

وبس لا يا الحبيب وحات الله سندوتشات وشوكلاتة

وعصير تدفع فيهم اكتر من رسوم السنة والترحيل

برضو برة الشغلة وبعد دا كلو تصدق في دروس

خصوصية ابوا ما تستغرب وتدفع فيها

انا موجوع والله من القصة دي يا اخوي

وقروشي كملت فيها ويا ريت يجيبن مريسة تامزين

وما القاهن في سوريا ول ليبيا مجاهدات

ولك احترامي

وتخريمة استشارة ليك و لقريبتي اميرة بت السيد

بالنسبة ل زول صيدلي وشاب صغير وما بتاع شدايد

قمة الادب والاخلاق والشطارة عندو ماستر وحابي

يواصل قراية وجاييكم باللوتري احسن مكان ليهو وين

في بلدكم الكبيرة دي

وشكرن

Quote: ولمن عرفت السبب في سؤالنا قالت

سلام يا اميرة
وبسمات بتتكلم من وراء حجاب مالها؟
اوعى تكون زعلانة منى ؟ غايتو كان بسمات
زعلت منى ياها الدايرانى اسيب المنبر وابقا وتسابى ساكت.

Quote: حتشوف رايى مشاتر لكن عن تجربة بحكي

مرحبا اخوى محمد حسن
ابداً رأيك ماهو مشاتر حاشاك ,, ماذكرت نسمع به كثيراً والمدراس الحكومية النموذجية مستوى الدراسة فيها قد يكون
مناسباً لمن يريد ان يكمل تعليمه فى السودان حتى الجامعة انما انا افكر فى ان يعودوا بعد ان يتشَرَّبوا الثقافة
ليواصلوا مع اخوهم واختهم الذين على اعتاب التخرُّج العام القابل بإذن الله وقد كانت لى تجربة مع ابنى البكر
فقد ارسلته لمدة سنتين فدرس فى مدارس كمبونى عطبرة وكانت التجربة لا بأس بها الا انها لم تكن فى مستوى الطموح.
بالنسبة لسؤالك عن دراسة الصيدلة دعنى ارجع لاصدقائي الصيادلة
واجيك بالنجيضة ان شاء الله.

-----واجيك بالنجيضة ان شاء الله ---------


تسلم يا الحبيب

كلام في المليان ،
،،،،،،،

Quote: الفاضلابي التحتو الشدر كابي ١ - كل عام وانت والجميع هنا بالف خير ٢ - العام الدراسي بدأ منذ فترة ومن الصعب او المستحيل ان تجد اماكن خالية لاطفالك واذا وجدت فمن الصعب او المستحيل ان يتمكنوا من الاستمرار مع زملائهم وفي هذه الحالة ستكون بدايتهم متعثرة ومضطربة والنتائج الأكاديمية ربما تؤثر على مستقبلهم ٣- رسوم المدارس المحترمة اكاديميا عالية نسبيا ربما تتجاوز تلاتين مليون سنويا اضافة الى رسوم الترحيل وحق الفطور والمتطلبات الاخرى ٤- على الاطلاق لا اؤيد ارسال اطفالك وبقاءك بعيدا عنهم فهناك عدة مخاطر ... اقول هذا عن علم حيث لي بعض الاقارب والاصدقاء ويملكون او هم شركاء في مدارس خاصة انا على اتم استعداد لتزويدك بتفاصيل اخرى قد تحتاجها او المرور معك علی عدة مدارس مختارة في حال حضورك للسودان (وهذا. ما احبذه) لتقف بنفسك على الأوضاع اكرر وأتمني انا لا تبعد الاولاد عنك .... المخاطر..،المخاطر ... المخاطر. التربوية يا عبعزيز يا ود امي مع احترامي وثقتي في اهلك واصدقائك هنا لكن!!!!!! ما حك جلدك مثل ظفرك... خلي وليداتك تحت عينك اسمع كلامي.. ربما تكون كلماتي قاسية لكين صدقني. البلد صعبة عثمان عووضة ،،،،،،،

عزالدين عباس الفحل
ابوظبي

Quote: كان غلبك مرحبتين حبابك علينا جاي

جمعة هرى ,, بين بين

Quote: بالنسبة للمدارس اخير ليك مساسكتك دي

ماهر الحويرص ,, رَافِت

Quote: عن تجربة ليس هناك افضل من مدارس المجلس الافريقى

عبدالله حسين ,, مؤيد

Quote: الفكرة جيدة وشجاعة

العمدة الشبلى ,, مؤيد

Quote: حسب رأي المدارس الأجنبية هي الأفضل مستقبلاً فقط رسومها هي الأعلى

اربعة اصوات ,, رافضة ,, مقابل ستة اصوات مؤيدة وصوت واحد ممتنع

د. احمد امين ,, مؤيد

Quote: ابن اخى معى بالمنزل يدرس فى العالمية بالصف الخامس من خلال متابعتى المدرسة تقوم بواجباتها بصوره مرضيه والولد مرتاح

انور عبدالرحمن الشيخ ,, مؤيد

Quote: غايتو انا مابايدك على الفكرة دي ..

جمال ودالقوز ,, رَافِت

Quote: . خلي وليداتك تحت عينك اسمع كلامي

عثمان عووضة ,, رَافِت

Quote: انا بأيدك في الفكرة ترسل اولادك للسودان في مرحلة الأساس

اميرة السيد ,, مؤيدة

Quote: لو قدرت تدخل بتاع الثانوي مدرسة حكومية نموزجية احسن ليهو من المدارس الخاصة بكتير جدا

محمد حسن عبدالله ,, مؤيد

Quote: كلام في المليان

عزالدين الفحل ,, رَافِت
اربعة اصوات ,, رافضة ,, مقابل ستة اصوات مؤيدة وصوت واحد ممتنع

كل سنة وانت طيب وضيوفك بخير..
انا مؤيدة الفكرة من ناحية المبدا ...ولكن مع بعض التحفظات
حول اين سيسكن الاولاد وهم بعيدين عن امهم وابوهم...هل مع خالتهم
ام حبوبتهم ام عمتهم ....والتاييد والرفض حيكون على حسب السكن...
..انا في فترة الراحة الbreak وساعود للتفاصيل بعدما ارجع ...
ودمت بالف خير

اشرقت الانوار يابسمات ,, وحمد لله على سلامة رجوعك.
السكن ماعندى فيهو مشكلة ,, امهم حاترجع معاهم
سيكون فى الحتانة ان شاء الله رغم انو بيتى فى الازهرى
لكن عاوزة تكون مع امها وابيها . واخوانها ماشاء الله عليهم
فوق درجة ممتاز من كل النواحى ,, هذا بالاضافة لاهلهم من جهة
الأب فى امدرمان ,
وجزاك الله خير ,,

السكن ماعندى فيهو مشكلة ,, امهم حاترجع معاهم

بس خلاص

كدي تمام
مع امهم
امان

Quote: كدي تمام مع امهم امان

ماهو المشكلة فى سفرجت دى ياعمدة
غايتو السودان ده الـ تقول ماكِل مال فقير
قدر ماقلنا الحال ينعدل عشان نرج كلنا
برضك الحِمَيِّر فى طينو

ود الفاضلاب..
اذا امهم مسافرة معاهم ...فتاييدي للفكرة ميه في الميه...

اما معلومات بنت عمي فهي تقول ان افضل مدرسة خاصة هي
هذه المدرسة البريطانية ونظام الدراسة فيها على النظام الامريكي
والكندي والبريطاني والاساتذة معظمهم من بريطانيا ...واذا انت
قلت مقيم في امريكا واولاد جنسياتهم امريكية فسوف تدفع بالدولار
ولذا فهي تنصحك تعمل جوازات سودانية لاولادك وتدفع بالسوداني
ارخص بكتير من الدفع بالدولار...المدرسة كانت في العمارات والان موقعها
في اركويت الخرطوم...وتؤكد ان المدرسة دي فيها ضبط وربط ..وان بها
طلبة كثيرين جاءوا من امريكا وكندا وبريطانيا وكذاك فيها طلبة من الخرطوم..
وان المدرسة ناجحة جدا ومستواها رفيع جدا....
ولكن بعد الثانوي فالدراسة الجامعية في امريكا افضل ولا شك...لان افضل عشرة
جامعات في العالم منها ستة في امريكا....
ونتمنى لهم التوفيق والنجاح...
ودمت بالف خير وصحة وعافية

فاضلابي ياحبيب
اعتقد مدرسة Unity كويسة جدا من ناحية التدريس
......
عيالي مكثوا سنتين في السودان ومعهم امهم (عملت كمعلمة في نفس المدرسة) كانت تجربة كويسة جدا رغم قصرها .. 2007 الى 2009 ..

عزيزي الفاضل عبد العزيز الفاضلابيقرارك بارسال الاولاد للسودان للدراسة قرار صائب وحكيم
ولكن بشرط ان يدرسوا الجامعات خارج السودان لان الجامعات السودانية غير معترف بها في كثير من دول العالم..
ولكن جامعة الحياة في السودان هي اعظم جامعة..واعني بذلك أن حياة الطفولة والشباب في السودان يعلم الاولاد
الكثير من التجاربوالحنكة..
فمثلا عندما اذهب للسودان في اجازة واتحدث مع الاطفال اجدهم متفتحين وفاهمين اكثر من الاطفال الذين يولدون ويتربون في امريكا..
لان اولاد امريكا في طفولتهم قاعدين 24 ساعة قدام التلفزيون والآي فون والبلي استيشن..
وسوف اتي ببعض الامثلة عن الفوارق بينهم..
والله يديك الصحة والعافية

Quote: خاصة هي هذه المدرسة البريطانية

المدرسة البرطانية دى اسمها شنو يابسمات؟
ورسومها كم؟ وشكر كتير على المعلومات.

Quote: اعتقد مدرسة Unity كويسة جدا من ناحية التدريس

هلا بحيدر ,, عندك فكرة رسوم الـ Uunity كم فى السنة مشكور على المشاركة
وربنا يحفظك واولادك ,, ويبارك فيهم.

Quote: ولكن بشرط ان يدرسوا الجامعات خارج السودان

اميرة ,, مشكورة على المجهود ودامت البركة.
وانا اصلاً ,, مفكر يقروا الجامعات فى امريكا بإذن الله.
وفى النهاية: صدق الله الذى يقول:
{وَمَا تَشَاءُونَ إِلَّا أَنْ يَشَاءَ اللَّهُ ..}

ده موقع المدرسة يافاضلابي

http://www.unityhighschool.orghttp://www.unityhighschool.org

الفاضلابى العيد مبارك عليك
انا سبقتك بى شهرين
بعد دراسه اخترت كامبردج
الدراسه بالانجليزى والمعلمين من السودان وجنوب افريقيا
الامتحانات بتجى من المركز فى بريطانيا
الرسوم G1.3.4 انا دفعت 20000 للواحد
رسوم الترحيل 55000 للثلاثه خليت جدهم يوصلهم

عزيزنا ود الفاضلاب المدرسة اسمها British Educational Schools ووجدت هذه المعلومة عن المدرسة عند عمنا قوقل... وتقول بنت عمي ان صاحب المدرسة هو محمد بشير محمد صالح الذي كان مهاجرا في كندا ، وان والده هو الذي كان قد أسس المدارس البريطانية بالتعاون مع المركز الثقافي البريطاني في أعوام الخمسينات، وان اولاده ، ومن بينهم محمد بشير محمد صالح ، هم الذين أسسوا هذه المدرسة الحديثة عام 2003م.. أما عن المصروفات المدرسية السنوية ، فأصبر علينا شوية لغاية ما نعرف التفاصيل .. ولكن تأكد ان هذه المدرسة من افضل المدارس في الخرطوم، إذا أنت اخترت الخرطوم.. لكن اذا المدرسة دي عندها فرع في عطبرة ، فعليك بفرع عطبرة.. وحنديكم السكن مجان.. ( وش ضاحك) لأني بعرف زمان المدارس البريطانية كانت عندها فروع في مدن أخرى ومنها عطبرة ، عاصمة الثقافة في السودان. ودمت بألف خير وصحة وعافيةThis school was started in 2003 as a British Curriculum school to join its sisters: the language centers and the Sudanese Curriculum schools, as efforts from Mr. Osman Salih, and Mr. Mohamed Salih, the sons of the late Osman Salih Moahmoud, the founder of the institution: British Educational Institutes in the early 50s. One of the most strong and successful schools teach the British Curriculum towards the IGSCS certificate.

هلا بالعمدة لطفى ,, قلت لى قطعت عِرق وسيحت دمه؟
مشكور على المشاركة القيِّمة ,, بس ياخ حكاية المدرسين
سودانيين ومن جنوب افريقيا دى مخليانى كاشى شوية
جانا سودانى كان مدرِّس لغة انجليزية فى السودان وكنت
عازمه مع شباب اصحابه ,, اها قام يهظِّر مع ولدى السغير
ويلاوى فيه اظنه لوى ايد الولد فالولد قال ليهو كلمة لا تقال من شافع
لى زول اكبر منه فانا قمت وبخت الولد والجماعة قالوا لى خلاص يافاضلابى الولد صغير ,,
فقام مدرس اللغة الإنجليزية المحتفى به قال لى هى يالفاضلابى معنات الكلمة شنو؟
بعدين عشرين الف دى جنيه ولا دولار؟ وبتساوى كم دولار؟
ورسوم الترحيل خمسة وخمسين الف يعنى اكتر من رسوم المدرسة
فى عضُما ولا ده خطأ طباعة؟ عندك فكرة لو سافروا خلال شهر ممكن يجدوا مقعد دراسى؟
تسلم على المرور المفيد ,, وبالتوفيق لك واولادك.

Quote: (الرسومG1.3.4)

دى رسوم ولا خطة ريال مدريد؟

الأخ الفاضلابي
ما أظن الجماعة خلوا لينا شيتاً نقولوا
بخصوص كلام بسمات الأخير عن مدرسة صديقنا محمد بشير صالح محمود إسماعيل
أنا أؤيد كلامها و(محمد البشير ) صديق شخصي
لو تريد التواصل معه أتصل بي في الخاص أعطيك كل التفاصيل
ومحمد رجل أكثر من ممتاز يعطيك فكرة كاملة عن كل الوضع في السودان دون التحيز لمدرسته
- أنا مسؤول من الكلام دا -
تحية لكل الضيوف خاصة الأخت بسمات بمشاركتها الأخيرة التي أجبرتني علي التداخل رغم الظرف الخاص
ما دام دخلت أنا مع الأخ عثمان عووضة - بس ما تتأثر كثير بي رأيي في الإعتراض
أما إذا كان لا بد عليك بكلام بت الشيخ
تحياتي وتمنياتي بدوام التوفيق
___
الحليلة

اها اخونا الحليلة جابها ليك من الاخر...اتصل بيه وانت جيب
لينا التفاصيل...
ودمت بالف خير

السؤال المُلح بشدة ،
الآن هل توجد مقاعد فارغة الآن ،
في مدرسة الـ British Educational Schools
وعلي حسب علمي ،
المدارس في طور الإمتحانات ،
بتاعت التيرم أو الإختبارات ،
و الله أعلم ،

***
نصيحة يا الفاضلابي ،
ما ترمي كلام عوووضة الواطة ،
أولادك ، أولادك ، أولادك ،
الزمن بقي صعب ،

،،،،،،،





عزالدين عباس الفحل
ابوظبي

الفاضلابى ماتكش

السلام عليكم ورحمة الله وبركاته وعيدكم مبارك
الاخ عبدالعزيز الفاضلابي تجدني من مناصري العودة الطوعية للأبناء وحبيت اشارك بتجربتي مع عودة الابناء من الغربة والدراسة بالسودان
حيث الحقت ابنائي الاثنين بمدرسة الاكاديمية العالمية السودانية وهي مدرسة تتبع وزارة الخارجية خصصت لابناء وزارة الخارجية حيث يعود المبتعث من بعثته الدبلوماسية بعد اربع سنوات فتختلف علي ابنائه الدراسة لذلك انشئت هذه المدرسة بقسميها العربي والانجليزي والان بدء العام الثاني لهم بها.
كان همي الاول بعد قرار عودتهم مع والدتهم الناحية السايكولوجية وتأقلمهم مع الجو العام.
وقع اختياري للمدرسة بعد التمحيص والتدقيق
الرسوم لG10 للسنة الحالية 23 مليون جنيه شاملة الترحيل
ول G8 للسنة 20مليون ومقر المدرسة بكافوري بجوار نادي الخارجية
آمل ان اكون قد افدت بتجربتي

انا شايفة اسعد باوارث اداك فكرة عن المصروفات المدرسية..وطبعا ال٢٣ مليون كتيرة بالنسبة للناس في السودان ...وناسباوارث ديل معروفين اغنياء زي ناس ابو العلا وعب المنعم محمدوالشيخ مصطفى الامين ..ومصروفات زي دي بسيطة بالنسبة ليهم.لكن انت مفروض تحسب ميزانيتك لانك حترسل بالدولار..وتحسب حسابالمعيشة وخلافه ..اما العلاج والذهاب للدكتور فحدث ولا حرج...ومن رايي اذا لا قدر الله في حالة اي عراض مرضية تسفرهم امريكا يتعالجوا ويرجعوا لان ثمن التذكرة لامريكا ارخص من رسوم العلاج في السودان.....اها بنسهل ليك في الامور....وتتخذ القرار الصائب..وبالنسبة للناس البيقولوا مافي اماكن ..ممكن تنتظر للعام القادم..وما تستعجل
..ودمت بالف خير

ود الفاضلابي
زي ما قال ليك لطفي العمدة ما تكش
لان الاساتذة السودانيين هم احسن من
يتكلمون ويعلمون اللغة الانجليزية والانجليزي
البتكلموهو الامربكان هنا ما انجليزي فصيح ولكن
انجليزي دارجي ِِِِوالله يديك الصحه والعافية

مواصلة:-وبعدين الشفع الصغار دايما بيتكلموالغة ما بتتفهم للناس الكبارِِ...
.واساسا الامريكان بتكلموا بدون قواعد ونحوِِ وحتى البريطانيين لمن يجوا امريكا
بيلقوا صعوبة في فهم الدارجي الامريكي..ونحن البنقرا في الجامعات الامريكية
وبنفتكر نفسنا بنعرف انجليزي مرات ما بنفهم ولا كلمة لمن الامريكان ديل يتكلموا
الدارجي بتاعم المليان بمصطلحات غير انجليزية..ولكن لمن البريطانيين يتكلموا
بنفهمهم..
والله يديك الصحة والعافية

طلعنا من الموضوع الرئيسي وبقينا ندافع عن المعلم السوداني...
مرة قريت في مقال في مجلة بريطانية ان من افضل المعاهد لتدريب
المعلمين في افريقيا والشرق الاوسط معهد اسمه معهد بخت الرضا...
فهل هذا المعهد موجود حتى اليوم ام انه قد تدهور وولى...
والله يديك الصحة والعافية..

كلام أميره صاح
المعلم السودانى مشهود له
الرسوم دى بالجنيه يا الفاضلابى وكان طولت العشرين الف دى بتعمل ليها زى 1250 دولار
اما عن ال 55 الف ترحيل الرقم ما غلط وانا زاتى مستغرب
عشان كدا اتوكلت استاجرت عربيه لحدى ما ربنا يفرجها ونشترى
عشان ما تسالنى اجرت بى كم من هسه ب 5000 فى الشهر ( عربيه كحيانه )

العزيز عبدالعزيز الفاضلابي التحية والإحترام نسأل الله التوفيق والسداد لأطفالك أخبرني صديق عاد من هنا منذ نحو عام للإستقرار في السودان بأنه ألحق أطفاله بأول مدرسة Grammar School في السودان موقعها في الرياض المنهج إنجليزي وأسعارها معقولة طبعاً ال Grammar Schools في بريطانيا من أميز المدارس الإبتدائية والثانوية وبياخدوا التلاميذ النوابغ ضعها أحد خياراتك ولن تخسر شيئاً إذا جمعت المزيد من المعلومات عنها موفقين بإذن الله تقديري

ود الفاضلاب..
ما تسمع كلام ود عووضة البقول ليك ما تبعد من اولادك..
واساله السؤال ده:_ هل الافضل الاولاد يكونوا جنبي ويضيعوا
وتتربوا وسط بيئة فاسدة ، وخاصة والاطفال بيتاثروا بالاصحاب
وزملاء المدرسة وبيقضوا وقت اطول بره البيت ويطلعوا فاشلين
ويتمردوا عليكم لما يكبروا ولا احسن يمشوا السودان ويتخلقوا
باخلاق السودانيين وطاعة الوالدين....
بس ما تسالني ونحن قاعدات في امريكا لشنو....لا نحن جينا كبار
وواعيات وبعد كده ما بنتاثر بالبيئة الامريكية ولكن بنشيل منها الصالح
ونترك الطالح...
ودمت بالف خير

سلامات ياشباب ومشكورين على المساهمات القيمة
اسمحوا لى اوفى بوعدى لأخونا محمد حسن عبدالله
فقد وعدته بالاتصال بصديق وهذا ما جاد به صديقى
وليد المبارك ,, فقد اشار الى ان قريبك يامحمد يجب
ان يرتب اولوياته اولاً كان يفكر فى ايجاد عمل ليعينه على
مجابهة مصروفاته من سكن وطعام ,, الخ ويبقى حتى يتعود على
البلد ويجمع المعلومات حتى يتمكن من الاختيار بين البدائل ويمكنه
بعد ذلك الالتحاق بأى من الجامعات لأن تجارب الآخرين ليس بالضرورة
أن تنجح معه لأن لكل انسان ظروفه الخاصة به ,, أما من حيث الولايات
التى تكون فيها المعيشة والدراسة مناسبة اكثر من غيرها ولايات مثل اوهايو وميتشجان ,,
والولايات الكبرى تتميز بتوفر فرص العمل اكثر من غيرها
اما الدراسة فالانسب هى الولايات الاقل ازدحاماَ وايقاع الحياة فيها ابطأ وتيرة .
وهذا الرابط يمكنه البحث فيه وكل المعلومات عن كل الجامعات يمكن ان يجدها على متصفح قوقل.
ونرجو له التوفيق

https://www.google.com/؟gws_rd=ssl#q=pharmacology+studies+in+michigan

الفاضلابى سلامات

ياخى معقول يمر العيد ولا حتى تيلفون

كلام أخونا عثمان دا ما تزيد عليهو حرف

((((((٤- على الاطلاق لا اؤيد ارسال اطفالك وبقاءك بعيدا عنهم فهناك
عدة مخاطر ... اقول هذا عن علم حيث لي بعض الاقارب والاصدقاء
ويملكون او هم شركاء في مدارس خاصة
انا على اتم استعداد لتزويدك بتفاصيل اخرى قد تحتاجها او المرور
معك علی عدة مدارس مختارة في حال حضورك للسودان (وهذا.
ما احبذه) لتقف بنفسك على الأوضاع
اكرر وأتمني انا لا تبعد الاولاد عنك .... المخاطر..،المخاطر ... المخاطر.
التربوية يا عبعزيز يا ود امي
مع احترامي وثقتي في اهلك واصدقائك هنا لكن!!!!!! ما حك
جلدك مثل ظفرك... خلي وليداتك تحت عينك
اسمع كلامي.. ربما تكون كلماتي قاسية لكين صدقني.
البلد صعبة)))))

اولادك معاك ان يضيعوا 50% افضل من أن يضيعوا 100%

هذه الغربة اللعينة المفروضة علينا فرضاً اصبحت هجرة شئنا أم أبينا

وتعال ياخوى ونحن قبل شهرين مش مشينا وقضينا يوم كامل فى ولاية كنيتيكت بنفتش فى البويت

انت غيرت رايك ولا شنو ؟؟؟

السودان ودى الاولاد اجازات وبس وامش حج وارجا يومك فى ويست هيفن

تحياتى عبرك للباشمهندس جمعة هرى وهو شايفو هرب من نيويورك ونفد بى جلدو ونحن وراهو وراهو

ود الفاضلاب...
ما دام انت بتقول ان امهم راجعة معاهم السودان ...فمعنى هذا
ان الاولاد في يد امينة..واساسا هنا في البلد دي اظن ان الام هي
التي تهتم بالطفال وتراعيهم وتلبي طلباتهم اما الاباء فانهم جارين ورا
الرزق طول النهار والليل..ومنهم كمان من يشتغل ويقرا في نفس الوقت..

اما عن رايكم في اختيار ولاية كونتيكات للاقامة..فهي فكرة صائبة لان نيويورك
اصبحت مدينة شديدة الغلاء وخاصة السكن...وانا زرت مع اميرة معظم مدن وقرى
ولاية كونتيكات ...ولقينا السودانيين مبسوطين جدا وخاصة في المدن الصغيرة...
واذا كنتم تريدون السكن في ولاية كونتيكات والعمل في نيويورك فان اختيار العاصمة
نيو هافن اختيار ما موفق لانها بعيدة عن نيويورك لكن اختاروا مدينة اقرب مثل بريدجبورت
وفيها سودانيين ....وتعملوا زي ما بتعمل اميرة تسكن كونتيكات وتعمل وتقرا في نيويورك...
وهسع هي بتفكر كمان ترحل بريدجبورت ....
اما عن قريب محمد الحسن فان احسن ولاية للدراسة فهي ولاية ايوا....وقريبات اميرة مقيمات
هناك....وحكومتها بتشجع الطلبة لمواصلة الدراسات العليا وتكفل لهم السكن والعلاج المجاني
..وممكن اميرة تجيب ليك تفاصيل اكتر...
ودمتم بالف خير وصحة وعافية

Quote: بخصوص كلام بسمات الأخير عن مدرسة صديقنا محمد بشير صالح محمود إسماعيل أنا أؤيد كلامها و(محمد البشير ) صديق شخصي لو تريد التواصل معه أتصل بي في الخاص أعطيك كل التفاصيل

هلا بالحبيب الحليلة
تشكر كتير وان شاء الله ساتصل عليك.

Quote: لسؤال المُلح بشدة ، الآن هل توجد مقاعد فارغة الآن ، في مدرسة الـ British Educational Schools وعلي حسب علمي ، المدارس في طور الإمتحانات ، بتاعت التيرم أو الإختبارات ، و الله أعلم ،

سلام يا بن عمى ,, طبعاً دى مسألة مهمة ,, والاهم منها انى بعد عملت الحجز اخذت اخبار الاسهالات والكوليرا تتواتر ,,
وعدد من الطلبة اصيبوا بحالات اسهال ,, فبقيت محتار ..
ياخ لدرجة انو وصلتنى اخبار تحكى اللامبالاة وعدم اتخاذ احتياطات السلامة انه فى مدرسة وجدوا عقرب فى الزير.

Quote: الرسوم لG10 للسنة الحالية 23 مليون جنيه شاملة الترحيل ول G8 للسنة 20مليون ومقر المدرسة بكافوري بجوار نادي الخارجية آمل ان اكون قد افدت بتجربتي

سلام باوارث وكل عام وانتم بخير ,, الرسوم فى مدرسة اولادك تبدو مناسبة
لذلك ان كتب لهم السفر ان شاء الله ستكون واحدة من الخيارات.

Quote: ..اما العلاج والذهاب للدكتور فحدث ولا حرج...ومن رايي اذا لا قدر الله في حالة اي عراض مرضية تسفرهم امريكا يتعالجوا ويرجعوا لان ثمن التذكرة لامريكا ارخص

ماهو يابسمات مسالة العلاج دى ياها الخلتنا نزازى فى الغربة السنين الطويلة دى ,,
والله السودان بندورو لكن شنو الجبرك على المُر؟
وبينى وبينك انا سفر امهم دا المخلينى أكِش زى ما قال العمدة لطفى

غايتو كان سافرت معاهن يانى اللِّتيَتَمتَ.

Quote: وحتى البريطانيين لمن يجوا امريكا بيلقوا صعوبة في فهم الدارجي الامريكي

ذكرتينى يا اميرة واحد اخونا سودانى عايش فى بريطانيا
جانا فى نيويورك سمع الجمايكان والويست انديان بتكلموا
انقليزى ,, قال لى: غايتو الانقليزى فى بلدكن دى برطنوهو رطانة.

Quote: العزيز عبدالعزيز الفاضلابي التحية والإحترام نسأل الله التوفيق والسداد لأطفالك أخبرني صديق عاد من هنا منذ نحو عام للإستقرار في السودان بأنه ألحق أطفاله بأول مدرسة Grammar School في السودان موقعها في الرياض المنهج إنجليزي وأسعارها معقولة طبعاً ال Grammar Schools في بريطانيا من أميز المدارس الإبتدائية والثانوية وبياخدوا التلاميذ النوابغ ضعها أحد خياراتك ولن تخسر شيئاً إذا جمعت المزيد من المعلومات عنها موفقين بإذن الله تقديري

هلا بالاخ حمدنا الله
افادتك قيِّمة سننظر فيها وستكون من ضمن الخيارات المهمة
تشكر ياحبيب

Quote: اولادك معاك ان يضيعوا 50% افضل من أن يضيعوا 100%

سلام يابوعلى ,, غايتو بس بقت علينا حسبة بُرمَة.
قريباً لينا نادى ود الجيران يعمل ليه عملية حسابية
الولد قال ليهو ياعمى انت ولدك وينو ما تجيبو يجمع
ليك الحسابات دى؟
قال ليه ولدى سيبك منه يقوم يخُت الواحد ويطلع بالصفر
يطلعنى خسران.

Quote: نيو هافن اختيار ما موفق لانها بعيدة عن نيويورك لكن اختاروا مدينة اقرب مثل بريدجبورت وفيها سودانيين ....وتعملوا زي ما بتعمل اميرة تسكن كونتيكات وتعمل وتقرا في نيويورك... وهسع هي بتفكر كمان ترحل بريدجبورت

كلها شفتها يابسمات ,, وعجبتنى ويست هيفِن هادئة ونضيفة
وفيها سودانيين تختيهم فى الجرح يبرأ ,, بعدين بالنسبة للبعد
انا شغال فى القراند سنترال يعنى ساعة ونص بالكتير بكون فى المكتب
ومن بروكلين الانا هسع ساكن فيها بتاخد ساعة كاملة دور تو دور.
اما بريدجبورت ما بهدى اميرة عليها ,, فيها لبش كتير ,, وهى
عبارة عن هارلم زمان.

عبد العزيز ود الفاضلابي
نتمنى لك التوفيق في اختيار الأصوب لمصلحة الأولاد لأني عارفة ان الخيار صعب
وكثير من السودانيين عندهم الرغبة في إرسال اولادهم للسودان وهي بالمناسبة فكرة
صائبة ولكن الموقفهم حكاية الأمراض المنتشرة في السودان والعلاج كما تعرف صعب شديد
في السودان .. وفي واحد أكد لينا ان المستشفيات الخاصة في الخرطوم عبارة عن فنادق خمسة نجوم
ولكن للأسف بدون أطباء أكفاء.. وحكى لنا مآسي كثيرة في الأخطاء الطبية التي يرتكبها الجراحين في
غرفة العمليات..
أما عن فكرة الرحيل لبريدجبورت، زي ما قالت ليك بسمات ، فالفكرة خلاص خليناها بعدما سمعنا منك
انها زي هارلم زمان... وربما نرحل من ستامفورد ونسكن في نيويورك ...لمن تصلح الميزانية ..
والله يديك الصحة والعافية