Post: #2 Title: Re: نتاليا يعقوب ملكة جمال النوبا - صباحات سود Author: Elmosley Date: 09-12-2016, 04:07 AM Parent: #1
ناتاليا كم انا فخور بك وبامثالك رأسنا مرفوع ولونك اجمل مما تتخيلي عشان كده الشعراء زمان غنو ليهو اسمر جميل فتان و اسمر لونو لادن جسمو و اسمر جميل و الرشيم الاخضر ------------------- انا شخصيا قررت العودة لغناء اغنيتي التي غنتها سابقا سمية حسن من شعر الراحل المقيم محمود حسين خضر ياخدارنا الكنت دارنا وكنت في دنيانا واحة انت في ريدك مدارنا وانت في حبك ودارنا وانت غيرك مافي راحة يامنانا و سر غنانا وفرحة ايامنا ورجاها غايتو قولك بي امانة من عيونك دي و حنانا القلوب الجاها جاها -------------- شكرا كوستاوي
Post: #3 Title: Re: نتاليا يعقوب ملكة جمال النوبا - صباحات سود Author: اخلاص عبدالرحمن المشرف Date: 09-12-2016, 04:29 AM Parent: #2
شكرآ. كوستاوي غسلت روحنا من وسخ الكريمات عيد سعيد
Post: #4 Title: Re: نتاليا يعقوب ملكة جمال النوبا - صباحات سود Author: محمد حيدر المشرف Date: 09-12-2016, 06:48 AM Parent: #1
Post: #5 Title: Re: نتاليا يعقوب ملكة جمال النوبا - صباحات سود Author: اخلاص عبدالرحمن المشرف Date: 09-12-2016, 07:00 AM Parent: #4
غسلتي روحنا من وسخ الكريمات ...التلصق والاستلاب زي الرمح يدخل عديل جو الجرح في عين البغش والمنبطح اسود جميل اخدر اصيل ...راقص الخطا يا احلام فتي وسط نقارة داب زهو الجبال رفعة وجلال وطينة ارض نبتت معاها اصدق خصال
Post: #6 Title: Re: نتاليا يعقوب ملكة جمال النوبا - صباحات سود Author: Hussein Mussa Date: 09-12-2016, 08:05 AM Parent: #5
صباح الوجه الصبوح..صباح الجمال..صباح كل الناس الجميليين والسمحيين..ناتالي...صباحات العيد والدموع والابتسامات ..دائما انتوا الاحلي في بلاد الحلويين...اجمل التحايا من زوجتي الروسية ناتلي وبتهديك هذه الكلمات العذبات للمطرب الروسي ميخاييل شيفوتنسكي مع اجمل الامنيات...العيد مبارك علي الجميع مع احلي الامنيات...
تسلمى يا غالية ,, ويسلموا والديك الغريبة بعد رسالتها ,, الجميلة دى ومايزال (البيض) بتوع التلفزيون يحتكرون الشاشات ,, بدون فهم . يعنى اذا مافهموا الرسالة دى ,, حايفهموا متين؟ يعنى هسع ماحرام بنية بالفهم ده ماتكون فى التلفزيون وغيرها من الما فاهمين كوعُن من بوعُن قادننا ليل نهار؟
بمثل هذا الوعي..ينهض الانسان بوطن يتداعي ..وقيم..تتراجع..
عفارم عليك نتاليا ييعقوب..
Post: #11 Title: Re: نتاليا يعقوب ملكة جمال النوبا - صباحات سود Author: أيمن نواى على Date: 09-13-2016, 11:07 PM Parent: #10
هسى البخليكى يا نتاليا تتكلمى فى التلفزيون شنو..... انحنا كم مرة مش قلنا ليكم يا بنات النوبة ما تقربوا التلفزيون......انتو ما قاعدين تسمعوا الكلام..... بكرة الجلابة يقعوا فى بناتنا عرس يخلو خشمنا ملح ملح ....... الحكم خلينا ليهم والارض خليناها ليهم بكرة يلحقونا فى بناتنا ......بعد دا انحنا نمشى وين؟.
Post: #13 Title: Re: نتاليا يعقوب ملكة جمال النوبا - صباحات سود Author: بارودى مصطفى فاشر Date: 09-14-2016, 12:32 PM Parent: #1
ماشاء الله غاية الجمال والثقافة والوعى كلامها زى ما قال عبدرالقادر سالم خشيمها سكر طاعم كلامها مثال حى للفاتاة السودانية الاصيلة التى نفتخر بيها مش مثل الباقيات زى الحرباء يوم ابيض يوم اسود يوم نصف نصف
Post: #14 Title: Re: نتاليا يعقوب ملكة جمال النوبا - صباحات سود Author: Hussein Mussa Date: 09-15-2016, 08:35 AM Parent: #13
ياأيمن نواي...لعلك قريب لرفيق دربي للمرحوم الدكتور عمر نواي..انا جلابي...من هنا وليشهد الجميع انا أتقدم لخطبة ناتلي أتمني لا تخيب ظني...بنحب من بلدنا مابره البلد سودانية تهوي عاشق ود بلد..انا في الانتظار...
Post: #15 Title: Re: نتاليا يعقوب ملكة جمال النوبا - صباحات سود Author: عبدالعظيم عثمان Date: 09-15-2016, 09:47 AM Parent: #14
دا مستوى وعي مهم في وقت مهم حيث كثير من القشور أصبحت مسيطرة التحيه لبتنا نتاليا
Post: #16 Title: Re: نتاليا يعقوب ملكة جمال النوبا - صباحات سود Author: أيمن نواى على Date: 09-15-2016, 02:47 PM Parent: #15
الأخ حسين موسى
دا الانحنا خائفين منو ذاتو...... كدى خلينا نتشاور......الخريف الجاى نديك الخبر ...... بس ما تمشى تسال اى نباوى الخريف الجاى معناهو شنو.....تحياتى للدكتور عمر نواى .
Post: #20 Title: Re: نتاليا يعقوب ملكة جمال النوبا - صباحات سود Author: مني عمسيب Date: 09-17-2016, 10:50 AM Parent: #19
التحية للجميع .. وكل عام وانتم والوطن بالف خير ,,
هذا هو الجمال الحقيقي والطبيعي الذي يزينه جمال العقل والوعي ,الذي لايصيبه اي متغييرات . هنئآ لابنتنا الابنوسة نتاليا بهذا الجمال الطبيعي .. طريقة كلامها قمة الروعة والثقة الله يزيد ويبارك ..
ولكم وافر الشكر كستاوي علي بوستاتك البتشرح النفس .
ودمتم ,,,
Post: #21 Title: Re: نتاليا يعقوب ملكة جمال النوبا - صباحات سود Author: Kostawi Date: 09-23-2016, 04:25 PM Parent: #20
