المعروف لديك عزيزي الشاب أن الرجل (المحمول) هو كثير العيال ، و لكن مالا تعرفه أن (الحمل) ليس شرطا أن يكون بالأطفال ، فقد (تنحمل) وانت لم تنجب غير طفل واحد وقد تنحمل وانت عريس جديد لنج وقد تنحمل وانت في فترة الخطوبة وقد تنحمل وانت في أولى ابتدائي .. هذه كلها احتمالات واردة للـ(انحمال) ، ولكن الثابت أن هناك مجموعة من الدلائل والقرائن التي تؤكد انك (انحملت) ، فاذا تعرضت لواحد أو أكثر من المواقف التالية فالحق نفسك، انت محمول ..
المصدر: نجر أبيض.
Post: #2 Title: Re: كيف تعرف انك اتحملت؟ Author: عمر التاج Date: 08-26-2016, 01:23 PM Parent: #1
1/ تفتش تلات ساعات في البيت وماتلقى مكان توصل فيه شاحن الموبايل. 2/ تقول لولدك جيب موية يا محمد ، فيقول لك أنا ما محمد يا ابوي، أنا أمجد . 3/ تكثر من استخدام برامج قفل التطبيقات في الموبايل. 4/ تحفظ عشرة أجزاء من أناشيد طيور الجنة. 5/ تغير جلابيتك تلاتة مرات في اليوم . 6/ تدس سفنجتك جوة غرفة النوم. 7/ تضاير اللابتوب في أعلى درج في الدولاب وتقفله بالمفتاح. 8/ تجد نفسك احيانا لابس شرابات مع السفنجة في الشارع. 9/ تتعمد دخول البيت بعد المغرب، ولا تدخل الا وأنت متسللا . 10/ تشاهد مباريات كرة القدم المهمة مع أصحابك وفي بيتك كرت بين اسبورت. 11/ تتواجد في سودانيز اونلاين اكتر من تواجدك في الببيت. 12/ قلت ثم ماذا؟ فقيل أخرى (تذكر) ...
ملحوظة: لاتخرج عزيزي القاري قبل أن تكتب رقم أو أرقام الإجابات الصحيحية .. فقد أهمل رجل التعليق فاصيب اصابة مزمنة بانتكاريا الحالة رقم ثمانية فوق، وخرجت امرأة متزوجة حديثا من غير أن تكتب عن البند رقم 12 فطلقها زوجها وطرد معها أطفالها العشرة
Post: #3 Title: Re: كيف تعرف انك اتحملت؟ Author: عمر التاج Date: 08-26-2016, 09:16 PM Parent: #2
الغريب في الأمر أن الأنثى هي التي تلد ووالذي ينحمل هو الرجل ولم أسمع في حياتي بان فلانه محمولة.
Post: #4 Title: Re: كيف تعرف انك اتحملت؟ Author: حمد عبد الغفار عمر Date: 08-26-2016, 09:25 PM Parent: #3
أضيف ليك واحدة يا عمر
لما تتفوق الرغبة في النوم على الرغبة في الصحيان
تحياتي
Post: #6 Title: Re: كيف تعرف انك اتحملت؟ Author: عمر التاج Date: 08-28-2016, 07:08 PM Parent: #4
مراحب اخونا حمد ..
Quote: أضيف ليك واحدة يا عمر لما تتفوق الرغبة في النوم على الرغبة في الصحيان
قصدك الساكتين المروا من هنا ديل كلهم ممكونين وصابرين؟
طبعا في عادة النوم التقيل دي في جماعة (بتناوموا) قبل ما ينوموا .. أها ديل فوق الحمل زايدين شوية.
Post: #5 Title: Re: كيف تعرف انك اتحملت؟ Author: almulaomar Date: 08-28-2016, 03:06 PM Parent: #2
عمر في بلادي الكائنه الناس صنفين يا محمول يا لاب توب معذرة يا حرامي ، والمحمول صنفين يا بدفع التمن ويا كمان بعاين بي عيونو والبعاين بي عيونو غير معني بالأمر لأنه يجسد المثل القائل العين بصيرة ، والمحمول البدفع التمن برضو نوعين يا نقاق وشكاي وبكاي ويا كمان بسردب ويشيل فوق الدبر ما بميل وياكلها في حنان حنانو. أها دي وجهة ظري في القضية
نجي للعلامات الفارقة أي تفتيش يزيد عن 5 دقائق ده بدخل صاحبو في حته الزهايمر بدرجاته المتفاوته فكلما طالت المدة أضحت الحالة المرضية متأخرة جدا ، أها بي كده كثير من الناس المحمولة والحرامية بتفتش ربما وما تلقى البتفتش ليهو. تقول لولدك جيب موية يا محمد ، فيقول لك أنا ما محمد يا ابوي، أنا أمجد .عادي برضو خرف مبكر مهما كان عمرك فكل ما كان عدد العيال في الأسرة كبير كل ما طال إنتظار المنادى لأنه ممكن يرص ليك خمسه أسماء قبل أن يقول إسمك. التالته دي تدخل في حيص التكنلوجي وبيصه فلا علم لنا تحفظ عشرة أجزاء من أناشيد طيور الجنة. (Pass) 5/ تغير جلابيتك تلاتة مرات في اليوم .ههههها تلات مرات يا مفتري هي جلابيتين واحده لابسه وواحده زرارتا مقطوعه يعني بتوديك لغاية الدكان بالكثير. تدس سفنجتك جوة غرفة النوم. "إنت شكل عايش في زمن جاي وزمن لسه. يا أخي أوضتنا دي مدفوسه لي السقف وكمان الضيوف ما يدوك الدرب وكثيراً ما تجبر على ممارسة (أحسنوا النية أحسن الله إليكم) نوم الديك في الحبل. تضاير اللابتوب في أعلى درج في الدولاب وتقفله بالمفتاح. (No comments) تجد نفسك احيانا لابس شرابات مع السفنجة في الشارع. (دي ما فيها حاجه وممكن تكون فاشيون) تتعمد دخول البيت بعد المغرب، ولا تدخل الا وأنت متسللا .(مطلوبة إستفاضه عشاان أعرف أجاوب) تشاهد مباريات كرة القدم المهمة مع أصحابك وفي بيتك كرت بين اسبورت. ديل بإعتبار الذين عندهم كروت نحن الريسيفر زاتو بطل يستقبل عدا عن تعدد خيارات المشاهدة في البيت فكل ما غادرت وشفت الكوره بره يكون أحسن بالنسبة لبقية أفراد الأسرة فالكثيرين بيكرهو الكورة وخاصة السودانية بما فيها من جماليات وإخراج ووعثاء وكآبة وسوء وهلم. تتواجد في سودانيز اونلاين اكتر من تواجدك في الببيت. (هها وينو النت) قلت ثم ماذا؟ في الأخيرة دي أقول ليك وإن عدتم عدنا
Post: #7 Title: Re: كيف تعرف انك اتحملت؟ Author: عمر التاج Date: 08-28-2016, 07:24 PM
مرحبتين بالملا .. هلا وغلا..
Quote: في بلادي الكائنه الناس صنفين يا محمول يا لاب توب معذرة يا حرامي ، والمحمول صنفين يا بدفع التمن ويا كمان بعاين بي عيونو والبعاين بي عيونو غير معني بالأمر لأنه يجسد المثل القائل العين بصيرة ، والمحمول البدفع التمن برضو نوعين يا نقاق وشكاي وبكاي ويا كمان بسردب ويشيل فوق الدبر ما بميل وياكلها في حنان حنانو.
للاسف الحمولة عندنا في سوداننا خفيفة في الاسلاك .. تقيلة على الاعصاب والجيل بتاعنا ده - جيل الشباب- حاملين الفوق لينا والتحتنا ، لأننا مرحلتنا جات مفصلية ما بين (الابوات) البنتظرو اولادهم يبنوا معاهم بيتهم.. والاولاد المنتظرنها جاهزة.. جيل المحمولين الاوائل وحاملين اللابتوب .. حلوه اللابتوب دي منك..
Quote: فنجي للعلامات الفارقة أي تفتيش يزيد عن 5 دقائق ده بدخل صاحبو في حته الزهايمر بدرجاته المتفاوته فكلما طالت المدة أضحت الحالة المرضية متأخرة جدا ، أها بي كده كثير من الناس المحمولة والحرامية بتفتش ربما وما تلقى البتفتش ليهو. تقول لولدك جيب موية يا محمد ، فيقول لك أنا ما محمد يا ابوي، أنا أمجد .عادي برضو خرف مبكر مهما كان عمرك فكل ما كان عدد العيال في الأسرة كبير كل ما طال إنتظار المنادى لأنه ممكن يرص ليك خمسه أسماء قبل أن يقول إسمك. التالته دي تدخل في حيص التكنلوجي وبيصه فلا علم لنا تحفظ عشرة أجزاء من أناشيد طيور الجنة. (Pass) 5/ تغير جلابيتك تلاتة مرات في اليوم .ههههها تلات مرات يا مفتري هي جلابيتين واحده لابسه وواحده زرارتا مقطوعه يعني بتوديك لغاية الدكان بالكثير. تدس سفنجتك جوة غرفة النوم. "إنت شكل عايش في زمن جاي وزمن لسه. يا أخي أوضتنا دي مدفوسه لي السقف وكمان الضيوف ما يدوك الدرب وكثيراً ما تجبر على ممارسة (أحسنوا النية أحسن الله إليكم) نوم الديك في الحبل. تضاير اللابتوب في أعلى درج في الدولاب وتقفله بالمفتاح. (No comments) تجد نفسك احيانا لابس شرابات مع السفنجة في الشارع. (دي ما فيها حاجه وممكن تكون فاشيون) تتعمد دخول البيت بعد المغرب، ولا تدخل الا وأنت متسللا .(مطلوبة إستفاضه عشاان أعرف أجاوب) تشاهد مباريات كرة القدم المهمة مع أصحابك وفي بيتك كرت بين اسبورت. ديل بإعتبار الذين عندهم كروت نحن الريسيفر زاتو بطل يستقبل عدا عن تعدد خيارات المشاهدة في البيت فكل ما غادرت وشفت الكوره بره يكون أحسن بالنسبة لبقية أفراد الأسرة فالكثيرين بيكرهو الكورة وخاصة السودانية بما فيها من جماليات وإخراج ووعثاء وكآبة وسوء وهلم. تتواجد في سودانيز اونلاين اكتر من تواجدك في الببيت. (هها وينو النت) قلت ثم ماذا؟ في الأخيرة دي أقول ليك وإن عدتم عدنا
Post: #8 Title: Re: كيف تعرف انك اتحملت؟ Author: الصادق عبدالله الحسن Date: 08-28-2016, 10:07 PM Parent: #7
=
Quote: ولم أسمع في حياتي بان فلانه محمولة
إن استمعت لهذا الفيديو .. فسوى تكتشف أن هذه الفلانة التي تحمل فوق كتفها قميصاً بـ"اللون البمبي" وتتحدث في واجهة هذا الفيديو محمولة – هي وضيفها - بأقوى أنواع التحاميل المهبلية والشرجية.
وإن تحملت صبر أيوب يا عمر ووصلت إلى نهاية الفيديو فسوف تكتشف أن السيدة (هيلاري كلينتون) هي الأخرى كائن متحوِّل ومتحمل فوق ظهره كُتلة المريخ وصخور الزُهرة وأثقال الأرض.
أما ما لا تستطيع أعصابك أن تتحمل استيعابه يا عمر، فهو ذلك المدى من أحمال القاذورات التي ينوء بها الإعلام المصري وعصبته أولو القوة وذلك الدرك الأسفل من التدني والانحطاط والإهمال الذي بلغته (اُم الدنيا) وهي تحمل وتتحمل كل هذه التشوهات.
تحياتي لك وضيوفك وأنت تتأرجح بين احتمالاتك واحتلاماتك الوردية وتقود "برواقة" أحمالك وحملاتك الصليبية .. ... .. .
Post: #9 Title: Re: كيف تعرف انك اتحملت؟ Author: عمر التاج Date: 09-03-2016, 08:25 PM Parent: #8
هلا بيك اخونا الصادق .. وانت الصادق الاعلام المصري لا يحتمل ولا يختلف كثيرا عن حمل التحاميل الزفتية الانت ذكرتها ديك.. ولكن حمل الأعصاب ده فعلا حمل ثقيل .. وهو حمل من هو غير محمول بالعيال البشرية .. ولكنه محمول بعيال غنم ابليس
..