بمناسبة سلاف ومهرجان السينماء

12:24 PM August, 31 2016

سودانيز اون لاين
عبدالحفيظ ابوسن-no where
مكتبتى
رابط مختصر

داير طلب من الاعضاء لو سمحو
عندنا سينماء كوستي الاهلية كانت سينماء ومسرح . تحولت لاكشاك ودكاكين
سينماء منيب تحولت لخرابة
مافي ولا سينماء واحدة في كوستي
ف شنو
بقية الاعضاء هل السينماء شغاله عندهم ولا وقفت

اب سن ازيك
غايتو في القضارف اتقلبت دكاكين
تحياتي

الحبيب أبوسن .. مودتي ..
في دنقلا .. سينما عمر وهو ( والد اللواء فتحي عمر أبوالحسن )
لم أستطيع أن احدد حتى مكانه القديم .. محلات ومنازل ومكاتب

ثم سينما قرشي .. وكانت حديثة بمقياس ذلك الزمان .. لوج ، إسكوب .. إلخ
لا أثر له على إطلاق ولا حتى أطلال ..

مودتي أبوسن ..

عبدالحفيظ ابوسن





سلام أخوي أبو سن ،
ياخي الناس تركت السينما زمااااااان ،
ظهر البديل ،
الشباك العنكبوتية ،
إحترامي ،


،،،،،،،







عزالدين عباس الفحل
ابوظبي

'
سلام عليكم حفيظ ... طيب ما دام دور السينما في السوددان لحقت امات طه

والحياة ذات نفسها بقت فيلم تراجيدي ، تضحكك وتبكيك صباح ومساء ... طيب

لزوم المهرجانات دي شنو ؟!

(سيما اوانطة ... هاتوا فلوسنا)

دي السينما الجمهورية بعطبرة كانت مهوى العاشقين وتجمعهم لحضور الأفلام الهندية (من أجل أبنائي ) زمن دهرمندرا وأميتاب باتشن وأمجد خان وهيما ماليني وشامي كابور والأفلام المصرية .. أما الآن فقد أصبحت دمن وأطلال وهياكل أثرية .


http://up.arabseyes.com/http://up.arabseyes.com/ http://games.arabseyes.comhttp://games.arabseyes.com[COLOR="Mintcream"" />العاب

الاعزاء
يوسف طه
علي عبدالوهاب
عزالدين الفحل
حمد ابراهيم
الهادي الشغيل
شاكرا لكم تفضلكم وردكم
يعني دور العرض اصبحت اثرا بعد عين
طيب لي شنو القومة والقعدة والصرف والعزومات
ماذا يوجد خلف المهرجان من فساد
من دعي له
وكم الذي صرف فيه من خزينة الوطن المتهالكة

حبيبنا أبوسن .. مودتي ..
التكنولوجيا أحدثت تغيير في أذواق الناس وعاداتهم وهواياتهم وإهتماماتهم .. إلخ
اليوم .. الجماعة في مصر ناس عادل أمام وشلته وحتى الممثلين الجدد كلهم عاطلين
لا مسرح لا سينما .. والمسلسلات بقت هندية وتركية .. ألخ
الغناء فقط .. كمان بقوا خليجيين ..
حتى الاناشيد لثورة مصر غناها ( الاماراتي الجسمي )
مودتي .. أبوسن .. معليش وجهنا البوست لمسار آخر..
شوف ناس أمريكا وأوربا يمكن عندهم الجو مازال زي زمان

سينماء منيب تحولت لخرابة
مافي ولا سينماء واحدة في كوستي
ف شنو
بقية الاعضاء هل السينماء شغاله عندهم ولا وقفت
---------------------------------------------- انتهى الاقتباس

تحياتى ابوسن

منذ بداية مجيئها عملت الانقاذ على منع العروض السينمائية واغلقت مؤسسة الدولة للسينما وبدأت دور السينما فى اغلاق ابوابها
وذلك لتوجه الدولة فى تجييش المواطنين وقودهم الى اتون حروب خرج منها الشعب خاسرا كل شئ ..
وكانت السينما فى السودان مصدرا هاما من مصادر الثقافة فى فترة السبعينات والثمانينات من القرن الماضى ..
واذكر تماما اننى كنت اذهب مع اصدقاء العمر الى دور السينما فى الخرطوم ( النيل الازرق - كلزيوم - الوطنية غرب جنب استاد الخرطوم )
دائما ايام الخميس ( الدور الثانى ) وكنا ننتظر مغرمين بمشاهدة افلام الكابوى .. والله يا ابوسن انتا هيجت فينا الذكريات ..

فعلا يا علي تراجعت السينما مع وجود شاشات البلازما والال سي دي . مافي خلاف لكن الافلام شغالة
وقت نحن قفلنا السينما وحاربناها لزومو شنو لي مهرجان سينما وقومة وقعدة

فعلا علاء لنا ذكريات عذبة مع السينما . وهي حقيقة اضافت لنا

.
.
.
سلام ابو سن وضيوفه


فعلاً لا لزوم لهذا المهرجان لانه وببساطه ما عندنا حتي انتاج للافلام نفسها
وان وجد فهي محاولات فرديه

دور السينما اغلقت في جميع مدن السودان واصبحت اكشاك ودكاكين
لانه وببساطه الدوله ومنذ قدوم طائر الشؤم الانقاذ عملت علي محاربة الثقافه
بكامل اوجهها ومن ضمنها صناعة السينما وما يتعلق بها

نجي للسؤال المهم موضوع بوستك هذا

لزوم المهرجان شنو ؟؟؟؟؟


لزوم المهرجان مأكله وسرقه لأموال محمد احمد المغلوب علي امره
ومفيش حد احسن من حد

ميزانيه ترصد للزوار من خارج السودان وتذاكر طيران وحجز فنادق
وبلاوي زرقاء علي قول المصريين
لجان للمهرجان وسف ولغف لما يرصد تحت بند ميزانية المهرجان
هذا هو لزوم مهرجان السينما في السودان

ينطبق عليه المثل السوداني البلدي

شملة بت كنيز التلاتيه وقدها رباعي

مقاس الشمله ٣في ٣
فيها خرم مقاسه ٤في ٤

لا وجود للشمله من اساسه
.
.
.
.
.
.
شعب عملاق يتزعمه اقزام
.
.
.

ابراز الوضع وكان الامور باسطة وطبعا هي للطبقة المخملية والتي ظهرت في عهد هذا النظام
طبقة بعيدة كل البعد ومغايرة تماما عن الشعب .. سيارات فارهة و ( لبس ) ومجوهرات من
ارقي البيوتات العالمية ... المهرجان ليس لع علاقة ب محمد احمد لا من قريب ولا من بعيد
وهو في الاساس ارضاءا للاجانب .. النادي الذي اقيم فيه لا تصدق انه في السودان .
وطبعا فيهو هبر ولبع وسرقة تقيلة حيث تقف وراءه تماسيح ( غلاد ) وكبار جدا .

ابو سن .. سلام لك ولضيوفك الكرام

منظر محزن يا بشير
اغلاق كل الدور وتحويلها لاكشاك ودكاكين
والسؤال المهم
لماذا؟
ماذا وراء هذا المهرجان
فكرة من
كم كلف خزينة الدولة
اسئلة بالتجربة تقول ان وراء الامر متنفذ ومستفيد

يا منتصر في دولة يجأر مواطنيها من انعدام المياه في ناس عندهم حمامات سباحة
شوال السكر خمسين كيلو امس بي خمسمية وخمسين ج اعلي من الحد الادني للاجور
عربات لافه سعرها يفوق المليون ج ولا قول مليار قديم
وفي نفس الوقت في بيوت متواضعة لبسطاء الناس يتم تكسيرها
في ناس بطبخو جلد الراس وبحاتات الجداد
واهو في مهرجان للسينماء مع انو ماعندنا سينماء وغزل في توب ممثلة ومعظم نساء السودان غلبهن يشترن تياب .. عباية واحدة سوداء وتحتها ملابس البيت وطرحة

تحياتي يا ابسن
عليك الله شوف مداخلة الشغيل دي حقت زول منفتح على الحياة وحتى حكاويه اصلا ما مفروض يكون وهابي بس كلو من ود المسلمي و شيخ عمدة بشتنوا بالراجل ههههههههه ...
-----
نحن في سنار احمد عباس باع السينما وباع كل الميادين كان قاعد لي هسي كان باعنا نحن زاتو هههه

Quote: عليك الله شوف مداخلة الشغيل دي حقت زول منفتح على الحياة وحتى حكاويه اصلا ما مفروض يكون وهابي بس كلو من ود المسلمي و شيخ عمدة بشتنوا بالراجل ههههههههه ...

هههههههههه ... يا رررراجل

التحية ليك وللمسلمي وللعمدة ولأبي سن مفترع هذا البوست .
علي دفع الله خليك حلو عشان أحبك

سينما المناقل .. تم احاطتها بالمحلات وأكشاك الاتصالات والمقاهي

قبل شهرين تم هدمها كلياً وتوزيعها محلات تجارية

وعلى ذلك قس

غايتو تبحت كدا يوم بتكتل ليك مثقفاتي

مودتي

لحين ميسرة

مرحبا علي دفع الله
اخونا الشغيل ابن عطبرة رجل سوداني اصيل
لكل مقام مقال

غايتو يا احمد عمر موضوع الكود ما ظبط معاي

يظبط معاك بالقالو ود اب سن😅😅

فعلا بشير
يبقا عليهم قول من قالوا
يا شملة كنيز الواسعة هي تلاتية وقدها رباعي
محض خرافة

ههههه
لسة متذكر اتا

ابو سن سلامات ....
هم ارداو قتل السينما والان جاء دور المسرح

اي سينما فى السودان توقفت ...

زمان فى الجرائد كان بيقول ليك اين تسهر هذا المساء

سينما الفاشر كذلك لحقت امات طه من زمان