خريجو جامعات لا يعرفون التعامل مع الكمبيوتر !

03:18 PM August, 26 2016

سودانيز اون لاين
مصعب عوض الكريم علي-
مكتبتى
رابط مختصر

من الاشياء التي يرثى لها ان الجامعات السودانية لازالت تخرج خريجين من مختلف التخصصات لا يعلمون شيئاً عن الكمبيوتر !! على الرغم من ان هذه الجامعات بها معامل وقاعات مجهزة باجهزة الكمبيوتر .
الدول المتقدمة عندما تفتح مجالا محددا للدراسة يكون ذلك في سبيل رفد سوق العمل الخارجي بهذه التخصصات .. مثلا الفلبين تجد الملايين من الممرضات واصحاب المهن الطبية المساعدة منتشرون في مختلف دول العالم لكن وفق لامعايير تدريبية عالية جدا ..
جامعاتنا تخرج الالاف دون ان تكون الدولة في حاجة الى خدماتهم .. ومع ذلك عندما يهاجروا الى الخارج ينقصهم التدريب الجيد .
المشكلة دي كثيرة جدا .. اعرف اشخاص فقدوا وظائفهم للاسباب التي ذكرتها .

من بين كل المحن السودانية
ما في محنة (بتبكي بالجد) زي دي
ما في إختراع مفيد لك الناس
وخاصة الفنيين والحرفيين والمهنيين والباحثين وناس العمل الذهني
زي الكومبيوتر
وما في آلة سعرها رخيص (مقارنة بما تؤديه ) زي الكومبيوتر

ما قادر أصدق أن طالب هندسة ولا محاسبة ولا إحصاء لا يستعمل الكومبيوتر
(كان قلت الكلام دا للناس في أمريكا حيضحكوا عشرة أيام)

عربية برادوا واحدة من عربات الوزراء ال 77
(كل وزير له اكثر من ثلاثة عربات)
بتعمل 50 معمل كومبيوتر
كل معمل فيه 20 كومبيوتر
إذا المعمل إشتغل 20 ساعة في اليوم
فدي 400 ساعة كومبيوتر
يعني 400 طالب في اليوم كل واحد ياخد ساعة
يعني كل المعامل دي بتدي 20000 ساعة في اليوم
يعني تقريبا كافية لأن يتعلم غالب طلاب الجامعات السودانية الكومبيوتر

شوفتوا كيف المحن السودانية مضحكة ومبكية
وشوفتوا كيف وليه نحن متخلفين ؟؟؟؟؟

فعلا محنة سودانية مضحكة ومبكية في نفس الوقت ..
طبعا البعض قد لا ينتبه لهذه المشكلة ..
الجامعات السودانية يوجد بها معامل وقاعات مزودة بالاجهزة .. لكن اذا ما كنت بتدرس كمبيوتر فلا مجال للدخول الى معمل الكمبيوتر !
واحد خريج جامعة وجدنا له فرصة للعمل بالسعودية في مهنة ادارية تتطلب ان يكون ملماً الماماً تاماً بالكمبيوتر .. لما سألته قال لي : لا اعرف كمبيوتر!
انا عايز اعرف العالم دي ح تشتغل كيف وح تطور نفسها كيف ومتى ؟

"الجامعات السودانية يوجد بها معامل وقاعات مزودة بالاجهزة .. لكن اذا ما كنت بتدرس كمبيوتر فلا مجال للدخول الى معمل الكمبيوتر !"

هل من الممكن فرض رسوم معقولة
لكل من يريد إستخدام الكومبيوتر
ولماذا لا يدرس جميع الطلاب الكومبيوتر
كورس واجد كفاية والباقي معرفة بتكتسب بالممارسة والإظلاع الخااص

سلام
المسالة لو بقت كمبيوتر ساهلة
لو الزول مجضم التخصص بتاعو الكبيوتر تدريب بسيط بظبط بالنسبة للعمل غير المتكنلج خالص

اعتقد ارباب العمل ممكن جدا يوفرو فرص تدريب تاهيلية

كورسات الكمبيوتر تدرس في الجامعات السودانية بس المشكلة الممارسة مفقودة تماما وسوق العمل في السودان لا يتطلب ذلك و يعتمد علي نظام متاخر لذلك ممكن جدا الكادر يكون متاخر

اظن والله اعلم الجامعات السودانية لا تستهدف سوق عمل من الاساس يعني الفكرة من الجامعات رفد المجتمع بعطالة من ذوي الشهادات

(قال واحد بسرح بغنم ناس الحلة اجتمع اصحاب رؤوس الضان والغنيمات عشان يعملو ليهو اجر فاتفقو علي خمسين جنيه الكلام دا ٢٠٠٣ بعد ادهو خبر الراجل احتج وقال للجماعة انتو قايلني استاذ حرم خمسين سخل واحد ما بسيقو بيها موية من الزير )
التحية للراعي وكل التقدير والاحترام للاستاذ
تحيا الحيكومة ويموت الشعب




ودوورد

من الاشياء التي يرثى لها ان الجامعات السودانية لازالت تخرج خريجين من مختلف التخصصات لا يعلمون شيئاً عن الكمبيوتر !!
على الرغم من ان هذه الجامعات بها معامل وقاعات مجهزة باجهزة الكمبيوتر
ــــــــــــــــــــــــــــــــــــــــــــــــــــــــــــــــــــــــــــــــــــــــــــ

الأخ مصعب
لك الود والتحايا الطيبات
أعتقد أن المسألة ليست مسألة جامعات وإنما المسألة تتعلق بنظام تعليم كامل يبدأ منذ
المرحلة الأولية للتعليم ويكون مرتبطاً ببعضه البعض في تطوير الإنسان (رحم الله
المستر قريفس ورحم الله عبدالرحمن علي طه) .. في العام 2000 عند أول قدومي
للسعودية شعرت بضرورة الإلمام ببعض علوم الكمبيوتر الذي كنت أجهله تماماً
وتحديداً مايتعلق بجرائم الكمبيوتر .... قادتني تلك الضرورة لتعلم اللغة التي يعمل
بها الكمبيوتر من الداخل String Data وشرعت في البحث عنها بطريقة ذاتية .. فعثرت
في النت على درس كتبه أحد الهكر وعنما وصل إلى النتيجة كتبها بلغة الداتا وأضاف
عليها عبارة (إن لم تستطع قراءة هذه الجملة فاذهب إلى إحدى رياض الأطفال لتعلم
قراءة مثل هذه العبارات) استفزتني هذه الجملة وتوقفت عند هذا الحد لاتفاجأ بعد شهور
عديدة بالعثور على منهج دراسي أمريكي لأحد سنوات الدراسة في المرحلة الثانوية
وتم فيه شرح لغة الداتا بطريقة مبسطة جداً فهمتها على التو دون معاناة .... فإذا كان
طلبة الثانوي يتلقون هذا المستوى من الدراسة للكمبيوتر فما بالك بالمراحل الجامعية ..
مع ودي وتقديري ,,,,

انا في اعتقادي المسالة ليس لها علاقة بالجامعات كما تفضل البعض، حاليا المعاهد والمراكز التعليمية مفتوحة وبأسعار زهيدة .
المشكلة تكمن في الممارسة ..
الان أي طالب تجده يحمل جهاز جوال في يده ، واي جوال موجود ومتوفر به انترنت .. والتعليم ليس صعباً .

انا درست الكمبيوتر قبل دخولي الجامعة في العام 1999م ، جامعة جوبا كان لديها مركز في العمارات شارع 53 ، درست فيه ستة شهور . وبعدها بالممارسة استطعت ان اتعرف على اشياء لم ادرسها في المركز .

هنالك دروس مشروحة بالصور لأي موضوع على الانترنت .. فقط عليك البحث عن الشي الذي تريده .

سبب كتابتي للموضوع :
قابلني احد السعوديين وهو يحتاج الى شخص من السودان يشتغل عنده في وظيفة مكتبية وسكرتارية .. واعطاني تأشيرة مجان .. انا قلت الاقربين أولى بالمعروف .. تحدثت مع قريبي هو خريج كلية التربية .. قال لي لا اعرف كمبيوتر !
قلت له الان اذهب الى أي معهد كمبيوتر وادرس لمدة شهر .. الراجل درس مدة شهر في المعهد وقال لي انا انتهيت من الكمبيوتر واسطعت ان اعمل عليه بنسبة 100% !!
قلت له : تعرف ترسل ايميل ؟
قال لي : ما بعرف لاني ما درست الانترنت !!
قلت له : انت حاليا بتتكلم معاي من شنو ؟
قال لي : بالواتس ..
طيب الواتس ده شغال بي شنو ؟ مش شغال بالانترنت ؟
الانترنت انت تحمله من سنين لكن لا تستخدمه الاستخدام الأمثل !!

تحية لكل من مر من هنا و عبر
تحية للصديق حيدر و العزيزة منى
الحديقة دي كانت دعوة من جانبي لمناقشة ظواهر
منفلتة و فيها تحدي للشارع العام اكتر من انها
مسألة تابلويد او تدخل في الحريات الشخصي
بل العكس نحن امام امراض اجتماعي وصلت حتى الجامعات!

تحية لكل من مر من هنا و عبر
تحية للصديق حيدر و العزيزة منى
الحديقة دي كانت دعوة من جانبي لمناقشة ظواهر
منفلتة و فيها تحدي للشارع العام اكتر من انها
مسألة تابلويد او تدخل في الحريات الشخصي
بل العكس نحن امام امراض اجتماعي وصلت حتى الجامعات!

تحية لكل من مر من هنا و عبر
تحية للصديق حيدر و العزيزة منى
الحديقة دي كانت دعوة من جانبي لمناقشة ظواهر
منفلتة و فيها تحدي للشارع العام اكتر من انها
مسألة تابلويد او تدخل في الحريات الشخصي
بل العكس نحن امام امراض اجتماعي وصلت حتى الجامعات!

المعز ادريس

شكرا لمرورك من هنا .. لكن على ما اعتقد مشاركتك ضلت طريقها الى هنا

الأخ العزيز .. مصعب .. لك التحية ولمرور الكريم ..


ردآ علي :

Quote: من الاشياء التي يرثى لها ان الجامعات السودانية لازالت تخرج خريجين من مختلف التخصصات لا يعلمون شيئاً عن الكمبيوتر

يا مصعب تطلعاتك فعلآ ضخمة جدآ بلد ابسط مقومات الحياة
الكريمة منعدمة تمامآ كمان بتطالب بي كمبيوتر ؟
قول ليك كلام قبال كم سنة رسلت لي ناس بيتنا كمبيوتر حديث قلت عشان
عندنا كمية من الخرجين في البيت واختي برضو رسلت لابتوب لما مشيت
اجازة بعد فترة احتجت للكمبيوتر قلت ليهم وين الكمبيوتر يا مصعب جابوهو
لي مدمدم وعجاج الدنيا والعالمين في القماش المدمدم بيهو قلت ليهم دا شنو
قالوا لي دا الكمبيوتر ! قلت ليهم لي مدمدمنو زي دا قالوا لي شوفتنا ليهو لما
رسلتيهو هههههههههههههه ! قلت ليهم لي قالوا لي ما قاعدين نستعملوا ولا
عندنا انتر نت ثابت اساسآ !!!! دي بلد دايرة لخ وعجن من اول عشان ينصلح
حالها !

وبعدين الاهم من الكمبيوتر تصدق في خرجين كتار ما بعرفوا يكتبوا لغة عربية
ولا يناقشوا بصورة جديرة بالنقاش ؟ وركيكين جدآ وجهلة من كل النواحي !

كنت بفتش لي بوست حق معز فيهو لافتات احتفالية انقاذية مكتوب فيها ( الاستغلال )
طبعآ قاصدين ( الاستقلال ) هههههههه وكلمة تاني نسيتها مكتوبة خطأ ههههههههه
وهذا هو التعليم في السوداني اخي وضاح وعلي الارض السلام ...

لك وافر الشكر .. وربنا يحقق ليك جميع الاماني ونحن معك في عهد اجمل .

ودمت ,,,

سلامات الاخت منى

الحكاية ما تطلعات كبيرة .. الحاجات دي بسيطة جدا حتى ما محتاجة حاجة .

الأخ مصعب ,, صباح الخيرات ,,

Quote: الحكاية ما تطلعات كبيرة .. الحاجات دي بسيطة جدا حتى ما محتاجة حاجة .

في وضع زي دا فعلآ تطلعات , دولة ميزانية التعليم 1% فكيف نرجي
منها تدريس بكمبيوتر ؟
فعلآ هي بالنسبة ليك ولي اي الكمبيوتر حاجة ساهلة جدآ لاننا في دول ..
ما بتتعامل الا بالكمبيوتر عشان كدا بنستغرب في دولة زي السودان
لسه متخلف . تصدق يا مصعب انا من سكان امدرمان للحظة دي !!!!
ناس بيتنا بشتروا الانترنت بالكرت !

ولك الشكر يا مصعب ,,

ومعذرة اذا فهمت تطلعات دي بطريقة تاني .

لا لا العفو يا اخت منى ..
كلامك صحيح .. بس انا اقيس دائما بمقياس الدول اللي عايشين فيها نحنا ، لذلك قلت دي ما تطلعات .

نحنا نتطلع الى وضع افضل بالتاكيد .

تحياتي لصاحب البوست وضيوفه الكرام
اسمحو لي احكي القصة دي
احد الاصدقاء جاء من السودان بعد ان تخرج من احدى كليات الحاسب الآلي وهو حاصل على شهادة بكالريوس في الحاسب الآلي
المؤسسة التي اعمل فيها ظهرت فيها فرص وظيفية لمدخلي بيانات
كلمت صديقي دا وانا بغاية الخجل انه في فرصة مدخل بيانات وانا عارف انه الفرصة دي ما بتليق مؤهلات واحد زيك لكن رأيي انك تدخل فيها لغاية ما ربنا ييسر حاجة تليق بمؤهلاتك
رحب صديقي بالموضوع وقال لي ما عندي مشكلة اشتغل اي حاجة
قدمت ليه من ضمن المتقدمين وانا كنت واحد من الممتحنين ، ومن ضمن الامتحانات امتحان في الكمبيوتر لمعرفة قدرة المتقدم لإدخال البيانات على الكمبيوتر
اعتبرت الامتحان دا اسهل امتحان لصديقي باعتبار انه كل المطلوب منه ادخال بيانات على برنامج معد سلفا
وكنت متوقع من شخص متخرج من كلية حاسب آلي انه يكون عنده القدرة على تصميم البرنامج نفسه مش مجرد ادخال بيانات فيه
تخيلو
صديقي دا رسب في امتحان استخدام الحاسب
من فتحه لغاية فتح برنامج الوورد لغاية كتابة جملة بسيطة وطباعتها لغاية فتح البرنامج المعد سلفا لغاية ادخال بيانات فيه
وانا الكنت خجلان انه مقدم ليه في وظيفة ما متناسبة مع مؤهلاته وانه مؤهلاته اعلى من الوظيفة
قلت ليه معقولة بس خريج كلية كذا للحاسب الآلي وما بتعرف تكتب في الوورد
قال لي بصراحة انا قريت نظري بس لكن اول معرفة لي بالاستخدام الفعلي للحاسب كانت هنا

حكى لي احد الاشخاص وقال لي انا اعمل مترجم في مؤسسة مرموقة جدا ، وطلبوا مني ان احضر لهم مترجم سوداني ليعمل في المؤسسة . يقول لي ان احد الأشخاص حكى له عن شخص خريج آداب لغة انجليزية .. قال قلت له يحضر بكرة لإجراء المعاينة .
قالي لي جاءني الشخص مهندم ولابس بدله مرتبة جدا .. قال ناولني السيرة الذاتية وقال هذه (الفي سي) حقتي !! يقصد السي في !!
قال : استلمت منه الأوراق وقلت له سنتصل بك !
ياخ لا يعقل هذا الكلام ابداً .

دي جديدة تماما يا أحمد الشيخ
"قلت ليه معقولة بس خريج كلية كذا للحاسب الآلي وما بتعرف تكتب في الوورد
قال لي بصراحة انا قريت نظري بس لكن اول معرفة لي بالاستخدام الفعلي للحاسب كانت هنا"
تعرف دي زي واحد مقدم لوظيفة سواق
يقوموا يقولوا ليه ديك العربية أمشي سوقها
يقوم يقول وأنا درست السواقة نظري بس

يبدو أن المشكلة في التعليم في السودان كبيرة بالجد
وكلام مني صاح إذا كان كل المدخور للتعليم ما أكثر من 1 في المية ؟؟؟؟
في ميزانية المدخور فيها للقصر أكثر من 16 في المية

انت فى الكمبيوتر ولَّا فى العربى فى عضمه.
واحدة كتبت فى صفحتها فى الفيسبوك مايلى:
بركولى شلونى جامعت الخرتوم ,, قيسيم لوغاء عربيا.
ولا طلبة الجامعة الواحد يكتب ليك (إزيَّك) هكذا:
اذيك.

السلام عليكم . جميعا . صاحب البوست وضيوفه الافاضل.

فعلا ده حال البلد المايله . ودي افرازات حكومة السجم دي طوال 27 عاما.

لم تذكروا موقف واحد مشرفا لنا ، في المواقف اعلاه .. لذا ساحكي لكم موقفي الشخصي
:

لدي ابن عمره 13 سنه ، واخته اصغر منه بخمس سنوات وهو ( البكر ) .
يدرس في السودان في احدي المدارس الحكومية ، وبحكم بعدي عنهم ( لظروف السودان المعروفة ) والمختلفة ، كنت اتابع معهم هاتفيا ، واجازات سنوية ، اتواجد معهم . بصفة دورية ، ثابتة
ودائما ، كنت اطلعه هو واخته ، علي الكومبيوتر ، والبرامج التي يحويها ، واحاول ان ارغبهم فيه ، وارشدهم لكيفية التحميل من اليوتيوب ، والالعاب ، ونزلت له بالتحديد ، العاب مختلفة مثل : IGI ، وهي لعبة ، قتال استراتيجي ، تصلح للصغار ، وللكبار . وغيرها من الالعاب ، كالشطرنج ، " يلعب ضد الكومبيوتر حتي المستوي الثالث " ( واصبح يهزمني في كثير من الاوقات ) ، وأنشأت له حساب في الفيس بوك ، واصبح خبيرا ، رغم صغر سنه .
المهم : اصبح لديه خلفية جيدة عن ذلك .

كانوا متواجدين معي في العطلة الصيفية الاخيرة ، في المملكة .
وهذا العام هو ممتحن ( في الصف الثامن ) .
فاصر ان اشتري له لابتوب .
وفعلا قمت بشراء جهازDell ، ( برنامج التشغيل ويندوز 10 ) .
وهذا الويندوز 10 بالمناسبة لم احبه اطلاقا ، فهو كالجوال كله ايقونات ، وله سوق خاص ، به برامج خاصة فقط بهذا الويندوز ، واغلب برامجه ، لا تعمل الا اذا كنت متصل بالنت ..
رغم معارضة والدته ، الا انه تم له مايريد . وحاولت ان اثنيه عن هذا الويندوز ، وان نذهب لنغيره ، فاصر عليه ، وقال انه يستطيع التعامل معه . ( وقد علمت لاحقا للاسف ان هذا الويندوز بحكم انه اخر اصدار ، لن تصدر مايكروسوفت ، اي اصدار اخر بعده ، ولن يعمل هذا الجهاز ، ، الا علي ويندوز 10. ..!!والمصيبة انك لاتسطيع العودة للوراء ، وتنزيل ويندوز اقدم في الجهاز ( 7 او اكس بي ) .


هو الان يراسلي بالايميل ( اوت لوك ) . ويستعمل الجهاز بكل سلاسة . ( رغم اني لم اطيق هذا الويندوز)

وما ارمي اليه من خلال هذه القصة الشخصية .

ان لانعتمد علي التعليم ( التقليدي في السودان ) ، ونحاول جاهدين اطلاع ابنائنا، وبناتنا ، اجيال المستقبل ، انه وبعد فترة ليست بالبعيدة ، اذا لم يكن احد يجيد الكومبيوتر ، يعتبر في اعداد الجهلة والمتخلفين ، ولن يفهم ماذا يفعل الناس الاخرون من حوله .
التعليم لدينا في السودان متخلف جدا ، وغير مواكب . ، ومايقوموا بتدريسه للطلبة هو مجرد ( حشو في الفاضي ) . وفي اخر المطاف يتخرج الطالب ، او الطالبة ، ( كالاطرش في الزفه ) .




أسف للاطالة . ومع احترامي للجميع ...