كلما أعمل سكرول داون ــ أنطط بفوق الإعلانات والمقالات واالآراء والويكيبيديا للوصول لشباك الجماعة الطيبين، تقوم صورة البت الموريتانية دى تعتر لى بنظرتها المستاءة دى ــ التقول صاراها لى .. والموضوع ده طوَّل ياخ .. الموضوع عن زواج الموريتانيات أحلى زواج لصاحبه صلاح البندر .. وبمناسبة الزواج من موريتانية قيل إنو موريتانيا أصلاً قلبوها ' مرة تانية '.. أو كما قيل ..
االأخ سيف .. دى بعض روابط بكرى لمواضيع من الأرشيف ... كجزء من الصفحة .. تظهر فى يمين أول مداخلة وفى نهاية الصفحة :)
Post: #3 Title: Re: البنت دى كرهتنى المنبر ياخ !!!!.. Author: حمد عبد الغفار عمر Date: 09-05-2016, 07:07 PM Parent: #1
كيفك يا منير ياخ براك كاره المنبر ما تعملا سبب البت الحليوونة دي دي بت تفتح المنبر ضلفتين وبعدين قال ليك سهير عبد الرحيم الليلة سلخت الرجل السوداني سلخ مبالغة عشان الرجال السودانييين احتفوا بمظاهرة اللبنانيات المزورة
سلامات حمد .. قول زهجان من قفلة الشباك .. تخيل رغم القفلة لسه بمشى أعمل سكرول داون وألقاهم مافى .. أمبارح إضطريت أخش البوست من كترة الإلحاح لقيت الصورة منزلها كوستاوى فى آخر مداخلة ..
حامد بدرى .. تعود عليك الأيام بالصحة والسلام .. بتكيف للروح الفكهة فى مشاركاتك .. من الكورة للفاخورة دى ما مرت على قبل كده .. ولا محلات المديدة ــ دى جات بورانا.. نحن آخر حاجة تناولناها من الكشاك هى الشربات اللت الليمون .. :)
كل الحب والإعتذار للفنانة الشابة شادن محمد حسين.. لكن يا بت ابا السمح بيعجب الله..!!
كبر
Post: #15 Title: Re: البنت دى كرهتنى المنبر ياخ !!!!.. Author: أحمد محمد عمر Date: 09-06-2016, 08:50 AM Parent: #14
Quote: من الكورة للفاخورة
Post: #16 Title: Re: البنت دى كرهتنى المنبر ياخ !!!!.. Author: جمال الباقر Date: 09-06-2016, 09:12 AM Parent: #15
adblockplus.org خش الرابط الفوق دة يا منير واعمل install للإضافة بتاعة مانع الإعلانات دي وشوف تاني كان تجيك البت دي
شكرا احمد محمد عمر
Post: #17 Title: Re: البنت دى كرهتنى المنبر ياخ !!!!.. Author: علي عبدالوهاب عثمان Date: 09-06-2016, 09:43 AM Parent: #16
شكراً جمال .. شكراً أحمد .. ده كلام جميل ( مانع الاعلانات ) في صور فظيعة جداً ومخجلة الواحد يستحي يفتح سودانيز عندما يكون في البيت الواحد فينا كمان بقى في الزمن الضائع ..
حبيبنا منير .. الصورة دي ما فيها حاجة .. المشكلة في صور ( ذوات المؤهلات الخلفية ) والاثارة هي صور محرجة جداً .. وخاصة في البيت والعائلة وبالأخص البنات وام العيال وكمان نحن ناس ثقافة ضواحي الدنيا .. لا تعاملونا بمقياس الاوربيين ههههه
شكراً منير كنت منتظر بوست لاثارة هذا الموضوع ..
مودتي للجميع ..
Post: #18 Title: Re: البنت دى كرهتنى المنبر ياخ !!!!.. Author: علي عبدالوهاب عثمان Date: 09-06-2016, 09:44 AM Parent: #16
شكراً جمال .. شكراً أحمد .. ده كلام جميل ( مانع الاعلانات ) في صور فظيعة جداً ومخجلة الواحد يستحي يفتح سودانيز عندما يكون في البيت الواحد فينا كمان بقى في الزمن الضائع ..
حبيبنا منير .. الصورة دي ما فيها حاجة .. المشكلة في صور ( ذوات المؤهلات الخلفية ) والاثارة هي صور محرجة جداً .. وخاصة في البيت والعائلة وبالأخص البنات وام العيال وكمان نحن ناس ثقافة ضواحي الدنيا .. لا تعاملونا بمقياس الاوربيين ههههه
سلامات للجميع وشكراً جميلاً .. ماعندى مشكلة كبيرة مع الإعلانات (بوب أب مامعانا)، بل إنو الشريط الفيهو مواضيع من الأرشيف ــ والذى يلائم موضوع البوست المفتوح ــ غالباً بتكون مواضيع جميلة .. لكين يبدو أنى بقرأ بوستات متشابهة لذلك بتجينى نفس الرصة .. وتقريباً موضوع 'مرة تانية' ده معلِّق بكيويرد مشتركة .. لأنه ثابت .. لو كان وش البت دى فيهو بسمة أو إنطراح مريح مافى مشكلة، إنما فيهو صرة ولمحة إستياء كده .. دى من النوع الممكن تتلاءم وتسمعك كلام مُر لو وقعت فى طريقها .. أها مع تكرار رؤية هذا الوجه المستاء عمل لينا عدوى وخلانا نستاء زاتو ..
الأخوة أحمدمحمدعمر وجمال الباقر .. شكراً على الروابط .. هسه عملت الـ آد بلوك لكين المنبر بقى صلعة ياخ .. إعلانات المواضيع الؤرشفة دى كانت مابطّالة ــ إلاّ موضوع الموريتانية دى ــ .. لأنو كان تقرأ موضوع عن الدولار تقوم تجيك لستة من البوستات المؤرشفة عن الإقتصاد والدولار وو .. تقرأ أى موضوع آخر عن أى شئ تترصّ ليك حزمة مواضيع مشابهة .. وغالباً بتكون مواضيع عناوينها مشوقة .. هسه خلاص .. no more ADs
أستاذنا الحبيب على عثمان عبدالوهاب .. أها إن شاء الله الـ آدـبلوك حلّ ليك المشكلة .. الصورة دى زيما قلت هى عنوان لموضوع صلاح البندر المؤرشف .. الممل فى هذه الصورة إنو فيها نظرة إستياء أصابتنى بعدوى الإستياء .. بالنسبة للصور المحرجة غايتو نحن عايشين فى نصها فيس تو فيس خاصة فى هذا الصيف الساخن ..
Hafiz Bashir .. وينك يا صديق؟ .. غايتو الفاخورة بعرفها، والكُورة برضو بعرفها .. لكين من كورة لى فاخورة دى ما بعرفها ...
Post: #27 Title: Re: البنت دى كرهتنى المنبر ياخ !!!!.. Author: احمد الشيخ Date: 09-07-2016, 01:24 PM Parent: #1
يا منير زول لاقي كل يوم يتصبح بالوجه الصبوح والعيون التي بها حور دي كل يوم الصباح ذكرتني بني اسرائيل ربنا رسل ليهم المن والسلوى كل يوم ياكلوا سمان وحلاوة جاهزة قالوا زهجنا دايرين فول وتوم وبصل ومخلل وبتنجان كان ما خايف من عادل امين كان فتيته
أحمد ودالشيخ مرحبتين .. أصبِّح بشنو ؟ ياخى نحن من كثرة الوجوه الحسينة المالية الدنيا فى الصيف ده لامن بطنا طمت .. ههه .. قلت لى خايف من عادل أمين .. الزول ده إن جاك طابق النسخة الأصلية بتاعة الحركة الشعبية إلاّ تشرد تمرق من البلد .. الراجل ده persistent شديد .. ليهو التحية رغماً عن إنو وصفنى بربع دماغ ..:)