الـشـيـخ مـصـطـفـى شـكـوكـو ،،، الداعية الى الله ،،، إبن الخرطوم بحري ،،،

05:51 AM September, 04 2016

سودانيز اون لاين
عزالدين عباس الفحل-ابوظبــــــــي
مكتبتى
رابط مختصر

.

تربطني بأُسرة شكوكو ،
أواصر متينة من الأُخوة ،
و الود المتين ،
فقد تربينا في حي واحد ،
في الخرطوم بحري ،

،،،،،،،







عزالدين عباس الفحل
ابوظبي

صديقي الحميم ،
الدكتور عادل شكوكو ، الأمارات ،
لم نفترق أنا و عادل ،
منذ الطفولة ،
مروراً بجميع مراحل الدراسة ،
أُسرة شكوكو كلهم ،
حسن المعشر ،
طيبين الخُلق ،
عقولهم نيرة ،
نوابغ ،
ترتسم الإبتسامة علي شفاههم دائماً ،
أصحاب نكتة ،

،،،،،،،







عزالدين عباس الفحل
ابوظبي

الشيخ مصطفي محمد عبد الدائم ،
المشهور بالشيخ مصطفي شكوكو ،





قبل ما يدخل الأخ مصطفي شكوكو ،
المدرسة الإبتدائية ببحري ،
و كان طفلاً يافعاً ذكياً ،
فاق عمره بكثير ،
كنا أنا و د. عادل شكوكو نداعبه بالأسئلة ،
نقول ليه حدثنا عن السياسة ،
و كيف نحل مشكلة فلسطين ؟
و رايك شنو في الأحزاب السياسية ،

،،،،،،،






عزالدين عباس الفحل
ابوظبي

اليوم وبحمد الله ،
أصبح الشيخ مصطفي شكوكو ،
داعية إسلامي و خطيب بارع ،
لا يشق له غبار ،
بالخرطوم بحري ،
إنسان متمكن و لبق الحديث ،
يحذب القلوب بحديثه الشيق ،
وتَشْرَئِبُّ إليه الأعناق لرؤيته ،
إنسان جميل المحيا ،

،،،،،،،







عزالدين عباس الفحل
ابوظبي

الداعية الى الله - الشيخ مصطفى شكوكو

،،،،،،،







عزالدين عباس الفحل
ابوظبي

الأستاذ.مصطفى محمد عبد الدائم " شكوكو "





فيسبوك

الأستاذ.مصطفى محمد عبد الدائم"شكوكو"
@MustafaShikoko
‏2 سبتمبر‏، الساعة ‏10:38 مساءً‏ ·

🅾 خير أيام الدنيا :

قال رسول الله صلي الله عليه وسلم :
(مامن أيام العمل الصالح فيهن أحب إلي الله من هذه العشر)
قالوا : ولا الجهاد في سبيل الله؟
قال( ولاالجهاد في سبيل الله الا لرجل خرج بنفسه وماله ولم يرجع من ذلك بشئ).
..
يقول الحبيب صلي الله عليه وسلم عن الايام دي ..اللي بدت اليوم وانت ماشي لحدي يوم عرفة إنو دي أحسن أيام الزول يعمل فيها أعمال صالحة.
الصحابة رضوان الله عليهم سألوهو : الاعمال الصالحة في الايام دي معقولة هي افضل حاجة.. ولا حتي الزول ال بمشي يجاهد في سبيل الله مابيلحق ال زول ال عمل اعمال صالحة في الايام دا ❓❓
فرد عليهم رسول الله : مافي زول بيلحق ال بيعمل اعمال صالحة الايام دي الا واحد طلع للجهاد ومعاهو قروشو .. استشهد و قروشو استفادوا منها في الجهاد دا زاتو.
..
يبقى الأعمال الصالحة في الايام دي أجرها عظيم جدا جدا.
ومابتلحق..
طيب نحن منتظرين شنو ❓❓
كونك عشت لحدي ما شمس اليوم لا طلعت انت راجل محظوظ خالص..
وعشان تكون كملت التوفيق انشغل الايام دي ب (الطاعات)
..
* من امثلة الطاعات :
- الصيام (تصوما كلها) او
(جزء منها)..المهم تصوم.
- تلاوة القرآن.
- الصدقة .. ولو جنية كل يوم.
- كثرة الاذكار.
- صلة الرحم.
- الاصلاح بين المتخاصمين.
- زيارة المريض.
- تشتري كهرباء ل جامع حلتكم.
- تجيب "مكانس" للجامع
(العشرة ب 30 جنية).
- الامر بالمعروف والنهي عن المنكر.
..
المهم
الايام دي ماتكون زي أمبارح والايام الفاتت.. تعدي منك ساااااي.
لأنو مامعروف ح تعيش للسنة الحرية ولا تفارق الدنيا.
..
اللهم وفق من نحب لما تحب

الأستاذ.مصطفى محمد عبد الدائم " شكوكو "
،،،،،،،




***
المصدر :-
الفيس بوك ،
،،،،





عزالدين عباس الفحل
ابوظبي

يا عبادي - الشيخ مصطفى شكوكو - خطبة الجمعة
،،،،،،،








عزالدين عباس الفحل
ابوظبي

الإستهداء
الداعية مصطفى محمد عبد الدائم " شكوكو "





الأستاذ.مصطفى محمد عبد الدائم"شكوكو"
‏30 أغسطس‏، الساعة ‏07:46 ص‏ •

🅾 الإستهداء :-

عبادة عظيمة.. وخصلة تميز المؤمن عن غيره.
اوصى بها الله العباد في الحديث القدسي الذي يرويه رسول الله صلي الله عليه وسلم عن ربه
(ياعبادي..
كلكم ضال إلا من هديته
فاستهدوني…
اهدكم).
إذن
الهداية من الله تعالى.
(إنك لاتهدي من أحببت ولكن الله يهدي من يشاء)
(ولو شاء ربك لآمن من في الأرض كلهم جميعا أفأنت تكره الناس حتي يكونوا مؤمنين).
لذلك افترض الله علينا هذا الدعاء كل يوم 17 مرة في الصلوات المفروضة
(اهدنا الصراط المستقيم)
لأنو
لو ربنا ماهداك..
مابتهتدي.
مهما بلغ الانسان من الفهم والعلم والذكاء والغنى والجاه و العز والشرف..
دا كلللللللو
مابيغنيهو من (هداية الله)
وياما ناس (شطااااااار) و (فطاحلة) ضلوا السبيل.
مع عقولهم.. ودرجاتهم العلمية
ليه..!!!
لأنهم مااستهدوا بالله
مااستعانوا بالله..
لم يطلبوا من الله ان يهديهم للحق.
قال شيخ الاسلام ابن تيمية رحمه الله
(وكم من ذكي.. شقي بذكائه)
أي والله
ذكي.. وشاطر.. ودكتور.. وبروف
لكن
شهاداتو دي ماعملت ليهو شئ غير بعدتو من ربنا وهدايتو.
..
في عبادات واذكار بتنبهنا للحاجة دي :
(الاستغفار بعد الصلوات)
قال شيخ الاسلام عنه:
(ليسد به الخلل)
وايضا في الترديد خلف المؤذن مثلما يقول الا في
(حي علي الصلاة..حي علي الفلاح)
يقول :
(لاحول ولاقوة الا بالله)
ليتخلص من حوله وقوتة.
..
و زي مابقولوا الحبوبات :
(ال مابهدي الكريم.. تعبان)

،،،،،،،




***
المصدر :-
الفيس بوك ،
،،،،،




عزالدين عباس الفحل
ابوظبي

الداعية مصطفى محمد عبد الدائم " شكوكو "





الداعية الإسلامي الشيخ مصطفي شكوكو ،
هو الشقيق الأصغر،
للصحفي و الإعلامي الأُستاذ صلاح شكوكو ،
عضو في سودانيز اون لاين ،
عمل فترة طويلة بالأمارات ،
و إسم الشهرة هو شكوكو جاء به الأخ صلاح ،
لاعب فريق الموردة سابقاً ،
لذا أُطلق علي كل أفراد الأُسرة إسم شكوكو ،
و الدكتور عادل شكوكو ، الأمارات ،
و الأُستاذ عماد شكوكو ، الأمارات ،
أُسرة شكوكو أُسرة متدينة و ملتزمة ،
أنجبت أعلاماً يشار إليهم بالبنان ،
اللهم أحفظهم جميعاً ،
،،،،،،،







عزالدين عباس الفحل
ابوظبي

،، الشيخ مصطفى شكوكو ،، الطريق إلى الله ،، ( حفظه الله ) ،،،
،،،، بمسجد بشمبات ،،،،
،،،،،،،







عزالدين عباس الفحل
ابوظبي

الصحابة .. مدرسة :
الأستاذ. مصطفى محمد عبد الدائم " شكوكو "

،،،،





الصحابة .. مدرسة :
الأستاذ.مصطفى محمد عبد الدائم " شكوكو "
‏26 أغسطس‏، الساعة ‏04:57 ص‏ ·

🅾 الصحابة .. مدرسة :

سرق من عبدالله بن مسعود دينارين في السوق.
فاخذ الناس يدعون علي السارق.
فاوقفهم عبدالله بن مسعود ثم دعى الله للسارق قائلا:
( اللهم إن كان قد سرق لحوجة.. اللهم فبارك له فيها..
وإن كان قد سرقها بطرا ..
فاجعلها آخر سرقة له ) .
..
ياخي ديل ناس عايشين في عالم تااااااااني خالص.
أي قلوب هذه..؟؟
أي سلامة صدور تلك ..؟؟
لكنهم
تلاميذ سيدنا رسول الله صلى الله عليه وسلم.
نحبهم ..ونتقرب إلي الله بحبهم.
،،،،،،،




***
المصدر:-
الفيس بوك ،
،،،،




عزالدين عباس الفحل
ابوظبي

⚫ لحظة من فضلك:
الأستاذ.مصطفى محمد عبد الدائم " شكوكو "
( حفظه الله ) .





الأستاذ.مصطفى محمد عبد الدائم " شكوكو "
( حفظه الله ) .
17 يونيو ·

⚫ لحظة من فضلك:-

لما تلاقي (نكتة) فيها :
- يوم القيامة..
- القبر..
- جبريل (عليه السلام)..
- الصحابة(رضوان الله عليهم)..
مامعقول
تضحك.
..
يعني ال بضحك شنو.. ❓❓
اذا ماكنت (مجنون)..
معناها
انك (جاهل)..بالدين
وماعارف إنو
(الاستهزاء) و(السخرية) بالدين
(كفر) عديل كدا ..
ربنا قال عن المنافقين اللي كانوا في جيش المسلمين وسخروا من بعض الصحابة وقالوا عنهم :
(جبانين… وأكاليين)
وكانوا عايزين:
(يضحكوا) (ويقضوا وقت)
بس
ربنا سبحانه وتعالى لم (يجاملهم) ابدا على فعلهم هذا
وانزل فيهم قرآنا يتلى إلي يوم القيامة :
(ولئن سألتهم ليقولن إنما كنا نخوض ونلعب * قل أبالله وآياته و رسوله كنتم تستهزؤون لاتعتذروا قد كفرتم بعد إيمانكم).
..
فعشان ماتجي يوم القيامة وتلاقي (ضحكة) تحت نيمة..
أو
(ههههههههه) علي بوست..
ورطتك و طفشتك بعييييييييد
أعمل حسابك وانتبه ل تصرفاتك
وخلي عندك ( خطوط حمراء ) في حياتك ماتبقى زول ماشي ساااااااي مع الزفة.
..
دمتم معافين من ميتة القلب


الأستاذ.مصطفى محمد عبد الدائم " شكوكو "
( حفظه الله ) .

،،،،،،،





***
منقول من صفحة الفيس بوك ،
للداعية الإسلامي الشيخ مصطفي محمد عبد الدائم ،
( حفظه الله ) .

،،،،




عزالدين عباس الفحل
ابوظبي